رواية هل يجمعنا شئ عبر روايات الخلاصة بقلم سلسبيل أحمد
رواية هل يجمعنا شئ الفصل الثاني 2
" زياد كان قاعد ناحيتي فا قولت لما ارخم تاني يمكن يتكلم معايا و يفك شوية "
- الجلابية الى تيتة جابتها لك روعه
زياد بصلها بستغراب: طيب
- والسبحة كمان واو
= عاوزاها يعني ولا ايه؟
- لا انا بقولك يعني
= شكرا
- مش هتقولي ان الاسدال بتاعي حلو؟
" قام من جمبي وراح قعد جمب يوسف و يمنى وانا رجعت اللزق في سلمي واللم كرامتي.. "
" وبعدين جدو بدء يتكلم "
- احنا طبعا متجمعناش سوا من سنين يا ولاد.. وبغض النظر عن الأسباب.. بس احنا مبسوطين بوجودكم حوالينا وعاوزينكم معانا علطول.. لكن كنا بنقول ربنا يوفقكم و الحياة مشاغل.. بس حاليا الوضع اتغير
" مكنتش فاهمه بالظبط ايه الى جي و كلنا كمان كنا مش فاهمين ومستنين جدو يكمل..! "
- احنا هنفضل كلنا سوا في البيت..
" تعابير وشي اتغيرت و بصتلهم برفض..! "
- كلنا ؟! ازاي بس.. حضرتك عارف اننا مفروض نسافر كندا تاني حياتنا كلها هناك انا و بابا!
مصطفي: انا مستحيل اقعد هنا!
يوسف: بصراحه وانا كمان!!!!
يمنى: متسيبوا جدو يكمل كلامه!!!!
محمد بحده: مسمعش صوت حد فيكم انت وهو فاهمين؟؟
يوسف: لا معلش يا بابا مش بعد السنين دي كلها نقعد مع بعض واحنا محدش فينا بيريح مع التاني أصلا و جدو سبق و بعد مصطفي و زياد عن بعض
سلمي: وبعدين ليه فجأة يعني نقعد سوا كلنا
خديجة بحزم: اخرسي يا سلمي!!! قولنا سيبوا جدو يتكلم
" بصيت لبابا الى كان ساكت و عمي محمد متنرفز و عمتو خديجة كذلك الجو فجأة بقي متوتر. "
عبدالرحمن: خلصتوا اعتر اضات؟
يمنى بهدوء: مكنوش يقصدوا يا جدو معلش كمل
عبدالرحمن: جدتكم قبل ما نسافر تعبت.. و روحنا عشان نطمن و اكتشفنا ان تعبها مهواش سهل و صعب علاجه.. مش عاوزين ندخل في تفاصيل.. الى عاوزينكم تعرفوه اننا معشناش سوا..!!
" بص ناحية بابا "
- مش انت بس الى كنت بعيد يا احمد انت و ليلي بنتك.. لا الكل كان بعيد عن بعضه.. ومش ده الى فاطمه اتمنته ابدا
" بصيت لتيتة الى كان باين عليها الثبات و الصبر رغم كل حاجه بتحصل "
بقلمي سلسبيل_أحمد
فاطمه: انا حلمت نكون ايد واحده وقريبين من بعض و نربيكم حوالينا.. و تكونوا سند لبعضكم مش عايزه اي حاجه غير انكم تفضلوا حواليا في اخر أيامي
" الموضوع مخصلش علي خير بعد الى اتقال ده.. اغلبنا عيط و انا كنت محْضـ ـوضه و متفاجئه.. فكرة اني مرجعش لحياني في كندا صعبة عليا اوي! وفكرة ان تيتة حطتني في الموقف ده برضو مش سهله افضل هنا مع ناس مفروض انهم قرايبي.. لكننا اغراب! ؟؟ "
" بعد ما هدينا شوية عمي محمد بدء يتكلم "
محمد: انا و يوسف و يمني هنفضل معاكم يا بابا.. و زينب معندهاش اعتـ ـراض
"تيتة بصت لمرات عمي محمد"
زينب: احنا تحت امرك يا ماما وانتي عارفه
" يمنى سكتت مكنش عندها اعتراصْ لكن يوسف الى كان مش مستوعب زيي.. و لاحظت ان زياد الوحيد الى مفتحش بوقه..! "
خديجة: وانا و سلمي و مصطفي برضو هنفضل يا ماما هنفضل سوا.. و كويس اننا في اجازه هقدر انقلهم مع بداية السنة
مصطفي بضيق: بس انا مش عايز افضل هنا.. انا ممكن اجي كل شوية هاجي كل يوم عادي يا تيتة مش هغيب خالص بس انا مش هقعد معاهم!!
