رواية خفايا القلوب الجزء الثاني 2 عبر روايات الخلاصة بقلم نور محمد
رواية خفايا القلوب الجزء الثاني 2 الفصل الثاني 2
ياسمين بصدمه كبيره: لا لا مستحيل يكون هو اللي عمل فيها كده مستحيل يطلع انت يابابا معتز
بعد ماشافت الفديو ورغم انه كانت الغرفه ظلمه ووجهه كمان مكنش ظاهر في التسجيل بس هي اكيد عرفته كويس.. مسكت اللابتوب وبقت بتلف في الغرفه بصدمه وزهول
ياسمين بصدمه وزهول: ازاي.. ازاي بابا معتز يعمل فيا كده هو صحيح مش ابويا اللي خلفني بس ده اللي اخد باله مني من وانا طفله يادوب عندي 5 سنين جاله قلب ازاي يعمل فيا كده وكمان اتهم ابنه ايوب بجريمته دي هو فيه أب كده ازاي بجد
وبعد دقايق من الصدمه وتفكير قررت تروح تواجهه وتعرف ازاي عمل فيها كده وليه وفعلا توجهت لغرفه مكتبه ودقت الباب ودخلت وفي ايدها الابتوب
ياسمين بخوف: بابا معتز ممكن ادخل اتكلم معاك
معتز ببتسامه: اكيد ياقلبي تعالي عاوزه ايه قولي
ياسمين بتوتر وقلق: انا انا بس جيت اقولك الحقيقه عرفت مين اللي عمل فيا كده امبارح وعندي الدليل كمان
معتز بصدمه وتوتر كبير: احم ايه عرفتي مين ازاي ماهو احنا عرفنا انه ايوب اللي عمل كده وو
قاطعته بضيق: مش ايوب يابابا.. ايوب بريئ وانا عندي الدليل
قالت كده وعرضت قدامه الفديو وهو عنيه وسعت بصدمه وزهول كبير قدامها وفجأه خطف منها الابتوب وقال: طيب كويس انك عرفتي الحقيقه بنفسك برضو انا كنت بصراحه ناوي اشيل الليله دي لايوب بس مدام عرفتي يبقى نغير الخطه بقى
ياسمين بصدمه وخوف: قصدك اي وليه عملت فيا كده ده انا طول عمري بقول عليك بابا اللي ربنا كرمني بيه من بعد موت ابويا الحقيقي ليه تدمرني كده انا عملت لك ايه؟!
ضحك معتز بخبث: لا بجد انا حاسس نفسي اتأثرت قدامك بقى انا ابوكي وبعد اللي عملته فيكي برضو ابوكي مش كده ياحلوه
ياسمين بغضب: انت انسان مريض ازاي تعمل فيا كده وتدمر حياتي ده انت اللي مربيني على ايدك 15 سنه بحالهم جالك قلب ازاي بجد حرام عليك
معتز بصلها بخبث وقرب منها وقال: بقى انا انسان مريض يا سو ليه علشان اعجبت بيكي يا ياسمين وبعدين ياقلبي انا مش بخاف من حد واللي عندك اعمليه وحتي الفديو اللي معايا ده مش ظاهر فيه وجهي بس انتي ظاهره فيه كلك على بعضك يعني لو نشرته دلوقتي سيرتك هتبقى على كل لسان في مصر كلها ياحبيبه قلب بابا معتز
ياسمين بعدت عنه بصدمه وزهول: لا انت طبعا مستحيل تعمل فيا كده انا برضو بنت مراتك واسمك من سمعتي و
قاطعها ضحكته الخبيثه: هههه قال اسمي من سمعتها مانا عملت اللي اكبر من كده بكتير يعني ده شئ عادي عندي اعمله وانتي لو فتحتي بقك بحرف واحد هعمل كده وبعدها ابقى سلميلي على معجبينك في كل مكان ياسوسو مفهوم كلامي
ياسمين بخوف ودموع: حاضر مفهوم
وفي القسم عند ايوب**
