رواية غدر القريب عبر روايات الخلاصة بقلم مصطفى جابر
رواية غدر القريب الفصل الثالث 3
انا معجب بيكي انتي ومش هعرف اعيش من غيرك عشان كدا انا هفسخ خطوبتي من بنتك و هنتجوز انا وانتي .
يارا بصدمة بتيجي من وراه : نهار اسود .. انت عايز تسيبني وتتجوز امي ؟؟
كريم ونجوة بصدمة : يارا ؟؟
يارا بصدمة: اي الكلام اللي سمعته دا رد عليا انت عاوز تتجوز امي.
كريم بتوتر: بصي بصراحه يا يارا انا مبقتش برتاح معاكي ..و بصراحه كده أنا لاقيت الراحه كلها معا مامتك علشان كده قررت اتجوزها.
يارا بقهر : انتو بتهزرو وبتعملو فيا مقلب صح ... مهو لو مش بتهزرو تبقي مصيبه ... ده احنا فرحنا كمان شهرين ... ماما ردي عليه ومتخليهوش يهزر كدا تاني.
نجوة بهدؤء: دا مش هزار يا يارا انا بصراحه من بعد المرحوم ابوكي وانا حاسة بالوحده ومن وقت ظهور كريم وانا عندي احساس مختلف وخلاني احس اني ست بجد.
يارا بصدمة: ست اي وقرف أيييي هتتجوزي خطيب بنتك ده قد ابنك .
نجوة ببرود: لا هو عيب ولا حرام دا شرع ربنا وطالما مش مرتاح معاكي انا اولى بيه مانتي مسيرك تتجوزي و تسبيني لوحدي اي مليش حق اشوف نفسي.
يارا بزعيق: تشوفي حياتك مع خطيبي ! بس انتي عندك حق انا فعلا هسيبك من النهارده امي ماتت و انت يا كريم اتفوو ومش عاوزة اشوف وشك تاني.
حاتم مسك ايد يارا: استني يا يارا انتي مش فاهمه حاجه.
يارا بدموع: مش عاوزة افهم حاجه سيبني امشي من هنا وابقي بلغ ابوك انه ارملة اخوه سرقت خطيب بنتها.
سابتهم ومشيت..
نجوة بخوف: حاتم روح وراها يابني لتعمل في نفسها حاجه.
حاتم بص ل كريم بقرف: ماشي يا مرات عمي وانت يالا حسابك معايا انا وحياة امي لهربيك علي كل اللي بتعمله.
كريم بصله ببرود: انا مبعملش حاجة غلط ولا حرام.
حاتم جري ورا يارا..
كريم بخبث: معلش يا حبيبتي هي بس زعلانه شوية لكن لما تهدي هنكلمها وهخليها تيجي وتبارك لينا بنفسها.
نجوة بدموع: بنتي اتكسرت بسببك انت و اعتبرتني ماتت انت اللي عملت كل دا.
كريم بغيظ: يعني دا جزاتي عشان بحبك يا نجوة اسمعي انا هجيب المأذون ونكتب الكتاب وبنتك مسيرها تعقل سلام.
خرج ببرود وهي قعدت تعيط ...
عند يارا كانت قاعده علي كرسي عالطريق بعد ما قدرت تبعد عن الكل ... وهيا قاعده لاقيت عربيه جايه عليها
الشاب ببرود: هو ضحك عليكي ولا اي يا حلوه
يارا بغضب: احترم نفسك يا مهزق وامشي من هنا بدل ما امسح بيك الأرض واطلع كل الغضب اللي فيا فيك .
امام نزل ببرود : انتي بتكلميني أنا كده يحلوه؟.
