رواية خالتي حيات الفصل الثاني 2 بقلم كوابيس الرعب

رواية خالتي حيات الفصل الثاني 2 بقلم كوابيس الرعب

رواية خالتي حيات بقلم كوابيس الرعب

 علي بركة الله ..

" خالتي حيات " الجزء التاني .

#حدث_بالفعل 

واخيرا صوتي ظهر وانا بترعش بنتك ؟ بنتك مين ؟ انا معرفهاش ولا شوفتها هي واحفادك .. انا واحدة غلبانة هشوف بنتك فين ؟

بنتي اللي كانت في هيئة كلبة وانتي راعتيها هي وولادها من اكل وشرب  واهتمام .

كل دة عملتيه وانتي متأكدة انه مش هيجيلك من وراه شيء .انا ناويت اكافئك علي معروفك دة .

ازاي بقي مش هيجيني خير .. الراحمون في الارض يرحمهم الله وانا عارف انه ربنا بعتلي الكلبة دي عشان يطبطب علي قلبي في وقت الحزن كان ماليني.

وعارفة ان ربنا بيسوق الخير للانسان اللي يستاهل .

انا مش طالبة منك غير انك متأذنيش وترجعني بيتي ..انا طمعانة بس في كرم ربنا عليا وطالبة رحمته هو بس ..

ازاي أأذيكي يا بنتي انت جميلك لازم يترد .. واكيد الخير ربنا بعتهولك من خلالي ..

ياحراس : جهزولي الهدايا اللي حيات هتاخدها معاها وهي ماشية ..

في لمح البصل الحارس جهز شوالين كبار.. شوال مليان قشر بصل والتاني مليان قشر توم ..

انا بصيت للشوالين باستغراب وقولت فبالي ايه الهبل دة هو انا ناقصة يعني طيب كان خلاه بص وتوم مش قشر .. 

الملك قرب مني وشكرني للمرة الاخيرة وقالي كرم ربنا ليكي مش في الشوالين دول ياحيات انتي صبرتي .. وربنا هيجبر بخاطرك من وسع وقام حط ايده علي راسي .. ومحستش بالدنيا من حواليا .. ولما فقت من النوم لقيت نفسي في اوضتي وعلي سريري .. والشوالين جنب السرير .. 

قمت وانا ناوية اخد الشوالين ارميهم قبل ما جوزي يجي ويقولي انتي اتهبتلي ياولية ايه القشر دة ..

الغريب وانا بشيل الشوالين مقدرتش من تقلهم مع ان القشر بتاع البصل والتوم مفيش اخف منهم ..

ولما قررت افتح الشوالين اتصدمت

الشوالين كلهم جنيهات دهب .. اومال القشر راح فين ؟

المهم جريت علي المكان اللي فيه الفرن ملقتش الكلبة وولادها وهنا اتأكدت اني مكنتش بحلم وان اللي حصلي كان حقيقة .. لما حكيت لحماتي وسلايفي محدش صدقني غير لما شافوا الدهب بعنيهم .. والذهول ماليهم ..

تاني يوم وانا بعمل شغل البيت وفجأة اغمي عليا ..

وجوزي وحماتي خافوا عليا اخدوني جري عالمستشفي وهناك كان كرم ربنا ليا مستنيني لما الدكتور بلغ جوزي اني حامل .. مكنتش مصدقة نفسي والعيل بقي اتنين وتلاتة واربعة .. وطول الوقت بحمد ربنا علي كرمه الواسع ..

الحكاية موقفتش هنا من بعد العيل التاني حصلي حاجة غريبة .. بقت بحلم برجل كبير ملامحه زي الملايكة ..ديما يجيني في احلامي ويحفظني ايات من القران . وكمان طلب مني اشتري جلبية بيضة وطاقية وسبحة مخصوصة ؟؟ ولحد هنا مكنتش فاهمة .. ولوحدي بقيت بعرف اقرأ الفنجان وكان بيتحقق .. لكن الجميل ان اي حد كان بيشتكي من تعب او مس بقيت بقرأ عليه الايات اللي الشيخ بيحفظهاني وكان بعون الله بيخف .. لكن قصاد دة كان جسمي بيتعب ديما ومنهك .. واللي ديما كانت تقول اعمل الخير مهما صغر حجمه ..

ودي كانت حكاية الحجة حيات واكيد كان في تفاصيل تانية بس للاسف ملحقتش اني اعرفها منها ..ادعولها بالرحمة ..

انتظرونا في قصص تانية كتير حصلت فعلا في صفحتنا كوابيس الرعب