رواية أمان قلبي الفصل الأول 1 بقلم إيسو إبراهيم
رواية أمان قلبي الفصل الأول 1
المأذون: موافقة يا بنتي على رضا*****
العروسة بجمود: لأ مش موافقة يا شيخنا
علت الهمهمات من حولها، وهذا يعتبر أول عروسة في المنطقة تعمل هذا وترفض العريس يوم كتب الكتاب
والدتها بصدمة: بتقولي إيه يا نور؟! دا مش وقت هزار يا بنتي
نور ومازالت على جمودها قالت: بتكلم جد مش موافقة على رضا
الكل مازال في صدمته من كلامها هى التي وافقت من البداية عليه بإرادتها، والآن رافضة الزواج منه
رضا بصدمة: طب ليه مش موافقة؟! حصل مني حاجة زعلتك أو ضايقتك لو كدا نبقى نتفاهم ونحلها بعدين
نور نظرت له بجمود: لا بعدين ولا قبلين أنت ماتنفعنيش لأنك كذاب ومخادع
بقلم إيسو إبراهيم
رضا بتوتر: طب ليه بتقولي كدا؟ عايز أعرف السبب؟
نور نظرت له بسخرية وقالت: حلو أوي يعني مش عايز تمشي بسكات كدا عايز الكل يعرفك على حقيقتك ماشي
وهو خاف من الثقة التي كانت في كلامها
قالت نور: عشان متجوز أصلا لأ وكمان عرفي
الكل صُعق من كلامها وبالأخص أهل رضا
والدة رضا قالت: الكلام دا صح يا رضا؟
رضا نظر في الأرض وقال: كنت فعلا متجوز عرفي، ولكن طلقتها الصبح، وبص لنور وقال: يعني هى اللي قالتلك؟
نور بغضب: أيوا، وبعدين أنت مفكر جوازك منها دا صحيح أنا عارفه إنك كنت بتتسلى وبتحاول تقنع نفسك اللي هتعمله صح أهو تعيشلك يومين لغاية ما أهلك يشوفولك واحدة تحافظ على بيتك وتبقى متجوزها قدام الكل، وقولت إيه لغاية ما يجي الوقت دا أروح أكتب ورقة عرفي مع واحده في السر، بس الورقة دي تبلها وتشرب مايتها أو تبقى تعمل فيها ساندويتشات وأنت رايح الشغل.
لكن ماتضحكش على نفسك وعلى بنت الناس وتحاول تقنع نفسك إنك صح، وأنت أصلا بتعمل الغلط ذات نفسه.
لو سمحت اطلع برا بيتي عشان أخاف توسخه وتدنسه.
خالها: يابنتي ما هو طلقها، وبعدين الناس هتقول عليكي إيه؟
نور بعصبية: لا مش هوافق على واحد كان متجوز عرفي وبيضحك على بنات الناس، والناس هتقول عليه هو مش عليا، ولا المجتمع دايمًا بيحط اللوم والغلط عالبنت حتى لو ماعملتش غلط.
ونظرت للشيخ وقالت: آسفين يا شيخنا عطلناك على شغلك بس مفيش كتب كتاب هيحصل هنا
المأذون: تمام وربنا يهديكم
وكان ماشي، ولكن جاء صوت من على الباب وقال: استنى يا شيخنا هيكون في كتب كتاب دلوقتي وعينه جت في عين نور
ياترى مين دا؟ وهتوافق عليه ولا لأ؟
#أمان_قلبي
#بارت1
#بقلم_إيسو_إبراهيم
رواية أمان قلبي الفصل الثاني 2 من هنا
اقرأ الرواية كاملة من هنا (رواية أمان قلبي)
