اسكريبت الثقه في الله بقلم منال كريم
اسكريبت الثقه في الله بقلم منال كريم
= هاي يا هنا، طبعا مستغرباً أنا عرفت اسمك ازاي، اصل أنا هاكر. و من الاخر صورك معي نفذي طلبي أو فضحيتك تكون بجلاجل.
#الثقة_في_الله
بقلم منال كريم
////////
تجلس هنا فى غرفتها تدرس لاقتراب امتحانات الثانوية.
أعلن الموبايل عن وصول رسالة واتساب.
فتحت الرسالة
كان يوجد كلمة : هاي
حدثت نفسها بضيق: هاي أحنا المفروض ،نقول السلام عليكم ورحمه الله وبركاته وبعدين مين ده.
قفلت الموبايل وعادت لتكمل ما تفعلها.
بعد وقت وصلت رسالة من نفس الرقم كان فويس
فتحتها.
كان صوت شاب: هاي يا هنا طبعا مستغرباً ،انا ازاى عرفت أسمك أصل أنا هاكر انتي بمجرد ما فتحتي الرسالة ،تليفونك اتهكر، أنا خدت كل الصور والمعلومات اللى عليه فا انتي لازم تسمعي كلامي، أو كل صورك تكون فى وسائل التواصل الاجتماعي.
وخلص الفويس.
أما هنا فى كانت تسمع كل كلمة وتموت من الخوف والرعب والقلق الرهيب.
قالت بدموع: ياريت ما كنت فتحت الرسالة أعمل ايه دلوقتي ،يارب أقف جنبي ،يارب أنا مش غلطانه فى حاجه، يارب ابوي وامي ناس طيبة.
قاطع كلامها مع نفسها، وصول رسالة اخري.
فتحت الرسالة المكتوبة و كانت عبارة عن : عامله ايه دلوقتي، بس ايه كل الحلاوه دي مستخبيه وراء النقاب لا جامده الصراحة.
كتبت بايد مرتعشة: أنت مين وعايزه ايه.
أجاب برسالة مكتوبة: عايزك بكره تجي شقتي أنا اهلي مسافرين وعايز حد يسليني.
كتبت برجاء: لا مش جايه حرام عليك تقبل حد يعمل في اختك كده.
أجاب بفويس بارد ،و لم يخشي الله: أنا معنديش أخوات بنات.
كتبت : وأنا قولت لا .
ارسل فويس بصوت غاضب:
انتي الجانيه على نفسك لما تصحي الصبح وتلقي صورك فى كل الدنيا وطبعا تكون صور جريئة.
اسمعي يا قمر من الاخر ، صورك معي نفذي طلبي أو فضحيتك تكون بجلاجل.
استجمعت شجاعتها و قررت ارسل فويس أفضل من الكتابة و الابتسامة تزين ثغرها و قلبها ممتلئة بالراحة و السكينة:
وأنا مش خايفه منك لأن معي ربنا ،وعمر أهلي ما يصدقوا الصور دى لأنهم عارفين بنتهم على ايه، أعمل كل اللى تقدر عليا علشان تاذي بنات الناس، بالمصيبه اللى اسمها هاكر
لكن افتكر حاجه واحدة، أن فى يوم تموت وتكون لوحدك فى القبر يوم الحساب كل اللى أنت ظلمتهم يأخذوا حقهم منك، لو مش في الدنيا في الآخرة ،لأن هناك الحكم العدل ،من الأفضل لك يا أخي فى الله التوبة، قبل فوات الاوان حتي لا ياتي يوما لا ينفع في ندم.
أنت أعمل كل حاجه يقولك عليه شيطانك علشان هو كده مبسوط بيك.
بس أنت لو معك الشيطان
فانا معايا خالق الانس والجن وخالق كل شيء معي الله.
أنا وأنت دلوقتي في حرب
بس أكيد أنا الفائزة ، علشان معايا الستار الذي يستر على عبده ولا يفضح ذنبه.
أما أنا معملتش حاجة ، وكل ده افترات عليا اكيد ربنا مش يسبني لوحدي.
أنا أعمل حظر لرقمك و مش خائفة منك، فكر فى كلامي التوبة حتي لا يحزن منك رسول الله صلى الله عليه وسلم.
طبعا مش بقول كده خوف عليك أو خوف منك لا بقول كده يمكن ربنا يهديك واخد ثوابك.
