اسكريبت صدمة تليها ضمادة (سيرين وعمر) عبر روايات الخلاصة بقلم هاجر نور الدين
_ إحنا كتبنا الكتاب إزاي عايز تنفصل عني؟
كانت جملتي المصدومة وأنا سامعاه بيقولي بكل بساطة،
"إنهُ عايز ينفصل عني."!
حسيت الدنيا بتضيق بيا وحسيت إني مستحيل يكون دا بجد،
بدعي من جوايا في وسط صمتهُ دا يطلع بيهزر أو بحلم.
ولكنهُ رد عليا بمنتهى البساطة وقال:
= عادي يعني يا سيرين ياما ناس كتبوا الكتاب وإنفصلوا،
وأهو دلوقتي أحسن بكتير من بعدين.
ضحكت بسخرية وأنا مش مستوعبة وقولت بتوتر:
_ إنت أكيد بتهزر ما هو مش معقول تكون بتتكلم بجد،
إنت فاهم إنت بتقول إي؟
أنا سيرين حبيبتك واللي بنتمنى اليوم دا وبنحلم بيه بقالنا سنين!
رد عليا بتنهيدة وقال بلا مبالاة:
= لأ مش بهزر إي اللي فيها يعني،
وبعدين عادي كنت بحلم بيه دلوقتي مش عايز أنا حُر.
إتكلمت بإنفعال وقولت:
_ هو إي البرود اللي بتتكلم بيه دا،
ولأ طبعًا مش حر، كلت وشربت إي عشان أتكتب مطلقة ونظرات الناس والمجتمع ليا بعد ما إنفصلت عن شخص المفروض بحبهُ وبيحبني ومفيش في علاقتنا مشاكل بعد كتب الكتاب بيومين بس!
إتكلم بعد ما زفر بضيق:
= وأنا مالي ومال المجتمع والناس ما يولعوا!
أنا مش مرتاح وأنا هضغط نفسي عشانهم!
إتكلمت وأنا مصدومة وقولت بصوت هادي:
_ إنت إزاي بتقول كدا بجد، لأ حقيقي مش مصدقة اللي بسمعهُ،
عمر أنا مش فاهماك، إي اللي ضاغطك وإي اللي مخليك مش مرتاح؟
سكت دقيقة كانت روحي بتتسحب فيها،
كنت بتمنى يقول آي حاجة ينفي بيها اللي قالهُ من شوية.
ولكنهُ لما إتكلم قال ببساطة:
= بُصي يا سيرين أنا مش عارف أقولك إي بصراحة بس أنا مش مرتاح، وحاسس إن كل حاجة بقت كبيرة أوي عليا وأنا لسة مش مستعد ليها دلوقتي، عشان كدا الأنسب ليا إني أبعد.
يتبع...
فصول اسكريبت صدمة تليها ضمادة (سيرين وعمر) بقلم هاجر نور الدين
اضغط على الفصل الذي تريد قراءته:
- اسكريبت صدمة تليها ضمادة (سيرين وعمر) الفصل الأول
- اسكريبت صدمة تليها ضمادة (سيرين وعمر) الفصل الثاني
- اسكريبت صدمة تليها ضمادة (سيرين وعمر) الفصل الثالث
- اسكريبت صدمة تليها ضمادة (سيرين وعمر) الفصل الرابع
- اسكريبت صدمة تليها ضمادة (سيرين وعمر) الفصل الخامس
- اسكريبت صدمة تليها ضمادة (سيرين وعمر) الفصل السادس
- اسكريبت صدمة تليها ضمادة (سيرين وعمر) الفصل السابع
- اسكريبت صدمة تليها ضمادة (سيرين وعمر) الفصل الثامن والأخير
