رواية كسر القلب الفصل السادس 6 بقلم داليا منصور

رواية كسر القلب (كاملة جميع الفصول) عبر روايات الخلاصة بقلم داليا منصور

رواية كسر القلب الفصل السادس 6

فرح بصدمة: 

- انا عملت معاك كدا يا راجل يا بوا كرش انت ملقيش غيرك انت واغريك ليه فيك ايه يتحب عاد... 

كامل ضحك في سره وهو بيقول: 

- والله البت دي عندها نظر فعلاً ده يتبصله.. 

نور برق لـ كامل علشان يسكت بص على الراجل وقال: 

- وانت شايف نفسك تستاهل انها تغريك وتاخدك من مراتك يا راجل انت بس تمام انا هروح المحل بنفسي واكيد في كاميرات او حوليكم وهيجيب الحقيقة شهادتك انتي وجوزك والستات دي ميتاخدش بيها وخصوصا منظر البنت ميديش انها حرامية.. 

رحمة بخبث: 

- اه قول كدا انك يا حبت عيني قلبك محروق على المحروسة.. 

نور اتعصب وكان قايم يضربها بس كامل مسك اديه وقال: 

- اهدى انت يا نور انا هتعامل.. 

وبص لرحمة وجوزها اللي خايف يتكشفوا وهو بيقول: 

- تمام يعني بتضللي الحقيقة وتتهمي ظابط بطريقة مهينة.. 

ونادى على العسكري وهو بيقول بعصبية: 

- خد الراجل والستات دول وروقهملي في الحبس... 

ست من اللي جاين: 

- انا مليش دعوة يا بيه انا هقول على كل حاجه... 

رحمة بصتلها علشان تسكت ومتتكلمش بس الست قالت: 

- معلش يا رحمة احنا اتفقنا نخرجها برة الشغل مش ننسجن... 

وبصت على نور وكامل وهي بتقول: 

- انا هحكي كل حاجه... 

فلاش باك..: 

رحمة وهي رايحة جاية قالت بعصبية: 

- انا مش هسكت للبنت دي الراجل مكنش بيخرج من البيت دلوقت بقى يلبس كأنه عريس وهو رايح المحل مش عارفه ليه.. 

الست بخبث: 

- يا خيبة قلتلك متشغليش بنت صغيرة معاكي مبالك دي متطلقة يعني عاوزة تتستر والسلام حتى لو كان الراجل مش بينفع... 

رحمة: 

- انا مكنتش عارفة اني لو جبتها في المحل بتاعي هتسرق جوزي قلت دي غلبانة بس لم عرفت انها متطلقة حسيت اني غلط في عملتي دي... 

الست قالت بخبث: 

- واللي تخليكي تخرجيها برة محلك ومن غير متديها مليم والا جوزك يزعل عليها... 

رحمة بسرعة: 

- الحقيني بيه بسرعة... 

«بااااك»»

الست وهي بتكمل: 

- وقلتلها تنفذ الخطة وتحط الفلوس ورميها برة المحل بس هي كانت متخلفة وجابتها هنا وانا مش حمل بهدلة... 

نور بعصبية: 

- بتقولوا على نفسكم حريم وانتوا بتعملوا كدا في بعض انا مش متخيل أبداً ازاي تعملوا كدا في ست ذيكم المفروض تحموها مش تأذوها كدا ، هي علشان اطلقت تبقى خلاص بقت وحشة، طب بصوا لجانب الكباية المليان مش جايز جوزها اللي ظلمها اوكان السبب ليه تحطوها في منحدر وتلموها هي،  على العموم انا هعرفكم تعملوا كدا ازاي... 

وخلى العساكر يحبسوها وبعدين بص على فرح اللي كانت متابعة الموضوع من الأول بعيون بتبكي قلها بابتسامة: 

- ها دلوقتي اقدر اقولك عاملة ايه يا فرح.. 

فرح ابتسمت وهي بتقول: 

- تمام قوي يا نور باشا ده تاني جميل ليك على راسي مش خابرة اوفيهم ميته.. 

نور ابتسم وهو بيقول: 

- ياستي مش عايز منك ترديلي الخدمة بس ياريت بلاش تنزلي شغل لان المجتمع بينتقد الست المطلقة اكتر وعينة بتكون عليها وممكن يحصل ده مرة واتنين وتلاتة.. 

فرح بحزن: 

- وه امال اصرف عـ حالي منين عاد هو علشان العالم عفشة وعتفكر كده يبقى انا معيوبة واقعد مخرجش واتخبى في داري وملقيش وكل ليا.. 

نور بحزن عليها: 

- صدقيني الدنيا هتحلو.. 

فرح وقعت على الأرض وانهارت وهي بتقول: 

- اعملت ايه عاد في دنيتي لم الكل عيحاسبني كده جوزي رماني في نصاص اليالي في الترعة علشان يخلص مني بعد مكنت قيداله صوابعي كلياتهم شمع، واهلك خافوا اقعد معاك لخطفك منيهم وده عمره مكان هدفي حتى المكان اللي كنت باكل منه لقمة حلال لقيتهم بيعضوا في يدي علشان انا جميلة حبتين اعمل ايه عاد... 