السلام عليكم ورحمه الله وبركاته أفضل لان مسلمين مش أجانب ، و ربنا يسامحني أنك سمعت صوتي ، بس كنت ممكن متفهمش كلامي المكتوب.
و قفلت هنا بعد ما شعرت راحة كبيره وعدم خوف، و أكملت الدراسة...
وجاءت امتحانات الثانوية العامة، ونجحت هنا ودخلت كليه تجارة هذا كان حلمها ،و عوضها الله نتيجة المجهود التي بذلتها، و ثقتها أن الله لا يضيع مجهود من عملا صالحا..
في كليه التجارة
تجلس هنا فى الكافتيريا تراجع المحاضرة اللي اخذتها،
جاءت عليه فتاة محجبة وقالت :السلام عليكم ورحمه الله وبركاته .
هنا: وعليكم السلام ورحمه الله وبركاته.
جلست على المقعد الذي أمامها و قالت بابتسامة: شكلك سنة اولى زي.
هنا : ايوه ،اسمك ايه
أجابت بهدوء : رحمه وأنتي
قالت : هنا.
جلسوا يدرسون مع بعض
حتي موعد المحاضرة القادمة.
وهما فى طريقهم كان في تجمع من الشباب و الفتيات
رحمة: فى ايه
أجابت فتاة: ده أحمد
هنا : ماله صوته عالي كده.
فتاة. آخرى: كان في شاب يعاكس بنت وأحمد شافه وطبعا أحمد يعتبر كل البنات اخواته مش يسمح بالوضع ده.
أحمد بصوت عالى: قولت كتير وبقول تاني اي شاب قبل ما ياذي اي بنت يفتكر هو ممكن يعمل كده فى اخته أو أى بنت تخصه ، أنا تكلمت كتير بلساني لكن بعد كده لازم امد ايدي..
ذهب أحمد الى الفتاة وهو ينظر إلى الارض و سأل بهدوء: انتي كويسه يا اختي.
الفتاة بدموع: الحمد لله شكرا لحضرتك
أحمد: العفو
ذهب أحمد و كل فتاة تنتمي يكون زوجها هذا الشاب الخلوق الذي يخاف الله
سألت هنا: هو فى سنه كام
الفتاة: آخر سنه
رحمة: يا خساره مين يدافع عننا دلوقتي بعد ما أحمد يمشي
ابتسمت هنا و قالت بهدوء ::أولا احنا معنا ربنا.
ثانيا لو ربنا جعل شاب زى أحمد يساعد البنات ،يجعل غيره كتير لمساعدة البنات.
قالت سارة : أحنا نأخذ كل خميس درس فى الجامع ايه رايكم تحضروا أحمد هو اللي المدرس..
هنا : النهاردة الخميس، أمت الدرس.
أجابت سارة: كمان ساعتين
رحمة: تمام نكون خلصنا المحاضرة.
ذهبت هنا ورحمة إلى المحاضرة.
ثم إلى الجامع لسماع الدرس كان الدرس عن الصلاة.
انتهي الدرس وعادت هنا إلى المنزل.
على السفرة
أبو هنا: عامله ايه يا هنا
هنا: الحمد لله
أم هنا: يومك كان عامل ايه
أجابت بابتسامة: حلو الحمد لله.
بعد الطعام دخلت هنا حتي تدرس وثم إلى النوم.
////////////////
ثاني يوم فى الجامعة
في المدرج
تجلس هنا تراجع دروسها قبل المحاضرة.
دخل عليها ٤ شاب و أغلقوا الباب.
نهضت هنا و سألت بتوتر: فى ايه
الشاب بخبث: ابدا عايزين نشوف ايه اللى وراء الخيمة السوده دي.
قالت بغضب: اسمه نقاب واحترام نفسك واطلع بره أنت وهو.
شاب آخر بسخرية : ولو قلنا لا تعملي ايه.
لم تجيب
شاب ثالث : ارفعي بمزاجك احسن.
شاب رابع: أنا من راي نرفعه احنا.
هنا بصوت عالى جدا:: الحقوني الحقوني
كان يسير أحمد وسمع صوت الصرخات و الاستغاثة ،اقتراب من باب القاعة وتأكد أن الصوت من هنا.
نظر احمد إلى شاب يسير و قال : لازم نكسر الباب ده فى بنت تصوت جوه.
فعلا كسره الباب ودخلوا
أحمد بغضب: بتعمل ايه منك ليه .
الشاب بابتسامة مستفزة : وأنت مالك.