عمر بدموع: انا اسف لاني مدفعتش عنك قدام بابا وماما بس انا كنت مصدوم اوي ياايوب ومش مصدق اللي حصل في اختي ياسمين
ايوب بتفهم: انا مش زعلان منك ياعمر ومقدر الموقف قدامك كمان بس صدقني انا مستحيل اعمل فيها كده ابدا والله
عمر ببسمه: مصدقك ياايوب بس ازاي حصل فيها كده وهي جوه البيت ومين ممكن يدخل البيت في وجودنا يعني
ايوب بتفكير: او محدش غريب فعلا دخل البيت ياعمر
عمر بصدمه وعدم فهم: قصدك ايه ياايوب وضح كلامك معايا
ايوب بتفكير وقلق: هقولك بعدين كل حاجه ياعمر بس دلوقتي عاوزك تاخد بالك من ياسمين كويس اوي الفتره دي وانا هتصرف وهطلع من هنا وهعرف الحقيقه بنفسي تمام
عمر بطاعه: تمام ماشي انا هعمل كده
ايوب بحب: ربنا يخليك ليا ياعمر ومايحرمني منك
عمر بحب مماثل: ويديمك ليا ياحبيبي العمر كله
وفي الليل دخل عمر غرفه اخته علشان يطمن عليها فلقاها قاعده بتعيط فقرب حضنها بحنيه
عمر بحنان: مالك ياحبيبه اخوكي انتي كويسه اهدي وانا هلاقي حل للمشكله دي والله ياياسمين
دفنت نفسها في حضنه بقوه وقالت بدون وعي: ايوب مظلوم ياعمر ايوب معملش ليا حاجه ابدا
عمر سمعها فبعدها عن حضنه وقال: مين اللي قالك الكلام ده ياياسمين انطقي انتي عرفتي ده ازاي قولي متخافيش مني
ياسمين بدموع: انا شوف المجرم الحقيقي ياعمر في الفديو وعرفته بس هو هددني لو اتكلمت هينشر الفديو ده ليا ويفضحني
عمر بصدمه: فديو ايه وهو مين اصلا قولي ليا وانا هقف جنبك مش هسيبك لو كان مين ياقلبي انا معاكي بس قولي
ياسمين بدموع وخوف: ابوك معتز ياعمر هو المجرم الحقيقي انا واجهته بس هو هددني بالفديو ده انا قولتلك علشان مش قادره اخبي عنك بس ارجوك متجبش سيره لحد احسن ينفذ تهديده ده ياعمر
عمر بصلها بصدمه وزهول وحضنها بقوه واحتواء وهو بيتوعد لابوه معتز بشده
في اليوم التالي في القسم
ايوب بصدمه: انت متأكد من كلامك ده ياعمر يعني بابا هو اللي عمل كده بجد وكمان معاه فديو بالي حصل وقتها
عمر بحزن وغضب: ايوه ياسمين اللي قالتلي كده بنفسها والفديو معاه ومهددها بيه لان وجهه في الفديو مش ظاهر بس اختي كلها ظاهره فيه
ايوب بغضب وجنون: ازاي يعني يعمل فيها كده دنا هشرب من د*مه انا قولت من الاول ان معتز باشا مش هيجبها البر معايا بس تمام هو اللي حكم على نفسه بقى
عمر بصدمه وعدم فهم: قصدك ايه ياايوب انا مش فاهم حاجه هو ده مش ابوك زي ماهو للاسف ابويا برضو
ايوب بغضب وتخطيط: بعدين ياعمر هفهمك كل حاجه المهم دلوقتي تروح تقول لمعتز اني عاوزه ضروري وحالا كمان فاهم
عمر بقلق وتوتر: حاضر ياايوب
بقلم نور محمد
وفعلا بعد ساعات حضر معتز عند ايوب**
معتز بضيق: ها عاوز ايه مني عمر قالي انك عاوزني ضروري خير في ايه؟!
ايوب ابتسم ليه بخبث وقال: انا عاوز اجوز ياسمين واصلح غلطتي معاها يابابا بس تطلعني من هنا الاول
معتز عنيه وسعت بصدمه وزهول وقال: نعمممم عاوز تتجوز ميين ؟!...
یتبع...
