رواية ليلى وزين (كاملة جميع الفصول) عبر روايات الخلاصة بقلم سلسبيل أحمد
رواية ليلى وزين الفصل الثاني 2
للحظه الخوف اتملك مني وحسيت ان فيها حاجه كسرت الباب فورا و لقتها واقعه على الارض ساعتها بس حسيت بشلل جريت وحاولت افوقها لازم تفوق معايا.!
قفلت الباب قبل ما حد يشوفها ويتخضوا وفتحت دولابها وجبت برفيوم وحاولت افوقها كل ثانيه بتعدي قلبي كان بيتعصر عليها لحد ما خدت نفس كبير وقامت مخضوضه
- ليلي انتي كويسة اهدي !
مسكت ايديها وهي بتحاول تبعد
- بس يا ليلي دا انا اهدي في اييييه!!
كأن صوتي العالي خضها اكتر بعدت وانكمشت في ركن سمعت صوت خالتو وامي جاين..
مسكت ايديها وهي بتحاول تبعد - بس يا ليلي دا انا اهدي في اييييه!!
صوتي العالي خضها اكتر بعدت وانكمشت في ركن سمعت صوت خالتو وامي جاين
- زين في ايه!! ؟
= يجماعه سبوها دلوقتي هي كويسة!
"مشيوا فعلا من قدام الاوضة ورجعت بصتلها"
- فيكي اية ! انا مشيتهم اهو!
فضلت تعيط ومكنتش عارف اتصرف حاولت اقرب واهديها بس بتبعد!
- طب في اية خليني اقرب بس مالك؟
كانت بتترعش حاولت احط ايدي على ايديها تاني وقربت براحه فا سكتت وبدأت تهدي طبطبت على ضهرها لحد ما بقت طبيعيه نوعا ما
- حصل اية
مردتش عليا
- اوعدك محدش هيعرف لو مش عاوزة بس احكيلي
برضو مكانتش بترد
- ليلي انتي قلقتيني والله العظيم طب فيكي اية حد عملك حاجه
عينيها دمعت وكأنها بتتكلم جسمي سخن واتخضيت!
- حد عملك حاجه .؟؟
هزت راسها و دموعها بتنزل
اعصابي سابت ومكنتش عارف اسيطر عليها
- طب اهدي براحه لازم تقوليلي حصل اية ومين دا الي خلاكي كدا
= كك...ك..ك
وشي اتقلب وقلبي فضل يدق بسرعه وكملت - كريم ؟!
هزت راسها بالايجاب
قومت من مكاني وانا خلاص جبت اخري: حاول يقرب منك ؟
وطت راسها وعيطت: ايوا
مسكتها بغضب وقومتها
- عمل كدا ازاى وليه بتقابليه لوحدك!
= كنا .. كنا في العربية قالي هوصلك البيت و.. وبعدين .. حاول يـ..
"رجعت تعيط بشحتفه"
- طب اهدي اهدي وقوليلي عملتي اية؟ عمل فيكي اي حاجه؟
بعياط: لاء ان...انا.. ضربته وجريت
خت نفسي بأرتياح وحضنتها براحه: طب اهدي ومتقوليش اي حاجه ليهم قعدتها على السرير انا هتصرف وحيات امي لاجبلك حقك لحد عندك
جيت امشي مسكت ايدي: هتعمل اية!
طبطب على كتفي: متشغليش بالك.. عاوزك تهدي
"وطت راسها بندم وحزن فا رفعتها تاني"
" راسك دي تفضل فوق طول مانا عايش فاهمه؟"
- فاهمه
= انا هقولهم انك اتخانقتي مع دكتور فى الجامعه
و هعرفهم برضو محدش يضغط عليكي تتكلمي
بصتلي بدموع: زين متسبنيش!
= عمري ما هسيبك يا ليلي.. هرجعلك متقلقيش
"خرجت وماما وخالتو قاعدين برا"
خالتو بقلق - حصل اية طمني
ماما - جرالها اية يا زين مش عايزة تتكلم ليه !
