رواية جاذبية الحب الفصل الثاني 2 والأخير بقلم سلسبيل أحمد
رواية جاذبية الحب الفصل الثاني 2 والأخير
" صحيت من نومي واكتشفت عملته المهببه فا رنيت عليه "
- بقا بتضحك عليا انا يا ابن هدي !!
= صباح الخير يا فوفو
- والله لاوريك لما تيجي
= هخليكي توريني ونعجن بعض حاضر بس عندي ميتينج دلوقتي سلام
" قفلت معاه وسمعت جرس الباب بيرن.. "
" استغربت مين جي دلوقتي.. لبست الاسدال و روحت عشان افتح.. لقيتها بنت شكلها حلو موت! "
- مين حضرتك؟
= انا رنا..
- رنا مين
بصتلي وضحكت: معقول عزيز محكاش عني !
بصتلها وانا ببلع ريقي: عزيز!؟
- ممكن ادخل؟
" كنت مستغربة.. وخايفه من الى جي.. ولكني
دخلتها"
>>>>>>>>>>>>>>>>>>>>>>>>>>>>>>>>>>>
بقلمي سلسبيل_أحمد
- و دي كل حاجه عن عزيز.. طبعا هو ضحك عليكي ومعرفكيش اي حاجه من دي..
" كانت دموعي نازلة بصمت وانا ماسكه موبايلها و شايفه صورهم سوا "
= ممكن تبعتيلي الصور دي؟؟
- طبعا.. عيوني
" مشيت وانا فضلت قاعده لوحدي بعيط.. دي اللحظه الى كنت خايفه منها.. اللحظه الى هكتشف فيها كل حاجه!! "
>>>>>>>>>>>>>>>>>>>>>>>>>>>>>>>>>>>
|| في الشركة | مكتب عزيز ||
- عزيز!
= فيه ايه يا علاء
- آية كلمتني بتقولي حاسه ان رنا هتعمل حاجه
بصتله بزهق: يبني هتعمل ايه مانا مش برد عليها
= رنا كانت عندها و مش ناوية تجبها لبر!!
- لا متقلقيش يا معلم رنا صفحة و اتقفلت و كل الى كنت بعمله مش هكرره ولا انت مش مصدقني زي نادر
= لا انا عارف انك اتغيرت!
- يبقي خلاص هخاف من ايه؟
= من رأيي انك تعرف مراتك كل حاجه يا عزيز
اتنهدت: كدا كدا كنت هقولها يا علاء.. الموضوع ضاغطني
= ربنا يريح قلبك يا صاحبي
>>>>>>>>>>>>>>>>>>>>>>>>>>>>>>>>>>>
بقلمي Slsbell Ahmed
|| في البيت | بليل ||
" دخلت لاقيتها قاعده وسانده بأيدها على رجلها بطريقه مثيرة للشك.."
- مالك يا فوفو؟
"رفعت وشها وبصتلي ولاحظت عيونها"
- ايه ده يا فريده انتي معيطه؟؟
"وقفت قصاده وانا بمسح وشي"
- من واحنا صغيرين يا عزيز.. وانا مش بتكلم مع حد غيرك.. من وقت مو ت ماما مكنش ليا غيركم انت وعمو و طنط.. من واحنا صغيرين وانا عارفه و متأكده اني مش هبقي لوحدي عارفه و واثقة انوه اكيد مش هيحصل حاجه تدمر كل ده..
دموعي نزلت وبصتله: عشان ومن واحنا صغيرين وانا بحبك!!
بصتلها بعدم فهم: فريده انا مش فاهم حاجه مالك!!!
" حاولت امسك ايدها لكنها بعدت "
بصتله بجمود و عصبيه: انا كنت عارفه كل حاجه عن جوازنا!!! سمعت عمو مجدي!! قاعدين هو وبابا وبيتكلموا و بيقوله انك عايز تسافر بره.. بس عمو رافض!! و شايفك مش
قد المسؤلية و مش هيطمن يسيبك تسافر وتعيش بره لأنك مستهتر!!
وشرط عليك تبني حياة هنا و تثبتله انك شخص مسؤل
فا البيه عزيز يعمل ايه؟؟ يروح لمين؟؟ جيت تتقدملي انا!! كان هيبقي اسعد يوم في حياتي لو مكنتش سمعت الكلام ده كنت هبقي عبيـ ـطه..
