رواية ليلى وٱسر عبر روايات الخلاصة بقلم سلسبيل أحمد
رواية ليلى وٱسر الفصل الأول 1
_ طب وقسما بالله ما هيلمس وشيييييي لاااااا
= يا اسر بقي اخلص
_ ابدا ابعدي البتاع دا عني هو حد قالك اسر فار تجارب!
= عشان خاطري اخر ماسك والله
_ الماسك الى فات كان بالقهوه وسكتلك دا اية دا يا ليلي هاه
= ما دا قهوه برضو بس مختلف شوية
نتشو من ايدي وشمه بعدين بصلي بطرف عينه
_ ماشي
فضلت احط الماسك براحه وانا مبتسمه وبضحك وهوا شوية و هياكلني..
= خلصت كدا سيبه بقي ربع ساعه
* فات خمس دقايق *
_ خلاص؟؟
= تؤ لسه عشر دقايق متتحركش يا اسر
_ ريحته دوختني مش قادر لا
ببص جمبي ورجعت ابص لي لاقيته بيلمسه بصباعه وبعدين حط ايده فى بوقه الحلوف
= الله يخربيتاك ياشيخ حسبي الله فيك انت بتاكله؟!!!!!!!!
_ مش قادر اقاوم الريحه تبا لجمدان القهوه
= دا انت مقرف يا اسر وعلفكره بقي فى عسل من الى مش بتحبه عسل ابيض هه وزبادي كمان
بصلي ببرود وقالي
_ عادي
مفاتش دقيقه وكان فالحمام بيرجع هاهاهاععع
- مالك يا ابني انت كويس
= اخره الطفاسه يا خالتو حطتله ماسك بالقهوه ببص لاقيته بياكله
- ليه يا اسر دا مش للاكل يا حبيبي
_ انتي بتقوليلي انا ليه يا ماما بدل متمسكيها تخطبي راسها فالحيط دي بتجرب عليا وبتحطلي عسل ابيض وزبادي
= وانا ايش عرفني انك هتطفحه من على وشك
- صح طلع حلو يا ليلي
= اوي يا خالتو نبقي نعمله انا وانتي بقي
خد الفوطه وخرج وهوا بينشف وشه
_ يا شيخه اتقي الله وانتي يا ماما وربنا انا الى ابنك مش هي
- انا مليش غير لولو
حضنتها = حبيبيتي يا فوفا بقي
زقني بغل وحدف الفوطه فى وشي ودخل اوضته
- اعملك اية على الغدا يا حبيبيتى
لسه هرد لاقيته طلع تاني
_ عليا الطلاق انتي لقياني على باب جامع حتي الاكل بتسأليها هي وراح ماشي ورازع الباب وراه وانا هي قعدنا نضحك
= خالتو انا هطلع اهديه بدل ما يكسرلك الشقه
ضحكت - طيب يا يحبيبيتي
.
(خبطت .. )
_ نعم خير
زقيته ودخلت قعدت ببرود
= شقة خالتي عايز اية
_ دي اوضتي يا بجحه
= وانا وانت واحد يا اسوووور اختك واستحملني
_ لا معنديش اخوات بنات انا
= طب بصراحه كدا انا عايزة اتغدا بيتزا انزل هات بقي هه
_ لاء
هتنزل
_ لاء
قولت بطريقه مستفزه
= طيب يا اسر خلاص بقي هنزل انا والساعه 9 وفى ولاد و
حط ايده على بوقي
_ عايزها اية ؟
= اخويا الرجوله
نزل جابها طبعا الجدعنه يجماعه برضو
* بعد الاكل *
_ يلا على بيتك بقي عشان هنام بدري
= شايفه يخالتو بيطردني ازاى ؟؟
- دا بيتك انتى هوا الى يطلع بره
= هيهيهيهي كسفتك
_ امال لو مكنتيش ساكنه فى وشنا يا ليلي.؟
= دا بعيده جدا يابني بلاش زولم
خلصت وروحت الشقة ياه يالهوي اية كل المشوار دا معقول أفتح الباب و امشي خطوتين واوصل لا صحتي بتروح مني
صحيت تاني يوم على رزع مزعج جدا
_ اييييييييه بقره نايمه
= انت بتصحيني الساعه 8 الصبح دا انت قلبك مات
_ الجامعه ياروح خالتك
= احيه نسيت!
_ صبرني يارب خشي ياماما اللبسي ربع ساعه واللقيكي تحت والا همشي واسيبك
* بعد مرور ساعه الا تلت *
( عادي يعني كنت باخد دوش يجماعه و بدور على طقم حلو انتوا عارفين الموضوع صعب برضو)
نزلت
بصلي بنفاذ صبر
_ انا هقولك كلمه واحده بس
= اهدي مش كدا يابني
_ ربنا ياخدني
= يجدع بعد الشر الاه !
_ طب يلا يلا ومسمعش نفسك و استني هجيب حاجه خليكي فالعربيه
بصتله من الشباك
= اسر هاتلي مياه معاك
_ حاضر
= وبيبيسي
_ حاضر
= واي شوكولاتة كدا
_ حاضر
= و
_ بس اخرسي ايييه طالعه رحله دي جامعه
= تصدق انك مهزق كنت هقولك و تيجي بسرعه
ابتسم
_ طيب حقك عليا
* وصلنا *
= اسر
_ نعم يا ليلي
قولت ببراءه (مصطنعه طبعا)
= معلش اربطلي الكوتشي مكسوفه اوطي اربطه
نزل وهوا بيربطه _ هو انت بتتكسفي زينا يا ليلي
ضحكت = هموت
_ بت بت الضحكه دي متضحكهاش غير فى البيت ولا متضحكهاش اصلا
ضحكت تاني = ليه
_ برضو تاني قولت بس ومن غير ليه
= طب يلا ياعم على محضراتك
_ طيب روحي و تخلصي وتستني اوعي اشوفك روحتي كدا ولا كدا
= يلا يابني الله يسترك يلا
( لو حد مش فاهم بقي اسر يبقي ابن خالتي وللاسف بعد وفاة والدي و الدتي فى حدثه كنت لوحدي جدا خصوصا ان عيلة بابا فالصعيد مش فالقاهره مكان ما كنت عايشة مع بابا وماما وانا لوحدي فا قعدت فى شقة قدام شقة خالتو بظبط البيت يبقي بتاع جدتي خالتو ليها شقه وماما ليها الشقه دي الى قعدت فيها قدامهم عشان كدا انا و اسر قريبين جدا وبعتمد عليه فى كل حاجه زي مايكون ابويا او اخويا الكبير وهوا بيفهمني اوي ودايما حنين عليا عشان كدا بجد مقدرش استغني عنه )
_ صباحو يعم
= وحشتيني يا كوكي
_ الدكتور جاي بس بس
الدكتور دخل..
بعد دقايق **
_ شوفتي الدكتور قمر ازاى يا ليلي هييح
= بنت عيب احنا جاين نتعلم الاه..
قولتيلي اسمه ايه بقي.؟
فضلت تضحك وانا ضحكت على ضحكها
- البنتين الى بيضحكوا ورا دول
وقفنا
& احنا .؟
- ممكن اعرف اية بيضحك .؟؟؟؟؟
...أأ .........أأا
- برا انتوا الاتنين
_ يادكتور احنا منقصدش
- قولت برا
خرجنا بكرمتنا او من غيرها مش متأكده!.
= ملك انتي مهزقه
_ وانتي كمان
خارجين على الكافتريا ملجئنا وهوب واحد خبط فيا ودلق عليا عصير مانجا ابن الملزقه وكنت لابسة بنطلون ابيض
= ينهارك اسود البنطلون الله يخربيتك !!!!
* انا اسف بجد اسف مكنش قصدي
= مكنش قصدك اية وهباب على دماغك اغور ازاى انا كدة
حط الكوبايه على الترابيزة وقلع الجاكيت
= انت بتعمل اية مش عايزه حاجه امشي
_ خديه بس وحطيه لحد ما تروحي مينفعش تمشي كدا
- خلاص يا ليلي خوديه مش هينفع تمشي كدا فعلا
اخدت الجاكيت بعصبيه وربطه حولين وسطي
* انا اسف جدا مره تانيه بجد اسف
اتكلمت بعصبيه
= بكره تقف فى اي حته جمب الكافتريا عشان تاخد الجاكيت بتاعك
ومشيت وملك جت ورايا
فضلت قاعده لحد ما خرج اسر
_ اية دا قاعده كدا ليه و دا جاكت مين دا ؟
الدكتور طردني انا وملك هي مشيت مع اخوها وانا مستنيا سيادتك و
الجاكيت واحد متخلف دلق عليا عصير وادهولي
_ نعم يا حبيبيتي مين دا و ختي جاكيته ليه ؟
= هي دي مشكلتك بقولك اية يلا نغور انا قرفانه
_ نمشي اية هوا فين راح فين
= وانا اعرف راح فى انهي داهيه يا اسر !
_ وتخدي الجاكيت ليه
= يخربيتك ! وامشي كدا ازاى البنطلون ابيض انت ذكي
نفخ بعصبيه _ غوري طب غوري
ركبنا العربيه .بعد ما وصلنا وهوا مش طايقني طول السكه جيت داخله الشقة
_ استني
= خير
قرب فك الجاكيت من على وسطي وخده
= اية يابني دا هتقلب الجاكيت بتاع الواد ولا ايي؟
_ امشي مش وشي
دخلت الشقة
.
.
.
معداش شوية لقيت خالتو بتنادي خرجت وقفلت الباب وروحلتها
- ادخلي يلا عملت الغدا
= انتي رايحه فين
- عندي مشوار واحده قريبيتي فالبلد اتوفت ولازم اروح اعزي يا حبيبيتي
= هتروحي لوحدك
- لاء هسافر مع ناس من العيله
ادخلي بس يلا
وقالت بصوت عالي
اسر خد بالك منها
مشيت تبا كنت معتمده عليها تهدي اسر عليا لحسن ياكلني !!
= احمم
_ ......
= لا لو مش هترد عليا همشي هه
_ ......
= انت ياعم
_ .......
كرامتي وجعتني اوي روحت قومت اتحركت ناحيه الباب لاقيته حط ايده عليه وبعدين قرب مني
_ ادخلي كلي
كنت تايهه فى عينه لسبب مش قادره احدده !
_ انتي معايا؟؟؟
= ها لا مش عايزه انا همشي
اتحركت افتح الباب مسك ايدي
_ لما تاكلي انتي مكلتيش من الصبح
= مش عايزه !
قالي بعصبيه _ يعني هطفح لوحدي !
ضحكت على عصبيته غصب عني = خلاص حاضر
= طب هو الجاكيت بس عاوزة اغسله؟
_ انا هغسله
= رجوله والله اغسله وهاته
_ لاء
= لاء اية انت هتنام عالجاكيت
_ هديهولوا انا بكره
= اههههه قول كدا بقي
_ نعم عايزه تروحي تديهولوا بقي ويفتح معاكي حوار وانا اجبلكم لمون وشجرة صح
= يخربيت خيالك
_ طب بس و كلي وانتي ساكته
= ياشيخ تبا لك مدايق ليه هوا انا الى قولتله ادلق عليا العصير
_ لو كنتي قعدتي هاديه مكنش الدكتور طردك والعصير ادلق عليكي
= اسر انا معملتش حاجه ومتزعقش ماشي
زعقلي تاني
_ نعم معملتيش حاجه !!
عيني دمعت وقومت خرجت بسرعه وقفلت الباب او رزعته و ثانيه ليه خوفت اعيط قدامه!
