اسكريبت حب متهور بقلم سلسبيل أحمد
- جايبك من قسم؟ ادخلي ادخلي
= بتحصل فى احسن العائلات مش حوار
- اية بتحصل؟ وياتري هجيبك منين تاني
= يلهوي اللحقيني يا خالتو
" استخبيت وراها وهوا قعد يزعق "
- هي اية دي الي بتحصل القسم؟؟
- في اية يا واد انت وهي
= شوفتي ياخالتو اخرتها روحت اجيبه من القسم
اتغاظ وجري ورايا: طب تعاليلي كدا هنا ونشوف
روحت ناحيه السفره جري وزعقت: لا بقولك اية انت ملكش دعوه بيا ولا هتتنطط عشان خرجتني
- عيب يا ليلي وانت يا زين اعقل يابني
= هي خلت فيا عقل! الهانم اتخانقت وراحت القسم وروحت جبتها !!!!
- ينهار ابيض روحتي القسم يا ليلي؟
اتكلمت ببرود: يخالتو عادي مجرد خناقه عيل رخم عليا انا وصحابي وصْربناه اسكتي عدمناه العافيه مخلناش فيه حته سليمه
= تربيتي.. قصدي ءء اية دا ازاي تعملي كدا
= ادي بنت اختك!!!
- وافرض كان عملكوا حاجه انتوا في الاخر بنات
= البنت زي الولد مش كماله عدد
زين: جاب اخره وجري ورايا وقعدنا نلف حولين السفره لحد ما طلع فوقها وجابني من قفايا: هو انا قولت اية قبل كدا ها ردي قولت ايييه
= متتخانقيش في الشارع ولا ليكي دعوه بحد
- امال بتتخانقي ليه يمهزقه
= الخناقه الى جت لحد عندي اقولها لاء
شد شعري: ولما تبقي سوابق هتفرحي
= اععععع يخالتو
ساب شعري وخرج من الشقه وهوا مقموص وانا الي اصْربت !!
- شوفتي ابنك؟ يا فوقيه
= كدا برضو؟ دا خايف عليكي هتفضلي مجنناه كده؟
- يخالتو والله الواد زودها معانا انا مكنش قصدي، بصي طيب هوا تلاقيه طلع السطح هطلع هصالحه.
= ياخوفي لحسن يرميكي من فوقه
ضحكت: ان شاء الله لاء
>>>>>>>>>>>>>>>>>>>>>>>>>>>>>>>>>>>
صلي على محمد.
" طلعت و لقيته قاعد ومدي ضهره ناحيتي.. كانت الشمس غابت وشايبه اثرها الجميل في السما ب لون اورانج علي احمر فاتح.. قربت عنده بهدوء"
- احم .. احممم
خبط على كتفه: مخلاص متبقاش قفوش امال
= شيلي ايدك من عليا يابت
- عندك حق احسن تتعاص كاكا
بصلي بعصبيه فا ضحكت: انت ايدك تقيلة ها
- احسن
= ومالو زي اخويا
- انا مليش زفت انا
= ابن خالتشي ومالو برضو
- انزلي يا ليلي
= تؤ دا انا جايه اصالحك
- مش هتصالح
= لا يا زين هتتصالح هو انت من امته بتزعل مني
- من دلوقتي انا فعلا شكلي دلعتك واخدتك عليا
حاولت مزعلش من كلامه عشان مضايق: حقك عليا
- هوا اية حقك عليا 100 مره اقولك تمشي عدل
وملكيش دعوه بحد وصحابك دول متضحكيش معاهم في أم الشارع ولا تكلميهم اصلا لانهم مش شبهك ورغم كدا لازقه فيهم بتعاندي ليه!
= لا مش فاهمه هوا انت بتغلطني عشان واحد مهزق اصلا وبعدين صحابي مالهم مسمحلكش تغلط فيهم ؟؟؟
- وانتي كمان شايفه ان دا صح ولا مش واخده بالك انك دخلتي قسم؟؟ ياريت تبطلي تهو. ر شوية عشان انا تعبت وجبت اخري تمام؟؟
= تمام
قبل ما انزل بصتله: كنت فاكره انك عارفني و واثق فيا اكتر من كده ومش هتغلطني عشان واحد مهز.ق بس ومالو من هنا و رايح مش هقرفك بمشاكلي.
