رواية أحببت متمردة عبر روايات الخلاصة بقلم أسماء السيد
رواية أحببت متمردة الفصل الثالث 3
تاني يوم في الصباح
بتصحي ملاك من النوم وبتقوم تدخل الحمام
........ بعد مده بتطلع وهيا لابسه شورت جينز لحد الركبه وتيشيرت بنص كم أبيض ومكتوب عليه كلمه صغيره بلإنجليزي ولبست شبشب أسود بصابع وعملت شعرها كحكتين .. وقعدت ترن على يونس كتير بس كان نايم
ملاك بتوعد:ماشي يايونس والله لهصحيك
وطلعت من غرفتها وقفلت الباب بقوه وخبطت علي باب يونس مردش عرفت انه نايم فدخلت الغرفه وقفلت الباب ولقته نايم فعلا
ملاك بملل:يونس يايونس
مصحاش ملاك بصتله بغيظ ومسكت الريمود وفتحت الستاير والشمس سطعت في عينه وحط المخده علي وشه
ملاك بإبتسامه شريره راحت جابت الميه وشدت المخده بسرعه وكبت الميه عليه
يونس بشهقه:الحقوني بغرق ههاا
ملاك ماتت من الضحك ويونس بصلها بغيظ شديد
يونس بغيظ :ملاك
ملاك بضحك هستيري:مش قادره هموت ههههه الحقوني
يونس ضحك غصب عنه :عاوزه ايه يازفته
ملاك:يلا انا لابسه من الصبح عاوزه اخرج وامشي علي البحر يلا يا اوسه بقا
يونس بزهق:تب سيبني خمس دقائق كمان
ملاك :لاء يلا... وقربت شدته وهوا قام بضحك وزقت في الحمام
يونس بضحك:تب اهدي
ملاك بعند:يلا يايونس بقا اتأخرنا ادخل وانا هستناك في اوضتي .. واكملت بتحذير.. واياك تنام تاني
يونس:هوا حد يعرف ينام وانتي موجوده
ملاك ضحكت وخرجت ويونس دخل ياخد شاور
@@@@@@@@@@@@@@@@@@@@@@
عند الشباب كانو متجمعين في غرفه مراون
مروان:هوا رعد هيتأخر يالا
حسام :وان مال امي مش اخوك
زياد: بس بقا اخرسو زمانه جاي
مروان:انا أصلا لو شفت رعد هزهقه جامد جدا عشان مينفعش كدا
زياد وحسام مع بعض:يا عم اتنيل
مروان بغيظ:تب ايه رايكم ان لما رعد يجي انا مش هسكت وهزقه علي التأخير دا الله
دخل رعد وكان لابس شورت اسود وتيشرت ابيض مجسم وبارز عضلاته ونضاره شمسيه وكان وسيم جدا
رعد من وراه :اه وبعدين هتعمل ايه كمان
مروان بخوف وتوتر:اهلا رعد حبيبي وحشني فينك يا جدع انا كنت بتكلم علي الواد الويتر يا جدع تتصور طالب من فطار يقولي اطفح تحت ها
حسام وزياد انفجرو في الضحك ومروان بصلهم بغيظ
رعد برفعه حاجب:مافعلا انزل اطفح تحت انتا اتشليت
مروان:اوامرك ياباشا
رعد بحده:يلا ورايا
وبالفعل نزل رعد ووراه الشباب وزياد وحسام نازلين ضحك علي مراون
@@@@@@@@@@@@@@@@@@@@@@
عند ملاك
كانت بتلعب في الموبايل مستنيه يونس
فجأه الباب خبط
ملاك:ادخل
دخل يونس وكان لابس تيشرت اسود بارز عضلاته وشورت جينز ولابس نضاره شمس وشبشب اسود بصابع
وكان وسيم
يونس وهوا بيلف:ايه رايك فيا بقا
