رواية عشق بين بحور الدم عبر روايات الخلاصة بقلم أسماء السيد
رواية عشق بين بحور الدم الفصل السابع والعشرون 27
#عشق_بين_بحور_الدم part27
يوم جديد في المساء– في مكتب أدهم في القصر
الصبح دخل بهدوء، بس أدهم ما كانش نايم كويس.
واقف في مكتبه، القهوة قدامه بردت، ووشه مشدود.
دخل عرفه
ادهم:أيوه يا عرفه.
صوت عرفه جه تقيل، مبحوح، كأن الكلام طالع بالعافية:
صباح الخير يا زعيم…
سكت لحظة
– تعبك وحش
.
أدهم شد علي ايده:مالك؟
عرفه ضحك ضحكة قصيرة متقطعة:
– المكتب كله واقف على رجله بالعافية…
وأنا؟
أنا بموت من التعب.
أدهم صوته علي:
– قلتلك متضغطش على نفسك!
عرفه بنبرة فيها وجع:
– وأنت؟
إنت فاكر نفسك حديد؟
سكت أدهم ثانية.
الصمت كان أصدق من أي رد.
عرفه كمل، صوته أوضح:
– اسمعني كويس…
اللي مأجله من زمان لازم يحصل.
أدهم بعصبية مفاجئة:
– لأ.
– لأ إيه؟
عرفه رد بسرعة
– صحتك مش لعبة!
ولا صحتنا.
أدهم ضرب بإيده على المكتب:
– أنا مش همشي خطوة!
ولا هسيب حاجة في نصها.
عرفه بحدة نادرة:
– وإنت فاكر نفسك لو وقعت هتعرف تكمل؟
ولا فاكر الناس هتستناك؟
أدهم صوته نزل بس بقى أخطر:
– ما تدخلش في اللي يخصني.
عرفه اتنفس تقيل:
– ده بقى يخصني…
عشان أنا شايفك بتتآكل واحدة واحدة وإنت ساكت.
أدهم لف ضهره للشباك، الشمس داخلة بقوة:
– مش وقته يا عرفه.
– لأ…
قالها عرفه بحزم
– هو ده وقته بالظبط.
تعمل اللي اتأجل،
ولا هتدفع التمن غالي.
أدهم بص للسما لحظة، وبعدين رجع صوته قاسي:
– اقفل الموضوع ده.
عرفه سكت ثانية…
وبعدين قال بهدوء موجع:
– أنا خايف عليك ياصاحبي…
مش منك.
ولف وخرج.
أدهم فضل واقف مكانه.
الغضب في صدره،
والحقيقة بتضغط عليه.
مسك الكوباية، شرب رشفة،
وهمس لنفسه:
– لسه واقف…
يبقى مكمل.
لكن المرة دي،
حتى هو…
ما كانش متأكد.
قرب قعد ضهره مسنود للكرسي وعينه ثابته في اللاشيء.
… كلام عِرفه لسه رنّتها في ودانه، والكلام تقيل على صدره.
ملامحه مش بتصرخ غضب، لأ… هدوء غريب، الهدوء اللي بييجي قبل العاصفة.
باب المكتب اتفتح بهدوء.
دهب دخلت، كانت لابسة بنطلون رياضي اسود وهادي اسود وعامله شعرها بشكل فوضوي ، وشها فيه ابتسامة خفيفة… بس أول ما شافته، الابتسامة وقفت في نصها.
دهب بقلق:ـ إنتَ كويس؟
ما ردش.
كان مركز في نقطة قدامه، كأنه بيحاول يلمّ أفكاره اللي اتبعترت.
قربت خطوة:
ـ مالك ساكت كده؟ حد قالك حاجه؟
رفع عينه ليها أخيرًا… نظرة هادية زيادة عن اللزوم.
ده اللي خوّفها.
قال بصوت واطي ومتماسك بالعافية:
ـ دهب… دلوقتي مش وقت كلام.
استغربت.
مش متعودة عليه بالشكل ده، لا عصبي ولا صوته عالي… لا، هدوء قلق.
دهب:ـ يعني إيه مش وقت كلام؟ أنا دخلت أطمن عليك.
قام من مكانه، لفّ المكتب بهدوء، وقف قدام الشباك.
إيده كانت متشددة، بس صوته طالع ثابت.
ـ اطمني عليّ بعدين… دلوقتي سيبيني لو سمحتي.
حست إن فيه حاجة غلط، حاجة كبيرة.
قربت أكتر:
ـ إنتَ سرحان من أول ما دخلت، ومش شبهك. لو في حاجة…
لفّ لها فجأة، بس من غير عصبية.