عشان كده رفضتك اول مره من غير ما نتكلم حتي
- بس اتفاجئ انك مش بتيأس متقدم تاني! وبابا..! يقولي افكر.. وهو عارف كويس انك بس بتتجوزني عشان مصلحتك!! فا رفضتك تاني مره و التالته و الرابعه!
بصلها و الدموع في عينه بسبب حزنها: يا فريده والله الموضوع مش زي ما انتي فاكره صدقيني !!
ضحكت بسخريه وانا بكمل: انا وافقت عليك خامس مره.. اتنازلت عن كرامتي!! مشيت ورا قلبي.. عملت نفسي مش واخده بالي من انك بتتجوزني عشان بس تثبت لعمو انك ناضج و قولت يمكن تحبني!!
مرضتش اقولك اني عارفه عشان حتي بيني وبين نفسي مكنتش عايزه افكر في فكره انك متجوزني عشان مصلحتك لأن الفكرة دي هتدمرني!! انت كدبت الكدبة وانا صدقتها معاك قولت مش مهم
يمكن تاخد بالك مني تعرف اني بحبك من زمان.. متخيل انك خلتني اتخلي عن كرامتي بشكل عامل ازاي؟؟ و اجازف عشان واحد حْاين!!
- حْاين ايه بس يا فريده!!! والله العظيم بحبك ومحبتش غيرك اديني فرصه افهمك !!
" ضحكت وانا برفع الموبايل و بوريه الصور "
- طالما انت بتحبها هي اتجوزتني انا ليه!؟؟؟
فتحت عيوني بدهشه وانا ببص للصور: فريده انا معرفش هي عملت كده ازاي بس والله..
" سكت وانا متفاجئ ومش عارف اتكلم "
- فريده والله من وقت لما اتجوزتك مكلمتهاش وقطعت معاها انا اتغيرت!!
بصتله بـقـ.ـرف: من ساعه لما اتجوزنا!!! و ده الطقم الى خرجت بيه من يومين!!؟؟ انت لسه مصمم تكدب!! كفايه بقا !!!!!
" مسك ايدي وكان بيحاول يفهمني فا زقيته "
- ابعد عني اياك تلمسني فاهم !!!!! انت رْبالة !!
= لا يا فريده اسمعيني !!
" موبايلي رن فا بصتله "
- ورقة طلاقي تبقي عندي انا ماشية مع بابا تحت اقسم بالله لو فكرت تيجي ورايا لافضحك بطريقة تخليك تتمني تمو ت يا عزيز سامعني ؟؟؟
" حاول يمسكني لكني زقيته و زعقت جامد و مسكت الفازة كسـ ـرتها..! "
صْربته فصدره جامد: ابعد عني !!!! دي غلطتي انا اني وافقت كل ده غلطتي انا ابعد
عزيز وعيونه مدمعه: متعمليش كده واديني فرصه اتكلم انا مش هسيبك فاهمه؟؟
" فتحت الباب عشان انزل وانا سامعه صوته بينادي و هو واقف مش قادر يتحرك من الموقف "
- يا فريده !!
" نزلت كان بابا في عربيته.. ركبت ومشينا.. "
" قررت ان خلاص.. كل شيء انتهي.. وعمري ابدا ما هتنازل تاني.. دي كانت غلطتي من الاول "
>>>>>>>>>>>>>>>>>>>>>>>>>>>>>>>>>>
صلي على محمد ♡
|| بعد مرور تلت ايام ||
- منورة البيت يا طنط حقيقي.. انا عامله كيكه هجيب ليكي طبق
قاطعتني وهي بتمسك ايدي: اقعدي يا فريده
"قعدت وبصتلها وانا بحاول ابقي كويسه"
- حاضر يا طنط
بصتلي وهي بتنكشني: ايه طنط دي؟ قوليلي يا هدهد
ابتسمت بتعب: عيوني يا هدهد
- فريده دي هتبقي اول مره اطلب منك حاجة..
بصتلها وعيوني بتدمع: عشان خاطري بلاش!! عشان خاطري انتي عارفة معزتك عندي!! بلاش تدخلي في الموضوع ده من فضلك
مسكت ايدي بحنيه: اهدي يا فريده ياحببتي محدش هيجبرك على حاجه.. على الأقل فهميني الى حصل انتي بنتي وانا هعرف اخدلك حقك منه واخليه يجـ
- مش عايزه.. انا مش عايزه اي حاجه مش هقدر اكمل معاه انا آسفة حقيقي
" بعد كلام كتير بينا.. مرضتش اقول الى حصل.. وهي احترمت ده وقالت لي انها عاوزاني بس ابقي كويسة.. من حظي الكبير ان جارتنا و صديقة العيلة واحده زي طنط هدي.. و حتي عمو فؤاد..."
