رواية الورث (كاملة جميع الفصول) عبر روايات الخلاصة بقلم سلسبيل أحمد
رواية الورث الفصل الرابع 4 والأخير
كريم قرب منها اوي وحط ايده بأستعباط على وسطها وقربها لي سارة كانت لسه هتبعد وملحقتش لما لقت بوكس من امير لبس في وشه
كريم قام عشان يضربه ولكن وقفت سارة بينهم
: انا هعرفك ازاي تتجرأ وتمد ايدك دي عليا
سارة : بس اهدا اية الى عملته ده !!
امير : انا الى هوريك ازاي تتجرأ وتحط ايدك عليها بالطريقه دي يا زباله
كريم : اذا كانت هي مش مدايقه انت مال اه.لك
امير اتجنن وبعد سارة ونزل عليه ضرب و كريم كان هيقوم يضربه ولكن الناس فضلت تحجز بينهم
_________
امير خرج من صاله الجيم وسارة نزلت وراه
- امير امير يا امير استني عشان خاطري
وقف وهوا مديه ضهرها
- يعني انت الى ضربه ومدايق
لف جسمه ومسك ايديها= عايزه اعمل اية ؟ وهوا بيقرب منك كدا
سارة بدموع - كنت هبعده عني
امير : بجد ؟ انا مش فاهم انتي عايزه اية
سارة : انا عاوزة افهم مالك مش اكتر انا الى مش فهماك ولا فاهمه بتعمل كدا ليه
امير : دا ليه ان شاء الله تفهميني ليه
سارة : كدا
امير : يهمك في اية؟
سارة بسرعه - عشان انا بحبك !!
امير ضحك = ياه بتحبيني مره واحد هو انا مش واحد رجعي وبتحكم فيكي واية كمان اه متخلف وبعدين منتي مصاحبه كريم اعتقد؟
سارة - انت بتحبي يا امير وانا عارفه
= لا غلطانه للاسف الي حبتها مبقتش موجوده
- يعني اية ؟
= يعني انتي مجرد بنت عمي تخدي فلوسك الي جيتي عشانها وكل واحد يشوف دنيته حلو؟
ومشي وسابها فضلت كتير بتعيط ومش عارفه تروح فين كلمت هايدي عشان تجلها
في نفس الوقت امير كان بيكلم اتنين تبعوا يطلعوا عالنادي ويفضلوا وراها عشان لو تاهت ميعرفش ليه عمل كدا ولكن يمكن لسه مش قادر يقسي لدرجه انوه ميخفش عليها طلع عالشركه بعد ما اطمن انهم وراها
وعرف انها مشيت مع واحده صاحبتها
__________
هايدي : ولا تزعلي نفسك اصلا انتي 100 واحد يتمناكي
سارة بعياط : انا كنت فكراه بيحبني انا طلعت مغفله اوي فاكره بيخاف عليا ومهتم بيا
هايدي : سيبك منه عندنا حفله اهم منه بكتير هنروح نهزر ونفرح وفكك منه خالص
سارة مسحت دموعها : معاكي حق بس انا مش عايزه ارجع هناك تاني لكن هدومي هناك
هايدي : خدي من عندي انا عندي فساتين كتير وبعد كدا نبقي نبعت حد ياخد حاجتك
سارة : شكرا بجد مش عارفه اقولك اية
هايدي : العفو ياحببتي انا بعتبرك زي اختي بالظبط
امير فضل يفكر فى كلامه الى قاله لسارة بتوتر
خالد دخل : خد الورق اهو ..
