رواية بينا وعد (كاملة جميع الفصول) عبر روايات الخلاصة بقلم سلسبيل أحمد
رواية بينا وعد الفصل الثالث 3 والأخير
صحيت على صوت خبط زياد عالاوضة بتاعتي جامد
- في اية !!
= مروان! بيقول انه عند البيت القديم
"قلبي فضل يدق مروان رجع ؟؟ "
- هو كلمك! عاوزك؟
= هو عاوزك انتي!
- انا !؟؟
*******************************
صلي وسلم وبارك على سيدنا محمد.
" فات شهرين هديت فيهم عرفت ان مش كل الى هبقي عاوزاه هلاقيه و ان حبي لمروان كبر لدرجه انوه أذاني لكن انا آذيت نفسي عشان اتعشمت بوهم لبست و خت نفس قبل ما انزل و انا بتهاجمني كذا ذكرة وصلت البيت و ملقتوش فا طلعت و لقيت الباب مفتوح دخلت بهدوء و اول حاجه شوفتها كانت السلسلة بتاعته! مسكتها بأيدي وحشتني اوي! "
- كارما
" لفيت بسرعه وبصتله متغيرش كتير هو احلو شوية و حلق لكن حاسه انوه بقي احسن "
= عامل اية؟
- انتي عاملة اية؟
= كويسة.. انا اسفة عشان اخر مره حقيقي انت ملكش ذنب انك مش فاكرني انا
حط ايده على بوقي و بص للسلسلة: وحشتك ؟
- اكيد دي معاية بقالها كتير ، بس كان اخليها معاك عشان مفضلش افتكر حاجات عبيطه
فضل باصصلي كتير بنظرات غريبة
- هو انت ليه رجعت و ليه قولتلي اجي؟
= مفيش بس كنت عاوز اشوف صحبتي من 15 سنة و حقك برضو تشوفيني
- اها لكن ده لو فاكرني اصلا
= قولتيلي وانتي بتديني السلسلة انك مش عاوزاها لأني نسيتك صح
- ايوه
= و اني اخليها معايه و ابقي ارجعهالك لو افتكرتك
بصتله بتوتر: ايوه برضو ؟
- انا جيت ارجعهالك.
بصتله وانا قلبي هيقف: تقصد اية!!!!
- من 15 سنة كان في ولد و بنت بيلعبوا سوا و في يوم شتوي قارص البروده كانت البنت واقفه عشان بس تودع صاحبها و كانت زعلانه و خايفه ينساها.. وهو كمان كلن خايف اوي لو رجع متفتكروش فا عشان كدا ادالها السلسلة و قالها تفضل فكراه بس ساعتها هي سألت بطفولية طب انت هتفتكرني ازاي؟ فا رد وقالها انا بحبك و عمري ما هنساكي
دموعي كانت نازله ورا بعض من كلمه بيقولها: بس انت نسيتها!!! وحبيت حد غيرها
هز راسه بالنفي: لاء انا كنت طول الوقت فاكرك البنا الى بابا كلن يقصدها انتي انا عمري ما بصيت لحد غيرك هناك عشان ببساطه قلبي كان هنا معاكي
بعياط: يعني انت فاكرني
- انا فاكرك و بحبك
فضلت دموعي تنزل لكن المرة دي كانت دموع فرحه و تحقيق حلمي بعد 15 سنة مروان رجعلي خلاص
= بطلي عياط عشان دمعه كمان و هحضنك و اخوكي الى واقف مستني تحت هيمسكنا بفضحيه
ضحكت و سط عياطي: هات السلسلة
ضحك عليا و فتح ايدي حطها فيها و بعدين باسها برقه: ياتري يا كوكتي تقبلي تتجوزيني
ابتسمت بذهول حتي اسم الدلع الى كان بيقوله ليا زمان فاكره!
- اكيد اقبل يا مارو.!
*********************************
استغفر الله العظيم.
" بعد تلت سنين "
- قفشتك يا زياد
= حضتني يا مروان !
- بتكلم مين
" كان واقف فالبلاكونة بيكلم البنت الى قصاده الناحيه التانيه "
بص عليها لما دخلت: عاجبك كدا؟!
- بتلاغي ها؟
= لاء
- امال
= هتقول لكارما؟!
- عيب عليك!
= انا بحبها اوي
- اها انت بقي بتيجي عندنا كتير عشان تعاكس ؟
= مروان بتكلم جد والله
- طيب حلو مش بقيت شحط وعندك 18 سنة روح اتقدم
= مش هينفع على الاقل ابقي بشتغل مستني بس نتيجة تالتة ثانوي تطلع لكن خايف عشان بتقولي هيعزلوا
مروان هز راسه: اممممممممم
= بس انا بعتلها جواب و كتبت فيه رقمي و الايميل و كل حاجه و بعتلها كمان السلسلة الفضة بتاعتي
- انا شوفت القصة دي فين قبل كدا؟!
ضحك: قصتك انت و كارما اها
= هي اسمها اية؟
- ليلي
= عندها قد اية بقي ؟
- 16 سنة
= طيب حلو يعني دا كارما افتكرتني وهي عندها عشر سنين و انا مديها سلسلة مش فضة كانت بجنيه ونص باين
ضحك: يعني في امل؟!
= دايما في امل و دايما ربنا شايلك الحلو بس الصبر
" مروان حضنه و زياد سلم على كارما ومشي "
- مروان ماروو
= اية ياروح مارو و قلبه و عقله
- كنتوا بتعملوا اية زياد مشي بدري يعني
= اصلي طيرت العصفورة بتاعته
- اية مش فاهمه؟
= تعالي لما اقولك زيزو بيحب و سرق الخدعه بتاعتي لما عرف انها هتعزل بعتلها السلسلة الفضة بتاعته
ضحكت جامد: بتهزر! زياد! كمان نفس قصتنا!؟
هز راسه و هو بيحضنها بحب: احنا مفيش زينا ده ولا المسلسلات التركي و بعدين انا هلاقي فين حد يفتكرني 15 سنة؟!
- وانا هلاقي فين حد يعمل المستحيل عشان خاطر ذاكرته ترجعله و يفتكرني!
= اقولك سر؟!
- قول
= من اول ما شوفتك في حاجات جوايا اتحركت ناحيتك لكن كنت خايف لاني مش فاكر اي حاجه! و خايف اظلمك لكن حسيت بيكي و اتشديت ليكي اوي انا تقريبا حبيتك مرتين؟!
كارما بدهشه: اول مره تقولي الكلام ده
- يمكن هرمونات الحمل بتاعتك بهتت عليا
= بتكلم جد! ليه مقلتش كل ده قبل كدا
- مكنتش حابب افكرك بالفترة دي عشان متدايقيش
= يعني كده انت وقعت مرتين!
- انا بقع كل يوم فحبك احنا بينا وعد يا كوكتي.
*****************************
وفر وقتك… لو بتدور على رواية كاملة وممتعة… اضغط (هنا)
