رواية ملاك الحياة الفصل السابع 7 بقلم داليا منصور
رواية ملاك الحياة الفصل السابع 7
#الفصل_السابع..
#ملاك_الحياة
ادهم اتصدم لم شافها كدا شالها وجري حطها على السرير وكلم الحراس وهو بيقول.
-ابعتولي دكتوره بسرعه وقفل التليفون وقعد جنبها وهو خايف مش عارف مالها، ولي اغمي عليها وهو خايف جدا اول مره يخاف عليها كده وهو معترف بده ،بعد فترة سمع صوت خبط قام ادهم وهو بيقول .
-ادخل..
دخلت دكتوره وكانت باين عليها محترمة جدا من لبسها وكل حاجة دخلت وكشفت عليها .
ادهم بقلق :
-هي مالها يادكتوره وقعت كده لي.
اادكتوره :
-متقلقش هي بس ضعيفه شويه وبسبب ان هي فالشهور الاولي في الحمل والعصبية الزيادة غلط عليها وكمان جسمها ضعيف جداً ومش منتظمة في ...
نزلت الكلمه على ادهم وهو مصدوم بيقولها.
-إنتي متأكده من الكلام ده.
الدكتورة :
اكيد متأكده انا دكتوره يافندم اتفضل دي الأدوية اللي هتجبهالها ولازم تهتم بأكلها كويس جداً...
وسابتوا وخرجت وهو كأن حد جاب حاجة وخبط دماغه بيها من الصدمة مش مستوعب ،وكمان هيجيلوا ابن ومن مين من البنت الي بتكره سيرتوا..
ادهم بخوف:
- اكيد مش هتسكت وهتنزل ابني..
وهو واقف و سرحان سمع صوتها وهي بتفوق ،جري عليها وهو بيقولها.
-إنتي بخير في حاجه بتوجعك بقيتي احسن.
ملاك استغربت تصرفوا ، وهو لي بيسألها كده ، فقررت تسألوا.
-انت قاعد كده ليه وليه بتقولي كده وانا مين جابني على السرير ،انا فاكره اني كنت بتخانق معاك بخصوص الكلية، فـ افتكرت انها وقعت وبعدين اي اللي حصل قولي.
ادهم بخوف :
-هقولك كل حاجة بس امانه متنفعليش تمام....
وحكالها كل حاجة وعن حملها وهو بيقولها.
-انا عارف إنك مش هتقدري تجيبي الولد ده وانك بتكرهيه بسببي بس ..مكملش كلامه وملاك وقفته وهي بتقول.
-مهما حصل مش هعرف احاسب الروح البريئة دي، علي زنب معملتهوش مهما كان ابني وانت الغلطان مش الطفل ، اه انا مش هقدر اسامحك، بس مش هعاقب طفل بريئ على عمايل ابوه.
ادهم بفرح :
- يعني مش هتنزليه شكرا بجد يـ....
وقبل ميكمل كلامه كانت ملاك مقاطعاه.
-بس انا مش هسامحاك مهما حصل.
ادهم بحب:
- اكيد هتسامحيني في يوم من الايام..
وفرح جدا وقرر يعمل حاجة هتفرح ملاك، وهتحمي ابنوا اللي جاي.
-----&&
عند اهل ملاك..
ابو ملاك كان قاعد وجنبه زوجته ام ملاك وهي بتقول بحزن.
-يعني كده بنتي راحت مني خلاص معتش هشوفها منه لله .
ابو ملاك :
-اكيد هترجع ملاك ادعي إنتي وهما بيتكلموا شافوا احمد خارج من اوضتوا وطالع ابوا ملاك .
-احمد يابني إنت رايح فين.
احمد :
رايح الشغل يا بابا في حاجة مهمه وطلبوني بالاسم وعاوزني .