ملاك بتصفير:جامد جموده ياولا يا يونس يلا يمكن الاقيلك بنت الحلال
يونس بضحك:يارب هههه
ملاك وهيا بتلف:اي رايك فيا بقا
يونس:ورب الكون قمر انا خايف تتخطفي مني
ملاك لبست نضارتها واخدت موبايلها ونزلو تحت
@@@@@@@@@@@@@@@@@@@@@@
تحت في المطعم
كان قاعد الشباب بيفطرو
حسام بمرح:بقولك ايه يارعد فك كدا وحيات امك متقفلهاش علي الصبح اضحك كدا
رعد بصله ببرود ومتكلمش
زياد:رعد لاء اضحك بقا هيا مش ناقصه احنا رايحين مهمه يا عالم هنرجع منها ولا لاء ولا ايه الي هيحصلنا دلع الروح قبل ماتروح يا جدع
رعد بصله وابتسم
مروان بضحك:وأخيرا هههه
عند ملاك ويونس
كانو متجهين لا مطعم فجأه وقفت ملاك
يونس :في ايه مالك
ملاك:لاء مفيش انا نسيت حاجه هطلع اجيبها واجي
يونس:اجي معاكي
ملاك :لاء خليك اسبقني انتا وانا ثواني وجايه
يونس:اوكي متتأخريش هطلب لما تيجي
ملاك:تمام بس متتطلبش كتير يومنا طويل
يونس:عارف انك هتمرمطيني فداكي ويا ملاك
ملاك ابتسمتله واتجهت للمصعد وهوا راح المطعم
في المطعم
دخل يونس وطلب وراح عشان يقعد شافه مروان
مروان بسعاده :يونس
يونس بصله:مراون
قرب عليه وحضنه
مروان:وحشني ياواطي ولا بتسأل ولا حاجه
يونس :يا اخي انا اخر مره مكلمك كان أسبوع الي فات
مروان بضحك:ماشي ياواطي تعالي اعرفك
يونس:تمام
مروان:دا رعد اخويا اكيد عارفه وشوفته كتير
يونس:رعد بيه يااه عامل ايه
رعد بإبتسامه:الحمد لله عامل ايه انتا
يونس :انا كويس تسلم
مروان:دا حسام صاحبنا وقريبنا من الشارع الي ورا ودا زياد ابن عمي
يونس بضحك:تشرفنا
مروان:اعرفكم يونس صاحبي من ايام ثانوي والجامعه وكمان شريكي في احد الشركات في لندن
زياد وحسام:تشرفنا
يونس:دا شرف ليا
مروان:انتا هنا لوحدك ولا ايه
يونس :لاء مع حد
فجأه جت ملاك من وراه وما اخدتش بالها
ملاك :يلا يايونس اتأخرنا ... وشدته من ايده معاها
الشباب بصلها بصدمه ومروان بحلق فيها
يونس بضحك:حاضر يلا عن اذنكم.... ومشي معاها
وراحو قعدو علي تربيزه بعيده شويه والاكل نزل
زياد بصدمه:هيا البت دي ورانا ورانا
حسام بصدمه اكبر:والله ماعارف انا بجد مصدوم
رعد بغضب وصدمه:هيا بترقبنا ولا ايه
مروان بعد فهم :انتو عارفينها ولا ايه
حسام:عز المعرفه يا اخويا
مروان:مش فاهم
زياد:اصل حصل.................. بس كدا
مروان بص علي رعد بصدمه :انتا بجد سكتلها سبحانك
رعد بغضب:اخرسو بقا واطفحو
وبالفعل سكتو وبدأو ياكلو وهما مصدومين من الصدفه
بص رعد عليها من تحت لتحت ومن غير ماياخدو بالهم ولقاها بتضحك مع يونس وبتاكل من طبقه وهوا بيأكلها
وحس بضيق مش عارف سببه وكمل اكل بغيظ
