رواية اتجوزت عجوزه الفصل الثاني 2 بقلم محمد طه
رواية اتجوزت عحوزه الفصل الثاني 2
#البارت2_بعنوان(خروج عن النص)
#أتجوزت_عجوزه
#بقلم_محمد_طه
_بهدوء..إسمي عجوزه
_بعدم إستيعاب..إسمك إيه يا شاطره
_إسمي عجوزه
آسر غمض عينيه وبكل غضب..هوا صدق المثل اللي بيقول الحلو ما يكملش (وبعدين فتح عينيه وبكل غضب) مين الحيو،ان اللي سماكي الأسم ده
_العروسه وشها وصوتها يتحولو من الأنوثه للرجوله وتقوله بكل غضب..الحيو،ان دا يبقي أبوك وأنته إبنه ياللي ما شوفتش بربع جنيه تربيه (ولسه هتمسك فيه عشان تضر،به)
_الأستاذ بصوت عالي..عجووووووووزه
_عجوزه بغضب وهيا ماسكه ف آسر..يعني مش سامع يا أستاذ قله أدبه..أنا متأكده إن حضرتك ما كتبتش الجمله دي..بقلم..محمد طه
_آسر بعد ما خلص نفسه من إيديها..يا أستاذ أنا قولت أجود وأضيف حاجه من عندي..وبعدين هيا كمان ردت عليا رد حضرتك مش كاتبه
_عجوزه..يا أستاذ هوا اللي بدأ بالشتيمه الأول
_الأستاذ بغضب..أسكتو إنتو الاتنين..وأنته هتستعبط يا آسر..أنا هكتب رد على حاجه أنته بتضيفها من عندك إزاي..أسمع يا آسر..ما تجودش وما تضيفش حاجه من عندك..وما تخرجش عن النص تاني..اللي مكتوب هوا اللي يتقال وبس..يلا هنبدأ الفصل من الأول
_بهدوء..إسمي عجوزه
_بعدم إستيعاب..إسمك إيه يا شاطره
_إسمي عجوزه
_آسر غمض عينيه وبكل غضب..هوا صدق المثل اللي بيقول الحلو ما يكملش (وبعدين فتح عينيه وبكل غضب) إيه..الأسامي خلصت من الدنيا..ولا هوا أي إسم وخلاص
_عجوزه بهدوء..لأ مش أي أسم وخلاص..الأسم دا ليه حكايه كده قديمه
_آسر..طيب ممكن أعرف حكايه الأسم الغريب ده
_عجوزه..أسم عجوزه دا يبقي أسم عيلتي..وجدي زمان قال لأبويا وأعمامي إن اللي هيخلف ولد أو بنت وهيسميه عجوزه هيكتبله نص الميراث
_آسر..قام أبوكي مسميكي عجوزه وأخد نص الميراث
_عجوزه..لأ هوا أبويا سماني عجوزه وبعدين أخد بومبه..بقلم...محمد طه
_آسر بعدم فهم..يعني إيه بومبه
_عجوزه..يعني أخد الصابونه
_آسر..الصابونه دي اللي بنغسل بيها إيدينا
_عجوزه..آه
_آسر بسخريه..هوا جدك كان الميراث بتاعه صابونتين قام عاطي نص ميراثه اللي هوا صابونه لأبوكي
_عجوزه بابتسامه غضب..يا أبني بلاش تنكشني أنته مش قدي (ومسكته ولسه هتضر،به)
_الأستاذ بغضب..عجووووووووزه
_عجوزه بغضب..وكتاب الله ما حايشني عنك غير الأستاذ
_الأستاذ..وبعدين معاك يا آسر
_آسر..يا أستاذ المرادي مش أنا اللي بدأت..هيا اللي بدأت وخرجت عن النص
_الأستاذ..فيه إيه يا عجوزه..هوا أنا برضوا كاتب بومبه وصابونه والكلام الفاضي ده..أنا مش قايل محدش يخرج عن النص
_عجوزه بإعتذار..آسفه يا أستاذ مش هتتكرر تاني
_الأستاذ بغضب..لآخر مره هقولهالكم..محدش يخرج عن النص..وبعدين فيه بريك..اللي عايز يضيف حاجه يعرفني ف البريك..وأنا هشوف ينفع تتضاف ولا لأ..
يلا أبدأ يا آسر من عند قام أبوكي مسميكي عجوزه
_آسر..قام أبوكي مسميكي عجوزه وأخد نص الميراث
_عجوزه..لأ هوا أبويا سماني عجوزه وبعدين جدي الله يرحمه.. ما،ت قبل ما يكتب لأبويا نص الميراث
_آسر..يعني أبوكي ما أخدش نص الميراث
_عجوزه..بقولك جدي ما،ت قبل ما يكتبلو نص الميراث..هياخدو إزاي..بقلم..محمد طه
_آسر..المفروض إن كلام جدك قبل ما يمو،ت يدخل ف بند الوصيه..والمفروض كلامه يتنفذ بعد مو،ته..