>>>>>>>>>>>>>>>>>>>>>>>>>>>>>>>>>>
|| في بيت عزيز ||
" هدي وصلت و اول لما دخلت راح عليها "
- ماما! عملتي ايه؟
قعدت بقلة حيلة: ولا حاجه يا عزيز انت مش هتقولي هببت ايه؟؟؟ البنت مدمره!!! اعمل فيك ايه انا؟؟ انت لولا ابني طنت كلتك بسناني يا عزيز
قعد بحزن وخيبه امل: والله يا ماما مظلوم
"بصت عليه ومكنش عاجبها حاله"
- ماما هي موافقتش حتي تكلمني؟
= لاء يا عزيز.. وعمك مجدي زعلان
- انا هاروح اتكلم معاه!
= لا سيب ابوك يكلمه هو مش طايقك يحبيبي
" عزيز زعل جدا و كان مهموم فا هدي اتكملت بتلطيف"
- دي بنته الوحيده يا عزيز.. فاهم يعني ايه؟ وانت كسـ ـرت قلبها
نزلت دمعه منه بزعل شديد: والله من يوم لما اتجوزنا وقبل ما نكتب الكتاب وانا ماشي صح و رميت كل حاجه ورايا انا بحبها يا ماما
" هدي حضنته وقالت له انها هتحاول معاها تاني بعد فترة لما تهدي "
>>>>>>>>>>>>>>>>>>>>>>>>>>>>>>>>>>>
|| تاني يوم الصبح ||
- فريده.. قومي
فتحت عيوني بتعب: خير يا بابا
= قومي عاوزك قبل ما انزل الشغل اغسلي وشك وتعالي
" اتنهدت بزهق.. خوفت يكلمني في اي حاجه وتكون مجية طنط هدي اثرت عليه.. "
- نعم يا بابا اتفضل
= عمك فؤاد جي بليل
قاطعته: معلش اعذرني مش هيفيد بحاجه
= اه يعني اقوله ميجيش
- انا مقلتش كده!
= مش كفاية ان لحد دلوقتي معرفتنيش فيه ايه؟؟
بصتله وانا عيوني مدمعه وبضحك: فعلا؟؟
مجاش في بالك خالص ان البنت السذاجه دي تكون مثلا عرفت ان ابن صاحبك واخدها مصلحة عشان يثبت لأبوه انوه راجل!!!
"بصلي وهو عاقد حواجبه ومش عاجبه كلامي تماما"
- انتي جبتي الكلام ده منين؟؟
= مجبتوش يا بابا يارتني جبته من حد هقول كداب.. انا سمعته بودني!!! سمعته!
بصلي بنظرة عتاب و زعل: انتي بتتهميني اني رميتك الرميه دي؟؟ و جوزتك مصلحة؟؟
" سكت وانا بستوعب كلامي.. وكنت متلخبطه.. قام وسابني من غير ولا حرف و نزل.. طب حتي كان يوضحلي!! "
" فضلت طول اليوم مضايقة بسبب طريقتي بابا عمره ما حب حد قدي.. "
>>>>>>>>>>>>>>>>>>>>>>>>>>>>>>>>>>
استغفروا
" استنيت لـ بليل و لاقيته داخل و معاه عمو فؤاد.."
- اهلا ياحببتي ازيك
" سلمنا على بعض بهدوء على غير العادة وقعدنا "
" بابا كان باين عليه الزعل "
- بابا اعمل لكم شاي؟ او اجيب اكل
فؤاد: لا يحببتي تعالي الأول عاوزك
" قعدت وسطهم و احترمت انهم عاوزين يتكلموا وقررت مبدأش ولا ارد.. "
- تعرفي يا فريده ابوكي ده بيحبك قد ايه؟
" كنت حاسة اني هعيط.. "
= اكيد عارفه
- طب وانا؟ تعرفي بحبك قد ايه؟ لولا وجود هدي كان زمان فيه كلام تاني
ابتسمت بهدوء: عارفه انك حضرتك بتحبني زي بنتك يا عمو
- كويس.. الموضوع يا حببتي ان الى سمعتيه جزء من حوار مش حوار كامل.. مسمعتيش كلامي مع عزيز يا فريده.. عزيز هو الى طلب يتجوزك و كنت انا اول واحد يرفض
بصتله بستغراب: حضرتك رفضت!