" يومها نزلت واكتفيت كلام لحد هنا يمكن فعلا المشكله كانت كبيره بس انا مببقاش قصدي يحصل كل دا بحاول اتجنبها و هو كمان فضلت اتجنبه! بس ازاي واحنا في بيت واحد؟ وبيفصلنا عند بعض دور؟ دا غير اني بتغدا معاهم كل يوم للحظه حسيت اني حتي مش هقدر ابعد عنه ولا عن خالتو مليش غيرهم بعد ماما و بابا! "
>>>>>>>>>>>>>>>>>>>>>>>>>>>>>>>>>
- خالتو انا نازله
= خدي هنا رايحه فين
- مخنوقه وعايزه اخرج سلام بقا
" خت مفتاح العربيه وقعدت اللف ومعلومه اكتشفتها عن نفسي وانا مضايقه تقريبا بتعمي قعدت ادخل شوارع وتوهت ووقفت في احسن موقع استراتيجي حته مقطوعه بس اية فله كنت هعملها على نفسي
قعدت ارن على صحابي يخدوني.. "
- ألو! اميرة؟
= ايه يا لولو
- اية الصوت العالي ده
= اصلنا في حفله روشه طحن
- طب انا تايهه وعايزه حد يجي يخدني و كمان العربية شكلها هتعطل مني
= طيب ابعتي لوكيشن وهجيلك
- ماشي باي
" بعتلها لوكيشن وفضلت مستنيا وبعد نص ساعه لقيت نور تلت عربيات داخلين عليا "
نزلت من العربية وبصتلي: لولو انتي كويسة؟
روحت عندها بسرعه: مش مصدقه انتي انقذتيني بجد و مين دول ؟
- دي هايدي ومعاها كريم و نورا و يونس وانس في عربيتي قولنا نيجي نخدك
حضنتها: بحبكوا اوي بجد
انس: طب يلا بقي
- و العربية!
= مش قولتي عطلانه؟
- معرفش!
= انزل يا نجم الميكانيكا شوف العربية
رد يونس بضجر: اتريق يا مهزق لو عربيتك عطلت مش هعبرك
كريم: يخويا اتلهي على عينك ده عربيتك انت اصلا فالتوكيل
يونس: يا جاهل ده مجرد روتين بس
"ضحكوا كلهم وبعدين بدء يونس يعدل حاجات في الكابوت و دارت فا ليلي ركبت ومشيت وراهم"
>>>>>>>>>>>>>>>>>>>>>>>>>>>>>>>>>>>
|| في البيت عند زين ||
- كويس انك جيت يا زين!!
= خير يا ماما
"بصتله بتوتر"
= ما تتكلمي يا ماما
- بصراحه كده ليلي خرجت من بدري و متأخره
= هي ليلي بره لحد دلوقتي؟
"هزت راسها بصمت"
زين برم شفايفه بعصبيه مكتومه: مش بترد على الموبايل؟
- لا كلمتها كتير مردتش
= أكيد مع الصايعين صحابها!!!!
- طب وبعدين يابني
= بتخليها تخرج ليه بس !
- وانا هحبـ. سها يا زين !
= انا بقي هحبـ. سها يا ماما لما اللقيها ايه رأيك
"خرج و قفل الباب وراه"
فوقيه بقلق: يارب استر
>>>>>>>>>>>>>>>>>>>>>>>>>>>>>>>>>>
||في كافيه في مصر الجديدة| الساعة 12 بليل ||
يونس: على اخر الزمن نقعد في كافيه عشان الاستاذة ليلي مش راضيه تدخل حفلة فيها شرب
ليلي وهي بتشرب البرتقال: اشرب برتقال يحبيبي طعمه حلو و مفيد للجسم
نورا: انا كمان بدأت امل من جو الحفلات ده على فكره
اميرة: وانا كمان اتفق مع صحبتي
انس: انتي طبلة اصلا
ليلي: ملكش دعوة بطبلتي يا عم
"فضلوا يضحكوا ويهزروا في الكافيه وصوتهم كان عالي"
هايدي: يخربيتكوا هنطرد بسبب صوتنا
ليلي بتهـ. ييس: حاسه اني مبقتش في وعيي من كتر الضحك وبطني وجـ. عتني بجد
"بصت قدامها عشان تتفاجئ ب زين قدامها قامت وقفت وبصتله وهو قرب منها بعصبيه جدا و شدها ناحيته"
- ايه ده ها ؟؟ ايه ده ! عارفه كلمتك كام مره و عارفه الساعه كام ؟؟ !
