رواية ايلين الفصل الثاني 2 بقلم مريم عبد الله
رواية ايلين الفصل الثاني 2
لقيتها حضنتني وقالتلي.. د احنا هنشوف بعض كتير بقا!
ابتسمت بخفه وقلتلها د اكيد!
صحيت وصليت الفجر، وماعرفتش أنام بعدها. فضلت قاعدة لحد ما الساعة بقت 8، وجه وقت الشغل.
وأنا داخلة الشركة لقيت عربية فخمة جدًا واقفة، نزل منها شخص ماقدرتش أشوف ملامحه، غضيت بصري وكملت طريقي.
دخلت وسألت واحدة عن مكاني بما إن ده أول يوم ليا. لكن فجأة ظهرت البنت اللي استقبلني من امبارح وقالتلي:
"استني، المكان ده مش بتاعك!"
وقعدتني في ركن بعيد مافيهوش حتى إضاءة كويسة.
وأنا لسه بحاول أستوعب، لقيت حيدر معدي بالصدفة. وقف قدامي وقال باستغراب:
"مين حطك هنا؟ ده مش مكانك!"
لساني اتلجم ومقدرتش أرد، فقلت بخفوت:
"ماحبيتش أعمل مشاكل."
بصلي بحدة وقال:
"وليه على حساب تعبك؟"
وبمنتهى الحزم أخدني وحطلي مكتب كويس وقال لواحد من الموظفين:
"أي مضايقة منها تاني، كلمني فورًا."
اللحظة دي فرحتني جدًا… حسيت إنه واقف في صفي.
بعدها جات ايسل، بصتلي بعينين ضيقة وقالت مازحة:
"إيه يا إيلين، بدأتِ بسرعة كده؟"
ابتسمت لها بخجل وقلت:
"أمال إيه؟"
مرت الساعات… بعض البنات كانوا مبسوطين من نقابي، والبعض زي البنت المستقصداني مكانش عاجبهم. بس أنا كنت بتجاهل.
فجأة، لقيت حد بينادي باسمي بصوت مايكروفون:
"الأستاذة إيلين تتفضل مكتب المدير."
دخلت بخطوات مترددة، لقيت حيدر قاعد ووشه متعصب.
وراني ورق مليان حاجات مالهاش علاقة بيا خالص، حاجات تسيء لسمعتي.
قال بغضب:
"إيه ده؟!"
قلتلُه بصدمة:
"علمي علمك… أنا معرفش!"
فجأة لقيتو بيقرب مني وهو ماسك ورقة تانية، وقال بسخرية:
"وياسلام! واللي تحت ده برضه مش ليكي؟"
كنت هرد وأدافع عن نفسي، لكن الباب اتفتح ودخلت ايسل.
وقفت مذهولة وقالت بسرعة:
"مستحيل الحاجات دي تطلع منها!"
كنت هتكلم وأوضح، لكن حيدر رفع إيده بإشارة يسكتني وقال:
"أنا لسه ماعرفتهاش عشان أصدق إنها صادقة."
الكلمة دي جرحتني أوي… كسرتني من جوا.
قمت من غير ولا كلمة وخرجت من المكتب، وأيسل بتنادي ورايا.
بس أنا مشيت بسرعة، مش شايفة قدامي من كتر الدموع.
خرجت على البحر وقعدت أبص للموج بشرود…
مفيش حد أفضفض له. ماما مش عايزة أزعلها، وصاحبتي اللي كنت بفضفض لها زمان بقت ليها حياة وصحبة تانية.
الحاجة دي وجعتني أكتر.
تليفوني رن… رقم أيسل.
رن ورن كتير… بس أنا عملت الموبايل صامت، وحطيتُه وضع الطيران.
مش قادرة أواجه ولا عايزة أسمع حاجة.
وفجأه.......
يتبع
رواية ايلين الفصل الثالث 3 من هنا
لقراءة باقي فصول الرواية اضغط هنا ( رواية ايلين )