- ايوه طبعا.. قولتله ده مش اتفاق عيال اقولك اتجوز تقولي ماشي و تختار فريده.. لأني تخيلت يختار واحده من صحابة البنات الى يعرفهم وعارف اني رافض شيء زي ده.. ويعاند معايا
- اتفاجئت بالي قعد يحكيه.. قالي انا انوه بيحبك من بدري ومكنش عمره بيقرب لك عشان عارف نفسه وانوه مش ثابت على قرار ولا قادر يتحكم في حياته.. وحاجات تانيه كده.. لما اتأكدت انوه بالفعل بيحبك و عايز يتغير كلمت أبوكي وقعدنا احنا التلاتة وبرضو ابوكي رفضه
"ضحكت وانا عيوني مدمعه وباصه لبابا"
- بس الواد واقع بقا.. وقعد يزن لحد ما زهق منه وقال يعرض عليكي فا رفضتي
" ضحكنا احنا التلاتة بغلب.. "
= وقتها راح يصيح زي الديوك ليا و انا ومجدي قولنا له ملناش دعوة والى عايز حاجه يحارب عشانها.. واتقدملك خمس مرات لحد ما وافقتي يا فريده.. وطالما وافقتي تديه فرصه يابنتي.. يبقي اسمعيه
مجدي: هو واقف تحت.. هيطلع وتتكلمي معاه.. يا اما تبلغيني برفضك و هنعمل الى انتي عاوزاه.. يا اما تتصالحوا.. تمام كلامي؟
" سكت شوية وهزيت راسي بمعني موافقة.. بابا نزل يجيبه وبعدين سابونا لوحدنا نزلوا يقعدوا على القهوه وسابونا لوحدنا! قال ايه مهو لسه جوزي!!!!"
" قعدت معاه و مش هنكر اني لاحظت شكل الزعل على ملامحه.."
- اخبارك ايه يا فريده؟
بصتله بنفاذ صبر: كويسة.. ومعنديش اي استعداد اغير كلامي لو عايز تتكلم انت حر بس كدا كدا مش هنكمل يا عزيز و على فكره.. واضح انهم فاكرين اني بس زعلانه عشان موضوع الأتفاق ده ميعرفوش موضوع رنا و الى حكيته ليا وانك كنت بتشرب معاهم زمان وكل التفاصيل دي وانا عشان متربية و ابويا تعبان في تربيتي مش هقول كل ده بس قصاده بقا نطلق في هدوء و تخليهم يبطلوا زن لأن موضوعنا خلص يا عزيز فاهم؟ انتهي!
" قولت كلامي بمنتهي القسوة.. لأن صعب عليا بعد ما اتنازل عن كرامتي عشانه.. اتفاجئ بحْيانته! صعب عليا اوي اتعرض لموقف زي ده"
- يعني حتي لو اكتشفتي اني مظلوم! مش عايزه تكملي؟ ليه عشان ايه كل ده؟
= انت كداب..! وحْاين!
- متتهمنيش بالحاجات دي!! انتي بالذات مينفعش !! انا سبت كل حاجه عشانك.. كنت عايز اتغير ومش لاقي حاجه تخليني اثبت على قراري كل ما كنت ببعد عنهم كنت برجعلهم.. بس مكنتش برجع اشرب !! انا معرفش هي قالت لك ايه بس انا مكنتش
مد من !! انا بطلت وقت لما عوزت ومرجعتش تاني للسكه وطلبت من ربنا يساعدني و واحده واحده بعدت كمان عن كل البنات وعنها واصلا مكنتش بحبها!!! هي بس الى مش قادره تفهم ده!
بصتله بعدم اهتمام: خلصت كلامك ؟
بصلي بنرفزه: فريده !! بطلي طريقتك دي!! انا كدا كدا مش هطلقك والى عندك اعمليه !!
- انت فاكر الشويتين دول هيخلوني فعلا اكمل؟ فاكر مش هعرف اتكلم مع ابويا اخليه ينفذ رغبتي؟؟
" مسح على شعره بتعب "
- قوليلي عايزه ايه وانا انفذه بس متقوليش نبعد انا مش هقدر.. مش انتي بس الى كنتي بتحبيني من واحنا عيال.. لا من واحنا صغيرين وانا كمان بحبك.. بس انا كنت بحبك لدرجه اني فضلت شايل حبي لأني خوفت آذيكي! انتي بالنسبالي غير اي حد يا فريده.. انا عافرت عشانك ومش هضيعك مني بسهوله.. مش عشان واحده مريصْه كل الصور الى شوفتيها متفبركه صدقيني كل دي كدبه و لعبه منها عشان تدمر حياتي.. مش معقول يا فريده تنسي كل الى بينا و مش بتكلم عن الشوية الى اتجوزنا فيهم بس!! فريده احنا قعدنا سوا عمر بحالة وانا معنديش عمر تاني اقضيه مع حد غيرك..
