رواية زهرة الربيع الفصل الخامس 5 بقلم MalAk
 |
| رواية زهرة الربيع |
رواية زهرة الربيع الفصل الخامس
سمع ايهم صوت شيئ ينكسر قادم من غرفه ليان
.
فدخل إلي الغرفه سريعاً وانصدم حين رأي زجاج مكسور علي الارض وليان ايضاً ولا تستطيع التنفس
ايهم:في اي اهدي...
وساعدها لكي تنام علي السرير
ايهم:ثواني هروح انادي الدكتور
ذهب ايهم بسرعه وجلب الطبيب وعاد
وقف ايهم بالخارج ينتظر الطبيب
وصل مازن ولين إلي ايهم
مازن:هو في اي
ايهم:مش عارف انا سمعت صوت جاي من جوه فدخلت لقيتها واقعه علي الارض مش قادره تتنفس فناديت الدكتور
لين بخوف:يعني هي كويسه دلوقتي
ايهم:معرفش لسه الدكتور مطلعش
بعدها خرج الطبيب
ايهم:هو اي اللي حصلها
الطبيب:المريض دايما اول ما يفوق اول حاجه بيدور عليها المايه فهي شكلها اول ما فاقت حاولت توصل لكوبايه المايه اللي جمبها بس معرفتش اكيد و الكوبايه وقعت علي الارض وهي وقعت برضو فضغطت علي قفصها الصدري وهو اصلا كان متاذي من الحادثه فاعشان كده معرفتش تتنفس
لين:طب هي دلوقتي بقت كويسه
الطبيب:اه و احنا بعد ما تفوق هننقلها اوضه عاديه
ايهم:تمام شكراً يا دكتور
الطبيب:العفو دا واجبي
بعد عده ساعات
نقلوا ليان إلي غرفه عاديه
جاءت الشرطه لكي تحقق معها
مازن بصوت واطي:احنا شكلنا روحنا في داهيه خلاص
ايهم:قولتلك
الشرطي:الف سلامه تقدري تتكلمي دلوقتي
هزت ليان رأسها بمعني نعم
:تمام تقدري تقوللنا اي اللي حصل ومين اللي عمل فيكي كده
ليان:انا كنت راجعه من الجامعه بعدها في حد حط ايده عليا وكان بيكتم نفسي فا انا عضيته وجريت
:طب انتي عارفه شكله
ليان:لاء لاني جريت علطول مبصتش ورايا
:ماشي كملي
ليان:بعد ما جريت شوفت عربيه ماشيه فروحت لها عشان تساعدني لاني حسيت انوا في حد بيجري ورايا بعدها العربيه خبطتني ومش عارفه حصل اي بعدها
:طب شوفتي صاحب العربيه او نمره العربيه
ليان:لاء
:تمام احنا مش عايزين نتعبك اكتر من كده ولو افتكرتي حاجه ابقي تعالي علي المركز
:عن اذنكوا بقي والف سلامه
لين:الله يسلمك
مازن:احنا ما روحناش في داهيه زي ما كنا متوقعين طلعنا منها زي الشعره من العجين
ايهم:اه خليك فرحان كده ومش واخدك بالك من المصيبه اللي حصلت
بعدها دخل الطبيب
الطبيب:ايوه ازي مريضتنا دلوقتي
ليان:الحمد الله
الطبيب:ماشي نشوف كده...افتحي عينك...تمام
وضع قلمه علي باطن قدمها وهو يحركه
الطبيب:انتي حاسه انا بعمل اي
ليان:لا
فضغط بالقلم علي قدمها
الطبيب:طب كده
ليان:لا برضو هو في ايه انا ليه مش حاسه
الطبيب:طب تعرفي تحركيها
ليان:لاء مش عارفه لين في اي انا مش عارفه احرك رجلي
لين:اهدي انتي لسه تعبانه
شاور الطبيب لايهم بأن يخرج فخرج هو ومازن والطبيب
الطبيب:حصل فعلا اللي انا قولتلك عليه وانتوا كا عليتها لازما انتوا اللي تقوللها اللي حصلها
ايهم:تمام يا دكتور
خرجت لين من الغرفه
لين:هو الدكتور قالك نعمل اي
مازن:قال انوا عليتها هي اللي تقولها وانتي اختها فا انتي اللي هتقوللها
لين:طب انا هقولها ازاي انها مش هتقدر تمشي لاء انا مش هعرف اعمل كده
مازن:هتعرفي يا لين لانوا مفيش غيرك هيقدر يعمل كده وانتي اختها فا هتعرفي يلا خشي
لين:م...ماشي
ثم دخلت إلي ليان
ليان:ها الدكتور قالك اي انا ليه مش حاسه برجلي
لين:ليان حببتي بصي.....انتي مش حاسه برجلك ع...عشان عندك.....
ليان بخوف:عندي اي
لين:عندك شلل بس...
