اسكريبت الاختيار كامل بقلم سلسبيل أحمد
- الكعب واجع رجلك صح؟
= يعني مش اوي
- اقلعيه وامشي حافيه
= ومالو
- خلاص تعالي اشيلك و امري لله
= يونس!
- طب و الفستان مضايقك؟
خت نفس: أيوه مضايقه
- و العريس نظامه اي يا ريم
= كويس
- بتحبيه ها؟
= ءءء أكيد يعني امال بنتخطب و هنتجوز ليه
- عشان تحققي المثالية
= تقصد اي!
- اقصد انك بتضحكي على نفسك و عايشة تمثلية مش بتاعتك أبدا وانتي عارفه ده صح!
= لا مش صح
بقلة حيلة: براحتك يا ريم بس مهما حاولتي انا عارفك و عارف ان ده عبث و انتي مش هتقدري تتأقلمي على الوضع ده بس انا هقولك حاجه اخيره
"بصتله و عيونها خايفه.."
= مجرد خروجك من هنا و انك تقابلي محمد و تبدء الخطوبة انا مش هكون موجود تاني مش هتلاقيني فحياتك أبدا بمجرد ان حد تاني يبقي فيها رسمي
بصتله بصدمه: اي الى بتقوله ده انا !!!! انت مقلتش كده من الأول بتقولي كده دلوقتي ليه !
- عشان مكنتش مصدق انك هتكملي للآخر وعمي هيقدر يأثر عليكي للدرجه دي انتي اتغيرتي
= لا يا يونس انت عارف اني مقدرش ابعد! متسبنيش!
" قاطعنا دخول صحابها فجأة و هما بيشدوها عشان يروحوا قاعه الخطوبة.. ماهو طبعا ريم نادر العربي هتتخطب في قاعه لازم اصل نادر بيه مش هيفوت فرصة للشو وخطف اللقطه ابداً "
" الخطوبة بدأت و هي طول الوقت عيونها معايا لدرجة ان كذا حد لاحظ مش قادر اسبها مش بتهون عليا بس لازم تفوق! لازم تخرج من كل ده! "
" ريم من صغرها بتحب الحياه بتجرب كل حاجه و مجنونة و احنا سوا فأي حاجه بحكم اننا ولاد عم حتي فالجامعة كنا سوا وانا اتخرجت قبلها بسنتين وهي لما اتخرجت بعدي كان حلمها تكون مهندسه ديكور و تعمل شركة و طموحها مش بيقف لكن للأسف عمي غسل لها مخها و عاوز يناسب عيلة كبيرة فالبلد و يحصل بينهم شراكه و طبعا ريم كانت الطُعم.! "
- مالك يا ريم في اي ؟
= اي يا محمد!؟
- مش مركزه و تايهه
= لاء ابدا مفيش
- طيب عمتا انا هخدك بعد الخطوبة انتي و اونكل نادر عشان نتعشي سوا مع أهلي.
" غمضت عيوني بزهق "
= طيب
" مجرد ما الخطوبة خلصت لقيت يونس اختفي سألت بابا قالي معرفش سلم عليا وبارك ومشي حبست دموعي على الحركه الى عملها فيا الى لحد دلوقتي معرفش ليه بيعمل معايا كده "
***********************************
( استغفرالله )
||في مطعم كبير محجوز بالكامل||
" على الترابيزة اهل محمد و ريم و والدها"
- لسه مقررتوش يا محمد الفرح هيبقي فين؟؟
= لسه بنشوف انا و ريم يا ماما.
بصتلي بتكشيرة: معقول كل ده مختارتيش انا رشحت ليكم اكبر و اشهر قاعات هنا ولا اي يا استاذ نادر ؟
- احم انا شوفتهم و كلهم كويسين هما قريب هيختاروا
= ايوه لازم قريب عشان نلحق نعزم الناس حضرتك فاهم طبعا ان هيجي ناس مهمه سواء ليك او لينا.!
" كنت قرفت من كلامها المتكبر و طريقتها في إصدار الأوامر الأوفر وبطلت اسمعهم.. لحد ما فوقت على خبط محمد ليا"
- اي رأيك يا ريم؟
= ها في اي ؟
نادر بإحراج: الفستان بتاع الفرح يا حببتي رتيبة هانم بتقولك جابت لك فساتين مميزة تختاري منهم
بصتلها بغيظ: انا قولت لحرضتك اني عارفه هشتري منين و مش محتاجه مساعده
ضحكت ضحكه صفرا: حببتي احنا بنقدم مقامنا الفستان و العقد الى هتلبسيهم خلاص موجودين و حاجه ممتازة جدا و شيك معتقدش انهم مش هيعجبوكي بالعكس هتحبيهم جدا.
