رواية نور وأحمد عبر روايات الخلاصة بقلم سلسبيل أحمد
رواية نور وأحمد الفصل الأول 1
- كابتن احمد؟؟
شال نضارته وبصلها بزهق = خير
- انا نور كنت عايزه اشترك في رحله ال Diving (الغطس) و
قاطعها = شيفاني قاعد بحجز ؟؟ الحجز جوه فالمكتب مش هنا
يلهوي طلع مدب بجد!
بحده = بتقولي اية؟
- ابدا مش بقول انا بس جيت عشان اقول لحضرتك اني محتاجه اتعلم الغطس لسه وعايزه اطلع تحت اشرافك يعني لاني مش هعرف اطلع من غير شهاده
= طالعه رحله Diving ومبتعرفيش تغطسي؟
- ايوا فيها اية مش هيبقي معانا مدرب الى هو انت
= صبرني يارب
- ها هتعلمني الغطس و هطلع على مسؤليتك ؟
= لاء مش فاضي ومبعلمش مبتدئين ولا بتحمل مسؤليه حد
_ ونبي
= اية هو دا لاء
- وحياه عيالك
= لاء
- هديك الى انت عايزه
= لاء
اتنهدت بحزن واتكلمت بسرعه- عشان خاطري اوعدك هتعلم بسرعه انا ذكيه جدا والله انا عاوزة اتعلم
خد نفس طويل وكان هيقولها وانا مالي بس بصلها وكانت بتبصله ببراءه خلته يقول.
= بتعرفي تعومي ؟
- لاء
بعصبيه = نعم !
- ههههه يلهوي هدي نفسك دا انا بهزر اكيد بعرف اعوم اكيد يعني..
___________________
ينهار اسود مكنش يومي لاء يلهواااااي البحر يخض كدا ليه اغيثونييي
- بتعملي اية
= هاه اية ؟
- اليخت هيتحرك ولا رجعتي فكلامك ؟
= ههههه لا طبعا اطلع وانا جايه اهو .
بصيت على ايدي الى بتترعش وكتفتها فى بعض ونفسي كان بيطلع بالعافيه حطيت رجلي بهدوء ومشيت بخطوات بطيئة واخيرا دخلت دخلت جوه خالص فاليخت
وقعدت وسط الجروب الي كان معاه كلهم مزز وأجانب شرح حاجات كتير وانا كنت مبلمه لانه اتكلم انجلش وبعد ما خلص بصلي وبدء يتكلم عربي..
- مبدئيا كدا فى حاجات لازم تعرفيها قبل ما ننزل تحت المياه
نفسك تخديه براحه خالص وانتي بتتحركي تكوني واخده بالك ليكون في صخره او اي حاجه و اهم نقطه انبوبه الاكسجين بتاعتك تحافظي عليها زي عينيك! وتحت المياه مش هنعرف نتكلم و بنكون على عمق كبير يعني بنستخدم لغه الإشارات
وبدء يعمل اشارت بايده
= الاشاره دي 👍 عشان لو حبيتي تطلعي فوق
= دي👎 لو عايزه تنزلي
= دي👋👋 لو حاسه بخطر حوليكي
= دي✋✋ لو حصلك شد عضل او اي حاجه خلتك مش قادره تتحركي
= دي 👌 تمام
انتي معايا؟؟
- اه اكيد طبعا هو احنا هنغطس انهارده ولا اية؟
= الرحله اربع ايام هنغطس تلت مرات ودا حسب الجو لازم نتأكد قبل ما ننزل وبما انك اول مره هنزل معاكي مره قبل ما نغطس عشان اشوفك هتعملي اية
- بالنسبه للقروش طب
= قروش! اكيد مش هنغطس في حته فيها سمك قرش مش نازلين نموت احنا؟؟
وسابني ومشي..
_
ينهار ازرق علي دماغي يناس اية كل دا طب مانا الى استاهل برضو ايوا والله انا جبته لنفسي بس يلهوي الواد عليه ملامح حاده ايه زي القمر.!!
.
.
.
.
.
.
- احمممم؟؟
= ايوا
- جاهزه؟
= اه
اتوجعت ..اههههه
- اية مالك
= اهه دماغي تقلت فجأه باين جالي الضغط ولا اية اههه مش قادره
- طب اهدي اقعدي
اتحرك من قدامي واتنهدت بحزن وبعدين قولت الحمد الله ..
