رواية نهاية وعد عبر روايات الخلاصة بقلم آلين روز
– "ناويه على إيه؟"
– "هقت.له!"
قفلت معاها وبصيت في المرايا بشر.
إزاي قدر يخطب غيري؟
إزاي سابني بعد كل ده؟
غمضت عيني وأنا بحاول أقلّل تفكيري في اللي حصل.
كنا هنكتب الكتاب وفجأة قال مش هيكمل!
قالها وسابني ومفتكرش أيامنا ولا داق عذابي!
مهنتش عليه ولا هان عليه يسيب سبب.
أقل حاجة ممكن تتقال إني دوقت المر من بعده…
وراحت ذكرياتي لأيام كنا مع بعض:
– "عارف هعمل إيه لو فكرت تحب غيري أو حتى تتجوز؟"
– "هتعملي إيه يا ورد؟"
– "هقتلك!"
كان باصص بصدمة لكن سرعان ما تحولت لضحك هستيري.
فضلت باصة له بهدوء وغيظ في حين هو كمل وقال:
– "إنتِ يا ورد هتقتليني؟
إنتِ عمرك ما هتعمليها.
إنتِ حتى مش هييجي في بالك تعمليها.
وحتي لو فكرتِ فأنا مش هصدق حاجة زي كده حتى لو شفتك بعيني…"
ابتسمت بهدوء وفرح داخلي من ثقته فيّ.
حطيت إيدي على الطربيزة اللي مابينا وقلت:
– "واثق فيا؟"
– "ولو ما ثقتش فيكِ هثق في مين يا كل عمري؟
بس حابب أعرف لو حبيتي تقتليني هتعمليها إزاي؟"
فضلت باصة له في تفكير وقلت بعد مدة:
– "هحط سم في حاجة أنت تشربها."
فقت من ذكرياتي على صوت خبط الباب.
مسحت دموعي وقمت فتحت الباب.
مكنش غير صاحبتي آلاء.
سيبتها ودخلت وهي جات ورايا وقالت:
– "لسه ناوية؟"
– "ناري مش هتهدى غير لما آخد حقي."
– "ده حبيبك! هتأذي حبيبك؟"
– "ما أنا كنت حبيبه… وأذاني وكسر وعوده."
يتبع...
فصول رواية نهاية وعد بقلم ٱلين روز
اضغط على الفصل الذي تريد قراءته:
جاري كتابة باقي فصول الرواية.. عاود زيارتنا..
