اسكريبت" أحمد وايه" بقلم منال كريم
" أحمد وايه " بقلم منال كريم
: أحمد أنا زهقت.
أحمد في سره: أنتي زهقتي اومال أنا اقول ايه.
كان هو قاعد على الكرسي و يشرب الشاي ببرود و هي وافقة قدمه و تزعق بعصبية و صوت عالي .
: أحمد.
رد بخوف: حبيت قلب أحمد ،خير يا يويو .
ردت بعصبية: أنا عايزك تزود مصروف البيت شوية.
قال بهدوء: أنتِ معندكيش موضوع تاني تكلمي فيا غير ده.
قعدت جنبه و قالت بهدوء: أعمل ايه ، المصروف مش بيقضي طول الشهر.
أحمد بهدوء: معلش نتحمل ونحاول نلم أيدينا شويه.
تنهدت بضيق و قالت : أكتر من كده،أنت عارف العيال تاخد ايه وهى ماشيه على المدرسه والفطار والغداء والعشاء والكهرباء والمياه والغاز أعمل ايه في كل ده.
قام واقف و قال بعصبية: كملي و الهدوم اللي كل يوم تشتريها ، والمكياج ،كل دي حاجات تاخد من مصروف الشهر.
آيه بعصبية: هو أنا غلطانه ، علشان بهتم بنفسي علشان خاطرك المفروض تكون مبسوط.
أحمد بصوت عالى: اهتمي بس مش كده أنتِ تصرفي فلوس كتير كل شهر على الحاجات دي و،تجي تقولي المصروف مش بيقضي ،طيب أعمل ايه أنا أكتر من كده، اقطع نفسي.
قالت بعصبية: الفلوس اللي بتجي تصرف علي البيت و ولادك مش باخد حاجة منك على بيت أبويا
قال بعصبية: مفيش غير الجمله دي، هو أنا جبت سيرتك أهلك في الموضوع ، أنا بقول بلاش تجيبي الفتره دي هدوم ولا مكياج ،ونوفر الفلوس في حاجه مفيدة.
قامت وقفت قدمه و قالت بعصبية : يعني كل المصاريف اللي بتصرف فى البيت وعليك وعلى ولادك مش شايف انها كتير، بس المهم نوفر فى حاجاتي،أنا باخد منك ايه غير شويه الفلوس دي.
كان اتعصب جدا من طريقتها و قال بتهديد: آيه وطي صوتك ، و بعدين جربي كده و وفري أنتِ الشويه دول وشوفي يفرق معاكي ازاى.
شدت في شعرها بجنون و صرخت : حاضر أنا مش أهتم بنفسي و بلاش تزعل بعد كده وتروح تبص بره.
مسكها من كتفها و قال: نهار أسود عليكي يا بعيدة، هو مينفعش تهتمي بنفسك بالحاجات اللي عندك ،لازم كل شويه جديد أنتِ عندك حاجات جديده لسه مش لازم فلوس علشان تهتمي بنفسك.
صرخت بعصبية: أحمد.
قرب منها وضع قبلة على جبينها و قال بهدوء: أخرج مع أصحابي شويه ، ولما أرجع نكمل الخناقة براحتنا.
= يعني أنت لما تقعد على القهوه مش مصاريف يا أستاذ أحمد.
:أنتِ بصي في كوبيه الشاي اللي بشربها كل جمعه على القهوه مع أصحابي
= لا مش قصدي أنا أقصد وفر أنت كمان، زي ما بتطلب مني أوفر.
قال بصوت عالى جدا: أنا زهقت بجد من كتر الكلام معاكي.
قالت هي =كانت جوازه سوده
بص بغضب و قال :ما شاء الله عليكي راح فين أعيش معك في اي حته وتحت أي ظرف يا حمادة ،
اومال لو مش جوازنا عن حب ،أربع سنين حب و خطوبة.
صدق المثل اللي قال إن داخل الفقر من الشباك هرب الحب من الباب صح.
ردت بدموع: لا مش صح يا أحمد، أنا مش مبذره أنا بس خايفه بعد الجوز والحمل شكلي يتغير و تبطل تحبني علشان كده أهتم بنفسي.
قال بهدوء: يكون بالعقل وأنا عارف أنك مش مبذره
أنا خارج و أجلي الخناقة لحد ما أرجع من بره.
وخرج أحمد
و قعدت آيه تفكر في كلامه
قاطع تفكيرها خبط الباب
قامت تفتح كانت جارتها
بصت آيه لها و قالت :شكلها خناقه برضو.
نهلة: ايوه يا أختي وانتوا.
= خناقة كل يوم.
نهلة: والله الرجاله دي مش عجبه العجب ولا الصيام في رجب،يعني أنتِ واحدة مهتمة بنفسك على أكمل وجه وأحمد مش مبسوط.
وأنا مش مهتمة بنفسي وبفضل طلبات البيت على حاجاتي الشخصية و برضو إيهاب مش مبسوط
=مش يمكن احنا الغلط
نهلة: ازاى
آيه بهدوء: يعني أنتِ مهمله فى نفسك اوي بطريقه مش معقولة، اكيد مفيش رجل يحب كده
وأنا مهتمي بنفسي بزيادة لدرجه أني ساعات بقصر في طلبات البيت علشان نفسي.
نهلة: عندك حق خير الاموار الوسط
خطرت على بال آيه فكرة و سألت :: هو إيهاب خرج مع أحمد
نهلة: ايوه
=طيب بصي أنا لسه جايبه فستان امبارح والله متلبس ، خديه و هاتي حقه، وكده أدفع حاجة من الأقساط المتاخرة علينا، وأنتِ تكوني غيرت من نفسك موافقة.
نهلة بسعاده: أكيد موافقة..
بعد شوية يرجع أحمد من برة.
و محضر نفسه لتكملة الخناقة
لكن آيه لها رأي تاني
مستنية على السفرة و محضر كل أصناف الطعام المفضل له.
و قالت بحب: حمد لله على السلامه يا حبيبي.
أحمد باستغراب: هو ده أسلوب جديد ل الخناقه
آيه بحب: لا يا حبيبي بعد الشر من الخناق أنا بس فهمت وعرفت أن عندك حق
أحمد بسعادة: بجد
آيه: بجد
أحمد بحب: والله أنتِ قمر من غير حاجه الحلوه حلو حتي لو لسه صاحي من النوم يا قمر أنت
آيه بهدوء و عقل: أنا فهمت أن خير الامور الوسط، يعني لازم الست تهتم بنفسها، بس مش على حساب اساسيات البيت.
أحمد: بحبك.
آيه بحب: و أنا بعشقك يا حماده.
و تمت حكاية أحمد و آيه
حكاية من حكاية زوج و زوجة
لو عجبتكم أكمل أن شاء الله
#حكايات_زوج_وزجة
#بقلم_منال_كريم
#روايات_واسكريبتات_مميزة