- مفيش حاجه يجماعه هي شدت مع دكتور فالجامعه جامد شوية بس انا قولتبها هحاول اكلمه وهي دلوقتي كويسة
خالتو - يعني خلاص ادخلها ؟
- هي كويسة بس سبوها ترتاح احسن مفيش حاجه يعني فا متبقوش ضاغطين عليها
ماما - انت رايح فين
- مشوار مهم مع صحابي
" نزلت وانا كل تفكيري اني احاول ما اموتوش بس كلمت واحد صحبي يعرفه وجبت عنوانه وروحلته
لحد بيته.. خبط على الباب وسمعت صوته "
- مين
=...
" فتح الباب واول ما شافني اتكهرب "
بلع ريقه بخوف - زز زين..!
= ازيك يا كيمو؟ اية مش هتدخلني
"زقيته ودخلت لاحظت مكنش فيه حد في الشقه "
فضل واقف عند الباب وخايف- خير ؟
= معقول هنتكلم واحنا واقفين اقفل الباب وتعالي
قفله بخوف وقرب ناحيتي - ان..انا..انا.
هفهمك.. الموضوع انه
قومت ومسكت رقبته ولزقته فى الحيطه ومكنش عارف يتحرك: انت او..*خ بني ادم على الارض
بترجي - والله ما كان قصدي سبني وانا هصلح كل حاجه وهعتذرلها هعمل الى انت عايزه والله
"حاولت امسك نفسي ومقدرتش صْـ ـربته بالبوكس "
= تصلح اية؟؟
- اهههه طب براحه نتفاهم انا مستعد اعمل اي حاجه حتي انا بحبها والله صدقني
دمي فار ونزلت على وشه صْرب لحد ما كان فيه د م من كل حته
بعدت عنه وانا بنهج فا وقع على الارض بتعب واضح
نزلت لمستواه: اوعي تكون فاكر اني هسلمها لواحد ****** زيك انا جي عشان اعلمك درس متنسهوش عشان لو فكرت بس تبصلها مش تقرب منها ساعتها نفسك دا مش هيطلع سامعني يالا؟؟؟
قومت ومشيت ناحيه الباب لاقيته بيحاول يقوم وبيبصلي بغل
- صحيح يا كيمو عرفت ان عندك اخت زي القمر.. مش شايفها يعني؟ عموما خاف عليها لو حبيت تقل بأصلك.. خاف عليها
" وغمزتله ومشيت "
مشيت وانا حاسس اني احسن ناري بردت نوعا ما ..
روحت البيت وخبطت عليها فا خالتو فتحتلي
- ليلي نامت ولا صاحيه
= لاء دي قامت طلعت فوق وسابتني عشان بسألها مالك البت مش طيقاني!! زين انت متأكد انها مجرد خناقه ولا مخبي عليا حاجه ؟
اتنهدت: متخافيش طول مانا جمبنا يخالتو
= ربنا يخليكوا لبعض ياحبيبي
طلعت السطح براحه وبصيت لقتها واقفه سرحانه
- بتعملي ايه؟
= هه زين! انت كويس
قربت منى وكانت بتتفحصني
= ايدك مالها هوا حصل اية؟؟
بصيت لي ايدي الى صْربته بيها ومن شده الصْرب كان فيها كدمه
= يا زيين رد عليا
- متخافيش محصلش حاجه
= بجد؟
- بجد.
