رواية ليلى وزين عبر روايات الخلاصة بقلم سلسبيل أحمد
رواية ليلى وزين الفصل الثالث 3
انتي ازاي تمشي لوحدك وجيتي الشركه ازاي ؟؟
= ءءء انا ءء
- اها انتي هتهتهي
= اصل فى واحد ساعدني يعني اجي
زين بعصبيه - مين ده ؟؟ واحد مين!!!
مسك ايدها ودفعها ناحيته - مين ده ؟؟؟ انطقي
ليلي وهي بتعبد = معايا فالجامعه
يا جدوو اللحقني
- ياجدو! خدي هنا يابت
ليلي جريت على مكتب عبد العزيز واستخبت عنده
- اية فى اية يا ليلي
= شوف زين بيزعقلي وعايز يضربني
دخل زين بغضب - لا منتي مش عيله عشان اضربك
عبد العزيز بجديه - اهدا جرا اية ؟؟ كلمتك ومردتش عليها فا كلمتني واسأذنت مني وزميلها وصلها
= جدو لو سمحت متنرفزنيش
- بقولك اية يا ولد نتكلم فالبيت هنا مكان شغل ويلا عشان الاجتماع
خد ليلي ودخلوا الاوضه بتاعت الميتينج وزين دخل وراههم وهوا مستفز جدا ومتعصب
الميتينج خلص و عبد العزيز خد زين على جمب
- انا مسافر الشركه الى في دبي فيها مشاكل وهقعد حوالي تلت ايام هكلم ليلي كل ثانيه فيهم يا زين لو سمعت انك زعلتها هخليها تقعد لوحدها في بيت بعيد عنك انت فاهم ؟
= والله؟ طب تمام بتهددني يعني
- زين ليلي مش حملك ولا حمل عصبيتك وانت فاهم
ابتسم ابتسامه صفرا = حاضر يا جدو خلاص وبعدين دي في عيني اختي ها
عبد العزيز ضحك وميل على ودنه - بطل تقرر كلمه اختي انت الى شكلك هيبقي وحش فالاخر
زين بأستعباط - مش فاهم
= هتفهم بعدين
- طب والعريس؟؟
= ماله؟
- هيجي!؟
طبطب على كتفه = طبعا والبركه فيك ياحبيبي ابقي اقعد معاه سلام
سلم على ليلي كمان ومشي وبعدين نزلت تركب مع زين العربية
- زين هو انت مخاصمني خلاص مش هتكلمني تاني
زين منع ضحكته من كتر سذاجتها
ليلي بصوت مهزوز - احنا كدا خلاص يعني مش صحاب؟؟
زين مقدرش يسكت من حزن نبرتها ورد عليها = مش انتي صاحبتي ناس جديده وبتيجي معاهم ومش بتستنيني؟ عاوزة مني اية بقي ؟
قال جملته وهي سكتت وطت راسها وهو ادايق ولما وصلها مطلعتش زي كل مره وفضلت واقفه عند باب الفيلا
- انتي واقفه ليه يلا عشان ندخل
= انت صحبي الوحيد فاكر انا صحبتك انت وبس
زين حصله تشويش في مخه ورجع لورا بذاكرته وافتكر لما كان بيقولها كدا لو لاقها بتلعب مع ولاد وهما صغيرين
" انتي صحبتي انا وبس اللعبي معايا انا "
فاق على صوتها وكان مدايق لما افتكر الفترة دي من حياته
= احنا كنا عيال
ليلي بدموع - يعني احنا مش صحاب زي زمان
= ليلي قولتلك قبل كدا انتي بنت عمي واختي وبخاف عليكي وبحميكي و اكيد احنا صحاب برضو بس مش زي زمان عشان كنا مجرد عيال دلوقتي كبرنا
ليلي مشيت من قدامه بنرفزة وهي بتعيط ومش مستحمله كلامه بعدها زين اتنهد بتعب وندم ونام عالأرض فالجنينه فضل يفتكر ابوه و امه عينيه دمعت وحس ان نفسه بيتسحب منه وانه اتخنق طلع عند اوضه ليلي وخبط
ليلي مسحت دموعها - انا مخصماك متتدخلش
زين فتح الباب ودخل و راح قدامها = ليلي احضنيني
- احضنك؟ انت كويس ؟
زين كان هيقع وليلي لحقته وقعدته عالسرير بسرعه
- زين رد عليا زين
قربت وحضنته جامد جدا ولفت ايديها حوليه وهي بتشد على حضنه وبطبطب عليه كانت مخضوضه لانها اول مره تشوفه فالحاله دي
فجأه زين صرخ وهي اتفزعت
كان جسمه بيتنفض وكأنه خايف من حاجه
ليلي فضلت بتعيط بس بتمسك فحضنه اكتر - زين انا جمبك
= ابعد عنيييي
- انا ليلي يا زين انا معاك ، انا معاااك مش هسيبك اهدي
مسكت ايده بقوة وشدته عليها اكتر : انا معاك انا معاك
زين بدء يهدا تدريجياً وهو فحضنها وبدء يمسك فحضنها جامد اتنفست لما عرفت انه حس بيها
عيونه كانت بتدمع مسحت دموعه وبدأت تكلمه - كل حاجه هتبقي كويسة ، متخافش انا جمبك
= بوظ كل حاجه هو بوظ كل حاجه
- هو مين يا زين
= ب.. بابا
ليلي بدهشه - عمو عادل!
