اسكريبت بقلم رنا محمد
_خدني في حضنك دفيني!
رد وهو بيديني بالقلم علي خفيف_ما تتلمي بقا في ايه مالك؟!
_انت بتضربني؟
_اه تحبي اوريكِ تاني؟
_واللهِ هقول لبابا عليك
_واللهِ انا اللي هقوله في ايه مالك مش مظبوطة ليه؟
_علشان سقعانة في حد يقعد قرة عينه علي السطح في البرد ده؟!
_انا غلطان علشان بعملك جو رومانسي في ليلة شتا بعد كتب كتابنا
_يا خالد مش كدة يعني انا جسمي ثلج
_قومي انزلي يا رشيده انزلي
"هو عنده حق يتنرفز عليا بس الجو سقعه يعمل كل ده بس في حته متدفيه مش في الهواء الطلق كده.."
"نزلنا وكل واحد دخل شقة اهله دخلت علي اوضتي وانا بفتكر ازاي شوفت خالد وازاي اتعرفنا علي بعض واعترفلي بحبه استنوا احكيلكم.."
"كنت في يوم نايمة وصحيت علي صوت جاي من الشقة اللي قصادنا وجر كراسي وهبد وخبط ورزع واصوات كتير كده قومت وانا متضايقة مش بحب اسمع اي صوت وانا نايمة ويصحيني قومت وانا بحالتي دي وروحت علي الشقه اللي قصادنا قبلتني طنط مامت خالد وهي مستغربة حالتي وبما اني قصيرة حبتين فكروني طفلة.."
_تعالي يا حبيبتي مالك فيكي ايه؟!
_اذيك يا طنط ممكن بس توطوا صوت الخبط والرزع ده شويه علشان مش عارفه انام وعندي كليه كمان ساعتين
_كليه؟!
_ايوه ومعلش ممكن تتهدوا شويه
_تتهدوا! انتِ ازاي تكلمي امي بالاسلوب ده؟
_وانت مين انت علشان تتدخل بينا شوف شغلك وانت ساكت وياريت تبطل خبط
_مانا لسه قايلك امي!
_ما علينا يعني مش موضوعنا
_بس يا خالد روح شوف الصنايعية وخليهم يوطوا صوت الخبط معلش وانتِ يا بنتي حقك عليا انا
_يا طنط مفيش حاجه حصلت وانا اسفه علي طريقة كلامي مع حضرتك بس انا مش بحب اصحيٰ علي اي صوت
_لا يا حبيبتي ولا يهمك انتِ زي خالد ابني برضو
_تسلميلي يا طنط عن اذنك بقا
"وده كان اول تعارفنا ببعض وفضلنا اسبوع واكتر كل ما نتقابل او نشوف بعض صدفة نبص لبعض بقرف وعجرفة كده ونمشي عكس اتجاه بعض حتي لو الطريق كان واحد طبعًا ده بغض النظر ان مامته بقت صحبتي وبقينا بنقعد سوا كتير بس هو مينزليش من زور لحد ما فيوم كنت عند طنط في البيت وهو جه فا كنت همشي لقيته وقفني.."
_هو كل ما هتشوفيني هتهربي كده؟!
_وانا ههرب منك ليه!
_معجبه وخايفه تقعي في حبي اكتر
_ايه الغرور ده!
_ده مش غرور دي ثقه
_وقلة ربايه عن اذنك
"سيبته ومشيت هو منكرش اني معجبه بعجرفته دي واني بموت في جلد الذات بس ايه الغرور ده كتلة غرور متحركه ولا اروع بجد دخلت اوضتي انام.."
"اما عند "خالد" قلة ربااايه!!! انا هعرفك قلة الربايه ان ما خليتك انتِ اللي تعترفي بحبك ليا مبقاش انا خالد!... "
_صباح الخير
_صباح النور يا حبيبتي
_طب يا ماما خلصي وتعالي علشان نلحق مشوارنا
_انتِ ازاي يا طنط مستحمله المتعجرف ده
_ابني بقا يا رشيده اعمل ايه بس هو علي عجرفته دي بس واللهِ طيب ويتحب
_ايوه يا طنط انا عارفه
_عارفه ايه؟!
_عارفه انه طيب ويتح.... طب يا طنط عاوزه حاجه مع السلامة
"كنت هقول ايه انا رايحه تقولي انه يتحب بقا المتعجرف ده يتحب؟! متنكريش يا رشيده انك بقيتِ معجبه بيه! لا لامستحيل اسكت يا جلاب المصايب انت اسكت.."
"كنت طالعه البلكونه ولقيت اللي واقف متضايق ولما شافني كان داخل انا اسكت قلبي الرُهيف يسكت؟!.."
_لو هتضايق من وجودي ممكن ادخل انا انت شكلك متضايق
_لا خليكِ وانا كمان هفضل انا فعلًا متضايق
_مالك؟
_موضوع بس شاغلني شويه كده
_موضوع ايه؟لو حابب تتكلم انا سمعاك
بإنفعال _وهو ينفع تشغليني بحبك كده مش عارف اشوف اللي ورايا
_استني بس انت عاوز ايه؟!
_عاوز اخد رأيك في جوازنا ابوكِ وموافق امي وموافقه المأذون و مديله ميعاد ييجي بكره فاضل الهانم!
_ايرووور بس
_خشي نامي يا عروستي بكرة يوم طويل اوي عليكِ
"دخل وسابني مصدومة وفرحانه ومش فاهمه في ايه حتي تاني يوم لبست والميكب ارتيست عملتلي ميكاب وطلعت كان المأذون قاعد وكتب كتابنا.."
_بحبك يا متعجرف
_بحبِك يا قلب المتعجرف
_وتوته توته وخلصت حدودتي انا وخلودتي
༺༻༺༻༺༻༺༻༺༻༺༻༺༻༺༻
بقلم رنا محمد"حبة البُندق "🌰🤎
رأيكم 🦋🤎
وفر وقتك… لو بتدور على رواية كاملة وممتعة… اضغط (هنا)