= سيب ايدي! اوعي مسمعتش الموبايل!!
- طب امشي قدامي
انس وقف وشال ايده بعيد عنها: براحه عليها يا نجم!
زين حْبط على صدره بنرفزه: اركن انت ياحبيبي وملكش دعوه!
كريم: بس اهدوا!! وانت ياعم ما براحه مين ده اصلا؟؟
اميرة: بس اهدوا ! اصبر يا كريم انت و انس ده ابن خالتها!
" ليلي خرجت من المكان عشان المشكلة متكبرش و راحت ناحيه عربيتها و فتحت الباب عشان تركب زين منعها وقفله بأيده "
- رجعتي لهم ها ؟؟ بتعانديني تاني ؟
= وانت مالك ! انا عايزه بتدخل في حياتي ليه! وبعدين انا قاعده مع صحابي معملتش حاجه غلط!
- انتي مصدقه نفسك ! دول مش صحاب ! ولا ده منظر قاعده وسط ولاد بتضحكي! و مش عارفين نوصلك
بصتله بستغراب: انت عرفت منين مكاني وانا مردتش؟
زين سكت و هي بصت في عيونه: بقولك عرفت منين؟ انت كنت ماشي ورايا ؟
زين مسح على وشه بنرفزه وليلي بصتله بدهشه: كنت بتراقبني ولا ايه !!!
بصلها بعْضب: اها براقبك بس ممشتش وراكي
ليلي بعدم فهم: يعني ايه الى بتقوله ده ؟؟
زين بخفوت: موبايلك فيه جهاز تتبع انا الى حطيته عندك
اتكلمت بصدمه: ايه!؟ انت فعلا عملت كده! انت عملت كده معايا؟
- انتي عارفه اني قصدي مش وحش
ليلي سقفت وهي بتضحك: طبعا فاهمه قصدك ايوا برافو
وفيه ايه كمان معرفوش؟ معين عليا محْبرين مثلا؟
" كان بيقرب ناحيتها وبيحاول يمسك ايدها فا ليلي صْربته بالبونية بغل "
زين مسك وشه بأيده لثواني مكان اللكمه و بعدين بصلها: تمام.. يلا نروح
زقته بعيد عنها ورْعقت: اوعي تفكر تلمسني !!!!!!
" ركبت العربية بعصبيه و اتجهت للبيت و اول ما وصلت معدتش حتي على فوقيه ولا ردت عليها وهي بتنادي وطلعت شقتها وقفلت الباب بالمفتاح"
فوقيه بقلق: عملت لها ايه يابن الجرْمه !!!!
زين بدهشه: جرا ايه!!! هعملها ايه؟ دي هي الى صْرباني!
فوقيه: احسن اوعي كده و بات لوحدك بقي
زين ضيق عينه وبص عليها وهي طالعه لحد ما اختفت: شكلها لقياني على باب جامع اوفكورس انا لقيط.
>>>>>>>>>>>>>>>>>>>>>>>>>>>>>>>>>>>
- خلاص متزعليش نفسك وانا هعرفه ازاي يعمل كده
= انا مش مستوعبه ياخالتو
- خلينا متفقين يا ليلي انوه بيخاف عليكي ومش قصده حاجه ومش عشان ابني باخد صفه بس انتي اتأخرتي وده مينفعش
= فا يعمل كده؟
- لاء طبعا انا هاخدلك حقك
= خلاص روحي انا كويسة لحسن اللقيه طالع
لقينا الباب بيحْبط فا بصيت لخالتو: شوفتي؟
" قامت فتحت وهو دخل بالعافيه "
- سبينا لوحدنا يا ماما عشان انا محتاج اخد حقي
= حق مين يا ابن ال ده انا هعرفك ازاي تزعل بنت اختي
- خديه بعيد عن وشي عشان مش طيقاه
زين بصلها بنفاذ صبر: انا طالع السطح مستنيكي فوق لو مطلعتيش خلال تلت ايام هرمي نفسي من فوق باي
سابنا وخرج وسمعنا خطواته على السلم طلع فعلا بصيت لخالتو بقلة حيلة: شايفه ؟ خليه يرمي نفسه
- معاكي مهله تلت ايام تفكري
ضحكت على طريقتها: ينفع اطلع و اصْربه بونيه كمان؟
- ومالو خدي راحتك
" طلعت وانا مضايقه منه ومبصتش ناحيته فضل ساكت المستفز فا بصتله "
= هو انت لدرجه دي مبتثقش فيا؟
بجديه: بطلي غباء ! انا حاطه عشان عارف انك غبيه وتوهتي خمسين مره قبل كدا انا قلقان عليكي مش اكتر وانتي عارفه ده وبعدين هوا دا موضوعنا؟
- ايوه ده موضوعنا انا مش عايزه طريقتك ده ولا هقدر اتقبلها! تحت اي ظرف مرفوضه!