الاب برضا :
-روح يابني ربنا معاك ،خرج احمد على شغلوا وفضل الاب والام وهما زعلانين جدا، على الي حصل لبنتهم وابنهم اتقلب البيت من فرحه ،لحزن مرة وحده .
الاب في نفسة :
-ياه ياملوكه كنتي ماليه علينا البيت فرح وسعاده ياتري إنتي عامله اي دلوقتي يابنتي وياتري عمل فيكي اي الشخص ده.
-----&&
عند نورهان.. عدا عليها الشهر ونص دول بحزن على صحبتها وكانت جسد بلا روح كانت مفتقده، لـ ملاك جدا وكانت بتروح كل يوم الجامعه على امل ملاك هترجع وتكون معاها وتديها المحاضرات .
نورهان بعد مخرجت من الكليه وهي ماشيه فالطريق وزعلانة ومش شايفة قدامها والعربيه كانت هتخبطها لولا ايد قويه شدتها وقعت علي الارض .
-إنتي مجنونه كنتي هتموتي....
قالها احمد الي كان رايح شغلوا بس في دكتور من جامعة اختوا ، رن عليه بسبب عدم حضورها فهو راح يشوف في اي وهو ماشي شاف نورهان ماشيه سرحانه وفي عربية هتخبطها جري بسرعه وشدها نورهان كانت خايفه جداً بس فاقت لم احمد شدها وهو بيزعق لها فقالتلوا.
-بتزعقلي لي ياحمد مكنتش واخده بالي..
.. بتقول كده وهي بتبص للارض وبعدت علشان احمد كان ماسك دراعها غصب عنوا.
احمد:
انا اسف مكنش قصدي امسك دراعك مكنتش واعي لم شوفت العربية جايه في اتجاهك محستش بنفسي وشديتك غصب عني .
نورهان :
- والا يهمك حصل خير وده غصب عنك مش بأرادتك المهم مفيش اخبار عن ملاك خالص .
احمد بزعل :
-مفيش كل مروح القصر يطردوني ولفيت على محاكم الدنيا محدش ساعدني لانها مراته وكمان جوز اختي شخص مشهور جداً وعنده نفوز في كل مكان علشان كدا الناس بتخاف لم اذكر اسمه بس امال لو وقفوا ضده هيعملهم ايه .
نورهان بزعل هي الاخري :
-ربك يسترها انا همشي دلوقتي علشان اتأخرت.
احمد :
-تمام في رعاية الله...
.. مشت نورهان بس من جواها كانت فرحانه انها جالها فرصه علشان تكلم احمد وافتكرت صحبتها زعلت تاني ونفس شعور احمد .
------&&
عند ملاك..
بعد مـ أدهم خرج حست بملل لانها تعبت وهي بتقولوا عاوزه اكمل تعليم ،وهو دماغه ناشفه مش راضى يسمعلها ففامت للمطبخ تعمل جاجة ليها علشان جعانه وهي داخله المطبخ كان في مايه مكبوبه على الارض بالغلط ومشافتهاش ،ولسه بتحط رجليها وكانت لية هتقع ....
فـ اخر لحظه ادهم مسكها كانت هتقع بس ستر ربنا
ادهم بخوف :
-مش تاخدي بالك كنتي هتأذي نفسك ، والجنين معاكي خالي بالك بعد كده .
ملاك كانت في عالم تاني اول مره تشوف عيونوا وملامحوا من قريب اول مرة تقرب منه كدا بأرادتها ومتكونش عاوزه تبعد قد اي هو جميل جدا ،كأنها اول مرة تشوفه سعات بيكون قاسي وسعات حنين هي عن نفسها مستغرباه ،ومش عارفه تصدق مين ، الشخصيه الحنينه والا القاسيه ،فاقت على منادات ادهم ليها وهو بيقول.
-ملاااك إنتي رحتي فين بنادي عليكي ، حصلك حاجة اتخضيت عليكي قولي.