بعد فتره الجميع خلص اكل وملاك ويونس قامو
يونس بصوت عالي:عاوز حاجه مارو
مروان بحب:تسلم ياشقي نتقابل بليل بقا
يونس:ان شاء الله
ملاك شدته تاني وهوا بيضحك
ملاك بسرعة:يلا يا يونس عاوزه الحق اتفسح
يونس بضحك:يابنتي هيا شرم هتهرب دول مابيناموش
وخرجو برا ورعد بيبصلهم من غير ماحد يلاحظ
مروان بإعجاب:لاء البت دي عجبتني اوي بصراحه دي فرس"ه اي دا
رعد حس بضيق شديد وزياد وحسام ضحكو
مروان :ايه رايكم ننزل البحر
رعد بصله ببرود :يلا
وخرجو الشباب واتجهو للبحر
@@@@@@@@@@@@@@@@@@@@@@
في قصر النجار
كان قاعد الجد قاسم علي الفطار والعيله كله قاعده وهوا يرأسهم
(الجد قاسم جد ملاك ويونس ودلعوته هيا ملاك وبيحبها جدا بس زعلان منها وكلمته سيف ومشاء الله بصحته جدا وعفي وهوا الي ماسك الشركة يبلغ من العمر68)
قاسم:صباح الخير
الجميع:صباح النور
(حسين عم ملاك وابو يونس وبيشتغل في احدي شركات النجار يبلغ من العمر55سنه وهوا الكبير )
حسين:عامل ايه يابابا
قاسم:انا الحمد لله
(نيره مرات حسين تبلغ من العمر50سنه بتحب جوزها ومعندهاش غير يونس واياد طيبه جدا وحنونه ويعتبر هيا الي مربيه ملاك بس شديده في قرارتها وأحيانا صارمه جدا وبتخاف من كلام الناس جدا جدا)
نيره بإبتسامه: بقولك ايه ياعمي تحب اطبخلك ايه النهارده منفسكش في حاجه
قاسم بحب:لاء يابنتي انا تمام الحمد لله انتي مش مخلياني نفسي في حاجه
نرمين بضحك:وانا مليش من الحب جانب ولا ايه ياعم والحاج
(نرمين ام ملاك مرحه وطيبه جدا وبتحب ملاك بس وهيا مخلفتش غير ملاك وحيدتها تبلغ من العمر 48سنه وعلاقتها متوتره مع ملاك وبينهم فجوه كبيره)
قاسم بضحك:انتي الخير والبركه بردو بس مش كبرنا علي الحاجات دي
محمود بسرحان :ها اه اه عندك حق
قاسم :سرحان في وايه يا محمود
محمود بتوتر:لا ولا حاجه يابابا انا تمام
قاسم بحده:محمود قولت سرحان في ايه
محمود بحزن :سرحان في ملاك بنتي انا مش عارف هتفضل كدا لحد امتا
(اللواء محمود والد ملاك بيحبها جدا بس وهيا في ثانوي حصل بينهم مشكله كبيره سببت فجوه كبيره يبلغ من العمر 52سنه )
قاسم بتنهيده:انا من وجهت نظري انها غلطانه ومش غلطانه بنتك مش اي حد وانتا جيت عليها كتير وانا حذرتك كتيير اوي بس انتا مسمعتش وهيا ان شاء الله بكرا ترجع زي الأول واحسن
محمود بتوتر وخوف:انا مش عارف اتصرف ازاي انا مش قادر احمي بنتي انا كلها أسبوع وهبعت بنتي للموت بإيدي
نرمين بصدمه:يعني أيه يامحمود
قاسم:مترد يعني ايه
محمود بتنهيده:جالي اوامر من القيادات العليا وزير الدخليه شخصيا بإختيار. ملاك النجار. ورعد الدمنهوري.