امير ؟
امير : هاه بتقول اية؟
خالد : يابني الورق
امير : اه طيب طيب
خالد قعد قصاده عالمكتب : مالك؟
امير : سارة قالتلي انها بتحبني
خالد ابتسم : ينهار فرحه ؟؟؟ وحد يتقاله بحبك يبوز كدا
امير : وانا قولتلها مبحبكيش
خالد : الله يخربيتك ياشيخ منك لله انت خنزير ياض
امير : اها
خالد: قولت كدا ليه يابني ادم براس بلاستيك
امير : معرفش
خالد : امير انت مش بتحبها
امير : بحبها
خالد : لا اله الا الله!!!!! صبرني يارب لما انت بتتنيل بوظت الدنيا كدا ليه
امير حكاله الى حصل
خالد : وهي لما عمل كدا سابته؟
امير : هي ملحقتش بقولك عجنته دا انا ايدي وجعاني الواد شبه البغل و وشه حيطه
خالد قعد يضحك : وانت عصبي وظربون يحبيبي بتفوت فالحديد
المهم انها مقبلتش يلمسها يعني زعلان لي
امير : عشان هي الى جرأته يعمل كدا
خالد : غلطت عادي فوتلها وعلمها خليك لين ياصاحبي ومتنساش انها تقريبا اتربت لوحدها بعد وفاة اهلها هناك والعيشة هناك مش سهله يعني هي محتاجه تكون جمبها وتشاور ليها بس عالصح والغلط
امير : هحاول بس ازاي بعد ما عكيت
خالد : بسيطه تصالحها
امير : تفتكر
خالد : افتكر جدا
__________________
امير خلص شغل وروح و لحد 7 بليل مستني انها توصل اكلم البودي جارد
_ الو يا امير بيه
= هي لسه عند صاحبتها؟
- ايوا
= متأكد
- خارجه قدامي يافندم وشكلها رايحه حته هي وصاحبتها
امير : طيب خليك وراها من غير ما تلاحظ
= اوامر سيادتك
امير قفل واتنهد : هي شكلها مش هترجع ولا اية انا هفضل مستني كدا
________________
هايدي وسارة وصلوا النايت كلوب كان في ولاد وبنات كتير اتعرفت على الشلة بتاعت هايدي
و وقفت مع تلاته منهم هادي و عمر و اميره
هادي : بس مقلتيش يا ديدا ان صاحبتك قمر كدا
سارة ابتسمت : شكرا يا
هادي قرب فجأه وقال جمب ودنها : هادي وبيقولولي دود
امير : احنا هنروح انا و عمر نرقص بقي
هايدي : خدوني معاكم
سارة فضلت واقفه مع هادي بتوتر
هادي : تشربي؟
سارة : مش بشرب
هادي : امال كنتي عايشة بره ازاي يبنتي
سارة : هي هايدي لحقت قالت
هادي قرب منها عشان تسمعه وضحك : اصل احنا صحاب من بدري وانتي دخلتي الشلة خلاص ومدلها الكاس و سارة خدته
_____________
عند امير كان قاعد مع خالد فالفيلا
امير وهوا بيعمل القهوه : معرفش اتاخرت كل دا لي
خالد : مسيرها تيجي اصبر يا حنين
و موبايلك شغال زن يعم تعالي شوف مين
امير رد - الو يابني في اية
= حضرتك هي دخلت مع صاحبتها ديسكو في ... انا قولت ابغلك
امير بصدمه : متأكد !!
- اها
خالد : اية ؟
امير : الهانم دخلت ديسكو؟؟؟؟؟؟
خالد : طب اهدا بس رايح فين
امير : رايح اخدها اوعي
خالد : طب اجي معاك
امير : لا روح انت
خالد : طب براحه يا امير الله يخربيتك
______________
امير ركب العربيه وساق بسرعه الصاروخ
لحد ما وصل : ندخل مع سيادتك يا امير بيه؟
امير شاور ليهم ب لاء واتجه على جوه بسرعه
اما عند سارة فضلت تشرب لحد ما اسكرت خالص وكانت بترقص مع هادي وهوا بيقرب منها
امير دخل وكان فى الدور الى فوق فضل يبص عليها تحت بعيونه لحد ما شافها ومكنش مستحمل لما شافها بترقص مع واحد ونزل بسرعه جدا لعندهم
ولما نزل لقاه لوحده
مسكه من هدومه بقوه : هي راحت فين
هادي كان سكران رد بضحك : هي مين؟
- الى كنت بترقص معاها
هادي : مش عارف ههه ترقص معايا؟
امير زقه بقرف وفضل يدور عليها وهي اختفت
" فالحمام "
سارة واقفه عماله تعيط وقاعده عالارض
امير شاف هايدي وقرب منها : فين سارة ؟
هايدي وهي بتتمايل : اية دا انا عرفاك؟
امير : سارة فيييين
هايدي : كانت رايحه الحمام
امير راح مكنش عارف يدخل عشان حمام بنات بص لعامله النظافه
- لو سمحتي
= ايوا
- في بنت جوه
= اها في واحده دخلت من شوية
- طب ممكن تخرجيها
البنت دخلت وخرجت تاني : مش راضيه دي قاعده عالارض جوه
امير دخل ولقها عالارض بتعيط فا شالها : حصل اية ؟ انتي كويسة ردي عليا
سارة زقته : اوعي متلمسنيش انا بكرهك
امير عرف انها سكرانه من شكلها : طب اهدي تعالي معايا
سارة زعقت : لاء لااااء انت مش عايزاني وانا بقي مش هرجع تاني اقعد معاك مش انت برضو مش بتحبني صح
امير : سارة اهدي و تعالي دلوقتي قولتلك انتي سكرانه!!!! ولا عايزه تكملي قرف بره مع الى كنتي بترقصي معاه
سارة ضحكت : اها اها اعمل مهتم بقي طيب لما هوا كدا مرجعتنيش ليه من امريكا بالمره ولا انت متعرفش التربيه هناك واو ازاي
امير : لو كنتي عايزه ترجعي كنتي رجعتي
سارة : ششششش متتكلمش انت اناني
امير : طيب ممكن تيجي معايا
سارة : لاء مش هاجي وامشي من هنا بدل ما
ما كملتش الجمله و ووقعت علي امير وهوا لحقها شالها وخرج بيها
البودي جارد : خير يا فندم!
امير : افتح باب العربيه
فتحله الباب ودخلها وبعدين ركب وراح بيها عالقصر شالها ودخلها عالحمام وفضل يفوق فيها بمياه سارة فاقت وفضلت تكح وبعدين رجعت كل دا وهوا وهوا ساندها على كتفه وماسك ضهرها عشان متقعش
غسل وشها ورجع شعرها لورا من على وشها
امير : خلصتي ؟
سارة مالت عليه فا شالها وهي اتعلقت بأديها في رقبته
حطها عالسرير وراح يعملها قهوه ويجبلها دوا
ورجع : سارة ؟ سارة ممكن تقومي
صحها براحه وادلها مضاد حيوي وبعدين بدء يشربها القهوه
امير : حاسه انك احسن خلاص
سارة هزت راسها
كان هيقوم فا مسكت ايده
امير اتنهد وقعد : بتعيطي ليه
سارة: كده
امير طبطب عليها سندت راسها على صدره وبتعيط
امير : انا اسف مكنش قصدي اقولك الى قولته
سارة : انا كنت عارفه انك مش بتحبني بس أ
قاطعها : انا بحبك
سارة : اية؟!
رافع راسها لي ومسك وشها بكفوفه: بحبك
سارة بعياط : بتحبني انا؟
امير : ايوا بحبك من واحنا صغيرين حتي بعد ما مشيتي مع اهلك فضلت احبك حتي بعد ما جيتي وقلبتي البيت بجنانك واغانيكي والبيت الي كنتي هتولعي فيه ده
سارة ضحكت وسط عياطهاا وهوا مسح دموعها
سارة : امال ليه قولت كدا
امير : كنت غيران ليه كنتي بتعملي كده
سارة : عشان مبقتش عارفه اية الصح واية الغلط انا حياتي باظت من اللحظه الى مات فيها بابا و ماما وكملت لوحدي هناك
امير : وانا هقولك اية الصح واية الغلط وحياتك بدءت من اللحظه دي وبقيتي مسؤله مني
سارة بصتله بأستفهام
امير : تتجوزيني
عيونها لمعت وهزت راسها ب اه وهوا ابتسم وحضنها
سارة : انا بحبك
امير : وانا عمري ما بطلت احبك
تمت..
