#البارت1_بعنوان(العريس)
رواية اتجوزت عجوزه الفصل الأول 1بقلم محمد طه
رواية اتجوزت عجوزه الفصل الأول 2
#أتجوزت_عجوزه
#بقلم_محمد_طه
_سرحان ف إيه يا آسر
_بحزن..سرحان ف تعيسه الحظ اللي هتجوزها
_يا ساتر يارب ليه بس كده..دي هتبقي سعيده الحظ وأمها دعيالها كمان
_قصدك أمها داعيه عليها..ومش أمها بس دا الدنيا كلها داعيه عليها..بقلم..محمد طه
_هوا بصراحه أنا شايفه كده برضوا..(ويبصلها بغضب ) ما هيا دي الحقيقه بتبصلي ليه..دا أنا أختك ومش طيقاك..ربنا يكون ف عونها
_بغضب..ربنا ياخدك..دا بدل ما تشوفيلي واحده من صحباتك
_أشوفلك واحده من إيه يا أخويا..دا أنا عندي إستعداد أخسرك ولا إني أخسر واحده من صحباتي..
بقولك إيه يا آسر.. أبعد عن صحباتي عشان ما نخسرش بعض..أقولك على فكره..عليك وعلى ماما..خليها تشوفلك واحده من صحباتها..ولا أقولك عليك وعلى تيته..آهي دي بقي اللي صحباتها كتير وكلهم أرامل..وهيبقو فاضينلك ال24 ساعه
_آسر بهدوء لكن بغيظ..طيب بكل هدوء بقي كده قومي من قدامي قبل ما أخليكي تحصلي أجواز الأرامل..قومي من قدامي يا تسنيم..بقلم..محمد طه
_تقلده بصوته الرجولي..قومي من قدامي يا تسنيم
(وتتكلم بصوتها الطبيعي) هوا أنته مش شاطر غير ف تتخين صوتك وفرد عضلاتك عليا..(وتستفزه)
وربنا لأقول لأبوك إنك بتشرب هباب وبتجيب إصحابك هنا البيت يشربوا معاك..وفيهم واحد أتحرش بيا..والتاني كان عايز يبوسني..والتالت كان عايز رقم تلفوني ولما رفضت أديهولو سرق مني التلفون بالعافيه
_آسر بهدوء..هتقولي كل دا لأبوكي..(وبكل عصبيه) هوا فيه حاجه من الحاجات دي أصلا حصلت
_تسنيم ببرود..آه كل اللي أنا قولته دا حصل..وأنته عارف أبوك لما بقوله على أي حاجه بيصدقني
_آسر بكتم غيظ..حظك الوحيد إنك أختي..لولا كده أنا كان زماني دفنتك صاحيه..أخلصي يا تسنيم عايزه إيه
_تسنيم بإستعجال..عايزه أصحابك يتحرشو بيا..
أحم..قصدي يعني عايزه تلفون جديد بدل اللي صاحبك سرقو مني
_آسر بغضب وصوت غليظ..هوا فيه حد من صحابي قرب منك ولا أخد منك حاجه
_تسنيم ببرود وهدوء..أيوه آهو..تخن ف صوتك وعلي صوتك..عشان المرادي بقي هقوله إني حامل من واحد صاحبك..وأطربقها على دماغك
_آسر باستسلام وهدوء..حاضر يا تسنيم..الليله هيبقي معاكي تلفون جديد..بقلم..محمد طه
_تسنيم بسعاده..أيوه كده..بس عيزاه من الغالي..ما تروحش تسترخص..دي جريمه إغتصاب وحمل وليله سوده عليك أنته واصحابك
_آسر بغضب..غوري بقي من قدامي بدل ما أخليها جريمه ق،تل
(وقبل ما أخته تخرج..أبوه مراد الزيني يدخل)
_أبوه بحزم وجديه..جهز نفسك كتب كتابك بكره (ويسيبهم ويخرج)
_آسر بإستفهام..هما الكلمتين اللي قالهم الحاج دول.. ليا أنا
_تسنيم بفلسفه..والله لو هنحلل المشهد من الناحيه الجسمانيه..ف الحاج كان باصصلك أنته..وكان بيشاور بيده اليمني ناحيتك..وإن حللنا المشهد من صيغه الكلام..ف الكلام كان بصيغه المذكر وليس المؤنث..بدليل أنه قال..جهز نفسك..وليس جهزي نفسك..يبقي الكلام عليك يا عريس..يا ريت بقي تأكد على أصحابك يبقوا يرقصوا معايا ف الفرح..وأنا بقي اللي هتحرش بيهم (وتسيبو وتجري من قدامه)
_آسر يكلم نفسه بغضب..هوا إيه اللي كتب كتابي بكره.. أستني يا حاج فيه حاجه غلط..دا أنا لو العروسه مش هتعاملني كده (ويروح عند أبوه.. وأمه كانت واقفه) بقلم..محمد طه
_آسر بهدوء واستفهام..معلش يا حاج..أنا بس جاي أتأكد من الكلمتين اللي حضرتك لسه قايلهملي من شويه
_أبوه بهدوء..لأ هما مش كلمتين..هما خمس كلمات..
