رواية جبروت المهداوي الفصل الرابع 4 بقلم داليا منصور الفرجاني

رواية جبروت المهداوي الفصل الرابع 4

#الفصل_الرابع

الدكتور:

- مرات حضرتك عوزاك ضروري..

ايهاب ساب الدكتور ودخل جري بس اول مشافها نايمة على السرير والسلوك حلولين جسمها رجليه مبقتش شيلال..

نرمين شافته شاورت ليه بتعب وهي بتقول:

- تعالى يا ايهاب..

ايهاب رحلها بخوف وهو بيقول:

- انتي هتصحي وتبقي بخير وانا هوديكي لكل...

قاطعته وهي بتحط اديها على بقه وبتقول:

- هشش مش عوزاك تقول حاجه عاوزة اوصيك على امانة يا ايهاب بنتي امانة في رقبتك ليوم الدين أنا مقدرتش اعوضها امانة عليك عوضها أنت أنا مش قلقانة على مستقبل بنتي لأن ابويا جالي في المنام وطمني عليها وأنا هروح معاه..

ايهاب بخوف:

- ايه اللي بتقوليه ده تروحي مع مين انت مش هتتحركي من هنا خالص وهروح اجيبلك اشطر دكاترة..

نرمين بابتسامة وتعب واضح عليها قوي وبتخرج الكلام بالعافية :

- مش هنحاكم قدر ربنا يا ايهاب أنا بأمنك على بنتي يا ايهاب.

ايهاب بخوف:

- متخافيش مش هسيبها خالص بس قومي انتي لأننا هنربيها سوى ونجبلها اخ صغير كده...

اروى بابتسامة:

- هتجبلها أنت مش أنا يا ايهاب..

ايهاب باستغراب:

- مش فاهم قصدك ايه..

نرمين بتعب:

- ايهاب ممكن تحضني عاوزة احس بحضنك..

ايها حضنها ومكنش قادر يخرجها من حضنه فجأة سمع صوت كفيل يوقف قلبه جهاز القلب صفر ووقف..

ايهاب بخوف خرجها من حضنه وهو بيقول:

- لاء متسبنيش ابوس ايدك انا مش هقدر استحمل فراقك قومي علشان خاطر بنتنا طب علشاني أنا بوس ايدك متسبنيش لاااااا.

الدكاترة جم وشالوه بعيد عنها وغطوا وشها وهو كان بيصرخ جامد والحاج مهداوي قعد على الكرسي بتعب وهو بيبكي ويقول...

- ده اللي كنت خايف منه يا ولدي القدر كان مخبيلك كل ده فين..

بعد ساعات الدكاترة حاولوا يهدوا ايهاب مقدروش ادولوا مهدا والحاج مهداوي خلص اجراءت الدفن وفعلاً بعد ساعات كانت ادفنت وايهاب قاعد على قبرها مش بيتكلم خالص..

الحاج مهداوي بحزن:

- قوم يا ولدي شد حيلك كده الدنيا مش هتنتهي امال مرتك عند اللي احسن مننا..

ايهاب بحزن:

- مش قادر على فراقها يابوي...

الحاج مهداوي حضنه وهو بيقول:

- لاع متقولش كده أنت هتفوق علشان بتك المسكينة دي يا ولدي البت اتحرمت من امها عاد مش عتتحرم من ابوها كمان..

ايهاب بتعب وحزن:

- مش هقدر اخليها معاي يابوي هنا أبداً كل مبص في وشها هفتكر نرمين مش هقدر اقاوم أبداً..

الحاج مهداوي بحزن:

- منين متوحشك يا ولدي أنا هجبهالك لهنيه او تيجي تشوفها في بيتك في الصعيد..

ايهاب:

- مش عارف اقولك ايه يا با بس غصب عني هخليها معاك علشان اطمن عليها..

وفعلا راح الحج مهداوي الصعيد وايهاب اتحبس في شقته..

عند افنان كانت بتلاعب الطفلة فجأة شافت الحاج مهداوي داخل وهو حزين جريت عليه وهي شايلة البنت الصغيرة وبتقول:

- اتوحشتك قوي يا بوي شوف لصغيرة بتضحك ليك كيف..

الحاج مهداوي بحزن:

- قدرها اتحكم تبقى يتيمة الأم يابتي...

افنان باستغراب:

- كيف ده مش ولدك وامها عايشين يا بوي...

الحاج مهداوي بحزن:

- امها اتوفت يابتي..

افنان بحزن:

- يعني بقت يتيمة زي كده وولدك هيجبلها مرات أب كيف مرت ابوي...

زادت في حضن الطفلة وهي بتقول:

- لاع مهسمحش يحصل فيها كيف محصل معاي...

الحاج مهداوي:

- متقلقيش يابتي ولدي كان بيحب مرته قوي يعني مهيتجوزش واصل والطفلة دي معتلاقيش أم..

افنان بحزن:

- لاع أنا اهنيه منقلقش يابوي....

