رواية تزوجني ولكن الفصل الحادي عشر 11 بقلم ندوشة
رواية تزوجني ولكن الفصل الحادي عشر 11
الفصل الحادي عشر
طلع محمد وهو متعصب واول ما شاف مايا قرب منها ومسكها من شعرها جامد وقال بعصبيه : هو انتي مين سمحلك انك تقولي لها كده وازاي تتكلمي معاها بالطريقه دي انا حذرتك قبل كده
مايا : انا اسفه مكنتش اقصد والله مش هعمل كده تاني بس سيب شعري بتوجعني
محمد ساب شعرها وهي حاطه ايدها مكان ايده وبتحاول تخفف الوجع ان هو سببه لها محمد المره دي حذرتك المره الجايه هتشوفي وش عمرك ما شوفتيه ولا عمرك هتشوفيه اسماء خط احمر عندي انتي فاهمه
مايا : خلاص انا مش هعمل لها حاجه تاني
محمد : انا داخل انام ولو سمعت صوتك هيكون اخر يوم في عمرك
مايا : انت بتعاملني كده ليه حرام عليك
محمد : انتي السبب في كل ده انا مكنتش اتوقع اني هعمل كده مع حد بس انتي اللي غلطتي واتفقتي معاهم واه انا قافل الباب بالمفتاح علشان يعني لو دماغك وزتك انك تهربي
مايا : انا مش عايزه اهرب
محمد : برافو عليكي انا عايزك كده دايما
دخل محمد الاوضه وسابها لوحدها وهي قعدت على الكرسي ونامت مكانها
عند اسماء كانت بتعيط وهي مقهوره وهنادي كانت جنبها وزعلانه هي كانت فاكره لما يتجوزوا معاملته هتتغير معاها بس طلعت غلطانه وهي فعلا مبقتش عارفه ابنها
هنادي : اسماء انا اسفه انا عارفه ان انا السبب
جميله : اللي بتقوليه ده يا هنادي انتي ملكيش دعوه مفيش حد كان يتوقع ان محمد يعمل كده ولا كان ييجي في دماغنا
هنادي : ربنا يعلم ان انا بحب اسماء زي بنتي
اسماء : انا عارفه ان مفيش حد فيكم له دخل باللي حصل ده هو اللي مصدق الحاجه اللي هو عاوز يصدقها ولما يرجع مش هيلاقيني وساعتها بس هيندم ندم عمره انا تعبت واستحملت معاملته ليا واهاناته اللي كان دايما بيوجهها ليا استحملت كلام قاله عليا مفيش واحده تستحمله لكن انا قلت ده حبيبي مهما كان ولازم ان انا استحمله بس والله العظيم ما هسكت وهندمه على اللي عمله
هنادي : ايه اللي في بالك يا اسماء
اسماء : انا في دماغي حاجه وعارفه ان هي غلط بس اللي انا حاسه بيه هو كمان لازم يحس بيه وهيرجع بس انا وقتها مش هقبل بيه
جميله : احنا معاكي اسماء بس انتي قولي بتفكري في ايه
اسماء : طيب اسمعوا........
ثاني يوم صحي محمد وطلع من اوضته ولقى مايا نايمه على الكرسي
محمد : انتي اصحي يا حاجه
مايا صحيت واول ما شافته وخافت وقامت بسرعه من على الكرسي
محمد : ناموسيك كحلي
مايا : انت عاوز ايه
محمد : روحي اعمليلي فطار يلا
مايا : طب هو المطبخ فين
محمد : هناك اهو
وسابها ودخل الاوضه عشان يغير هدومه وينزل على شغله اول ما طلع من الاوضه ثاني لقاها حضرت الفطار وكان شكله وريحته حلوين
محمد : مين يصدق ان واحده زيك تعمل اكل زي ده يلا اقعدي كلي
مايا : مليش نفس
محمد : انا بامرك مش باخد رايك
وقعدوا يكلوا بس سمعوا صوت زغاريط استغرب محمد وقام يشوف في ايه ولقي الصوت جاي من شقه جميله خبط على الباب وفتحت جميله وكان باين عليها الفرحة
محمد : هو في ايه
جميله : اه انت متعرفش ده خطوبه اسماء
#تزوجني_و_لكن
#بقلمي_ندوشة
رواية تزوجني ولكن الفصل الثاني عشر 12 من هنا
الرواية كاملة من هنا (رواية تزوجني ولكن)