ليان بصدمه:عندي شلل يعني اي ...يعني مش هقدر امشي
لين:لاء مين قال كده انتي اكيد هتتعالجي
ليان ببكاء:انا ليه بيحصل معايا كل دا انا عملت اي انا يارتني موت
لين وهي تحتضنها:لاء متقوليش كده انا مش فاضلي غيرك
ليان:محدش حاسس انا بعيش اي
لين:انا حاسه بيكي انتي نصي التاني وهنرجع نمشي سوا
في الخارج
مازن:ايهم
ايهم:نعم
مازن:تليفونك بيرن
ايهم:اه ماخدتش بالي
مازن:دا بابا انت هترد
ايهم:هي الحكايه كده كده بايظه انا هرد واقوله واللي يحصل يحصل
ايهم:الو يا بابا
ظافر:الو يا بني انت فين وتليفونك كان مقفول ليه
ايهم:بابا انا في المستشفي
ظافر:ايه في المستشفي في اي انت كويس
انهار:في اي مستشفي اي
ايهم:اه انا كويس محصليش حاجه انا ضربت واحده بالعربيه فا انا في المستشفي عشان كده
ظافر:انت في مستشفي ايه
ايهم:انا في******
ظافر:طب احنا جايين انا وامك
ايهم:مالوش لازمه
ظافر:ماتقولش ولا كلمه انا جاي
واغلق الهاتف
انهار:في اي ايهم كويس
ظافر:اه كويس هوا في المستشفي عشان ضرب واحده بالعربيه
انهار:ايه ضرب واحده بالعربيه طب هي كويسه
ظافر:معرفش هو مقليش حاجه يلا قومي عشان نروح له
مازن:بابا لو جه هيعلقلك المشنقه
ايهم:هوا كده كده هيعرف انت عارف ابوك فا اقوله احسن
بعد قليل وصل والد ايهم وامه
ظافر:ها في اي انت عملت اي
انهار:انت كويس يا بني
ايهم:اه انا كويس قدامك اهو
ظافر:اللي ضربتها ماتت ولا عايشه
ايهم:هيا لو ماتت كنت هتشوفني هنا ولا في السجن هيا جوه في الاوضه دي
انهار:انا هدخلها
طرقت الباب و دخلت إلي غرفه ليان
انهار:الف سلامه يا حببتي واللهي زعلت عشانك
لين باستغراب:الله يسلمك بس احنا نعرفك
انهار:انا ام الشباب اللي واقفين بره
لين:اه انا بجد بشكر ولادك علي اللي عملوا لاختي
انهار باستغراب:انتي بتشكريهم علي اي بالظبط
لين:لانهم هما اللي جابو اختي هنا وادنهم معانا ما سبوناش من امبارح
انهار:اكيد طبعاً كانوا لازم يعملوا كده اومال هيسبوها المهم انتي يا حببتي بقيتي كويسه
انفجرت ليان في البكاء
انهار:في اي هو انا قولت حاجه غلطت
لين بحزن:لاء اصل هي زعلانه من اللي حصلها وانها مش هتقدر تمشي
انهار وهي تاخذ ليان في حضنها:بجد يا حببتي ما تخافيش هي ان شاء الله ايام وهتعدي وهترجعي احسن من الاول بكتير
في الخارج
ظافر:افهم بقي وبالراحه ايه اللي انتي عملته دا انتي بتسوق بتهور للدرجادي
مازن:اصل احنا كنا متأخرين وايهم سايق بسرعه واحنا لقيناها قدمنا فجأه فخبطناها بس
ظافر:طب هي بقت كويسه دلوقتي
مازن:اه هي بقت كويسه
ظافر:طب الحمد الله
مازن:بس....
ظافر:في اي كمان
مازن:هي للاسف انشليت
ظافر:اه يعني مطلعتش سليمه هنعمل اي دلوقتي انتوا كده روحتوا في داهيه
مازن:لا ماهي ما شفتناش اصلا وما كانش في ناس فهي ودت شهادتها بانها متعرفش مين اللي عمل كده واحنا قدمنا برضو انوا لقيناها علي الارض وجبناها هنا
ظافر:اه يعني كدبتوا والبت بسببكوا انشليت ذنبها هيبقي في رقبتكوا
مازن:ما احنا ما كنش قصدنا هنعمل اي وبعدين احنا مش هنسيبها لحد ما تتعالج
ظافر:اما نشوف بس اعرفوا ان كذبتك دي مش هتطول
مرت الايام وجاء يوم خروج ليان من المستشفي وكانت اختهاووالدت ايهم معها دائماً وكان ايهم ياتي بين الحين والاخر وساعدها لكي تخرج من حالتها
لين:يلا خلصنا اهو هنطلع
ساعدت لين والممرضه ليان لكي تجلس علي الكرسي المتحرك
ليان:يلا واخيراً هطلع زهقت من القعده هنا
لين:زهقتي برضو مش في ناس بتقعد تيجي كتير
ليان:قصدك مين....اه انتي حيوا*نه يابت مفيش حاجه من دي
لين:هوا انا قلت انوا في حاجه
ليان:اسكتي بقي ويلا ننزل
نزلت ليان واختها بالاسانسير إلي الاسفل وخرجوا من المستشفي ولكن ليان رأت ما صدمها في الخارج.....
زهره الربيع
بقلم MalAk
الخامس
جارى كتابة باقى فصول الرواية اترك تعليق أو عاود زيارتنا
لقراءة الرواية كاملة اضغط هنا (رواية زهرة الربيع)