- ايوه بس انا كنت عايزه!
محمد قاطعني: خلاص يا ريم شوفي براحتك و قرري بعد ما تشوفيهم نكمل اكل بقي ؟
" ابتسمت وانا بحاول امشي الدنيا.. واول لما وصلت الفيلا مع بابا طلعت اوضتي و قفلت عليا و فضلت أعيط و عشان اليوم يكمل قرف يونس مردش عليا و كده بقيت رسمياً لوحدي وخسرت حاليفي الوحيد "
**************************************
" صلي على محمد "
|| في قصر عائلة محمد السويدي ||
- انا شايفه ان الفستان الأول كان شكله أحلي
غمضت عيني بنفاذ صبر: بس ده احلي فيا
"اتنهدت و قلبت عيونها و محمد كان واقف ساكت!"
بصت للبنت: هناخد الفستان التاني مش كده ولا اي ؟
- فعلا يا ريم الأول كان أحلي
بصتلها بعند: لاء الأول مش عاجبني نهائي
= اعتقد من الأصول احنا نختار الفستان؟ ده هدية العريس للعروسة
سكت وبصتله ولما متكلمش اتكلمت انا: هدية العريس يعني على الأقل يختارها هو مش حضرتك! و انا رأيي مهم لأن انا العروسة الى هتلبسه لو مش واخدين بالكم
- ازاي بتتكلمي معايا بالشكل ده ؟ متربتيش تتكلمي ازاي مع الكبار و تحفظي الفروق الى بينكم
= لا هو انا اتربيت كويس اوي حضرتك عشان كده من بداية ما جيتوا تطلبوا أيدي وانا ساكته من اول الخواتم الى برضو كانت اختيارك و الفيلا الى هنعيش فيها اختيارك والى بعد القصر ده بشارع واحد!!
" بصت حواليها و خرجت البنات الى كانوا بيساعدونا عشان الفستان لما صوتي بدأ يعلي"
- ريم انتي ازاي تتكلمي مع ماما كده ؟ انتي من الاول مكنش عندك مشكلة مع اي حاجه ! وبالذات الفيلا احنا جمبها بعد ما رفضتي نعيش فالقصر معاها ؟؟؟؟
ضحكت بصوت عالي: ماهو ده الى كان ناقص محمد فوق احنا مش عايشين سوا ولا متجوزين و طنط بتتحكم فكل ذرة امال لو فنفس البيت بقا؟ هيحصل اي ؟ حضرتك هتيجي تختاري لنا نتغدا اي و نلبس اي و نخرج امتي و كل ده ؟؟
الاتنين سكتوا و بصوا لبعض و بعدين هي قربت مني و اتكلمت بغل و تكبر: واضح اننا اتسرعنا و اخترنا غلط
- ايوه بالظبط كده لحظة واحده استنوني
" دخلت قلعت الفستان و بعدين خرجت و انا حاسه بأنتعاش بصتلهم بأبتسامه واسعه "
"قلعت الدبلة بتاعته و رمتها على الأرض بمنتهي الهدوء
و بعدين خت شنطتي و مشيت بدون ما اقف ثانيه و اسمع اي حرف و سبتها هي بالذات تحت صدمتها بعد ما اخيرا قدرت مره ارد عليها وهي كل ده فكراني هسكت و اعدي دايما وهتحركني لكن خلاص! مش قادره ! "
*************************************
( سبحان الله وبحمده سبحان الله العظيم )
" فضلت اربع ساعات فالشارع قدام البحر على الصخر سرحانه وبفكر ومش قادره اوقف مخي او تفكيري "
" لحد ما حبل افكاري اتقطع وجاله صرع كمان "
- انتي اجننتي !!! قاعده هنا وانا قالب عليكي الدنيا ! و اونكل لأول مره يلجأ لي بالقلق ده عشان خايف عليكي لما محمد قاله انكم اتخانقتوا!!
حتي الموبايل بيرن وانتي مش بتردي!!! كلفي نفسك و عرفينا انتي فين ولا حصل اي حتي !
بصتله بعد ما خلص و هو بيتنفس بسرعه: ازيك
= والله؟ بجد!
- اي يا يونس بابا ملقاش غيرك؟ الى سبتني و مرضتش تقابلني لما كنت محتجاك! بيبعتك انت؟ ياااه عليك يا بابا
وقفت قصاده وبصيت لعينه: تعرف لو كان بعت بودي جارد من بتوعه كان هيبقي احسن منك
"بصلي بدهشه و الغضب ملي وشه و غالبا هيضرب"
= انتي قد كلامك ده؟!
