رواية نادين ونبيل عبر روايات الخلاصة بقلم هبة سيد
— كل واحد يوزّع نفسه مجموعات لمشروع الجامعة… وياريت من غير دوشة
قالها الدكتور بصوت عالي كنت قاعدة مع صحابي في نص المدرّج، وعقلي سارح بعيد
افتكرت صوت بابا وهو بيقولي كل مرة
ركزي لازم تنجحي مش كل مره الفلوس هتنجحك
شدّني صوت صحابي، رجّعني من أفكاري
— هنروح كافيه إيه بعد المحاضرة؟
اتنهدت وقلت
— طب يا جماعة نعمل إيه في البحث؟ عايزين حد شاطر معنا
واحدة من صحابي ضحكت وهي بتشاور على شاب قاعد قدّام وقالت بنبرة هزار
— خُدي نبيل ده يشيلك سنين قدّام
بصّيت ناحيته شاب طويل كتافه عريضه لابس نضارة مربّعة شعره متسرّح كويس شكله ابن ناس وهادي
اتسحبت مني ضحكة وقولت
— وماله مش بطّال برضو
صوت ضحكنا بقي عالي وصحبتي قامت رايحة تكلمه وتعرض عليه يبقى معانا في البحث وإحنا واقفين من بعيد بنضحك صحبتي وقفت جنبه وقالت بنبرة هزار
— آسفة لو هعطّلك الدكتور قال نكوّن مجموعات، تحب تبقى معانا؟
رفع عينه من الدفتر ببطء ما اتخضّش وما اتبسطش
كان باين عليه إنه بيفكّر الأول قفل القلم وقال بهدوء:
— معاكم مين؟
يتبع...
فصول رواية نادين ونبيل بقلم هبة سيد
اضغط على الفصل الذي تريد قراءته:
