اسكريبت كامل بقلم سلسبيل أحمد
_ ليلي بفكر اطلقك؟
= قرار هايل بالتوفيق ..
_ لا بكلم جد
= يراجل؟
_ ايوا انتي جايه عليا بخساره
= انا يبني!
_ شوية وهبيع عفش الشقه من تحت راسك!
= يشيخ حسبي الله كل دا عشان طلبت منك شوية حاجات بسيطه
_ اية اية ؟؟؟! هوا لما تنزليني الساعه 6 الصبح اجيب اللانشون والجبن والفينو والشيبيسي والشوكلاته والباتيه والبقصمات والعصير حاجات بسيطه دي حاجات بسيطه؟؟
= دا فطار مجرد فطار يعني!
_ اه اومال طبعا طبعا
= الاه !! هو انا مش معايه طفل جوه باكل لينا انت فاكر دي اكلتي لا خالص انا بغذي ابنك
_ ايوا ايوا انتي اصلا اكلتك ضعيفه
= بالظبط ونبي ناولني بقي شوية لبن عشان اهم حاجه الاكل الصحي
_ امال مين الى واكل سمك امبارح
= بتقول حاجه يحبيبي
_ اطلاقا خدي ، انا رايح الشغل
= استني
_ ايوا يا ليلي اشجيني يا حبيبيتي هاه؟
= الرْباله
_ اكيد اه
= والمكوه
_ يا جمالو
= ولبن وانت جاي عشان دا هيخلص
_ اه؟
= بس كدا شوفت حاجات بسيطه
_ يشيخه؟ طب والجبنه ماهي قربت تخلص برضو
= يلا هات علبتين ميضرش
_ ليلي الى قالك اني قاعد على بنك كدب عليكي سلام
خرج ورزع الباب وراه
ضحكت ، مكنوش شوية طلبات يعني؟!
_________________________
// بعد شهرين وشوية ايام //
_ يابنتي بس بقي ارحميني
= والله حاسه اني هولد اههعهاااا
_ يا ليلي تولدي اية يماما انتي فى السابع
= انت مسمعتش عن ان فيه أطفال بتتولد فالسابع وممكن ينزل فيه حاجه ابني يلهواااااي ابني اللحقوني
_ اهه دي اسطوانه نكد صح؟؟
= اهه ما انت مش حاسس بيا يا اسر لا وكله منكككككك يأخي دانت منك لله
_ ايوا انا ازاى كدا فعلا
= اسر طلقني
_ حاضر اول ما تولدي هطلقك لحسن يقولوا رمها بعيل مش أخلاقي
= انت عايز تطلقني بعد ما اولد؟؟ وكمان هتاخد ابني اهه يمفتري منك لله ربنا عالظالم
_ لا هطلقك واسيبو معاكي اشبعي بيه
= اية الي مجمد قلبك كدا هاه متجوز وعندك عيلين ولا حاجه قول طبعااااا مانا مش مهمه ومش فرقالك
_ انا ازاي واطي كدا ؟ ، اية دا انتي بتعيطي !! انا بهزر يا لولي بس بس اهدي
= ابعد عني انا بعيط من الوجع فاكراني هعيط عليك انت متغور يا اسر !
ضحك جامد
_ اهه يا قلابه طب انزل اجبلك برشام ولا اية عشان الوجع دا؟؟
= لا هاتلي اكل جعانه اوي والله
_ تصدقي بالله
= لا اله الا الله
_ لسه سامع اخبار الستات بتقتل في اجوزتها وبفكر ابقي اول راجل يقتل مراته لا وهي حامل اية رأيك؟
= هههه تصدق فجأه كدا جالي نوم تصبح علي خير
فضل يضحك عليا ،
_ ناس مش بتيجي غير بالعين الخضرا
= الحمرا يا اسر!
_ انا براحتي يماما اقول خصرا زرقا حمرا انا حر ؟؟
= اكيد براحتك يا حبيبي ..
__________________
// بعد اسبوع //
= اعااااااااااااااا
_ قام مفزوع _ في اية حريقه ولا اية في اية
= هولااااااااااد اعااااااااااا
_ تولدي اية دلوقتي !!!
= اههههههههه اللحقناي
_ استني اهدي ثواني
وبعد ما جري بيا علي ملا وشه لحد المستشفي طلع اعراض تعب عادي ومش هولد ولا حاجه عادي يعني في اية فدايا ؟؟!
وصلنا البيت #
اول ما دخلنا
_ قسما بالله لو سمعت نفسك لحد الشهر التاسع ما هيحصل كويس
= اهدي يا بيبي
_ اهداااا!!!! بتقوليلي اهدا؟؟
= ايوا هوا فى اية انت متعصب كدا ليه يعني فيها اية تقوم الساعه 4 الفجر توديني المستشفي اولد ويطلع تعب عادي فيها اية هاه
قرب عليا بغضب مكتوم ..
= احم اسر اهدا فى اية
قرب اكتر وهمس جمب ودني
_ اسر جاب اخرو
= هتمد ايدك على واحده ست حامل ولا اية استرجل كدا امال
_ استرجل ؟؟!!!!
= يلهوي اية الى هناك دا
بص بعيد روحت جريا من قدامه ودخلت أوضتي
_ ماشي كدا يعني هتفضلي فى الاوضه طيب خليكي قافله على نفسك
فضلت اضحك وانا بسمعه من وراه الباب
_________________
//بعد فتره //
= اسر اصحااا اصحي بقااااااا
_ في اية يابنتي هتولدي تاني
= لا قوووم
فتح عينه
_ اية ايييه عندي شغل بدري
= عايزه اكل انزل هاتلي اكل
اتنفض من عالسرير وبصلي : نعم ياختي
= اكل يا حبيبي
_ انتي مصحياني الساعه 2 بليل عشان عايزه تاكلي ! ومفيش اكل هنا
= يعني هو انا مليش حق اطلب اكل يعني اموت من الجوع يعني ابنك يطلع شبه عود القصب
_ لا ازاى خليه يطلع شبه البطريق
= بتتنمر على ابنك قبل ما يجيي ياشيخ تبا لك!!
_ مش هجيب حاجه يا ليلي واتخمدي
= ايعععععععع!!! اتخمد ومش هتجيب حاجه اههههههههههههه يلهواااااااااايي
_ بطلي زعيق سورتيني!
= جوزي قره عيني الى مفروض اتسند عليه مش عاوز يأكلني وديني بيت امي اكل هناك براحتي انا هكلم ماما والله لاسبلك البيت وامشي
_ ياستي اتهدي ياستي دا انتي بيغم عليكي وانتي داخله الحمام
= بتعايرنييييي ينهار اسواااااااد الزوج العاق !
_ زوج عاق ؟ دي جديده دي
مثلت الزعل وحطيت راسي عالمخده واديته ضهري
نفخ بنفاذ صبر وقام فتح الدولاب وانا كاتمه الضحك بالعافيه لحد ما سمعني
_ طيب ماشي اضحكي
= روحي وحبيبي وجاري لو هشحت كدا محبش قدك ، ابقي هات لبن بقي ماشي وجبنه رومي
_ بس اسكتي مش طايقك
= طب خد هتنزل بالبيجامه
مردش عليا
وخرج من الاوضه ورزع الباب
= مش كدا يا حبيبي الجيران نايمه
راح رازع باب الشقه كمان عندا فيا
؛ متـ ـهور اوي الواد اسر دا
_______________________
= أسر اسر
_ صدقيني لو الدنيا اتهدت ما هقوم يا ليلي
= أسر قوم انا تعبانه
نبره الخوف الى فى صوتي قومته
وشي كان متغرق دموع
اتكلم بخضه_ اية دا فى اية مالك حصل اية
= مش عارفه انا خايفه يا اسر حاسه ان البيبي فيه حاجه انا تعبانه اوي وبطني وجعاني وحاسه بكذا حاجه غريبه هوا انا هموت ولا اية
قام بسرعه فتح النور ولاقيته بيبصلي ومصدوم وعلامات غريبه على وشه
كنت بتوجع اوي
شالني وجري بيا على تحت كانت الساعه 5 الصبح ومفيش مواصلات فضل شايلني لحد اول الشارع ولقي تاكسي وروحنا المستشفي
___________
فالمستشفي #
_ ليلي
- ليلي حبييتي انتي كويسة ؟؟
= ابني عايزه ابني يا شوية بقـ ـر خدوا ابني يا اسررر
_ يا ليلي اهدي محتاج رعايه انتي كويسة
= ملحقتش اشوفه دا انا هطربق المستشفي على دماغهم البـ ـقر دوووول
- اهدي ياليلي المهم انك كويسة
= يا اسر بقولك بقولك مشفتوش مسمعتش صوته حتي
_ طب اهدي والله هو كويس هجبهولك اول ما نطمن عليه
وبعد معناه والولد طلع زي الفل الحمد الله عدا سنتين ونص #
____________________
_ يابني بطل عياط بقي انت داخل مسابقه
* مامااااا
_ كمان طالع ابن امك يخويا
ظهر صوت ليلي = براحه عالواد
_ انت عايز اية دلوقت
* مممم
_ يعني اية يا ليلي مممممم دا
= مممم يعني عايز ياكل يروحي
_ عايز ياكل ! بقولك اية يا ليلي
= قول يحبيبي
_ بفكر اطلقك ؟؟؟
تمت ..
رأيكم وهل كانت لطيفه ولا لاء ؟.💗💗👀