قرب ومسك ايدي: ولو عندي مش عايز غيرك
" دموعي نزلت مكنتش عاوزاه يقرب لأني خايفه مقدرش ابعد مش عايزه ارجع نفس الدايره تاني و زقيته بعيد عني بغضب "
- متقربش مني قولتلك يا عزيز فاهم
= طب اهدي!!
"كان هيقرب فا صْربته جامد بأيدي عشان ابعده لكن كأني صْربت حيطه!! مسك ايدي عشان ابطل"
- قولتلك ابعد متلمسنيش
= كفاية يا فريده!! انا مش هبعد انا بحبك!! معنديش حاجه اهم منك
- انت كداب
= هعمل كل ده ليه لو كداب!!! انا حتي لاغيت سفري!! لو مش مصدقاني اسألي هدي ..
بصتله بعدم تصديق فا كمل: أقسم بالله لاغيته.. انا خلاص هكمل شغل مع بابا وهفضل هنا معاكي و وسطهم.. مش عايز اي حاجه تانيه
" قرب وانا حاولت ابعد.. حاولت لكن مجرد ما بيقرب كل حاجه بتبوظ.. كل حصوني بتنهار.. بيجذبني ناحيته بقوة جبارة.. هي دي جاذبية الحب!!؟ الى تعتبر اكبر قوة على الأرض!"
" حضني بقوة وهو بيتنفس بسرعه كأنه كسب معركه صعبة.. وانا مقدرتش اخرج من حضنه.. هل سامحت بشكل كامل؟ لاء! لسه عايزه اعاتبه.. لكن مقدرتش ابعد اكتر من كده.. "
>>>>>>>>>>>>>>>>>>>>>>>>>>>>>>>>>>>
|| بعد مرور اسبوع ||
- يا فريده بقا اتقي الله
= مش هسيبك تنام هنا قولتلك كل واحد في اوضة يا اما تفرش وتنام على الارض يا اما ترجعني لبابا
- يابنتي!!.. احنا هنعيده تاني؟
= اه يا عزيز هنعيده تاني وتالت
- يا فريده انا صالحتك بتاع ست مرات
= يبقوا سبعه
" قرب بسرعه وباسني فا بصتله بنرفزه "
- يا قليل الأدب!!!
= بصالحك الله!!.. قوليلي بس المهم هنعمل صنيه بطاطس امتي ؟
- فالمشمش يا عزيز
= ايه؟
- قلبظ بجنيه
= بحبك عامة..
- بكرهك.
= انا عندي شغل بدري بكره اصحيكي؟
- لو جيت ناحيتي هعجنك.. واتفضل بره..
" اتقمص و خرج.. الخطه طالبة كده هعمل ايه! "
" صحيت تاني يوم الصبح الساعه خمسه الفجر.. حضرت فطار.. كان نايم.. وكان شكله حلو اوي.. "
" روحت عشان اصحيه الساعه سته و بوست خده.. وخرجت "
" بعد دقايق لاقيته قايم "
- فريده؟
" فرك عينه وبدء يركز "
- هو انتي صحتيني؟
= اه..
- و ادتيني بوسه؟
= تقصد الـkiss morning لا محصلش
- أكيد كنت بحلم
= اه اكيد يعني
- انتي ايه الى مصحيكي الساعه سته هتبيعي لبن؟
ضحكت وانا ببصله: بعملك فطار يا زوز
= معقول يا فوفو؟
- اه..
= طب وصنية البطاطس
- لما ترجع يمكن تلاقيها
= انا بحلم؟
- لا.. وعلى فكره.. انا اديتك الـ kiss morning
غمزلي: طب ما تقولي بقا انك واقعه في حبي
ضحكت: انا واقعة في حبك.
>>>>>>>>>>>>>>>>>>>>>>>>>>>>>>>>>>
" تمت "
وفر وقتك… لو بتدور على رواية كاملة وممتعة… اضغط (هنا)
