رواية اتجوزت عجوزه الفصل الرابع 4 بقلم محمد طه
رواية اتجوزت عجوزه الفصل الرابع 4
#البارت_4_بعنوان (جدة عجوزه)
#أتجوزت_عجوزه
#بقلم_محمد_طه
(آسر وأبوه قبل ما يرجعوا فيلتهم وهما راجعين ف الطريق)
_أبوه..يبقي شوف هتقول إيه لعروستك على التأخير ده
_آسر..أطمن يا حاج..هيا أصلا مش هتسأل..دا أنا يمكن أروح ألاقيها نايمه وف سابع نومه..دي شكلها كده مسترجله وهتتعبني معاها..هوا أنته كنت تعرف إن إسمها عجوزه
_أبوه وهوا بيضحك..آه كنت أعرف..يعني هجوزك واحده معرفش إسمها..بقلم..محمد طه
_آسر..وما قولتليش ليه
_أبوه..وهوا أنته كنت سألتني العروسه إسمها إيه وأنا ما قولتلكش
_آسر..وهوا حضرتك عطتني فرصه أسأل ولا أفكر ولا أقول حاجه
_أبوه بإبتسامه..لأ بس عجبني الموقف البطولي اللي عملته قدام أمك وإنك بتضحي عشانها
_آسر بعتاب..آه صحيح بمناسبه أمي..مكنش فيه داعي تجيب سيره شقتين المزاج قدامها..وبعدين بقي أنا طلعت أجدع منك..وما رضيتش أقولها إن الشقتين دول إنك ليك شقه فيهم بس كاتبهم الأتنين بإسمي عشان لو إداره الآداب وصلت ليهم أسمك ما يجيش ف الرجلين وإبنك هوا اللي يلبس
(أبوه يكتفي بالضحك بصوت عالي وداس بنزين عشان يذود سرعه العربيه وقبل ما يوصلوا الفيلا ركن على جنب وآسر نزل ركب ف شنطه العربيه عشان محدش يشوفه ومخرجش من شنطه العربيه إلا جوه جراج الفيلا..وغير البدله اللي نفذ بيها العمليه وطلع على عروسته ولا أكن فيه حاجه حصلت وأول ما فتح باب الأوضه يتصدم)
_آسر بصدمه..إنتي مين
(وكانت ست عجوزه فوق ال 70 سنه وماسكه عكاز )..بقلم..محمد طه
_الجده..أنا جده عجوزه
_آسر وهوا ما زال مصدوم..جده عجوزه إزاي يعني.. وفين عجوزه وإنتي جيتي هنا أمتي وإزاي..ما تنطقي عجوزه فين
_الجده..عجوزه أبوها أتصل بيها وراحت تشوفه
_آسر بغضب وصوت عالي..يعني إيه أبوها أتصل بيها وراحت تشوفه..هيا البت دي مجنونه ولا أبوها اللي مجنون ولا فيه إيه بالظبط..هما مش عارفين إن الليله تبقي الدخله..هدخل على مين أنا دلوقتي
_الجده..يا إبني العمر قدامك طويل..يمكن أبوها عايزها ف حاجه ضروري..لما تيجي يبقي أستفهم منها
_آسر بغضب..أنا لما تيجي هطلقها..أنا هروح أنام ف أوضه تانيه (وقفل على جدتها الأوضه بكل غضب وراح أوضه تانيه ودخل أخد دش وأترمي على السرير ما صحيش إلا تاني يوم الضهر)
_(عند أبو آسر وأمه دريه)_
_دريه بغضب..أنا عايزه أعرف عناوين الشقتين اللي آسر واخدهم لزوم السهر وقله الأدب
_مراد بهدوء..وعايزه عناوينهم ليه يا دريه
_دريه بغضب..عشان أبلغ حكومه الآداب عنهم
_مراد باستغراب..طيب ما إنتي كده هتودي إبنك ف داهيه..بقلم..محمد طه
_دريه بغشم..قصدك هوديه يتربي..عشان أنا وأنته ما عرفناش نربيه
_مراد بغضب..طيب أستهدي بالله يا دريه وأعقلي..
تعالي أقعدي (وأخدها قعدها قدامه على السرير عشان يفهمها) هوا إنتي ما سألتيش نفسك أنا ليه جوزته بالطريقه دي وبالسرعه دي ليه
_دريه باستفهام..ليه
_مراد بهدوء..عشان أعمل نفس اللي إنتي عايزه تعمليه ده..عشان أربيه..بس بطريقه تانيه بعيد عن الحكومه وأطمني اللي أنا جوزتهالو دي..كفيله إنها تربيه هوا واللي خلفوه
_دريه بغضب..هوا إيه اللي تربيه هوا واللي خلفوه ده
هوا إحنا مش متربيين ولا إيه يا مراد..ما تاخد بالك من كلامك
_مراد بإبتسامه خبث..يا دريه..يا دريه إحنا لو متربيين كنا عرفنا نربي..بلاش نترسم على بعض..