الحاج مهداوي:

- ربنا يفرحك يابتي بس انتي لساتك اصغيرة قوي على الحمل اللي عتحملي حالك بيه ده..

افنان بفرحة:

- لاع متقولش كده انا طايرة من الفرحة لأني هعيش مع القمر ده...

الحاج مهداوي بحب:

- ربنا يفرحك يابتي..

......

بعد مرور اربع سنين كانت افنان وصلت لعمر الـ ١٧ سنة...

لين بعياط:

- ماما...

افنان بخوف:

- في ايه يا لين مالك يا ضي عيني ..

لين بحزن:

- حسام بيقولي أني مش عندي أم واصل وضربني يا ماما..

افنان خدتها في حضنها وهي بتقول:

- قطع السان اللي يقول عنك معندكيش أم واصل يا بتي أنتي بت افنان وبس يا ضي عيني من جوه..

لين بحب:

- صوح الحديت ده يعني معتسبنيش كيف ما يقولولي كده..

افنان بحب:

- مهسبكيش واصل ولو روحت فين مهسبكيش...

ريحانة من وراها:

- انتي كده بتوعديها وعد مستحيل تحقيقة يا بتي..

افنان باستغراب:

- ليه كده يا خالة ريحانة وليه بتقولي كده..

الخالة ريحانة:

- يابتي انتي بقيتي صبية يعني لازم تتجوزي وتجيبي ولاد وتبقي زينة العرايس كلياتهم وتجيبي ولاد ويبقى عندك راجل يحبك ويحافظ عليكي...

لين حضنت افنان وهي بتقول بخوف:

- لاع ماما مش هتبقى مرت حد واصل غير لأبوي وبس ..

افنان اتصدمت هي وريحانة وقالت بتنبيه:

- لين الكلام ده ميتكررش تاني عاد مش علشان افنان ربتك تبقى تتجوز ابوكي عاد..

افنان بهزار:

- ايه اللي بتقوليه ده يا خاله عتدققي على كلام لين عاد دي طفلة...

وبصت للين وهي بتقول:

- ها خاتي ايه في الحضانة امال تعالي نراجع سوى يا لينوا..

لين حضنتها ودخلوا سوى اوضت لين الخالة ريحانة بحزن:

- ليه يابنتي هتضيعي حياتك كده اامفروض متعلقيش لين بيكي واصل لأنك هتتجوزي وهتكسريها قوي..

الحاج مهداوي من وراها:

- متقلقيش افنان لساتها صغيرة وعبال متتجوز هتكون لين عرفت عقلها..

ريحانة بود:

- يسمع منك ربنا لأن لو ده محصلش هنتعب قوي المهم مفيش اخبار عن ايهاب البت مشافتش ابوها غير مرتين من اول مكبرت يا حبت عيني فاقدة لحنان اهلها بس ربنا يفرح افنان معتخلهاش تحتاج لأهلها طفلة ربت طفلة والأتنين بقوا مع بعض ومش هنقدر نفرقهم واصل..

الحاج مهداوي:

- مش خابر مطرح ولدي وين انا لم بقوله بتك ريداك بيجي يشوفها ويمشي علطول مبيقعدش هنيه واصل..

ريحانة بحب:

- ربنا يحنن قلبه على البت ويعقل كده ده قفل التلاتين مبقاش ولد اصغير...

الحاج مهداوي:

- ربنا شايل لينا كلنا خير ولكل حاجة ليها سبب نتركها على ربنا اضمن انا هروح في المندرة عندي قضيتين من اهل البلد لازم احلها انتي خالي بالك من البنات...

....... في بيت اهل افنان .........

كانت قاعدة قدام راجل عجوز وهو بيقول:

- ها قولتي ايه عاد عتجوزيني البت والا لساتك بتأخري فيا..

سنية بكره وحقد:

- لاع مهأخرش تاني هجوزهالك غصب عنيها هي بقت صبية كيف القمر مهرضاش تتجوز زواجة حلوة وتعيش مرتاحة كيف مهي مرتاحة في بيت العمدة أنا سبتها علشان تتعزب بس الظاهر انا بس اللي بتعزب مش هي...

الراجل بخبث:

- هو ده عين العقل امال لازم تجوزيهالي واوعدك هصبحها بعلقة واميسها كمان..

سنية بفرحة والا كأنها بتفرح بعذاب افنان:

- وانا بوعدك أني هجبهالك اليوم قبل بكرة بس أهم حاجة المبلغ يكون عليه القيمة امال..

الراجل بخبث:

- متقلقيش المبلغ عليه القيمة وزيادة كمان امال دي زينة البنات امال...

وضحك بخبث هو وسنية اللي كانت مبسوطة بدمار افنان بجوازها من العجوز ده..

العجوز:

- خدي دي دفعة من الفلوس اللي اتفقنا عليها باقيلك نص المبلغ ده بعد كتب الكتاب عتاخديه..

سنية بطمع:

- قوام هجبهالك وازينهالك اجمل زينة بالعالم انت بس لح لح المبلغ هبابه....

....