- يونس انا بكرهك
" مسح على وشه بغضب وبعد عني تقريبا بيمسك نفسه انا عارفه اها.. رجع شعره لورا وضيق عينه و بصلي "
- انتي متحوله نظراتك و برودك و كلامك متغيرين فا انا هعتبر ان كل ده محصلش و هسألك مالك
"هنا دموعي كانت تنزل و كنت بحاول اتماسك"
= بعد ايه! فاكرني هعرف احكيلك زي زمان! فاكر هنرجع زي ما كنا؟
- حصلك اي يا ريم خلاه اللامبالاه دي تظهر و تبقي مش باقيه على حاجه اتكلمي وانا معاكي
دموعي نزلت: انت بالذات مش هتكلم معاك مره تانيه ابدا عن اي حاجه
قرب منها: طب اهدي! متعيطيش انا اسف ...
- ريم ده كان اختيارك! كنت هعمل اي ! انتي اختارتي كده و انا نبهتك كتير انا مكنتش هقدر ابقي موجود و في حد غيري موجود برضو
= عشان ايه! قولي عشان اي كل ده!
- عشان مكنتش عاوزك ترمي نفسك كده و تضيعي حياتك و انا عارف ان الحياة الجديده الى هتدخلي فيها هتتعبك !
" بصتله بتركيز و سرحت في قد اي كان صح و رجعت اعيط تاني "
= طب بتعيطي ليه؟؟!!
بعياط شديد: عشان انت كنت صح انا مش عاوزاه مش بحبه مش عايزه اتجوزة !
قربت منها و هي منهاره: طب بس ششششش اهدي مش هتتجوزيه مش هتعملي حاجه مش عاوزاها
= كل ده بسببك انت
- انا !
مسحت وشها وبصتلي: انت الى اتخليت عني
= عشان كنت عايزك تراجعي نفسك و تفوقي وعشان... عشان مقدرتش اشوفكم سوا لأني كنت بحبك
بصتله بدهشه و هي مش مصدقه
= و لسه بحبك يا ريم بس عارف انوه
قاطعته: انا رميت له الدبله و مشيت
بصدمه: ايه!
= اتخانقت معاهم و بوظت كل حاجه بس... بس انا مرتاحه وانت كمان كنت هاجي اديك على دماغك و الخطه الجاية بابا لأنه اجبرني عليه و على الشغل كنت هتكلم معاه هو كمان و اغير كل ده انا فعلا فوقت و عرفت اني اخترت غلط وانا الى كنت هتحاسب لو كملت
بصلي بفخر: وانا معاكي في اي حاجة حتي لو مش بت
قاطعته تاني وانا بضحك: و انا كمان بحبك
"حضنته جامد وانا ببتسم و إحساس الراحه والأمان عندي بيزيدوا قلبي بيرقص و عقلي مرتاح وكأنهم بيعرفوني اني دلوقتي بس اخترت صح. "
خرجني من حضنه و بصلي وهو مش مستوعب: بجد!
- للأسف أكتشفت كده انا مش قادره اعيش من غيرك كنت فاكره ده حب اخوي بس طلع غير كده بقا
ضحك بفرحه وانا ضحكت: انا يا ريم بحبك من زمان! من واحنا صغيرين و حبي كبر معايا
= ليه معرفتنيش يا يونس!
- كُنت حاسس انك حب ليا حب اخوات و خوفت اخسرك علاقتنا كانت صداقة صحيح لكنها كانت جميلة و مكنش عندي اي استعداد اغامر و اخسرك كان يهمني بس سعادتك! وصدقيني لما بعدت كنت بقول أكيد هترجعي كنت عايش على الأمل ده مقدرتش اتقبل فكره اننا كده خلاص هنبعد وانك هتبقي لغيري للأسف كان اختياري السكوت و ده عذبني اوي
= انا آسفة على كل ده واني معرفتش غير لما خدت درس وحش و فترة وحشه بسبب محمد و مامته
- انا الى اسف اني مقدرتش اقولك مشاعري بس مش هكررها احنا هنروح لعمي و اطلبك منه
= ولو رفض
- هضطر اخطفك بعيد!
= ونسيب كل حاجه ونمشي؟!
- ونروح في مكان هادي خالي من البشر
= ومش هلبس كعب تاني!!!!!!
ضحك وبصلها بخبث: لا ابقي اللبسي عشان لما رجلك توجعك هشيلك و امشي بيكي بكل حب.♥️
************************************
تمت. بقلم Slsbell Ahmed سلسبيل احمد
#الاختيار.