وبعدين إبنك كده كده بالذوق بالعافيه هيتربي وكلها كام شهر ويجيلو عيل هينشغل بيه..المهم دلوقتي سيبك من إبنك وبنتك وقومي حطي شويه بودره على وشك وألبسي حاجه عشان نجدد يوم دخلتنا
_دريه..يا راجل أتهد بقي..دا أنته لسه قايل إبنك كلها كام شهر ويجيلو عيل وهتبقي جد
(تاني يوم آسر صحي من النوم الضهر وخرج لقيهم كلهم قاعدين على السفره بيفطرو وبيضحكو بصوت عالي..أبوه وأمه وأخته وجده عجوزه)
_تسنيم بضحك..تعالا يا آسر أفطر معانا..دي جده مراتك دي عسل أوي
_أمه بضحك..آه والله دا إحنا بقالنا سنين ما ضحكناش الضحك دا كله (وتبص للجده) أنتي هتقعدي معانا مش هتمشي..بقلم..محمد طه
(وطبعا آسر راح قعد معاهم على السفره وبيدعي ف سره إن ما يكونش حد فيهم عرف إن مراته خرجت ليله إمبارح وإن الجده ما تكونش قالتلهم حاجه وتسنيم تقطع سرحانه وف نفس الوقت تطمنه وتأكدله من سؤالها إنهم لسه ما عرفوش حاجه)
_تسنيم..هيا العروسه لسه نايمه ولا بتاخد دش وجايه ولا يكونش مستنيه الفطار يدخلها لحد السرير
(وآسر ما يردش عليها ونظراته كلها رايحه على الجده بكل غضب)
_أبوه..ما ترد على أختك..عروستك ما طلعتش معاك تفطر معانا ليه
_يرد آسر وهوا ما زال باصص للجده..العروسه لسه نايمه يا حاج..وبعدين من حقها برضوا الفطار يدخلها لحد السرير..وأنا اللي هدخلهولها بنفسي
_أبوه يقرب من أمه ويكلمها بصوت واطي..شوفتي..
هيدخلها الفطار لحد السرير بنفسه..كورس تربيته بدأ بدري ومن أول يوم
_دريه بغيره وصوت واطي..هوا أنته ليه يوم صباحيتنا ما دخلتليش الفطار لحد السرير
_مراد بصوت واطي..إنتي نسيتي ولا إيه يا طفسه..دا أنا قومت من النوم لقيتك جوه التلاجه
(وآسر ما زال باصص للجده والجده مش معبراه وتسنيم واخده بالها منهم كلهم)
_تسنيم بخبث لأمها وأبوها..ما تشاركونا يا حاج أنته والحاجه الحوار الجانبي ده..ولا إنتو بتقولوا كلام🔞
(وقبل ما أبوها وأمها يردوا عليها)
_آسر بنظره شر..بقولك إيه يا جدتي كنت عايزك ف كلمتين على إنفراد
_الجده بهدوء وابتسامه..حاضر يا حبيبي..بس هقولهم نكته تانيه..بقلم..محمد طه
_تسنيم بلهفه..أيوه والنبي يا جدتي قولي نكته تانيه..
أنا حبيت النكت اللي بتقوليها أوي
_الجده وهيا باصه لآسر..كان فيه خمس شباب أصحاب..أربعه منهم أتجوزو ف ليله واحده..ويوم الصباحيه صاحبهم الخامس راحلهم عشان يطمن عليهم ويباركلهم..وسأل أول واحد وقاله.. ها عملت إيه.. رد عليه وقاله.. أول ما دخلنا الأوضه العروسه نامت..قام سأل التاني..وأنته عملت إيه..قاله أول ما دخلنا الأوضه العروسه نامت..قام سأل التالت..وأنته عملت إيه..قاله أول ما دخلنا الأوضه العروسه نامت..
قام سأل الرابع..وأنته عملت إيه..قاله أول ما دخلنا الأوضه العروسه ما رضيتش تنام..قاله ها وبعدين عملت إيه..قاله نمت أنا
(أبوه وأمه وأخته فضلوا يضحكو ضحك هيستيري وآسر والجده باصين لبعض ومفيش واحد فيهم ظهر على ملامحه حتي الابتسامه)
_آسر بجديه..فيه نكت تاني ولا خلاص كده
(وأخد آسر الجده ودخلوا الأوضه)
_آسر بغضب وصوت واطي..أنا عايز أعرف مراتي فين وبتعمل إيه..وما رجعتش ليه لحد دلوقتي..أبويا وأمي وأختي لو عرفوا إن مراتي خرجت إمبارح وما رجعتش لحد دلوقتي هيقولوا عليا إيه
_الجده بنظره ثقه..عالفكره مراتك ما خرجتش من الفيلا...........
_ويتبع..........
لقراءة باقي فصول الرواية اضغط هنا ( رواية اتجوزت عجوزه )
_بقلم..محمد طه
رواية اتجوزت عجوزه الفصل الخامس 5
_تحياتي لمتابعيني الأعزاء