بقياده العمليه والقبض على اكبر مافيا واخطرهم في الشرق الأوسط وقاره إفريقيا وآسيا والقبض عليهم
قاسم بغضب:يعني ايه واشمعنا هيا
محمود:عشان ملاك ورعد من اكفئ الظباط في القطاع كله وفي المخابرات كلها
(إياد اخو يونس كئيب علطول كلامه قليل عكس شخصيه يونس خالص يبلغ من العمر 32سنه ومدير احدي شركات النجارومحدش بيضحكه غير ملاك ويونس)
اياد:سبوها علي الله ملاك مش سهله بردو انتو هنا شايلين الهم والواطيه بتتفسح هيا ويونس
قاسم:مش فاهم
اياد:ملاك ويونس في شرم الشيخ
قاسم بضحك:والله البت دي لسعه ذي جدها هههه عموما يا محمود سبها لله ووقتها يحلها حلال
محمود :تمام يا بابا
نرمين بدموع:يعني بنتي هتروح مني يارب
@@@@@@@@@@@@@@@@@@@@@@
عند يونس وملاك
كانو بيتمشو علي الشط وبيضحكو
فجأه دخل يونس ورشه ميه علي ملاك وهيا ضحكت بشر
ورشت عليه
يونس:كدا طيب .... ورش عليها
ملاك بضحك:ولا بس بقا.... ورشت عليه
وفضلو يلعبو شويه بالمايه وما اخدوش بالهم بالي بيتفرجو عليهم
حسام:والله البت دي عبيطه
زياد بضحك:فعلا دي طلعت طفله بس هوا دا جوزها ولا خطيبها ولا حبيبها
مروان بنفي:لاء يونس لا خاطب ولامتجوز دا بتاع بنات اصلا ممكن تكون يعني ماشيه معاه او صاحبها
رعد اتعصب من الكلام مش عارف ليه وكان بيبص عليهم بغضب مش عارف سببه
حسام:تعالو ننزل البحر يلا
زياد:اه بجد يلا انا بقالي كذا شهر مجتش شرم
مروان:يلا يارعد
رعد بضيق :لاء انزلو انتو انا مليش مزاج
عند ملاك
فضلو يلعبو كتير
ملاك بغيظ:عاجبك كدا يا كلب
يونس بضحك:فدايا هههه
ملاك:انا متبلتش كتير يلا بقا عشان عاوزه اركب عجل وحصان يلا
وبالفعل طلعو وجابو عجل وهوا ركب وحده وهيا وحده
وفضلو يلعبو كتير اوي لحد العصر
لحد ماكانو طالعين الفندق وركبو المصعد ولاقو الشباب جوا فركبو معاهم وطلعو
ملاك اتصدمت بس مبينتش
........
ملاك :الله انتو ايه الي جابكم هنا جايين تاخدو حقكم ولا ايه ... وبصت لرعد
رعد برفعه حاجب:والله انا مش عارف مين الي جاي مع ورا التاني
ملاك ببرود:عموما مش مناسبه سعيده خالص وعطيتها ضهرها
يونس بدهشه:انتي عارفهم
ملاك بضيق :اه اعرف التلاته انما الواد الرابع دا لاء
مروان بغزل :اسمي مروان ياقمر
ملاك بصتله بقرف: متظبط كدا ياض مالك قال مروان قال كنت سألتك جتك القرف بلاوي .....
مروان سكت بإحراج وزياد وحسام كان هيموت من الضحك بس كاتمنها ورعد ضحك بس من جواها وبص لمروان بشماته وهوا كان محروج اوي
........ بعد شويه وصلو وكان نفس الدور
حسام بصدمه:انتي كمان نفس الدور
ملاك بصتله ببرود:ولا يشغلني انتو هوا ياسطا
ومشيت ببرود ويونس اعتذر وراح وراها وفضلو واقفين لقو ملاك ضحكت هيا ويونس لما لحقها واتكلمو وملاك خبطته في كتفه بضحك وفتحت باب الاوضه وبتاعتها
ملاك:يلا غور غير بسرعه عشان ننزل ناكل انجز
يونس:ياما ايه هتكليني
ملاك بغرور مصطنع:انا دا انا باكل قد النمله
يونس بصدمه:قد ايه اومال من الي ضرب الفرخه الي كانت في التلاجه امي صح
ملاك زقته لبس في والباب والشباب ضحكو جامد
ملاك وهي داخله بصوت عالي:بسرعه يازفت هموت من الجوع
يونس بضحك:ماشي يا كلبه والله لهزلك اصبري عليا
ملاك بصوت عالي:بتقول حاجه يايونس و
يونس بخوف:ولا حاجه يا حبيبتي... ودخل اوضته جري
وهيا قفلت وبابها والشباب ميته من الضحك
وكل واحد دخل غرفته وهوا بيضحك
@@@@@@@@@@@@@@@@@@@@@@
استوووب