نظرة قلق مخبيها كويس.
ـ قولتلك مش عايز أتكلم.
سكتت.
الكلمة خرجت تقيلة، بس واضحة.
دهب بصوت مكسور شوية:
ـ حاضر.
لفّت تمشي، بس وهي عند الباب بصّت له تاني.
كان واقف مكانه… ثابت، بس واضح إنه تعبان من جوّه.
قفلت الباب وراها.
وهو فضِل لوحده…
الهدوء لسه مسيطر،
بس القلق جواه كان بيكبر أكتر وأكتر.
@@@@@@@@@@@@@@@@@@@@@@
في قصر العميري،
السفرة كانت متحضّرة من بدري، أكل صعيدي تقيل، ريحة السمن البلدي مالية المكان.
الكل متجمع على الغدا… هدوء شكله طبيعي، بس العيون بتراقب بعض.
عِمران كان قاعد في صدر السفرة، هادي، ثابت، بياكل على مهله.
قصاده جليلة، قعدة باستقامة، نظرتها دايمًا فاحصة، كأنها بتقيس اللي قدامها.
جليلة حطّت المعلقة، ومسحت طرف شفايفها بإيدها وقالت بنبرة فيها جبروت واضح:
ـ صحيح يا عمران…
بِتك مش ناوية ترجع من مصر ولا إيه؟
بقالها أسبوع برّه الدار، وده مش من عادتنا.
السكوت نزل تقيل.
مِني وقفت المعلقة في نص الطريق، وخلف بصّ بسرعة لعمران وبصّة تانية لجليلة… نظرات شر، مستنيين رد يشعلها.
عمران رفع عينه لجليلة بهدوء، ولا كأن السؤال مستفزه.
قال بصوت واطي بس واثق:
ـ بنتي بخير، وأنا مطمّن عليها.
ومصر بلدها، زي الصعيد بالظبط.
جليلة عقدت حواجبها شوية:
ـ الكلام ده ما يدخلش دماغي.
بنت عمران العميري مكانها هنا… وسط أهلها.
ابتسامة خفيفة جدًا ظهرت على وش عمران، بس من غير ضحك:
ـ كل حاجة بوقتها يا ست الكل.
لما تحب ترجع، هترجع.
مِني دخلت بسرعة، بنبرة شكلها عادي بس فيها سمّ:
ـ بس الناس بتتكلم يا عمران…
بيقولوا بنتك سايبة دارها ومقعدة لوحدها.
عمران بصّ لها نظرة قصيرة، وقاطعة:
ـ الناس دايمًا بتتكلم يا مِني.
وأنا لا باخد كلامهم ولا أعيش عليه.
خلف ضحك ضحكة جانبية وقال وهو يميل للأمام:
ـ ما هو برده الغياب طول كده يقلق.
إحنا أهلها، وخايفين عليها.
عمران ردّ وهو مكمل أكلِه، من غير ما يبص له:
ـ القلق الحقيقي إن الواحد يتدخل في اللي مالوش فيه.
الصمت رجع تاني.
جليلة شبكت صوابعها وبصّت لعمران بنظرة طويلة، فيها قوة ومواجهة.
ـ إنتَ دايمًا كده يا عمران…
هادي، بس محدش يعرف إيه اللي في دماغك.
رفع عينه وقال بهدوء ثابت:
ـ اللي في دماغي دايمًا في مصلحة بيتي…
وولادي.
مِني وخلف بصّوا لبعض، نظرة فهم واتفاق من غير كلام.
واضح إن في حاجة مستخبية…
وحاجة جاية في الطريق.
وعمران؟
كمّل فطاره بهدوء،
بس في عينه لمعة تقول إن الموضوع لسه ما خلصش.
لسه عمران حاطط المعلقة على الطبق،
والسفرة ما اتلمّتش،
صوت خطوات سريعة اتسمع في بهو القصر.
واحد من الغفر دخل وهو متلخبط، نفسه طالع نازل، وشه شاحب.
وقف على باب السفرة وما قدرش يتكلم في الأول.
جليلة رفعت صوتها بحدّة:
ـ في إيه؟ داخل كده ليه؟
الغفير بلع ريقه وقال بصوت مهزوز:
ـ يا ست الحاجه…
في خبر وصل دلوك.
عمران رفع عينه فورًا، إحساس مش مريح شدّ قلبه:
ـ خير؟
الغفير بصّ للأرض وقال:
ـ عبد الصمد الجارحي…
قتل عماد أخو سمير العميري… الله يرحمه.