لأن أبوكي هوا اللي نفذ اللي جدك كان عايزه..ف من حق أبوكي نص الميراث
_عجوزه..شوف يا إسمك إيه
_آسر بإعتراض..اللي بتقوليله يا إسمك إيه ده يبقي جوزك عالفكره..ولا إنتي مكلفتيش نفسك وبصيتي على إسم العريس وإنتي بتمضي على قسيمه الجواز
_عجوزه بإبتسامه بارده..لأ ما كلفتش نفسي وبصيت على إسم العريس..ها قولي بقي العريس إسمه إيه
_آسر بغضب وابتسامه غيظ..إسمي آسر
_عجوزه..شوف يا اللي إسمك آسر..دلوقتي كلام جدي يعتبر وصيه شفهيه مش واجبه النفاذ..يعني الورثه ليهم مطلق الحريه ف إنهم ينفذوها أو ما ينفذوهاش
_آسر..طيب برضوا فين المشكله. أكيد يعني أعمامك مش هيعترضو على كلام جدك
_عجوزه..لأ ما هوا أنته ما تعرفش أعمامي
_آسر..عرفيني بأعمامك
_عجوزه..أعمامي تقدر تقول كده أحفاد أبو جهل
_آسر بسخريه واستفزاز..أحفاد أبو جهل اللي هوا يبقي جدك
_عجوزه بغضب..أطلع بريك يا أستاذ محمد..وربنا الواد دا لازم ينضر،ب الليله (ومسكته وضر،بته براسها ف وشه)
_الأستاذ بغضب وصوت عالي...بريك..حد يحوشها عنو بسرعه..بس يا عجوزه..سيبيه يا عجوزه..بقولك سيبيه..بقلم..محمد طه
(والجميع جريو على عجوزه وآسر عشان يحوشوهم عن بعض..البنات محجزين على عجوزه..والرجاله محجزين على آسر)
_عجوزه بغضب..بعد إذنك يا أستاذ محمد..أنا عايزه مشهد أرتجل فيه قصاد الواد ده(وبصت لآسر بغضب) أسمع يلا..لو فاكر نفسك إنك صايع ومقطع السمكه وديلها..ف إحنا اللي أكلنا السمكه بشوكها وديلها..ففوق لنفسك وأعرف حجمك عشان متخلنيش أشرب من دمك
_الأستاذ بغضب..وكتاب الله إحنا لو ف سويقه ما هنعمل كده..الله يسامحكم..ال خمسه سته اللي بيتابعوني هيطفشو مني بسببكم
_آسر بغضب..وربنا ما هسيبك يا عجوزه..أنا عامل بس إحترام للأستاذ
_الأستاذ بغضب..بلا إستاذ بلا نيله..إنتو خليتوا فيها إستاذ
_عجوزه بصوت عالي..وربنا أنته بق عالفاضي ولا هتعرف تعمل حاجه (وتروح للأستاذ وبصوت واطي) والنبي ما تزعل يا إستاذ..وبعدين هوا اللي بيغلط الأول..مره يغلط ف أبويا ومره يغلط ف جدي
_الأستاذ بهدوء..تعالي يا عجوزه عايزك (ويبص لآسر) وأنته شوف حد يظبطلك وشك اللي أتبهدل ده
(وأخد عجوزه وراح بعيد عن الجميع)
_الأستاذ بصوت واطي..هوا إنتي بتاكلي السمكه بشوكها وديلها نيه ولا مستويه
_عجوزه بصوت واطي..لا نيه ولا مستويه..أنا أصلا ما بحبش السمك يا إستاذ
_الأستاذ..ولما إنتي ما بتحبيش السمك..إيه اللي إنتي قولتيه من شويه ده
_عجوزه..لأ دا إفيه لزوم الصياعه..بس شوفت كلهم خافوا مني إزاي...بقلم..محمد طه
_الأستاذ..آه شوفت..إذا كان أنا شخصيا خوفت..
(وبغضب) إمشي من قدامي يا جزمه..وجزمه قديمه مش جديده
_عجوزه بصوت واطي..حاضر..بس والنبي يا إستاذ ما تسيحليش قدامهم خليهم يفضلوا خايفين مني
_الأستاذ بغضب ويضرب كف على كف ..يا لهوي عليا..بطله روايتي بتقولي ما تسيحليش (وبصلها بغضب) إمشي يا عجوزه من قدامي..إمشي (وبص للجميع) عقابا للكل مفيش بريك غير بعد كل خمس فصول ولو حد خرج عن النص تاني أنا هلغي البريك خالص..يلا كل واحد على مكانه..إحنا وقفنا فين
_آسر..وقفنا عند أحفاد أبو جهل يا أستاذ
_الأستاذ..يلا إبدأي يا عجوزه
_عجوزه..أعمامي تقدر تقول كده أحفاد أبو جهل
_آسر..آه..أنا كده فهمت..طيب إيه إحنا هنقضي الليله كلها ف الكلام عن إسم عيلتك وميراث جدك وأعمامك..إيه مش هتغيري الفستان دا بقي ولا إيه
_عجوزه..هوا الفستان دا أنا اللي لابساه ولا أنته
_آسر..إنتي اللي لابساه
_عجوزه..طيب يبقي أغيرو وقت ما أنا أحب أغيرو..
يلا قوم هاتلي طقم من الدولاب
_آسر بكل سعاده وهوا بيسقف بإيديه..أيوه بقي هوا دا الكلام................
_ويتبع...........
رواية اتجوزت عجوزه الفصل الثالث 3
_بقلم..محمد طه
لقراءة باقي فصول الرواية اضغط هنا ( رواية اتجوزت عجوزه )
_إنتظرو البارت 3 بعنوان(ق،تل وإغتصاب)
_تحياتي لمتابعيني الأعزاء
