رواية المحاكمة الإنقاذية كاملة (جميع فصول الرواية) بقلم هاجر نورالدين
_ أنا لازم أتخلص منها، دي خانتني، لازم متبقاش موجودة عشان أرتاح.
قولتها وأنا مش في حالتي الطبيعية، كانت العصبية مسيطرة عليا ومتملكة مِني، بعد ما إستغلتني سنتين كاملين وجوازنا كان على الأبواب إكتشفت إنها سابتني إمبارح عشان فرحها بعد إسبوع من دلوقتي.
رد عليا صاحبي وهو بيحاول يوقفني وقال بحزن عليا:
= يا إبراهيم إهدى وبطل اللي بتعملهُ دا، متستاهلش تضيع نفسك عشانها.
وقفت وبصيتلهُ بدموع وأنا بقول بقهرة وكسرة:
_ هي خلاص ضيعتني يا أحمد، ضيعتني خلاص!
حضنني وقال بنبرة حزن حقيقية عليا:
= عند ربنا يا صاحبي واللي عند ربنا مبيروحش، متستاهلش تضيع مستقبلك ونفسك عشانها، أمك اللي قاعدة في البيت هتموت عليك من القلق واللي بعتتني ليك متستاهلش تعمل فيها كدا.
لما سمعت سيرة أمي قعدت في الأرض في الشارع وبدأت أعيط، أنا عمري ما عيطت في حياتي، ولكن كان فاض بيا.
سنتين كانت هالة معيشاني في الحب فيهم وكانت بتستغلني وأنا كنت عارف إنها بتستغلني بس مكانش عندي مشكلة في الموضوع دا.
كانت مشكلتي الوحيدة إنها تسيبني بس، كنت بشتغل ليل نهار وفي أكتر من شغلانة عشان محسسهاش إني مش قد آي طلب هي تطلبهُ مِني.
جبتلها الآيفون والعربية اللي كانت بتحلم بيهم وكل شوية تطلبهم مِني، في سنتين بس جبتهوملها ومكنتش بصرف فيهم على نفسي ولا جبت لنفسي فيهم تيشرت حتى عشانها.
بعد دا كلهُ تسيبني فجأة إمبارح بدون سبب وأعلنت فرحها النهاردا على واحد سعودي بعد إسبوع!
حاسين بالقهرة اللي أنا فيها!
جايز تقولوا إني أستاهل لأني سيبتها تستغلني وأنا عارف بس أنا فعلًا كنت بحبها وفداها أنا حتى.
يتبع ....
فصول رواية المحاكمة الإنقاذية بقلم هاجر نورالدين
اضغط على الفصل الذي تريد قراءته:
رواية المحاكمة الإنقاذية الفصل الأول 1
رواية المحاكمة الإنقاذية الفصل الثاني 2
رواية المحاكمة الإنقاذية الفصل الثالث 3
رواية المحاكمة الإنقاذية الفصل الرابع 4
جاري كتابة باقي فصول الرواية .. عاود زيارتنا ..