ضربه أحمد بوكس قوي في وجهه.
نظر إليها و سأل بهدوء: فى ايه يا انسه
قالت بدموع: أنا كنت قاعدة بذكر، لقيتهم داخلين عليا ويقولوا عايزين نشوف ايه اللى وراء الخيمه السوده دي.
قال بعصبية : دول لازم يروحوا لمكتب العميد.
جاء الأمن الذي تم استدعاه ،اخذ الشباب.
غادر الجميع إلا أحمد وهنا.
كان ينظر إلى الأسفل و قال بهدوء: أنا اسف يا انسه لكن غلط تقعدي لوحدك فى المدرج كده.
هنا بدموع: أنا كنت بذاكر و المحاضره تبدأ بعد ربع ساعة،
اكيد لو أنا عايزه كده مش كنت اطلب المساعدة.
أحمد بهدوء: أنا مش قصدي كده أنا اسف، يلا على مكتب العميد.
خرج أحمد وخلفه هنا
الى مكتب العميد وتم عقاب الشباب.
مر عام كان يشعر أحمد أن قلبه متعلق بهنا منذ حادثة الشباب و هي أيضا.
رغم طول هذه السنه لم يحدث حديث بينهم الا يوم تعرض الشباب لها..
حتي فى دروس الجامع لم يحدث حديث بينهم ولم ينظرون إلى بعض.
في منزل هنا.
ام هنا: هنا فى ناس جاي بكره أن شاء الله
زفرت بضيق و قالت: ليه خير ان شاء الله.
ام هنا: انتي عارفه
قالت بعصبية : يا ماما استنوا لحد ما اخلص الجامعة.
أم هنا: انتي تخطتبي سنه و تكملي فى بيت جوزك.
هنا بحزن : هو يعني انتوا زهقانين مني أوى كده.
أم هنا بابتسامة: اه
لم تتحدث معها و غادرت إلى الغرفة.
في اليوم التالى
في غرفة الصالون
يجلس أبو هنا
والعريس وأبيه وأمه.
دخلت هنا مع أمها وهى تنظر إلى الأرض بخجل و خوف.
بعد السلام خرج الجميع
إلا هنا والعريس و جاءت أم هنا ترفع النقاب ،مسكت هنا النقاب باعتراض.
قال العريس بهدوء : خليها براحتها حضرتك.
غادرت أم هنا.
العريس: مش لازم اشوف وشك لاني متاكد أنك جميلة.
هنا لنفسها: أنا سمعت الصوت ده قبل كده.
قال بابتسامة : يعني مش عايزني اشوف وشك ، و مش عايزة تشوفي وشي.
رفعت عيونها و نظرت إليه و قالت: أحمد.
أبتسم و قال: عيونه.
نظرت إلى الأسفل بخجل ، قال بمزح: هو أنتي لحقتي.
سألت بهدوء: هو أنت هنا ليه.
أجاب بحب: بحبك و عايز اتجوزك.
أخذت نفس عميق و هي تسمع دقات قلبها العالية.
أكمل هو بهدوء: من يوم المشكلة اللي حصلت و انتي معلقة في قلبي و عقلي، استنيت على ما خلصت الدارسة و اشتغلت و جيت طالب القرب.
لم تجيب أيضا.
قال بحب: هنا أنا بحبك وعايز اتجوزك موافقه.
لم تجيب ،لكن أومأت رأسها بالموافقة ، و لم ترفع النقاب و لم يراه وجهها.
و تمت الخطوبة دون رؤية وجهها و تم تحديد كتب الكتاب.
قبل كتب الكتاب بيوم
في منزل هنا
أحمد بتوتر: هنا كنت عايز أقولك حاجه قبل ما تكوني مراتي بكره أن شاء الله.
أجابت بهدوء : اتفضل
قال بندم: أنا كنت شاب فاسد بعمل كل حاجه حرام، لحد ما في يوم حصل معي حاجة غيرتني تماما.
وحكي أحمد عن المواقف اللى حصل بينه وبين هنا.
تحت ذهول هنا
أحمد هو الشاب الذي هكر هاتف هنا..
فلاش باك
بعد ما هنا ارسلت الرسالة الصوتية له.
كان أحمد يسمع كل كلمة ، كان قلبه يبكي قبل بعيونه..
ذهب إلى الحمام توضا ، و تذكر الصلاه التي لم يتذكرها يوماً ، و كأنها ليست فريضة على كل مسلم..
