رواية ليلى وزين عبر روايات الخلاصة بقلم سلسبيل أحمد
رواية ليلى وزين الفصل الرابع 4
-ليلي استنى انتي زعلانه مني
- لاء خالص يا زين.
= لا ياريت تقولي انك زعلانه ومتعاملنيش كدا
- جدو كلمني وسأل عليك ابقي كلمه طمنه انا هطلع
زين مسكها = ليلي! بلاش طريقتك دي
- مالها! طريقتي دي حتي عاقله مش احنا كبرنا برضو ومبقناش عيال!
= انا مكنتش اقصد
- هو انت حصلك اية امبارح؟
زين سكت واتنهد بتعب
ليلي زعقت بغضب = طيب مش عاوز تقولي حتي اية كان مخليك كدا وبتتجاهل الموضوع عارف ليه عشان فعلا مش صحاااب ولا حتي اخوات زي ما بتقول انا مش عارفه احنا اي
سابته ومشيت وهو لقي عبد العزيز بيتصل
- الو اسف يا جدو نسيت اكلمك في ميت حاجه و
قاطعه = انت عملت اية ل ليلي؟
- عملت لها اية ازاي؟
= كلمتني وقالت انها هتمشي وهتيجي عالامتحانات
- نعم !
= زى ما سمعت
- طب انا هتكلم معاها
= ولغيت مواعيد فالشركه ليه هو انا اسافر تسيب الدنيا تتعك؟؟
- جدو انا مضغوط صدقني
= رتب امورك يا زين انت مش عيل واها صح الولد الى كان هيتقدم ل ليلي مش هيجي
- احسن
= ايه؟
- مش هيجي ازاي هو لعب عيال
= لاء سألتها ورفضت
- اهاا احسن برضو سلام يا جدو
زين قعد وفضل يفكر يصالحها ازاي افتكر زمان وهما صغيرين لما كنت بتقفش عليه جامد
فلاش باك #
- خلاص بقي طيب بطلي عياط
= متتكلمش معايا انا مخصماك
- ده كله عشان قولتلك هتفرج عالماتش ومش هنلعب
= اها وعلفكره هلعب مع صحابي التانين
- تؤ تؤ تؤ هتلعبي معايا انا بصي جبتلك اية
= مش هبص ها
- مصاصه فراوله وبالسكر كمان
= مش عاوزة
- خلاص بقي خديها انا اسف متزعليش مني هلعب بكره كتير دلوقتي نامي عشان المدرسه وخدي المصاصه
ابتسمت بطفوله وخدتها وفتحتها وبدات تاكلها
ومدام كلتها معناها انها سامحته..
= حلوة اوي
- استني
= اية
زين ابتسم - في حاجه كمان
مد ايده ليها بشوكلاتة
- شوكولاتة كمان ده كدا بحبك اوى
= وانا بحبك
باك #
زين افتكر المصاصه كان دايما يصالحها بيها!! نزل بسرعه يدور فكذا مكان لحد ما لقي محل صغير بتاع حاجات بيبعها اشتري كل العلب الى عنده وراح عندها بعد حطهم في بوكس
طق طق طق طق
- مين
= هيكون مين
- نعم يا زين انا مخصماك متدخلش
زين دخل ولا كأنه سمع حاجه وحط البوكس قدامها
= اية ده؟
- افتحيه و شوفي
= ايا كان اية هو مش عاوزة ومش بكلمك
- طب افتحيه!
= لاء اخرج
- طب افتحيه وهخرج
ليلي بدأت تفتح بلامبالاه واول ما شافت العلبه عرفت المصاصه علطول ابتسمت غصب عنها وعيونها دمعت
- كنت متوقع اشوف الريأكشن ده والابتسامه دي
مش قادر اوصفلك بحب ابتسامتك ازاي وملامحك..
= انت ازاي جبتهم! بعد كل السنين دي انت لسه فاكر
- طبعا ومش هنسي ابدا واسف عشان كل الى قولته والى عملته معاكي وطبعا المصاصه دي تقديم اعتذار هتقبلي؟
ليلي بزعل : بس انت قولت اننا مش عيال وان
زين قاطعها ومسك ايدها باسها : انا اسف حقك عليا بس انا اكتشفت اني كبير مع الناس كلها ولسه عيل معاكي انتي..
ليلي بصتله بحب وبعدين بصت للبوكس فتحت مصاصه وكلتها وزين فهم وضحك : معناها انك مش زعلانه خلاص؟
ليلي هزت راسها وابتسمت
= حلوة اوي بجد
- استني
= اية
زين ابتسم وغمزلها - في حاجه كمان
وطلع الشوكلاتة وليلي افتكرت انها كانت بتقوله بحبك بعدها لكن لسه خايفه
ولسه هتتكلم زين قاطعها : انا الى هقول المره دي انا الى هبدء يا ليلي انا ... بحبك
ليلي فتحت عيونها وكأنها مش مصدقه : بت ايه؟
زين همس جمب ودنها : بحبك.
- بتحبني!! بتحبني بجد امال ليه كنت بتقول انك...
= هفهمك كل حاجه بس كل الى عايزك تعرفيه دلوقتي اني زي مانا انتي مخسرتنيش وانا مش هقدر اخسرك وصح مش هترجعي القاهره وهتفضلي معايا هتفضلي جمبي يا ليلي عشان ان..
ليلي قاطعته بحضن و زين حاوطها بأيده وشعور الامان بيزيد بقربها لي وبقي حاسس انه هيموت لو بعد عنها
ليلي حست بيه بيتنهد بتعب - زين ؟ انت كويس
= انا عمري ما اطمنت لحد كدا من زمان عمري ما اطمنت لحد غيرك حضنك دافي اوي وببقي كويس وانا قريب منك
ليلي شدت على حضنه - وانا عمري ما حبيت غيرك
زين بفرحه : اية؟؟
- احم جدو قال تروح الشركه ولا اي
زين بتأفأف : امم بتهربي
= لا بجد لازم تروح
- لو هتيجي معايا ماشي
= زين!
- هتيجي معايا يلا بينا
= وبعدها تحكيلي الى حصل؟
زين باس ايديها - موافق
ونزلوا الشركه مع بعض وهما فالعربية ليلي كانت مركزه مع زين وبتبصله بحب وهو خد باله وكلمها وهو باصص قدامه
- ليلي متركزيش معايا كدا هبصلك انا كمان ونعمل حدثه
= انت كنت واحشني اوي يا زين اوي
- انا معاكي طول الوقت
= بس كنت بعيد
زين مسك ايدها - انا فاهمك كل حاجه كانت متلخبطه بس دلوقتي هصلح كل دا
= هنصلح اي حاجه سوا زين
- بحبك
وصلوا الشركه و زين طلع هو وليلي وبدء يشتغل وليلي مازلت مركزه معاه وهو لاحظ فا ساب الورق وبصلها ليلي اتوترت وضحكت- ركز قدامك قصدي بص قدامك
= مش قادر
- تؤ زين احنا جايين نشتغل ها جدو مدايق عشان الحاجات دي الى لغتها و
قاطعها زين و قرب و باسها ..
يتبع..
