رواية لم يكن لي الفصل الثاني 2 بقلم هنا محمود
رواية لم يكن لي الفصل الثاني 2
حَسيت بتوتر لما شوفتو هو مُدير المبيعات للشُغل الكُنت بَنزلة أكيد عارفني!...
أبتسمت ليه بإرتجاف وقولت بثبات عَشان أظهر ليه أني معرفهوش..:
_أهلاً و سهلًا...
بادلني التحية بهز راسة بهدوء و عيونة متابعة أرتباكي بصمت ، أتجعنا كُلنا علي الترابيزة مستانين الغدا سوا في جو هادي لكني فضلت متوترة...
اتكلمت ميرنا بإبتسامة لِحسن..:
_مش ناوي تخليها تشتغل بقا يا أستاذ حَسن؟...
رفض براسه و ملامحة لسه ثابته زي ما هي..:
_لا مش حابب انها تشتغل ..
ابتسمت ليه يِخفة و انا ببعد نظراتي عَن آدم خطيبها ...
الاكل وصل و بدأ النادل يحط الأكل
سَحب آدم الأوردر بتاع ميرنا لأنه كان بعيد عَنها و قربة ليها مِن غير ما تِطلب ، طلع الشوكة و السكينة مسحهم ليها و حطهم قُصادها...
كُنت متبعاهم بصمت لحد ما ألتفت و لاقيت حَسن بدأ ياكل مِن غير ما يلتفت ليا حَتي!...
رطبت شفايفي بخفة وقولت له بِهدوء..:
_قربلي الطبق بتاعي يا حَسن مَعلش...
اتكسفت أمد ايدي بعيد و أخد طبقي و كل واحد مُهتم بخطيبة ، قربة مِني بصمت و كمل أكل ....
غصبًا عَني عيوني كانت بتروح لميرنا و آدم ....
خلص "آدم" أكل و بصلها بهدوء كأنه بيسألها خلصت بس هي مفهمتش فسألها بصوت منخفض...
أومئت ليه بهدوء مد ايده ليها عشان تمسك كَفة و قامة سوا هُما الأتنين ، غَصبًا عَني سرحت في حركة لما مَسك كَفها مسبهاش تقوم لوحدها ...
مِيلت نحية حَسن شوية..:
_الجو عاجبك؟...
_اه طلعو مِش رخمين اوي..
ابتسمت ليه بِخفة فَقال..:
_نطفي الشمع و نمشي ...
سندت ضهري علي الكُرسي بتاعي و لأول مره أسرح في علاقتي مَع حَسن ، كأننا صُحاب أو قرايب مِش مخطوبين!....
قمت عَشان أروح الحمام كان أنشغل في الكلام مع حَد مِن الحضور ، لافتني صوت كان عالي نسبيًا لكنه مش بيصرخ قربت لأنه كان أتجاه الحمام و كان آدم!...
بينتاقش مَع ميرنا ..:
_أنا مِش قولت متعزميش الزفت ده؟...الناس تقول عَليا أيه ؟...
جاوبته "ميرنا" بضيق..:
_هو ده الي هَمك؟!...
حاولت أرجع بخطواتي لورا عشان أمنحهم مساحتهم الشخصية لكنهم لاحظوني
نظراتة ليها كانت حادة بطريقة و ترتني!....
رمقة بخفه و أنسحب من وسطنا...
قربت مِن ميرنا بهدوء وقولت..:
_مكنش قصدي اسمع و الله انا بس كُنت رايحة الحمام...
همهمت ليا و هي بتكمل طريقها للحمام ، لحقتها بهدوء لحد ما ألتفت ليا ..:
_أنا تعبت مِنه يا هَنا ، آدم مش شبهي في أي حاجة..
وقفت جمبها و انا بربت علي كتفها..:
_ليه بتقولي كده ده شكلو بيحبك أوي يا ميرنا ...
نفت ليا وقالت..:
_كان بيدور علي عروسة و شافني مُناسبة و أنا شوفة كِده وسيم و غني مش هيحرمني مِن حاجة چنتل في كُل حاجة بيعاملني كويس لكن تفكرنا مختلف انا بحب السفر اروح و اجي عندي صُحاب ولاد كتير كُل ده عكس الي هو عايزة...
عارفة ان كل دي حاجة مش مريحة بس هو بيحبها و هي الي غَلط ممكن تحاول تغير حاجات عشانة لان مفيش راجل هيقبل بكده...:
_بس هو بيحبك يا ميرنا شوفية يتعامل معاكي أزاي ؟!..ممكن تحاولي علشانة...
نفت ليا و هي بتحرك راسها ..:
_آدم شخصية كِده هو چنتل متربي انه يحترم الست الي في حياتة هو مش بيعمل كده عشان أنا ميرنا هو بيعمل كِده عَشان انا الي في حياتة ...
____
بدأنا نغني أغنية عيد الميلاد و أحنا واقفين حوالين التورتة بعد ما ميرنا هدت شوية
طلعتلها ساعة كانت غالية فرحت بيها جبتها من المكان الكان قُريب من الشغل لفتني نظرة آدم للهدية لكني تجاهلة ...
طلع آدم من جيبة علبة فيها سلسة دَهب و مدها لميرنا ، وقتها شوفت فرحتها بالهدية مش عشان مِنه لاء عشان جالها حاجة غالية فضلت تُشكر فيه و هو ملامحة كانت ثابته
أنسحبنا أنا و حَسن من وسطهم بعد وقت قليل و بدأ يسوق بهدوء كَسره هو لما قال ..:
_بس الساعة دي غالية...جبتي فلوسها منين؟...
عدلت حِجابي بتوتر و انا ببص مِن الشِباك..:
_بقالي فترة طويلة بحوش عشان اجبلها هدية...
همهم ليا بهدوء ..:
_شكلك بتحبيها أوي...
_اه هي أقرب حَد ليا...
قال بتسأل و هو مركز في السواقة..:
_أقرب مِن ليلي...
_انا بحب ليلي بس انا و هي مش متفاهمين أوي زي ميرنا....
بعد دقايق ركن العربية و نزلت مِنها فقولت بحماس لما افتكرت..:
_خليك هِنا هديك حاجة...
معطتهوش فُرصة يتكلم و طلعت البيت بِسُرعة كُنت جيبالة جراب للتلفون بتاعة عشام نبقا زي بَعض ...
دورت عليه و نزلت بنفس الحماس
لكن خطواتي وقفت لما شوفت ليلي واقفة مع حَسن و في قُرب بينهم!...
_حَسن؟!...
يتبع....
شخصية ميرنا؟...
ليلي أيه قصتها؟...
حَسن شايفينة أزاي؟...