بخطوات مرتعشة يقترب من سجادة الصلاة ، لم يكن جاهز لهذا اللقاء.
يعلم أنه أخطأ و تاخر في مقابلة الله عز وجل ، لكن كلماتها تعطيه القوة لذا قال بصوت مرتعش و الدموع الغزيرة:
الله أكبر.
ينجي ربه ، يدعو و يطلب السماح و الغفران، يبكي على أخطاء الماضي، يطمع في الجنة ، خائف من النار، قال برجاء و ذل:
يارب سامحني أنا غلطت كتير يمكن خلتني ارن على رقم البنت دى بذات علشان عايزني اتوب، يارب اغفر لي ولوالدي وللمؤمنين والمؤمنات الاحياء منهم والاموات.
ظل يبكي ساعات من كثرت ذنوبه.
وتغير أحمد منذ هذا اليوم الى الافضل.
كانت تسمع ببكاء، هو لا يعلم أنها نفس الفتاة..
انتظر منها تعقيب لكن لم تتحدث.
ظن أنها لا تقبل الزواج منه بعد هذا الحديث.
قال بخوف و توتر : هنا.
نهضت من مقعدها و قالت: مستنيك بكرة.
أبتسم بسعادة و حب.
في اليوم التالي
تم كتب الكتاب.
تجلس هنا مع أحمد
قال بهدوء: ايه يا حبيبتي مش اشوف وشك بقا.
كانت تنظر إلى الأسفل ، رفعت راسها من الأرض و نظرت له، ثم رفعت النقاب، نظر بصدمة و قال: انتي.
سألت : أنت لسه فاكر ملامحي.
أجاب بحزن: كنت مضايق أني مش عارف انسي شكلك في الصور ، بس قلبي دق ليكي انتي و بحبك انتي، كنت بقول يمكن مش عارف انسي شكلك لأنك سبب التوبة بتاعتي.
ابتسمت و قالت: أنت حببت هنا اللي هكرت تلفيونها و حببت هنا زميلتك في الجامعة و الاتنين واحد ، بس أنا بحب أحمد زميلي، و كنت ديما بدعي بالهداية للهكر اللي هكر تلفيوني، ربنا له حكمة يجمعنا مرة تانية، علشان نساعد بعض في طاعة الله ورسوله.
قال بحب: أنا بحبك اوي ، و بشكرك أنك كنتي سب أني أتوب.
قالت بحزن: أنا بزعل اوي لما بسمع عن بنت انتحرت أو دخلت فى اكتئاب حاد بسب هكر رغم أنهما متأكدين أنهما مظلومين ونسوا أن ربنا ديما مع المظلوم.
أحمد بحزن: هنا لو مش عايزة تكملي معي براحتك.
قالت بابتسامه: أنت اتغيرت و بقيت أحمد أسم على مسمى و ديما تحمد ربنا،بس ازاي مش ربط بين اسمي هنا وكمان منتقبة و صوتي
أحمد بهدوء: لاني نسيت أسمك خالص بقيت بيني وبين صلاتي اقول يارب اكرم البنت اللى سبب فى توبتي، عمري ما نسيتك من دعائي، و منتقبة في كتير و صوتك ملحقتش احفظ صوتك لاني سمعت الفويس مرة واحدة بس و مسحت الفويس احتراما ليكي .
أجابت بسعادة : تصدق أنا كمان كنت اقول ربنا يهدي الشاب ده.
تنهد بحب ثم قال: بحبك يا هنا.
أبتسمت بخجل و قالت: بحبك يا أحمد..
بعد عام آخر
تم الزواج و أنجبت هنا، فتاة و صبي، و عاشوا في حب و سعادة و رضا الله ورسوله.
سأل أحمد بتعجب: انتي ازي فى كل مشكله قويه كده.
أجابت هنا بابتسامة : الثقة في الله تفعل المستحيل
لم أكن يومًا تلك الفتاة التي يخشاها الجميع، لكن في أعماق الظلام أجد شعاع نور يضئ دربي.
في لحظات الخوف أشعر بلمسة من الامان، و عندما تدمع عيني تزهر إبتسامة على شفتي.
و هذا ليست قوة مني ،بل ثقة في الله....
و تمت بحمد الله
#الثقة_في_الله
#روايات_بقلم_منال_كريم
💓💓💓💓💓💓💓💓
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
💓💓💓💓💓💓💓💓