عبدالرحمن: الى بتتكلم عنهم دول ولاد عمك!!
مصطفي: و حضرتك يا جدو قولتلي متكلمش مع زياد ده حصل ولا محصلش!!
عبدالرحمن عقد حواجبه: انا قولتلك متتعاملوش سوا طالما مش قادرين تحترموا بعض!! و ده معناه انكم تتعاملوا بأحترام يا مصطفي!! مش تقولي مش هنكلم بعض؟؟؟ وبعدين هو زياد مش معترض زيك ليه؟
مصطفي: لأنه كدا كدا عايش معاكم هي فارقه معاه في ايه من وهو صغير قاعد هنا !! معندوش بيت متعلق بيه زينا !! ابوه سايبه ومش عايزه اصلا !
" اتصدمت من الكلام الى مصطفي رماه!! "
خديجة قامت و صْربت مصطفي بالقلم: انت ولد قليل الأدب مش متربي !!! غور من وشي يا مصطفي حالا !!!! أمشي !!!
" الموقف وقع علينا اشبه بصـ ـدمه "
// صلي على محمد //
" يوسف سابنا وفتح الباب بقمة الغضب وخرج "
" جدو مكنش عاجبه الوضع تماما و بص ناحية يوسف "
- روح ورا ابن عمك
" يوسف راح وراه و تيتة بصت لخديجة "
- ليه كده يابنتي!!
خديجة: عشان يتربي يا ماما !!
" عيني راحت على زياد.. نظرات الشفقه مننا كلنا خلته طلع الدور التاني وسابنا.. بصمت "
بصيت لسلمي بمعني نعمل ايه وهي هزت راسها بمعني سبيه.. بس انا مكنتش قادره! سيبتهم تحت وطلعت خبط على اوضته الباب كان مفتوح وهو قاعد فا دخلت "
- انا آسفة على الى حصل متزعلش
= اطلعي بره
- زياد انا عارفه ان الموقف بالنسبالك صـ..
وقف قصادي و قاطعني: عارفه ايه؟؟ انتي متعرفيش حاجه!!لو سمحتي اطلعي بره مش عايز اتكلم مع حد!!!
" خرجت من اوضته و هو قفل الباب.. روحت قعدت لوحدي وانا عماله افكر ايه الى بيحصل ده!
شوية و لقيت بابا طلع "
- ليلي.. معلش ياحببتي على الى بيحصل ده
"بصتله وعيوني بتسأله.. هنعمل ايه!!"
- احنا مش هينفع نمشي دلوقتي يا ليلي
" مسحت على وشي بضيق كنت عارفه ان ده جي "
= بس حضرتك شايف الجو هنا عامل ازاي صح!؟
- انا عارف و فاهم.. عارف ان كل ده بالنسبالك جديد ومش واخده على الطريقة دي ولا التوتر و الحْناقات.. لكن ده وضع مؤقت.. هتكلم مع جدتك و جدك و هفهمهم اننا هنقعد فتره ونرجع كندا متقلقيش.. انا برضو مش هينفع اسيب شغلي
= طب هنقعد هنا قد ايه يا بابا؟
- هشوف ياحببتي
" خدني في حضنه وطبطب عليا وقتها فكرت مين هيطبطب على زياد.. فا قومت بصتله "
- ممكن تشوف زياد؟؟
= هو في اوضته؟
- ايوة.. وقبل ما تروح..
هو ليه يا بابا عمي عبدالله مش عايزه!
اتنهد: يمكن مش صح و مصطفي بس متعصب.. انا سمعت انوه عبدالله اتجوز.. ممكن زياد متقبلش الوضع ومشي جه هنا مع يقعد مع جدتك و جدك
" هزيت راسي بتفهم.. و هو راح له.. وانا نزلت لتيتة و جدو كانت يمنى قاعده جمبهم "
"بصيت لتيتة"
- طمطم.. انتي زعلانه؟
بصتلي بحنية: لا يحببتي ربنا ما يجيب زعل عايزه بس اطمن على مصطفي
يمنى: متقلقيش هيرجع هنبقي كلنا سوا يا فطومه زي ما انتي عاوزه بالظبط
ابتسمت فا بصتلها: وانا كمان يا تيته هفضل معاكم دلوقتي
" حضنتني انا ويمنى.. و جت سلمي كمان قعدت وسطنا.. "
سلمي: انا عموما مبسوطه اني قاعده هنا اوعي تزعلي نفسك يا تيتة احنا كفاية ولا ايه؟ مفيش احسن من البنات!