= انا كنت عايزة اقول اني
- انا اسف
بصتلي بستغراب فا كملت - اسف اني بعدت وسبتك لوحدك كل دا بس كنت
قاطعته: انا عايزة اقولك ان انا الى اسفة الي عملته دا كان غلط مكنش لازم اقابله
- ليلي انتي غلطانه عشان عملتي ده من ورانا والمفروض انك عارفه الصح و الغلط وعارفه الحرام ايه بس نسيتي كل ده عشان انتي حبتيه وهوا الي طلع حيـ ـوان
= حبيت مين!؟
- كريم
= مين قالك كده
- انتي
= هوا الي كان بيحبني ولما قولتله خلينا صحاب عمل كدا.. قالي ماشي و قعد يهاودني و بعدين قالي هوصلك البيت و عمل كده
- متقلقيش اخد جزاءه بزياده
بصتله بعدم فهم: انت عملت ايه؟
= مفيش.. سلمت على خلقته خلتها متنفعش تاني
- طب افرض عمل اي حاجه افرض
قاطعني: ليلي متخافيش طول مانا جمبك قولتلك
= عموما أحسن.. كل الى يحصل فيه حلال
- المهم يعني ان انتي مش بتحبيه
" بصتله شوية وانا بسرح فيه.. وقولت بدون وعي"
= زين انا. أأ انا بحبك
علامات الصدمه كانت على وشه كأنها مش مصدق بصلي وهوا بيحاول يستوعب: بتحبي مين يا ليلي !
ابتسمتله = بحبك انت
- ليلي انتي بتكلمي جد؟؟
= زين انا بحبك من بدري اوي وانت عمرك ما عرفت او لاحظت دايما لو حكيتلك عن اي حد كنت بتتصرف عادي
صوتي بدأ يطلع بخنقه - انت كنت متجاهلني مش شايفني غير اخت او بنت خالتك وبس
= لاء يا ليلي انا عمري ما شوفتك كدا انا بحبك من ساعه ما وعيتي على الدنيا
رفعت وشي وانا ببصله بعدم تصديق
= متستغربيش بس انتي الى خلتيني اكتم دا لما كنت يبتحكيلي عن الي معجبه بيهم وانا كنت جبان وخايف اخسرك كنت عايز افضل محافظ عليكي حتي لو صديقه وبنت خالتي وبس وحتي لو دا على حساب نفسي
- كنت قولتلي او لمحت ليا!
= لمحت كتير اوي بس عمرك ما خدتي بالك
وطيت دماغي بيأس وانا حاسه انه ضاع مني
رفع راسي ناحيته: بس دا ميمنعش اني بموت فيكي وعمري ما حبك قل فى قلبي
"ابتمست بفرحه وحضنته جامد"
اتكلم وضحك - ياه اخيرا مش مصدق والله ان في يوم كنت هقولك
= متسبنيش يا زين ابدا ابدا
- لا مخلاص بقي انتي بتاعتي رسمي
*تاني يوم الصبح*
كنت واقف مستنيها بالعربيه عبال ما تخلص الجامعه ولقتها جايه وعلى وشها علامات عضب فا قلقت
= في اية؟؟
- اية انت عملته فى الواد دا ؟؟ صحبتي بتقولي راح مستشفي !!
ضحكت بصوت عالي = دا انا طبطبت علي وشه طب والله ما مستهله
- انت بتضحك؟
= في اية يا حبيبيتي لايكون صعبان عليكي!!!
- ولا صعبان عليا ولا زفت افرض عمل فيك حاجه
ولا راح عمل محصْر
= يعمل في مين بس منتي مشفتيش وشه دا ايدي اتعورت من الصْرب فيه يا روحي..
- طب روحني يعم يلا
= السواق بتاعك انا
- خلص بقا خلينا نمشي
= بت ريحي كدا بدال ما اروح اديله علقه تانيه وبعدين مستنيا اية بعد الى عمله اطبطب عليه؟؟
- مانا الغلطانه مش هقولك حاجه تانيه
شدني من التي شيرت براحه ناحيته: بتقولي اية؟؟؟؟
- اههه اوعي يلا
= سمعيني بس
- اللحقوناي متحرش
" حط ايده على بوقي وطلع بالعربيه بسرعه .. وانا قعدت اضحك طول الطريق "
__________________________
** بليل **
برضو تاني يا ليلي ؟؟؟
= في اية!
فتح الموبايل - هوا اية دا؟؟
"ضحكت على شكله"
-يتبع..