يارا بغضب: اه انت .. المفروض انك راجل وباين عليك ابن ناس ومحترم
امام بنظرة خبيثة: عندك حق ..أنا أسمي امام ومستعد اعتذرلك واصالحك كمان تعالي اركبي معايا هوديكي مكان حلو
يارا بغضب قربت منه وضربته بالكف: انت مش بس قليل لتربيه..انت قليل الادب كمان اتفوو
سابت المكان ومشيت وامام كان واقف مذهول
امام بتوعد: وحياة امي ماهسيبك ولا هرحمك .
عند يارا..
حاتم جالها بخوف: كنتي فين بقالي ساعه عمال ادور عليكي.
يارا بجمود: عاوز مني اي يا حاتم سيبني وروح لحالك انا مش عاوزة كلام من حد وقول ل ماما اني هريحها مني.
حاتم بهدؤء: امك معملتش حاجه غلط امك بتحاول تبين لك خطيبك دا علي حقيقته وانتي مش مصدقة وكل دي لعبة منها.
يارا بسخرية: وفاكر اني هصدق كلامك دا عشان ارجع البيت تبقا غلطان.
حاتم بهدؤء: امك حاولت الف مره تبعدك عنه عشان خايفه عليكي هو في راجل بياخد من ست فلوس ؟ كريم ده عايش علي فلوسك يا يارا ... مسألتيش نفسك لي بيسحب منك كل الفلوس دي وعشان اي والله العظيم يا يارا انتي ظالمه امك.
يارا بجمود: تمام في حاجه تاني حابب تضيفها انا رايحه عند سهام صحبتي اقعد عندها شويه وياريت لما تعملوا الفرح ابقو اعزموني اجي ابارك ليها.
سابته و مشيت بجمود..
حاتم لنفسه: من الاحسن اسيبها ترتاح شويه عشان مش سهل اللي حصل دا.
بعد شويه...
كانت في سكتها ورايحه لسهام.. المكان كان خالي من الناس ... بتحس أن حد مراقبها لحد ما بتقع مره واحده ويغمي عليها ....
بعد شويه بتفتح عنيها بتلاقي نفسها مربوطة في عمود!
يارا بخضة: ااه دماغي اي اللي حصل و انا فين.
صوت من قدامها: في مملكتي يا حلوة اي رايك .
يارا بصدمة : مملكة اي ... هو انت؟ ... انت جايبني هنا لي ها عاوز اي.
امام بخبث قام وقرب منها : هعوز اي من واحدة قمر زيك كدا قوليلي انتي عارفه انا مين واقدر اعمل فيكي اي علي الكف اللي ضربتهولي والتهزيق اللي سمعتهولي ده ؟ انا هخليكي تتمني الموت .
يارا بغضب: انت فاكرها سايبه انا هوديك في ستين داهيه فكني وانا اوريك .
مسكها من شعرها: لسانك طويل ده انا هقصهولك ..احمدي ربنا اني لسه مخلصتش عليكي.
يارا بدموع: سبني ابعد بقولك .. والله هسجنك وهتشوف هيا مش سايبه .
امام بخبث: طالما انتي عند أمام العشماوي يبقي هتلاقيها سايبه وسايبه اووي كمان .
يارا بدموع: طب أنا اسفه عشان مديت ايدي عليك
امام ببرود: اي اللي اسفه دي ؟ بالسهوله كده ؟اللي عملتيه ده هدفعك تمنه غالي تعالي.
حلها وهيا بصاله بصدمه مش عارفه هيعمل فيها أي ... شدها من دراعها وسحبها وراه
يارا بألم: براااحه انت ساحب جاموسة سيبنييي .
دخلها القصر ورماها علي الارض .
امام قعد ببرود وطلع كيس بودرة..
يارا بصت له باستغراب: اي دا ؟ ده دقيق صح ولا اللي في بالي .
امام وهي بيشمه: اه دقيق تاخدي شمه ؟
يارا بصدمة: انت مدمن كمان مدمن ؟؟
امام لارد..
يارا بخوف في نفسها: يارب اعمل اي دا طلع مدمن و مش بعيد يكون مجرم وهيخلص عليا .. احميني منه يارب.