لاقيته راجع ومعاه كوبايه مسكت دماغي تاني
- اشربي دا
= اية دا مخدر دا ولا اية هتخطفني
- اخطفك اية احنا فى عرض البحر
يلهوي وبتقولها فى وشي ياخي!
خدت الكوبايه = لمون الله حلو اوي شكرا
- شكلك مش هتقدري تنزلي صح
مثلت التعب تاني = مش عارفه يعني هوا
قاطعني بزهق - خلاص خليكي انهارده
يلهوي عنيف اوي..
النهار جري بسرعه والدنيا ضلمت والبحر كان لونه اسود فضلت فى اوضتي خايفه اخرج كان وقت العشا وكل الى على اليخت اكيد راحوا ياكلوا
لحد ما سمعت الباب بيخبط
- ايوا
= انتي هتفضلي فى الاوضه طوال النهار
- لا انا كنت . كنت
قاطعني برضو ! = تعالي عشان ناكل يلا
حاسه اني معنديش كرامه ولا ليا كلمه سيكا؟
روحت معاه الجو كان حلو والسما هاديه والبحر بيرمي هوا لطيف اوي قعدنا ناكل سوا
- كابتن كابتن يا احمد حماده
بصلي وهوا متفاجئ ؟
- كنت عايزه اشكرك يعني
= طيب
اتغظت منه فا قولت - بيترد عليها العفو علفكره
بصلي بنرفزه خوفتني =
بخوف - بس انت رد براحتك عادي يعني
ابتسم وحقيقي كنت هاكله من جماله!!
- انت طلعت بتضحك زينا وكدا
= هو انا كئيب؟
سؤال خرج فجأه مني معرفش لي قولت كدا وليه بتكلم معاها اصلا ؟!
استغربت سؤاله بس قولت - لا بس يعني جد شوية
رجع لملامحه الاوله = هممم اعتقد كدا افضل
بصتله بهدوء- اعتقد أحيانا الضحك بيريح وبيطرد الطاقه السلبيه
= يمكن
خلصنا اكل وروحت اوضتي حسيت بدوخه فظيعه هربت منها فالنوم
* تاني يوم *
صحيت ودماغي تقيلة اوي وبعدين افتكرت اني هغطس وكنت ابغي ابكي والله
دخلت الحمام ولبست وفضلت فى الاوضه خايفه اخرج لحد ما سمعت الباب بيخبط
فتحت ولاقيته هو
- هو انتي حابسه نفسك كدا ليه يابنتي ؟
= أأأأ ..كنت نايمه
- طب يلا بسرعه اجهزي
= حاضر
خرجت ولبست البدله وبقيت جاهزه وقفت وشايفه المياه تحتي والمفروض ان خلاص دقايق وهنط
- في حاجه مهمه لو اتعورتي تخرجي من المياه فورا عشان الدم هيجذب سمك القرش واكيد مش هتبقي عايزه تكوني غداهم.
قلبي فضل يدق بعنف
مكنتش عارفه اعمل اية نزلت ومع اول لمسه للمياه وكنت بنزل تحت
فجأه محستش بأي حاجه والدنيا اسودت قدامي..
- ملك .. ملك
فتحت عيني وانا قاعده على كرسي وهوا كان قدامي متعصب خايف قلقان مكنتش قادره احدد ؟!
- انتي كويسه
= اه حصل اية
- انتي عندك مشكله فالتنفس؟؟
= مش عارفه
- عندك دوار بحر ؟
سكت شويه وبصيت للارض = عندي فوبيا
- انتي عارفه ان لو جرالك اي حاجه انا هتحملها انتي ليه طلعتي من البدايه وطلبتي تطلعي على مسؤليتي كمان الشركه الى انا فيها اجنبيه ولو حصلك اي حاجه انا الى هتحاسب؟؟!
- انا اسفه
دموعي نزلت ومكنتش عارفه اقول اية وروحت على اوضتي عشان استخبي من كل حاجه كنت مستنيا لحد ما نرجع وقررت مخرجش خالص حتي للاكل عشان مشفوش
لحد ما لقيت الباب بيخبط وفتحت مكنتش متوقعه اللقيه هو!!
- ممكن نتكلم.؟
_
يتبع...