وفضلت تبكي كامل قام وهو بيقول: 

- تعرفي يا فرح امي كانت ذيك كدا بس الصراحة هي كانت اشجع.. 

فرح بصتله بعيون حزينه وهي بتقول: 

- كيف اشجع مني.. 

كامل: 

- بصي ياستي انا ابويا طلق امي علشان قال ايه مش قادر على مسؤلياتنا وواجهت ماما المشاكل في الأول ذيك كدا بس مكنتش بتبكي بالعكس دي كانت بتتشجع اكتر وعملت لنفسها اسم وشغل بيها لوحدها وربتنا وعلمتنا انا واختي وخلتني زي مانتي شايفة... 

فرح وهي بتمسح عيونها وتقول: 

- كلامك ده صوح يعني انا اقدر احقق حلمي كيف ما عملت امك... 

كامل بابتسامة: 

- اه تحققي حلمك وزيادة كمان انتي صغيرة لسه وقدامك العمر متضيعهوش... 

نور من وراهم: 

- ها خلصنا من فقرة النصيحة تيجي اوصلك والا تستني الواد ده هياكل نفوخل بنصايحة.. 

فرح ضحكت غصب عنها وقامت علشان تمشي كامل من وراهم: 

- خليكي عارفة يا فرح انتي اللي غدرتي بيا وسبتيني كده من غير حتى متشكريني.. 

نور بزهق: 

- مش هنخلص بقى.. 

فرح ضحكت تاني بسبب كامل وقالت: 

- انا بتشكرك قوي يا كامل بيه على تعبك انت واستاذ نور وخرجتوني من المشكلة الواعرة دي... 

وخرجت فرح مع نور وكامل بيفكر في فرح وبيقول في سره: 

- انا بجد محتاج واحدة كدا جميلة ومحترمة وتعرف تشيل مسؤلية نفسها ست بمعنى الكلمة.. 

نور في العربية وهو سايق بيسأل فرح ويقول: 

- هو انتي لسه هتشتغلي بره تاني.. 

فرح: 

- انا لازم اشتغل يا نور باشا منين هصرف عـلي نفسي فلوس الدهب اللي بعت بيها الخاتم خلصت لازم الاقي مصاريف... 

نور وهو بيسألها طب بالنسبة لجوزم ده هتعملي فيه ايه.. 

فرح بتنهيدة: 

- ربنا ياخدلي حقي انا اللي ريداه اعيش عيشه مفهاش مشاكل  واصل يكون امان وجوزي يخاف عليا مريداش شخص يحسسني اني مسؤلية عليه ابدا... 

نور فكر وبص على فرح وهو بيقول: 

- انا كنت عاوز اقولك حاجة اية رايك يعني... 

فرح باستغراب: 

- رايد اتقول ايه عاد يا نور باشا.. 

نور بتوتر: 

- كنت عاوز يعني فرح تتجوزيني.. 

فرح بصدمة: 

-ايه اللي عتقوله ده يا نور باشا.... 

عند عابد كان قاعد جليل جاله وهو بيقول: 

- عرفتلك اخبار مهمة قوي يا عابد يا ولدي... 

عابد وهو بيشرب سجاير وبيخرج الدخان من انفه ويقول: 

- قول يا عمي ايه اللي اعرفته امال... 

جليل: 

- اليوم اللي رميت فيه فرح في الترعة شافها صبي عتغرق وهو قالي انه شاف مرتك بس رايد يشوفك بنفسه ده كان طلبه ليك يا عابد يا ولدي... 

عابد بخنقة: 

- خليه يدخل اشوفه علشان مش فاضي ورايا ارض لازم اشجر عليها... 

دخل شاب صغير في عمر الـ 15 سنة وهو خايف عابد بصله وهو بيقول: 

- ها ايه الاخبار اللي رايد تقولي عليها عاد.. 

الولد: 

- انا جيت عشان اقولك أن مراتك في اليوم هداك كانت عتغرق قوي وانا كنت رايح اشوفها واخرجها لاني فكرتها النداهة اللي عيقولوا عليها حدانا لكن فجأة لقيت شخص وقف بعربية ونزل وباين عليه غريب مش من اهنية واصل،  وخرج الست فرح وخدها على المستوصف اللي حدانا ومعتش اعرفت عنيه حاجة واصل... 

عابد وهو بيمثل: 

- وه مستوصف ايه ده عاد داهية ليكون جرالها حاجة عاد مرتي قلبي عياكلني عليها قوي... 

الولد باستغراب: 

- كيف قلبك عياكلك على حرمة انت السبب في وجعانها في الترعة... 

#استوووووب ياترى عابد هينكشف والا ايه هيحصل؟ وهل فرح هتقول ايه لنور؟ وهل امه هتوافق على اللي عمله؟

رواية كسر القلب الفصل السابع 7 من هنا

رواية كسر القلب كاملة من هنا