عد معايا كده..جهز..نفسك..كتب..كتابك..بكره
_آسر بهدوء..أي إن كان عددهم يا حاج..إزاي يعني كتب كتابي بكره..دا لو حضرتك بتعزمني على الغدا.. هتاخد رأيي قبليها
_أمه..عالفكره العروسه
_آسر يقاطعها..مش مهم العروسه..إحنا ف العريس دلوقتي..وأستني إنتي يا أمه..عشان شكل جوزك اللي هيكتب عليها بكره
_أبوه بهدوء وبكل ثقه..هوا دا فعلا اللي هيحصل..لو أنته ما كتبتش عليها بكره..أنا اللي هكتب عليها..بس قبل ما هكتب عليها..هطلق أمك وبعد ما هطلق أمك.. هسحب رصيد حضرتك من البنك..وبعد كده هسحب جميع ممتلكاتك من شركه ل فيلا ل شقتين لزوم السهر وقله الأدب و4 شاليهات ف محافظات مختلفه وكنت هنسي 3 عربيات و6 تلفونات
_بهدوء واستسلام..يا حاج أنا كل دا مش فارق معايا..أنا كل اللي فارق معايا طلاق أمي..أنا موافق يا حاج وهضحي عشان أمي (ويبص لأمه) الطبيعي إن الأم هيا اللي بتضحي عشان ولادها..لكن ف المشهد اللي إحنا فيه ده..الإبن هوا اللي هيضحي عشان أمه..(ويبص لأبوه) ممكن أسأل سؤال يا حاج..هيا العروسه شافتني أو تعرفني..أصل أنا متأكد إنها لو تعرفني مش هتوافق عليا
_أبوه بجديه..جهز نفسك كتب كتابك بكره
(ويسيبهم ويخرج)بقلم..محمد طه
_آسر بصوت عالي..أنا جاهز يا حاج..لو عايز نكتب النهارده أنا جاهز (ويبص لأمه وبصوت هادي) كله عشان خاطرك يا ست الكل
_أمه بغضب..عشان خاطري برضوا..قولي يلا..إيه حكايه الشقتين اللي لزوم السهر وقله الأدب دول
_آسر بهدوء..دول شقتين كده واخدهم يا حاجه لزوم المزاج..يعني عيزاني أجيبهم هنا الفيلا وأبويا عينه تزوغ على واحده منهم وبعد كده بقي ما نعرفش نسيطر عليه
_باقتناع..لأ ف دي عندك حق
_آسر بتضحيه..شوفتي..والله أنا بضحي عشانكم إنتو الاتنين..وإنتو مش حاسين بيا
_أمه وهيا بتطبطب على صدره..إن شاءالله بكره تكتب كتابك وتجيلك اللي تحس بيك
(وتسيبه وتخرج وهيا خارجه تقول بصوت واطي) مادي حقير..قال بيضحي عشاني قال
_(تاني يوم)_
(تم كتب الكتاب وتمت ليله الزفاف وأخد آسر عروسته ودخلوا غرفتهم والعروسه كانت لابسه فستان الفرح والطرحه كانت نازله على وشها ولما آسر شال الطرحه من على وشها يتصدم من شده جمال العروسه..بالبلدي كده زي الكتاب ما بيقول..
مفيش فيها غلطه.. وفضل آسر مصدوم ومتنح قصاد جمالها ونظرات عنيها اللي تسحر أي حد قدامها..لحد ما أخيرا آسر بلع ريقه وسألها)
_إنتي إسمك إيه
_بهدوء وصوت كله أنوثه..يعني حضرتك لما مضيت على قسيمه الجواز..مكلفتش خاطرك وبصيت على إسم العروسه
_آسر وهوا لسه مصدوم من جمالها وحلاوتها..لأ ما كلفتش خاطري وبصيت على إسم العروسه..ها قوليلي بقي إنتي إسمك إيه
_بهدوء..إسمي عجوزه..............
_ويتبع..........
رواية اتجوزت عجوزه الفصل الثاني 2
_بقلم..محمد طه
لقراءة باقي فصول الرواية اضغط هنا ( رواية اتجوزت عجوزه )
_إنتظرو البارت 2 بعنوان(خروج عن النص)
_تحياتي لمتابعيني الأعزاء
