سيناريو ظل أمنية (كامل جميع الفصول) بقلم ملك عبدالله
أنا آسفة.
_ آسفك مش مقبول.
حاولت أهدى وأتحكم في نبرة صوتي بهدوء.
– مهندس يزن، أنا فاهمة غلطي وبِتأسف لحضرتك، بوعدك إن مش هيتكرر أي سلوك مني بالشكل ده.
– وحضرتك يا مهندسة خديجة، لما فاهمة الأساليب دي وعندك الوعي الكافي بشغلك في شركة مهمة، ممنوع فيها التطاول بأي شكل مع زملائك مهما كانت الأسباب. وعارفة عقوبات أسلوب العيال الصغيرة ده، ليه حضرتك جاية تتأسفي؟ وأسفك مرفوض.
نفد صبري بشكل يخليني أضربه حاليًا، لكن حاولت ألتزم بالصبر والهدوء.
– عندك حق، لكن زي ما وعدت حضرتك، مش هيحصل أي سوء مني تاني.
اترجّيته المرة دي يرجعني الشغل، لازم أبذل مجهود من تاني، مينفعش أسيب الشغل بأي شكل.
– أرجوك، أرجوك وافق أرجع أشتغل، أنا محتاجة الشغل جدًا، أرجوك.
انتظرت من تاني لمدة دقايق في صمت وبادعي إنه يوافق.
– بشرط!
– أفندم؟
– ترجعي تشتغلي هنا تاني؟ أوكي، معنديش مشكلة. لكن حضرتك شغلك هيتغير.
هنا ابتسمتي وسعت جدًا، وأخيرًا هترقّى وهكون في شغل مهم وراقي.
– طبعًا يا فندم، حضرتك تؤمر.
ابتسامته كانت مُرّة بالنسبالي، يزن بيبتسملّي عادي كده من غير تهزيق ولا زعيق.
– مهندسة خديجة، هتبقي سكرتيرتي.
– وحياة طنط!
– أفندم؟ الزمي حدّك يا مهندسة!
– مهندسة إيه بقى؟ هي لسه فيها مهندسة؟ يعني إيه أشتغل سكرتيرة؟ مش فاهمة.
هو أنا دارسة هندسة وطالع عيني علشان أشتغل سكرتيرة؟
أنت متعرفش أنا مين! ده كل الشركات المعروفة بتتحايل عليّ عشان أشتغل معاهم.
– طب ما تروحي، حد مانعك؟
الدموع ملت عيني، كان هاين عليّ أصرخ وأضربه قلم وامشي، لكن قولت بهدوء:
– حضرتك محتاجني أشتغل النهاردة ولا أبدأ من بكرة؟
يتبع...
فصول سيناريو ظل أمنية بقلم ملك عبدالله
اضغط على الفصل الذي تريد قراءته:
وفر وقتك… لو بتدور على رواية كاملة وممتعة… اضغط (هنا)