شوية ولقيت الباب خبط خبطه انا عارفها كويس فتحت لاقيته شايل اكل مدنيش اهتمام خالص ودخل حطهم عالترابيزة وخرج
فضلت اضحك عليه وهوا حنين بالعافيه كدا حتي لو مدايق حنين عليا
الساعه 9 بليل خالتو كلمتني وقالت انها هتبات وتيجي الصبح
ودخلت انام بس فجأة النور قطع
فضلت اسرخ لاني بخاف من الضلمه وجبانه جدا خصوصا اني لوحدي في شقة طويله عريضهه..
= اسررررررر يا اسررررررر اللحقني اسرررررر
مردش قررت اتشجع قومت جري لحد باب الشقه وانا مش شايفه حاجه لحد ماوقعت على وشي زي الجردل
فتح الباب وهوا معاه كشاف
_ ليلي انتي كويسة قومي معلش والله كنت بدور عالكشاف
كنت بعيط وبترعش جامد اوي ودماغي اتخبطت
_ اهدي اهدي تعالي قومي
مسك ايدي قومني وبعدين جابلي مياه اشرب
_ دماغك كويسة .؟؟
هزيت راسي ب ايوه
_ اجبلك تلج تحطيه عليها
= لل لا
_ ششش بطلي عياط طيب
وبطلت عياط بس جسمي لسه بيترعش لكن اول ما طبطب عليا هديت تلقائي طبطب عليا وفضل يرتب على شعري بحنيه لحد ما نمت وانا على دراعه لاني كنت مطمنه جمبه!
.
.
.
.
.
* تاني يوم الصبح *
- اسر انت يابني
_ انتي جيتي يا ماما حمد الله على السلامة
- انتوا اية الى منيمكم كدا
حرك راسها براحه وشال دراعه الى ليلي نايمه عليه
_ النور قطع امبارح كانت مخضوضه وهي لوحدها جبتها هنا وبعدين نامت جمبي ومعرفتش اقومها قولت اسبها تنام
- لا يحبيبي ببرضو !! دي بنت وانت راجل مكنش ينفع كدا تباتو لوحدكم دي امانه عندي يا اسر ؟؟؟
_ انتي بتهزري يا ماما صح؟ هتوصيني عليها انتي عارفه محدش بيخاف عليها قدي؟؟
- تعالي ورايا على اوضتك
" دخلوا الاوضة وهي ربعت ايدها وبصتله "
- هي دي تربيتي ليك يا بيه ؟؟؟؟
= انتي مكبره الموضوع
- انت اتجننت ولا ايه ده غلط وحرام و تقولي كبرت الموضوع؟ اسمعني يا أسر كويس اوي علاقتك بـ ليلي متعديش بيها حدودك والا هتصرف معاك تصرف مش هيعجبك فاهمني ؟؟؟؟
اسر بصلها بضيق - تمام يا ماما انا آسف
= اتفضل اجهز عشان تروح الجامعة
- هصحي ليلي
= ملكش دعوة انا هصحيها ..
- تمام
>>>>>>>>>>>>>>>>>>>>>>>>>>>>>>>>>>
_ ليلي ليلي يا بنتي ليلييي
قومت مفزوعه = ماماااااا ؟
_ اهدي ياحببتي في اية!!
فتحت عيني براحه = خالتو.. جيتي امتي
- من شوية..
قومت وافتكرت الى حصل امبارح بس هنكر..
- انتي كويسه يا ليلي
= اهه كويسة يا خالتو ماشاء الله ابنك ما بيتبلش فى بوقه فوله
- مش كبرنا على فوبيا الضلمة دي
_مش عارفه والله
_ ما علينا روحي اللبسي عشان متتأخروش
= روحت الشقة مختش وقت طبعا كالعاده
ونزلت
_ انزلي بدري مره !!
= ما بدري اهو جبت الجاكيت بتاع الواد؟
_ مرمي فالعربيه
= اتكلم بأسلوب احسن من كدا
_ طب غوري اركبي يلا
= ماشي..
*واحنا فالطريق*
_ اسر .. اسر يا اسرررر
= نعم
- انت ساكت ليه مش عادتك
= مش عايز اتكلم يا ليلي
بصتله بستغراب: مالك فيه ايه!
يتبع..