ملاك بخضه رجعت وري وكأن لدغتها حيه، فلحظه بعدتوا وهي بتقول بعصبيه .
-إنت أزاي تمسكني كده إنت عارف إنت عملت إي وإزاي تتجرأ تلمسني .
ادهم بنرفزه :
-والله علي اساس انا مش جوزك والي في بطنك مش أبني ، طب عدي دي مين إلي كان سرحان فيا من شويه أمي مثلا دانا كُنت بنادي عليكي وإنتي مش معايا خالص كنتي مشغوله في ملامحي وبصلها وضحك.
ملاك بكسوف وبتتمني الارض تنشق وتبلعها :
-انا ....انا مكنتش سرحانه فيك انا كنت بفكر إني وقعت والا لاء مش اكتر.
ادهم :
-هعمل نفسي مصدقك وضحك.
ملاك بكسوف:
- بتضحك على اي وبتتكلم ووشها زي الطماطم حرفيا من الكسوف.
ادهم بضحك :
-اول مره اعرف ان الطماطم بتطلع من العسل كده طول عمري اعرف انها بتطلع من الارض.
ملاك :
- بس بقي انا هطلع فوق تعبانه شويه وياريت توصيـهم يجبولي اكل علشان جعانه خالص.
ادهم بضحك :
-حاضر ...ادهم راح نحيت المطبخ بعصبيه وهو بيقول .
-انتوا يا بهايم هو انا مشغلكم ليه مراتي كانت هتتأزي هى وابني كنتوا فين وأي الميا دي مكبوبه كده ليه على الارض انطقوا وإلا هيكون اخر يوم ليكم هنا.
الخادمه بخوف :
- استاذ اهم غصب عني مكنش بقصدي انا كنت شايله ماية ورايحه انضف الاوض وقع مني غصب عني والله... وهي بترتعش من الخوف.
ادهم بعصبية :
- اخر يوم ليكي علشان الكل يعرف ان الغلط انا مبعفيش عنوا يلا....
مشت الخدامه وهي زعلانة جداً من الي حصل وبسبب قطع عيشها ادهم وهو بيكلم باقيت الخدم.
-اي الأستهتار في القصر هعلمكم الادب واديكم شوفتوا اول غلطه انا عملت ايه أنا مبسمحش بالغلط هنا ومعنديش استهتار كلوا على شغلو يلا وطلعوا اكل لـ ملاك هانم فوق مفهوم.
الخدم :
-مفهوم يا ادهم بيه....
مشيوا كل الخدم بخوف وكل واحد بيعمل المأمور بيه لان التهاون بحق ادهم صعب لحد دلوقتي ملاك مشافتش وشوا لم بيقلب على حد وادهم طلع من القصر على شركتوا....
—————&&
في بيت نورهان كانت قاعده سرحانة في اللي حصل معاها وإن اول مره تحس بقرب احمد ليها وكانت فرحانه جدا بس فاقت على الاذان فاقت لنفسها وهي بتقول.
- نورهان فوقي لنفسك متعلقيش نفسك بحد ممكن ميكونش ليكي، فوقي من الي إنتي فيه...
قامت اتوضت وصلت ودعت ربنا كتير وهي بتقول:
- يارب لو خير ليا ربنا يجمعني بيه ولو شر ليا يبعد عنها ويشيل حبوا من قلبها، يارب ياملاك ربنا يصلح ليكي حالك وربنا يرجعهك ليهم بخير....
خلصت صلاة وقامت وهي بطبق المصلية ولبست بجامه للنوم ونامت...
—————&&
في بيت أهل ملاك الاب كان قاعد وعمال يفكر سمع صوت الباب بينفتح وبينقفل تاني عرف إنه احمد :
-مساء الخير يا بابا .
الاب :
-مساء الخير يا بني مفيش خبر عن اختك او جوزها انا تعبت من التفكير بجد يابني.