الكلمة وقعت زي الحجر.
مِني شهقت بخفّة، وخلف شدّ على سنانه.
جليلة قامت من مكانها مرة واحدة.
ـ قتله؟!
إزاي الكلام ده يحصل؟
الغفير كمّل وهو متوتر:
ـ حصلت خناقة كبيرة،
والناس كلها بتقول إن الشرارة كانت قديمة…
والنهاية كانت سودا.
الصمت سيطر.
اسم عبد الصمد الجارحي اتقال،
وكل واحد في القصر فاهم معناه.
عمران قام بهدوء، بس وشه اتغير.
ملامحه شدّت، وصوته طلع تقيل:
ـ والشرطة؟
ـ في الطريق…والبلد كلها مقلوبة.
جليلة قربت خطوة من عمران، ونظرتها فيها قلق وغضب:
ـ الدم ده مش هيقف عند الحد ده يا عمران.
الجرايحه اعلنو الحرب علينا يا ولدي وهما الي بدأوو
عمران ردّ بثبات:
ـ ولا إحنا هنسيبه يكبر.
اللي حصل ده هيغيّر حسابات كتير.
مِني بصّت لخلف بنظرة سريعة، فيها خوف ممزوج بحسابات.
وخلف فهم…
اللعبة بقت نار.
عمران بصّ حوالينه وقال بحزم:
ـ من اللحظة دي،
القصر يبقى صاحي…
وأي خطوة تتحسب.
طلع من السفرة،
وساب وراه غدا ما اتكَلش،
وخبر دم
فتح باب حرب محدش كان مستعد ليها.
@@@@@@@@@@@@@@@@@@@@@
في قصر الجارحي،
الجو كان تقيل من غير سبب واضح… كأن القصر حاسس قبل أهله.
زيدان كان قاعد في الصالة، ضهره مفرود ونظره ثابت قدامه.
أمين، عزيز، وجبري ، كانوا حواليه… كل واحد فيهم ساكت، بس الهدوء باين في وشوشهم.
فجأة، واحد من الغفر دخل جري من باب الصالة، باين عليه الخضة.
وقف وهو بيحاول يلقط نفسه.
زيدان رفع عينه بحدة:
ـ في إيه؟ مالك داخل كده ليه؟
الغفير قال بصوت مهزوز:
ـ يا كبير…
خبر وحش وصل من البلد.
أمين اتحرك من مكانه:
ـ خير يا راجل… ما تنطق!
الغفير بلع ريقه:
ـ عبد الصمد …أخوك يا حلج زيدان…
قتل عماد… أخو سمير العميري، الله يرحمه.
الكلمة وقعت تقيلة.
الصالة سكتت مرة واحدة.
عزيز شدّ فكه:
ـ إيه؟!
الكلام ده بجد؟
الغفير قال وهو متوتر:
ـ البلد كلها مقلوبة،
والناس بتقول إن الدم هيولّع تاني.
زيدان قام من مكانه ببطء، وشه اتشدّ،
بس صوته طلع هادي على غير المتوقع:
ـ عبد الصمد غِلطان الغلطة دي.
أمين بصّ له بقلق:
ـ يا بوي…
اللي حصل ده هيجرّنا لمصيبة.
العمايره مش هيسيبو دم عماد العميري زي ماسابو دم سمير
.
زيدان ردّ بنبرة تقيلة:
ـ وأنا عارف.
الدم لما يبدأ…
مش بيعرف يقف.
الغفير كمّل:
ـ الشرطة في الطريق،والبلد واقفة على رجل.
عزيز قرب خطوة وقال:
ـ نعمل إيه دلوقتي؟
زيدان سكت لحظة، وبعدين قال بحزم:
ـ ما نعملش حاجة.
مش ناقصين حرب جديدة.
جبري استغرب:
ـ يعني نسكت؟
زيدان بصّ لهم واحد واحد:
ـ نسكت لحد ما الصورة تكمل.
وأي خطوة تتحسب بالميزان.
السكوت رجع تاني،
بس المرة دي سكوت تقيل،
سكوت بيعلن إن اللي جاي أخطر.
وقصر الجارحي،
كان شاهد على خبر...هيغيّر مصير عيلتين.
@@@@@@@@@@@@@@@@@@@@@@
في منتصف البلده........
البلد كلها واقفة على رجل.
الهواء تقيل، الصمت مليان رهبة.
الناس بتبص لبعضهم بعيون مليانة خوف وقلق… كل واحد حاسس إن حاجة وحشة هتحصل.