= تمام.. وانا اسف يمكن انا غلطان لكن انتي متهو* رة هتنكري ده ؟؟
- تعرف حاجه ! انت لو اخر حد في الكوكب مش هطلب تساعدني يا زين! ولا هكلمك
قربت ومسكت دراعها وابتسمت: متعاندنيش يا ليلي
= اوعي ايدي بدل ما اديلك لكمه تانيه في وشك ده و هعاندك انا حره
- لا مش حره !
= ليه بقي ان شاء الله
- كده !
= يعني ايه كده !!
- يعني كده انتي مش حره طول مانا موجود
= عشان ايه يعني انت موجود مش فاهمه!
بص لعينيها واتكلم بسرعه: عشان بحبك
و انا مكنش قصدي اتعصب واقول اني تعبت منك بس انا خايف عليكي و عندي خبره في الناس والى انتي معاهم دول!!! مش شبهك! انتي مش كده و كمان انا بغير عمري ما هتحمل الى بتعمليه ده حتي لو لسه مفيش بينا حاجه
اتنهد بتعب وكمل: ليلي انا بجد بحبك و مش عايز اخسرك وانا كده حاسس اني بخسرك مش هقدر اسيبك مينفعش لازم اوريكي الصح و الغلط و احميكي حتي لو من نفسك! عشان ساعات بتهب منك مش بتبقي عارفه بتعملي ايه ولا بتفكري اصلا في الحاجه
بصتله وانا لسه واقفه عند كلمه بحبك: انت بتحبني؟
زين بصلها وهو مضيق عينه: هو انتي لسه هناك؟ انتي مسمعتيش الى بعدها ولا ايه
ليلي ضحكت جامد: زين ؟
- نعم يا ليلي
= انا كمان بحبك
- ايه؟
= و بحب خوفك عليا حتي بس مش بالطريقة دي مش تحط Gps في موبايلي!
- بتحبيني؟
= انت برضو عطلت عند الكلمه دي!
- انا عطلان من بدري
= طب بجد يا زين.. بطل طريقتك!
- وانتي هتبطلي تهو*ر ؟
= من انهي ناحيه
- اولهم صحابك
= تنكر انهم دافعوا عني قبل ما يعرفوا انت مين؟ وعربيتي عطلت علفكره وتوهت واميرة جاتلي!
- مش هفرض عليكي حاجه! بس انتي عارفه الصح و الغلط من امتي اتربينا نقعد مع ولاد عادي!
= تمام انا غلطانه في دي
- حلو يبقي متفاهمين!
= هننفع يعني؟
بصلي من فوق لتحت: ننفع أها
صْربته ف كتفه: بكرهك
- بتحبيني
= لاء
- الى تشوفيه
= تعرف احنا هننفع ليه؟ عشان متفاهمين وفاهمين بعض! مش بنسب الزعل ياخد وقت من حياتنا و عشان انت ناضج و حنين حتي في عصبيتك يعني مثلا لما اقولك اني وانا خارجه انهارده حْبطت ب عربيتي في عربية راكنه في الشارع وغالبا فيه كاميرات وصاحبها هيجبني ويقدم بلاغ مش هتتعصب لأن انت راجل متفاهم
بصلها وهو بيرمش: بتقولي عملتي ايه يا ليلي
ابتسمت بأحراج: غالبا هتجبني من القسم للمره التانيه
- قسم تاني يا ليلي؟!
>>>>>>>>>>>>>>>>>>>>>>>>>>>>>>>>>>
تمت.
