رواية ورد عبر روايات الخلاصة بقلم منة محمد
رواية ورد الفصل الثاني 2
•أنتِ إيه اللي جابك يا ريم
ـ إبه بلاش أطمن عليك؟ مش أنت خطيبي
•كنت كنا مخطوبين وخلاص
ـ يعني إيه خلاص وازاي اتجوزتها
•يعني خلاص وياريت مشفش وشك هنا تاني ولا ليكي علاقة بيا نهاااائي فاهمة
رزع الباب في وشها ودخل
'تلت خبطات على الباب'
_ نعم
•فتح الباب: على فكرة معرفش هي عرفت مكان البيت إزاي
_ هو أنا قولتلك تدخل؟؟
•بيرد بعجرفه: بيتي على فكرة أنا حر
_ اتفضل اخرج بالإضافة أني مش سألتك عنها
•أنا غلطان أني جيت أنا مالى بيكي أصلا
_ بتقلده بسخرية: أنا غلطان أنا مالي بيكي
• خبط المخده في وشها: قومي اتزفتي اعمليلي شاي
_ أنت بتشرب شاي أصلا؟
• ملكيش دعوة حبيته فاجأة أنتِ ماااالك هوووف
_______
"ورد"
قومت عملت الشاي وأنا مبتسمة لأني سمعته بيزعقلها ولأني عارفة أنه مبيشربش شاي أصلا بس هو من باب المناكفة وخلاص هيييييح يارب صبرني
_ الشاي يا هندسة
•بس أنا مبشربش شاي
_ برقتله بغيظ: مش حضرتك اللي طلبته وقولت مليش دعوة
•اههه نسيت معلش العظمة كبرت بقى تقريبًا
_ راسك مش معقوول دي طول عمرها كبيرة هتكبر أكتر من كده تروح فين
•غتاتة غتاتة متحركة ادخلى احبسي نفسك اجري
_ مين قال.. أنا؟ ولى احبس نفسي؟
سحبت الريمود منه وقلت: عندي برنامج تحفه متبعاه بعد اذنك كده اتزحزح شوية
•بصدمة: أنتِ مش شيفاني بتفرج على الماتش
_ إنه برنامجي المفضل اسكوزمي
•اسكوزمك؟!
_ هنفضل نتعجب كتير خد كوباية الشاي قبل ما تبرد
•شكرا مش عاايز
_خلاص اتفرج على البرنامج هتحبه
"قعد يتفرج على البرنامج معايا وكان لأول مره أشوفه بيضحك شوية يحاول يكتم الضحكة في الأوب وبعد شوية خلاص استسلم وضحك، قررت أقوم أعمل فشار وأجيب سناكس"
•تعرفي أن أول مرة أعمل كده
_ امممم ومش أخر مرة إن شاء الله
•بص ليها بصدمة: اممم.... ممكن اسألك سؤال
_ اتفضل
•إيه خلاكي توافقي عليا
_ كده
•احنا بنتكلم بجد
_ امممم... هي مرات بابا زنت على ودن بابا وأنا كنت زهقت فقولت خلاص وأهو اخلص منها ومن القرف
• هي كانت مزهقاكي؟
_ عينها دمعت ومر عليها شريط حياتها: مزهقاني بس؟؟ أنا عمري ما هسامحها أمي ماتت من القهرة بسببها واحدة مش نضيفة من جواها بتكره أي حاجة في إيد غيرها وبتحقد عليه بالعافية قاومت وكملت في كليتي اللي هي كانت رافضه تخليني اكمل دايما معاملة زي النيلة ودايما تقلل مني قدام اي حد يجي يزورنا معرفش لى بتعمل كده
• طب خلاص طيب متعيطيش باللّٰه طب اهدي، مش بعرف أواسي حد والله طب اجبلك شيكولاته طب ولا اعمل اي
_ضحكت على منظره وهو متوتر وبيحاول يدور على حل: عايزة اخرج
•قومي البسي
_ بصيت بصدمه مكنتش متوقعة يوافق: بتهزر؟
•لا مش أنتِ قولتي عايزة أخرج
_ نطيت بفرحة: ثواني وهبقى جاهزة
__________
•بتحبي تتمشي كده علطول
_ اه
•عجبك الأيس كريم
_ توووحفة
•خلاص تمام كده؟
_ فين الشيكولاته اللي قولت عليها
•احنا كده داخلين على طمع
_ ضحكت: لا متقولش طلعت بخيل
•بصدمة: بخييل؟؟
_ مكانوش سندوتشين شاورما وكانز وعلبة ايس كريم و....
•فعلا بخيل جدًا
_ لا لا والله خلاص بهزر
_________
مرت أيام وأنا ويوسف بقينا بنخرج سوا واكتشفت أنه شخص طبيعي زينا مطلعش دراكولا ولا حاجه هههه
رن جرس الشقة
_ أيوة حاضر
إيه ده...
+إإيه بلاش ادخل
_ اتفضلي.....
+بقولك عايزاكي زي الشاطرة تتنازلى عن نصيبك في الورث بتاع مامتك علشان زي ما انت عارفة والدك داخل مشروع ومحتاج فلوس
_ إيه اللي حضرتك بتقوليه دي لا طبعًا
+ هو اي اللى لا أنت شكلك نسيتي أن لولانا كان زمانك في الشارع وملقتيش حاجة تلمك ولا أنت هت......
•في أي يا طنط راعي أنك في بيتي فياريت صوتك ميعلاش وأنت في بيتي تاني وياريت كمان تاخدي الباب في إيدك وأنت طالعة لأن مراتي مش هتتنازل عن حاجة
+ماشي يا ورد مااشي
خرجت ورزعت الباب وأنا بصيت ليوسف بـإمتنان
_ شكرا حقيقي
•بابتسامة: بقولك مش ناوية تعمليلنا مكرونة بالبشاميل تاني علشان ملقتش في حلاوتها الصراحة
_ ضحكت: اعتراف لازم نسجله في التاريخ
"كل مرة أنا اللي بجيب الورد إلا المرادي الحياة كرمتني بأحلى وردة"
تمت بحمدالله.
#ورد
#لُـطف🍀