فجأة واحد من أهل البلد، بعيد عن المكان شوية، وقف قدام الكل وقال بصوت عالي:
ـ يا جدعان… عبد الصمد الجارحي…
أخو الحاج زيدان كبيرنا قتل عماد… أخو سمير، الله يرحمه.
الهمهمات ابتدت تنتشر بسرعة، الكل بيحاول يعرف إزاي.
واحد من الشباب في الحي قال:
ـ البلد كلها مقلوبة… الناس بتتكلم، والكل خايف.
واحدة ست كبيرة في الحي نطت وقالت:
ـ الله يكون في عوننا… الدم ده لو رجع… مين يعرف هنوصل لفين.
الكلام وقع زي صاعقة.
الكل وقف ساكت، شايل نفسه من الخوف، ومن الجبروت اللي واضح في خبر الدم ده.
واحد من الشباب بصّ حوالين:
ـ إحنا مينفعش نقف ساكتين… بس برضه أي خطوة غلط هتولع الدنيا.
الهدوء رجع شوية، بس الكل كان فاهم:
إن البلد كلها مستنية شرارة…
وإن أي حركة دلوقتي ممكن تشعلها نار كبيرة.
الجو كان متوتر…
الصمت مش صمت، الصمت ده شعور بالتوتر…
الكل واقف، والعيون مركزة على الأرض،
والهمّ في قلوبهم كبير.والخوف اكبر..
@@@@@@@@@@@@@@@@@@@@@@
دهب كانت واقفة عند باب البلكونه الزجاج فوق،
وشها فيه استغراب وضيق واضح. رايحه جايه
خطواتها هادية، كل خطوة فيها توتر، عينيها بتراقب المكان حواليها، حاسة إن الجو مش عادي.
أدهم دخل الجناح، كان واثق لكن عيونه فيها قلق خفي.
شافها، قلبه شدّ… لكنه حاول يسيطر على نفسه.
مشيت له بهدوء، مفيش كلام، بس كل حركة منها بتقوله قد إيه هي مضايقة ومتوترة.
أدهم اتجه للسرير، رمى نفسه عليه، إيده تحت راسه، وعينه على دهب.
أدهم بصّ لها بهدوء، بصوت واطي:
ـ هادي… كل حاجة تمام.
دهب وقفت ساكتة، قلبها مش قادر يهدي، عيونها متعلقة بيه، بتحاول تفهم هو متوتر ليه، وبتسأل نفسها لو حد حواليه ممكن يأذيه.
أدهم ضحك خفيف، شبه نفسه بيتهدّى شويه، وحاول يشرح:
ـ مفيش أي حد هيعمل حاجة… أنا هنا مش عاوزك تقلقي.
دهب أخدت نفس طويل، لسه هادية، بس القلق جوه قلبها.
أدهم اتكأ أكتر على المخدة، عينه ثابتة عليها، كأنه بيحاول يطمنها من غير ما يحركها:
ـ متقلقيش… أنا حاسس بيكي وعارف انك متوتره وقلقانه.
دهب رفعت شوية عيونها، بس مفيش كلام… بس كل نظرة كانت رسالة: أنا خايفة عليك.
أدهم ابتسم بخفة، وحس إن القلق ده طبيعي…
بس قرر يهدّي نفسه أكتر ويطمنها:
ـ أنا جنبك… محدش حواليك هيأذيكي عاوزك تثقي فيا بس.
دهب قعدت ساكتة، بس حست براحة بسيطة، وهي شايفة إنه بيهتم بيها من غير ما يحركها… كل حاجة في نظره كانت بتقوله: مفيش حاجة تقلقي منها.
الليل بدأ يدخل على الجناح، والأنوار خافتة، بس الجو دافيء بسبب قربهم من بعض.
دهب لسه متكاية على صدر أدهم، وصوت أنفاسها هادي… بيخلي قلبه يهدى شويه.
أدهم حرك إيده على شعرها بخفة، وحسّ كل مرة تمر من بين أصابعه خصلة، كأنها بتنطق كل اللي جوّه: القلق، الخوف، والاهتمام
.
قال بصوت واطي، كأنه بيتحدث لنفسه:
ـ يا دهب… لو الدنيا كلها اتقلبت حوالينا… لو بحور الدم مخلصتش…
ـ أنا عايز بس لحظة زي دي… لحظة نقدر نبقى فيها مع بعض.
دهب رفعت وشها شوية ونظرت له بعينيها، مش قادرة تكلم… بس نظراتها كانت تقول: أنا معاك… مهما حصل. .قالت:بس هو هو انت هيحصلك حاجه او انا ها
ابتسم لها أدهم بهدوء، وحس إن كل التعب اللي جواه بيتخفف لحظة لما يحسها في حضنه.