امام ببرود: اسمعي يا غندورة يا بنت البهوات وبنت عم الظابط انتي هتشتغلي خدامه هنا.
يارا بأستغراب : انت عرفت منين اني بنت بهوات و حاتم ظابط ؟
امام ببرود قام وقف : سمعتي قولت اي هتشتغلي خدامة ولو حاولتي تهربي في كلاب شرسه ده غير رجالتي برا هيخلصو عليكي مفهوم كلامي ؟
يارا بخوف : انت رايح فين .. طب استني نتفاهم طيب
امام قام وقف: انا طالع انام. .. عايز أما اصحي الاقيكي مجهزه الفطار و تنضفي القصر انزل القيه بيلمع مفهوم.
يارا بغضب : يعني اييي هو انا هفضل محبوسه هنا ؟
امام بخبث : تشتغلي خدامه وتفضلي في امان ولا تحبي اتسلي عليكي وبعد كده ارميكي برا تروحي ؟؟
يارا بصدمه : لا لا هشتغل حاضر .
بص لها بجمود وطلع..
يارا بخوف : انا لازم اهرب من هنا او اكلم حد ييجي ياخدني .
اتسحبت وخرجت وجاية تخرج لاقت كلاب سايبة وشكلها يخض و كبيرة قدام باب القصر .. دخلت تاني جري..
يارا بخوف: دا فعلا في كلاب طب اهرب منين كل دي كلاب
بصت قدامها لاقت المطبخ دخلت تشوف باب خلفي .. بالفعل لاقت باب .. جت تفتحه لاقته مقفول بقفل.
يارا بغضب: دا بردو طب اهرب منين مفيش شباك.
بتبص حولين منها لاقت شباك صغير فوق الرخامه.
يارا بفرحه: الحمدلله يارب اخيرا ههرب بس ياترا هعرف اعدي منه .. طب نجرب ومالو.
طلعت علي الرخامه وجاية تنط من الشباك طلع صغير علي حجمها...
يارا بغيظ: انا مش تخينه ازاي يركب شباك بالحجم دا.
امام من وراها : فكراني مغفل يعني.
يارا اتخضت ووقعت من علي الرخامه غمضت عنيها بخوف..
فتحت لاقت نفسها في حضنه وهو شايلها..
يارا بكسوف: ن نزلني انت ماسكني كدا ليه ؟
امام بسرحان: عارفه أن عيونك حلوة اوي.
يارا بخوف: نزلني بقوولك انت مش كنت هتتخمد.
امام بذهول: اتخمد اي طولة اللسان دي يابت ما تخافي مني بدل ما ازعلك .
يارا ببرود: انا مبخفش من حد وابعد كدا ريحتك معفنه.
سابها ببرود وقعت علي ضهرها اتألمت.
يارا بغيظ وألم: يخربيتك انا قصدي تنزلي براحه مش ترميني كده
امام تجاهلها ومشي بكل برود ..
يارا بغيظ: معدوم الذوق ياترا أهلي بلغوا علي اختفائي ده ولا لسه يارب يكونوا بلغوا .
في بيت نجوة ..
حاتم بهدؤء: متخفيش يا مرات عمي هيا دلوقتي عند صاحبتها سهام وهيا محتاجه ترتاح.
نجوة بدموع: انا قلبي واكلني عليها يا حاتم وعايزاها ترجع دلوقتي حالا ... كله من الحيوان كريم والله العظيم لهوريه بس بنتي ترجع لحضني.
حاتم بجمود: انا شايف اننا نسيبها ترتاح ونفسيتها تكون كويسة وبعدين تكلميها هي علي اخرها منك.
نجوة بحزن: ماشي بس ابقي روح انت اطمن عليها وطمني لانها مش هتقبل تشوف وشي.
حاتم بهدؤء: حاضر يا مرات عمي عن اذنك بقي عشان عندي شغل مهم.