ضحكت بحزن: انا بحبكوا كلكوا يا حبايب قلبي
>>>>>>>>>>>>>>>>>>>>>>>>>>>>>>>>>>>
|| على الرصيف في الشارع ||
- ما انت برضو زودتها يا مصطفي !!
= لا يا يوسف!! انا قولت الحقيقة
- الحقيقة مش دايما لازم تتقال يعم.. وبعدين انت عارف ان زياد من وقت الحْناقة وهو في دنيا لوحده خلاص فكك منه
= كل ما افكني منه يحشـ ـروني معاه في جملة مفيدة.. ده غير اني مش عايز اقعد معاهم ! مش عايز !!
يوسف اتنهد وقعد: تعالي نمشي الدنيا دلوقتي بس ونقعد شوية.. و بعدين نمشي
- ان شاءالله بقا.. انت بتحلم
يوسف بخبث: كلم ابوك! روح اقعد معاه انت عندك فرصة على الاقل.. لكن انا ابويا مش هيعرف يقول لجدو لا!
مصطفي: تصدق صح.. خلي بقا ماما تقعد لوحدها وكمان احتمال سلمي اختي تمشي معايا
- بس تعالي نرجع دلوقتي نهدي الدنيا.. عشان نعرف نعمل الى عاوزينه.. اصل انا كمان ناوي احْلع
= ماشي..
>>>>>>>>>>>>>>>>>>>>>>>>>>>>>>>>>>>
|| في البيت ||
" الكل كان قاعد.. بابا جاب زياد و نزلوا فرحت انوه مفضلش لوحده.. كان صعبان عليا اوي! و بعد فترة مصطفي و يوسف دخلوا علينا "
مصطفي: انا اسف يا ماما و اسف ليك يا جدو انت وتيتة
خديجة بحده: اعتذر لابن عمك
"مصطفي جز على سنانه و يوسف بصله بمعني عديها"
مصطفي: اسف يا زياد..
زياد: محصلش حاجه
عبدالرحمن ابتسم: كنت عارف انك عاقل يا مصطفي.
يمني: احممم طالع لاخته
سلمي: انتي بتتريقي عليا بقا ولا ايه؟
مصطفي: قصدك ايه يا سلمي هو انا تريقه؟
يوسف ضحك: يمنى تموت لو مصْر بتش سمـ ـها في حد اهي هتوقع الاخوات في بعض اهو
يمنى بقلبة وش بصت لمحمد و زينب: شايفين ابنكم!!
يوسف بتمثيل الجديه: انا اخوكي الراجل يحببتي
يمنى: وانا الكبيرة!
يوسف: وانا الراجل!
زينب: خلاص يا يوسف لحسن تعيط
سلمي بأستفزاز: صح يا ليلي نسيت اقولك اسمها يمنى العيوطه..
" ضحكت و حاولنا كلنا نعدي الى حصل و الليلة دي بيتنا في البيت كلنا.. كل شوية في اوضة.. والكل كان مرهق فا غلبنا النوم بسرعه "
>>>>>>>>>>>>>>>>>>>>>>>>>>>>>>>>>>>
|| تاني يوم الصبح | الساعه 8 ||
" صحيت على ريحة اكل حلوة! ريحة غريبة جدا جدا عليا اول مره اشمها.. ! "
" قومت غسلت وشي ونزلت "
- مممممم.. good morning يا طمطم ايه الريحة دي ؟
"بصتلي وابتسمت و مرات عمي ردت"
زينب: فطير بالسمنه بالبلدي
"سلمي جت من ورايا هي ويمنى"
سلمي: بالسمنة البلضاااي
يمني ضحكت: بيض مقلي بالسمنة البلضااي
بصتلهم بستغراب: انتوا بتقولوا ايه انا مش فاهمه؟
" فضلوا يضحكوا.. "
سلمي: هنقولك هنقولك نفطر بس الأول
زينب: خدي يالي همك على بطنك
فاطمه: حد يشوف الولاد مصحيوش ليه
سلمي: احسن ناكل من غيرهم يا تيتة
ليلي: بابا في التوليت و نازل
يمنى: طيب هطلع اشوف زياد و يوسف
" يمنى طلعت خبطت على زياد ولما مردش فتحت الباب ودخلت لاقيته على السرير نايم "
- زياد قوم عشان الفطار..
- زياد؟؟
يمنى بصت بخوف و بدأت تحرك فيه: زياد!!؟؟؟؟؟؟
- يجماعه حد يلحقني !!!!!
يتبع..
>>>>>>>>>>>>>>>>>>>>>>>>>>>>>>>>>>>>