مسح على ضهرها بخفة وقال:
ـ مفيش حد يقدر يأذينا دلوقتي… مش أنا اللي هخلي ده يحصل
دهب أغمضت عينيها، ونامت تاني في حضنه، مرتاحة أكتر… كأنها لقت الأمان وسط كل التوتر اللي حواليهم.
أدهم سكت شوية، وباله مشغول… كل حاجة حواليه كانت ساكتة، بس قلبه كان بيجري:
ـ ياتري الزمن مخبي لينا إيه…
ـ ياتري الأيام دي… هتخلص ولا لسه الطريق طويل؟
سكت، وبعدين حط إيده على كتفها برفق، وناموا مع بعض، كل واحد حاسس ب التاني… بس في صمت مليان مشاعر، حنين، خوف، وأمل صغير إن الأيام الجاية تكون أهدى...
@@@@@@@@@@@@@@@@@@@@@@
في مكان اخر ..... وتحديدا في شقه كعده
كانت تجلس كنده وهيا متوتره كل ما تذكرت كلمات ادهم
كنده بغضب:تزوج كيف يتزوج ما هذا الهراء يكذب اجل اندريه يكذب علي هوا لم يتزوج
بتدخل ساندي وهيا واضح عليها القلق...
كنده بضيق:ما الذي اني بكي الي هنا
ساندي وهيا متوتره وقلقانه:انا خايفه
كنده بستغرب:من ماذا
ساندي بهدوء وتوتر:انا انا حامل
كنده بدهشه:كييف من مَن يا ساندي
ساندي بتوتر:من فارس الرازي
كنده بسخريه:ما الذي اتي بكي الي هنا
ساندي بشر :اريد منك ان تتركي الي ادهم اقصد اندريه
بتبص لها شويه وبتنفجر في الضحك وساندي بستغرب بتخلص كنده وبتبصلها بشر:ماذا تقولي ايتها الافعي اترك لكي من حبيبي
ساندي بغضب:ادهم بيحبني انا والدليل لانه اخذني معه الي مصر
فجأه كنده مسكتها من شعرها وبصتلها بشر:اياكي تفكري في حاجه زي دي تاني ايتها الحقيقه هل تفهمي.....
بتبصلها ساندي بغضب وبتوعد:ساعديني كنده
كنده ببرود:وانا لا يخصني هذا الامر في شيء
ساندي بكده:مش انتي الي عرفتيني عليه
بتبصلها كنده بلامبالاه وبت سيبها وبتبصلها بقرف
اما ساندي كانت غاضبه جداا
@@@@@@@@@@@@@@@@@@@@@@
اليوم التاني بدأ في القصر،
أدهم كان في الشركة، مركز في شغله، مكالمات، رسائل، وكل حاجة ماشية… بس قلبه مش مرتاح، دايمًا فيه إحساس إن دهب مش جنبُه .
في نفس الوقت، دهب كانت في الجنينة، قاعدة على الكرسي الخشبي، الشمس دافيه على وشها… والعصافير حواليها بتغني، والجو هادي.
أغمضت عيونها لحظة، حاولت تهدي نفسها من القلق اللي جوّاها.
فجأة، حسّت حركة ورا ظهرها… قبل ما تقدر تتحرك، حد حط منديل على فمها بسرعة.
العالم كله اختفى حواليها، والهواء اختنق في رئتيها.
دهب حاولت تصرخ، تحرك، أي حاجة… بس اليدين اللي مسكوها كانت قوية.
حسّت إنها تُرفع بسرعة، والجنينة اللي كانت ساكنة دافيء… اتقلبت لعالم من السرعة والخوف.
حاولت تدافع عن نفسها، لكن كل حركة كانت بتتقيد.
في لحظة واحدة، عيونها اتسعت… حد قريب منها، شكله غريب، ووشه مش واضح.
القلق والتوتر ملوا قلبها… وكل ثانية بتمر، كان الإحساس بالخطر يكبر. لحد ما عينها قفلت بعطيك لحد ما الرؤايه اختفت.. وتعني عليها
في نفس اللحظة، أدهم كان على تليفونه في الشركة، وحس بحاجة غلط.
مشاعر غريبة، إحساس إن دهب مش كويسه…
رفع راسه بسرعة، قلبه بدأ يدق بسرعة…
عارف إن أي لحظة ممكن توصله خبر يحطم يومه كله.
@@@@@@@@@@@@@@@@@@@@@@
استووووووب...
