رواية عز وليلى الفصل الأول 1 بقلم نانسي أشرف
رواية عز وليلى الفصل الأول 1
_ مش هتخرج تسلم عليهم !
_ لأ
قالها واداني ضهره اما انا كتمت غيظي
بصيت لنفسي في المراية
بقا دا شكل عروسة يوم صباحيتها!
رجعت بصيت عليه بقلة حيلة وطلعتلهم وانا ملامح وشي بتتبدل
_ نورتونا يا جماعة والله
_ قصدك نورناكي
ابتسمت لوالدته الي بصت في الأرض اما انا بصيت لعمتي الي خرجت منها الجملة
_ معلش يا عمتي هو كان محتاج يرتاح
اخته ضحكت ببرائة
_ عريس يخونا عرييس
ضحكت بسخرية حاولت اداريها وقومت المطبخ احطلهم حاطة ساقعة قبل ما الف واخبط فيه
_ هييييه!
_ ايه! شوفتي عفريت!
_ مخدتش بالي انك صحيت .. وبعدين ايه الي انت لابسه دا ولا ايه الي انت مش لابسه دا .. خش استر نفسك اهلك وعمتي برا
_ اروح البس لعمتك بيجاما تويتب يعني ولا ايه
_ أ...
_ اشششش انا عايز افطر
_ تفطر ايييه!
كتمت صوتي ورجعت ابصله
_ تفطر ايه بقولك الناس برا
_ مليش فيه دخليلي الأكل بتاعي جوا
_ انت بتـ.....
_ في حاجة عندك يا ليلى!
كان صوتي اتبلع وكل حاجة سكتت في لحظة
بصيتله وهو لافف دراعه حواليا ومقرب مني ومبتسم لعمتي واخته الي كانت واقفة تبتسم و تغمزلي
_ احم
قالتها سارة أخته
_ لا مؤخذة يا جماعة كنت بشوف لو الحاجة الساقعة لسه ساقعة ولا سخنت
بصلي وانا لسه متنحاله ومش قادرة استوعب
_ لا مؤخذة يا بشمهندس .. مكناش نعرف انك صحيت
برم شفايفه بسخرية وهو بيتريق عليها قبل ما يبتسم ويلف راسه
_ لا يا حبيبتي دا انتي تعملي الي انتي عيزاه
بعد عني وبصلي بنفاذ صبر
_ صبيلهم يا لو الحاجة الساقعة .. مع انك يا خالتي كفاية والله
برقتله وابتسم هو ابتسامة جذابة.
سارة ادخلت
_ احنا هنستناكوا برا
قرب مني بعد ما مشيوا
_ متمليش الكوباية لعمتك
_ نعم!
_ الي سمعتيه
سمعنا عمتو بتنادي عليه
_ ايوه يا حبيبة قلبي جايلك
رجع يقرب من وشي
_ لو شوفتك مالية الكوباية هزعلك
وخرج
_ جرا ايه يا عز ! انت مشيلها كل حاجة لوحدها
_ يا خبر!
قالها وقام ناحيتي
_ اعمى البصر والبصيرة
_ اشششششش
مسك الصنية وضحك وشيلت انا الجاتو وقربته منهم
_ منورينا والله يا جماعة
مسك ايدي .. حسيت ان جسمي تلج مرة واحدة قبل ما يقرب من ودني ويهمس
_ بردو مليتي الكوباية
_ تقول علينا ايه
_ انا كلامي مش بيسمع ليه
_ عشان كلام غير منطقي
_ انا كلامي عبيط
_ انا مقولتش كدا
_ قصدك انا كداب!
عمتي ادت بصة على الشقة وانا بناول مامته الجاتو
_ بس بردو يعني الاوان الي ليلى اختارتها كانت أحلى
_ الوان ايه الي اختارتها لا مؤخذة
بصوله كلهم اما انا بصيت في الارض، مبصش لحد فيهم وبص ناحيتي ورجع لعمتو
_ اه طبعاً .. انا كنت ناوي اغيره بس الوقت كان ضيق
رفعت عيني لقيته بصلي
_ اصلا اختيارات ليلى كلها بتعجبني
فضلت بصاله بتركيز اما هو بعد عينه في لحظة
والحوار اتبدل والكلام خدهم اما أنا فضلت بصاله وهو بيتكلم
ومندمج معاهم
_ وناويين على شهر عسل فين ان شاء الله
_ هنروح اسكندرية
_ اسكندرية!!!!!! دا بدل ما توديها الساحل ولا دهب ولا تسفرها جزر المالديف!
_ جزر المالديف ايه يا خالتي هو انتي شوفتي قفا جمصة حتى
ضربته في كتفه
_ خشي هاتي sم الفران من جوا
_ قال اسكندرية قال .. رايحين تصيفوا ولا تقضوا شهر العسل
ميل على ودني تاني
_ جمبه بقا sم صراصير هاتيه معاكي بردو
بصلها وابتسم ومكملش كلامه
_ مش هتورينا اوضة النوم يا ليلى
كنت هقوم قبل ما يشدني ويقعدني مكاني
_ داخلة مول طنطا ولا ايه ! تتفرجي على ايه يخالتي
_ ملحقتش اشوفها
_ محدش قالك مثلا ان جوا حجات شخصية
_ دي ليلى بنتي
_ ودلوقتي مراتي
سكتت وقعدت مكانها وكملنا القعدة لحد ما استأذنوا وخرجوا
قفل وراهم الباب وهو بينفخ
_ ولية قرشانة
بصلي وقال _ دي كانت واقعة سودا
دخلت المطبخ وبدأت اقطع بطاطس عشان احمرها قبل ما الاقيه واقف على الباب
_ أنا جعان
_ اعمل لنفسك أكلك
حطيت البطاطس في الزيت
_ هو انا مجوزك عشان اعمل لنفسي أكلي!!!!
_ انا مش هعملك اكل
_ يبقى تروحي مكان ما جيتي .. عند عمتك
وقرب اكتر
_ اه صحيح .. دا عمتك رميتك و جوزتك عشان تخلص منك
عيني دمعت وانا ببصله بزهول من كلامه ورجعت خطوة لورا خبطت في طاسة الزيت الي فجأة وقعت
خدني في حضنه وبعدني مرة واحدة عنها قبل ما تلمسني
_ انتي مجنونة ؟؟؟؟؟
ضربته في صدره وانا ببعده عني
_ ابعد عني
_ ابعدي عن الزيت يا متخلفة
_ بقولك ابعد
رجعت مرة تانية فلمس دراعي البتجاز الي كان متغرق زيت سخن
صرخت وانا بحط ايدي على دراعي اما هو قرب وشدني وخرجني برا المطبخ وقفل النار.
_ وريني الجرح خليني الحقه
_ لأ
_ هو ايه الي لأ .. وريني
_ قولتلك لأ
_ يوووووه
رمي شنطة الاسعافات الي كان شايلها
_ انتي حرة
ودخل الاوضة وخبط الباب وراه بكل قوته
اما انا فضلت اعيط من الوجع الجسدي والنفسي الي كنت فيه لحد ما غبت عن الوعي ونمت.
صحيت على خبطة الباب وهو بيتقفل
فتحت عيني بهدوء لقيتني في الاوضة
الساعة كام !
أنا فين !
وايه على التُقل الي على دراعي دا
نزلت عيني عليه لقيته مربوط بشاش
وجمبي على السرير شنطة الاسعافات.
************
يتبع