احمد بتنهيد :
-مفيش خبر عن ملاك يـ بابا بس ادهم ده طلع ليه نفوز كبيرة جداً وكل الناس تعرفوا ومحدش يقدر يقف قصاده ،انا اول مجبت سيرته قدام المحامي خاف وقال انا مشغول مش همسك القضية، ياتري لي الكل بيخاف منه كده وليه خطف أختي عملتلوا اي لكل ده.
الاب بزعل :
- انا مبقتش عارف وكل الافكار بتوديني وتجيبني بس اكيد في حل ادخل انت نام وانا وانت هنروح لـ محامي صاحبي يمكن يفيدنا في القضيه دي.
احمد:
- حاضر يـ بابا....
ودخل احمد غير هدوموا لبجامه بيتي لونها اسود واتجه للسرير ونام...
—————&&
في مكان تاني خالص...
مجهول1 :
-مفيش اخبار عن العميل إلي إحنا وكلناه في قضيه المخدرات ده رابع شخص نوكلوا ويموت يافندم.
مجهول 2:
-مفيش اخبار بس زمانه اتكشف هنحاول نشوف الخطه البديلة وكمان الاوضاع هادية زمان البوص الكبير مشغول في حاجة ومش فاضي يعمل جرايم الفتره دي .
مجهول 1:
- شكلها كده فعلا ادينا مستنين ومش هنقدر نتحرك إلا لم نعرف خطة تحركهم.
مجهول ٢:
-تمام وانا هحاول اوصل للشخص الي احنا زارعينه وصطيهم...
————&&
عند ادهم في الشركة كان قاعد في المكتب وقدامه ورق كتير سمع صوت خبط على الباب ادهم :
-ادخل دخل ياسين صاحب ادهم وهو داخل بمرح بيقول .
-سيد المعلمين كلهم اخبارك ياكبير .
ادهم بقرف :
-دي الفاظ واحد محترم شغال في شركة عالميه ده منظر اصلا موظف فيها.
ياسين بضحك :
- قول كده بقي ياخاين انت غيران مني علشان انا اجمل منك... محسش بنفسوا الا والقلم إلي كان في ايد ادهم في وشوا .
ادهم بعصبيه :
-اقعد وانت ساكت وإلا هطلعك بره.
ياسين بضحك :
وضعك يسمحلك ياعم المهم البوص كلمني وقالي في مهمه جديدة وإحنا قعدتنا هنا طولت جداً لازم نرجع .
ادهم بغموض :
-مانا بجهز للامور من زمان علشان نمشي انا وانت وملاك.
ياسين بخوف :
-مبلاش ملاك يابوص هي ملهاش ذنب بكل شغلنا إحنا نسيبها هنا علشان منأذيهاش.
ادهم بعصبيه:
- إحنا من إمتا بنخاف على حد ملاك هتيجي معايا علشان بس حامل في إبني لولا كده كنت سيبتها ومشيت.
ياسين بصدمه :
انت بتقول اي داحنا كده الخطر عليها وعلينا بقي اكتر.
ادهم بغموض :
-متقلقش انا عامل حساب كل حاجة إنت بس جهز كل حاجة هنحتاجها....
ياسين بتفكير:
- تمام انا ماشي محتاج مني حاجة..
ادهم:
- لاء...
خلص ياسين كلام مع ادهم ومشي وادهم قعد يفكر فـ اللي هيعمله وإزاي هيقنع العنيدة اللي معاه ...
#استوووب...
ياتري ادهم متورط في اي ومين الناس دول؟ اشوفكم في الحلقة الجاية، اتفاعلوا كتير علشان نزل بارت كمان النهاردة لو عجبني التفاعل
#رواية ملاك الحياة
#بقلم_داليا_منصور_الفرجاني..
#االفصل_السابع...
رواية ملاك الحياة الفصل الثامن 8 من هنا
الرواية كاملة من هنا (رواية ملاك الحياة)