زين بعصبيه وعدم وعي = هو السبب انا بكره بكره
ليلي - طيب اهدي اهدي !!
زين كان بيتكلم بحاجات مش مفهومه لحد ما نام بين ايدها وهي نامت عالكنبه بعد ما قدرت تبعد عنه بصعوبة لما حست انه راح فالنوم
___________________
* تاني يوم الصبح *
- زين.. زين..؟
= امممم
- اصحي
= ليه
- انا نازلة الجامعه ماشي كمل نوم انت تصبح على خير
كانت هتتحرك مسك ايدها وهو مازل مغمض عينه
= استني هقوم اهو
- خليك انت تعبان
زين فرك عينيه واستوعب انوه نام فى اوضتها
- انا في اوضتك ازاي! و..
= انت مش فاكر حصل اية؟ كنت بتترعش وخايف من اية يا زين حصل اية قولي
سكت لما بدء يفتكر الى حصل وحاول يغير الموضوع
= انا داخل اغير عشان متتأخريش
لبس بسرعه وهو مدايق كل ما بيفتكر الى حصل نزلوا ركبوا العربية و وصلها لحد الجامعه
- ليلي قبل ما تنزلي
= نعم يا زين
- الحلو الى وصلك الشركه امبارح لو فكر يكلمك وانتي سمحتي لي بده هاجي ادبحهولك
ليلي رفعت حواجبها بدهشه = انا مش بتكلم مع حد اصلا ! هو الى بيكلمني كل شوية و
سكتت وحطت ايدها بوقها اما زين اتعفرت - بيكلمك كل شوية !!!!
= والله هقولك بص هو كلمني مره وسبته وتاني مره سبته ومشيت برضو المره التالته بقي سألته اركب ازاي لحد الشركه لانك اتأخرت وبعدين ركب الباص معايا و وصلني
زين نوعا ما ارتاح لما قالتله الى حصل بس لسه من جواه مدايق من الواد ده
- زين رايح فين؟
نزل من العربية وفتحلها الباب
= انزلي انا داخل معاكي ياريت توريهوني
- هتعمل اية!
= يلا!
ليلي نزلت ودخلوا سوا وشاورلت لزين على احمد الى اول ما شافها عينيه كانت عليها
زين بحده - اتفضلي على محاضرتك بقي
= ارجوك متعملش مشاكل
- روحي يا ليلي يلا
ليلي راحت وزين لاحظ ان احمد متابعها راح لحد عنده
- أحمد مش كدا؟
احمد بستغراب وغيره = ايوا هو انت اخوه ليلي
- لا يا حبيب قلبي خاطبها ومتشكر جدا هي قالتلي انك وصلتها لما انا اتأخرت عليها موقف لطيف اوي منك ياريت ميتكررش تاني بقي يا حبيبي فاهم؟
زين مشي ومدلوش فرصه يرد حتي واحمد اتغاظ اوي من طريقته دي وكان هينفجر
_____________________
في احدي العيادات كان قاعد زين وعنل مكالمه للسكرتيره
- الو يا داليا اللغي كل المواعيد بتاعت انهارده وخليها بكره
= تمام يفندم
قفل معاها ودخل للدكتور
- استاذ زين ازيك
= انا مش عايز اطول عليك بس انا امبارح حصلي نفس الموضوع الإضطراب وافتكرت حاجات حصلتلي مأثرة عليا بس المختلف ان .. ان في حد يعني كان جمبي وطمني وكنت بهدي مش عارف ازاي
- انا قولتلك قبل كدا الاضطرابات النفسية دي ليها كذا سبب وزي ما ليها أسباب برضو لما بتروح بيكون بسبب اكيد الشخص الى طمنك انت بتحبه ومرتاحله فا عرف يسيطر معاك على احلامك او كوابيسك دي ممكن تحكيلي بتوضيح زي ما حكتلي مشاكلك وانت صغير كدا الى عملت لك اضطرابات
= هي بنت عمي كانت معايا و.. حضنتي لما حسيت بوجودها وانا خايف وبفتكر الى حصلي اطمنت كلمتني ومسكت ايدي فا محستش اني لوحدي حسيت بيها
- هايل جدا انا كدا اقدر اقولك انك بتتعالج
زين بدهشه= بتعالج؟؟
- ايوا طبعا المشاكل النفسيه الى عندك سببها الرئيسي خوف وعلاجها انك تتطمن وانت بتتطمن معاها فا كل ده هيروح تدريجي حسب الطب النفسي والى الدليل عليه انها طمنتك امبارح.
___________________
زين خلص معاد الدكتور ومشي بعد 9 سنين بيروحله عشان بيعاني من الكوابيس دي تبقي ليلي هي العلاج! هو طول عمره بيبعد عنها عشان خايف عليها من نفسه بسبب الاضطرابات الى عنده كان بيعاملها بحده تطلع هي امانه واكتر حد بتطمنه!؟ فكر كتير هيقولها اية كمان خصوصا لما عرفت حالته وشافت الى حصله..
و في آخر اليوم كان مستني عند الجامعه من بدري اوي مستنيها و وحشته جدا لحد ما شافها وهي خارجه
- ليلي مال شكلك
= انت كويس؟
- ايوا انتي مالك كويسة
= انا كويسة يا زين انا كنت بس قلقانه عليك
- انا كويس متخافيش
ساق العربية في صمت رهيب لحد ما وصلوا وبعدين زين مستحملش اول ما دخلوا الفيلا كانت طالعه اوضتها و وقفها : ليلي استنى
يتبع،...