سابها ومشي وهي عمالة تعيط.
تاني يوم... في القصر..
يارا كانت نايمة علي الكنبة
امام نزل بغضب: انتي يا زفتة كنتي بتهببي اي هنا .
يارا باستغراب بتقوم عالصوت : كنت نايمه في اي.
امام بغضب: نعم يا اختي مخمودة والفطار مجهزش ومنضفتيش ليي انتي متخلفة.
يارا بغضب: لااا انا مسمحلكش تتكلم معايا كدا .. اتكلم كويس انا مش عبده عندك .
امام ببرود: واي كمان يا قطة سمعيني .
يارا ببرود اكبر: وتحترم نفسك وانت بتكلمني واسترجل كده ورجعني ل امي .
امام بغضب قلع حزامه وضربها ضربه واحده صرخت ..
امام بشر: الضربه دي عشان تحرمي تطولي لسانك تاني هسيبك دلوقتي لكن هرجع لك يا حلوة.
زقها برجله وخرج..
يارا بدموع وألم بتمسح وشها: حسبي الله ونعم الوكيل الهي تروح ما ترجع .
قامت بضعف راحت علي الحمام تغسل وشها دخلت بتبص لنفسها في المريا بحزن كبير قعدت تعيط....
بتسمع صوت تكسير برا بتتخض بتروح ببطء تشوف في اي..
لاقته كاسر ازازة مشروب وفي ايده كاس.
يارا بقرف: مش هتبطل قرف سكر وشم اي مبترحمش لا ليل ولا نهار .
امام ببرود: وانتي مالك.
يارا بهدؤء: علي فكره اللي بتعملوا دا حرام عليك ومينفعش ربنا هيحاسبك عليه .
بص ليها بقرف: المطبخ اهو غوري من وشي مقروف ابص في وشك اعملي اي اكل انا جعان .
يارا ببرود: يعني انا اللي طايقك انت لي بتعاملني كدا عملت لك اي لكل ده .. مكنش حتت كف عطتهولك .
امام بتريقه: خلصتي ؟ امشي بدل ما مش هيحصل لك كويس.
يارا باستغراب: قصدك اي ؟
حدفها بالكاس بكل غضب .. ميلت بسرعه وتفادته..
يارا بصدمة: يابن المجانين.
امام بسكر قام ووقف قدمها: الا قولي لي انتي كنتي منهارة وبتعيطي ليه وقت ما شوفتك.
يارا بتوتر بعدت: ميخصكش وابعد ريحتك وحشه و.. ااااه..
صرخت لما مسكها من شعرها: عيب كدا ازعل منك وانا زعلي وحش اوي .
يارا بغضب: اولع انت وزعلك سبني بقولك .
امام بخبث: الا قولي طيب رفضتي ليه تركبي معايا في اليوم ده ... كنتي عاوزة كام .
يارا بقرف: اخرس قطع لسانك انا مش زي البنات بتوع الكباريهات اللي بتجري تقعد معاهم
امام بخبث وبيستفزها: لا انتي زيهم واكتر. ... انتي جابوكي من اي كبارية ؟
يارا بغضب زقته: من الكباريه اللي جابوا منه امك .
امام بغل وغضب شدها اكتر من شعرها: بتجيبي سيرة امي يا جربوعه انا هوريكي تعاليييي.
جرها علي المطبخ وهي مرعوبة: اوعا سبنييي اوعااا حرام عليك .
مسك مقص وقربه منها بشر: اي رايك في المقص دا حلو مش كدا.
يارا برعب : انت ه هتعمل اي.؟؟؟
امام بشر: هقص لك بيه شعرك الحلو .
يارا حطت ايديها علي شعرها بخوف : لااا والنبي انا اسفه انا والله اسفه مش هغلط تاني
مسكها من دماغها بغضب: هو أنا لسه هستني لما تغلطي تعاليي انا هربيكي .
يارا بصدمه :
#يتبع
