رواية لحن الحنين عبر روايات الخلاصة بقلم بسمة سعيد
رواية لحن الحنين الفصل الثاني 2
من بعد كلمة "بحبك" حياتي اتهزّت
كنت فاكرة إننا هنبدأ طريق كله سعادة… بس الحقيقة إن الطريق كان كله مطبّات
منكرش ان محمد اتغير وبقى احن واهدى بكتير
بس لسه سعات بتظهر عصبيه وبرود
كنا ف تجمع عائلي كلنا سوا بنضحك ونهزر
بس هو مكنش موجود اختفي
سبتهم ورحت ادور عليه
وهو بيحب يقعد ف البلكونه
ورحت ولقيته هناك فعلا
ليلى:كنت عارفه انك هتبقى هنا
محمد:اي الثقه دي
ليلى:حفظاك
سكت وبصلي بصه مش مفهومه نظره توهان
قربت منو ومسكت ايدو
ليلى:مالك احكيلي
محمد:انا خايف ي ليلى خايف أظلمك معايه
ليلى:هو غين الظلم ف انك تحبني انا اخترتك ع عيوبك قبل مميزاتك
محمد:بس انا مليان جروح
ليلى:مع بعض هنعرف نعلجها
سكت وبصلي بعينين كلها دموع وكإن لأول مرة في حياته يصدق إن في حد ممكن يقبله زي ما هو
قرب مني وقال
محمد:لو خسرتك هكون خسرت نفسي كلها
ليلى:وانا عمري ما هسمح للدنيا تفرقنا
قد اي بيصعب عليا هو زي الطفل الملقاش حضن يدفيه
ابوه عصبي متمرد مبيهمهوش مشاعر حد اهم حاجه نفسه
بس خلاص احنا بقينا سوا وهنحل كل حاجه مع بعض
قمنا قعدنا مع العيله وفضلنا سهرانين سوا وبعدين كل واحد راح بيتو
تاني يوم صحيت ع صوت اختي وهي بتصحيني
ليلي ليلي فوقي ف عريس متقدملك
انا اتنفضت من السرير
ليلى:عريس اي ومتقدم لمين
ندى:متقدملك انتي
ليلى:لا طبعا مش موفقه
ندى:اكيد مش موفقه علشان سي محمد بتاعك
ليلى:اه يختي علشان سي محمد بتاع
تلفوني رن وكان هو البيتصل
محمد:صباح الخير يعروسه
ليلى:عروسه اي انت عرفت منين
محمد:مش مهم عرفت منين المهم مين العريس
ليلى:انت تعرفو كمان
محمد:ايوه طبعا
ليلى:مين
محمد:انا
ليلى:انت اي
محمد:انا العريس
ليلى بفرحه:محمد لو ال ف دماغي صح هيحصلي حاجه
محمد:اه صح انا كلمت عمي واتفقنا نكتب الكتاب علطول احنا مش غرب ده لو العروسه موفقه
ليلى:ده العروسه موفقه ومستعده تبصم بالعشره
انا مش مصدقه نفسي انا ومحمد هنكون لبعض رسمي خلاص انا من كتر الفرحه حسه ان هيجرالي حاجه
وبعدين اسبوع يوم كتب الكتاب
"وبارك الله لكما وبارك عليكما وجمع بينكما في خير"
شدني لحضنه وسط الناس واحنا الاتنين بنعيط احنا الاتنين هنكون سوا لآخر العمر
محمد:بقيتي حلالي
ليلى:لآخر العمر
