رواية صخب الفصل الأول 1 بقلم حبيبة محمود
رواية صخب الفصل الأول 1
-يعني ايه؟
- يا حجة ما قلنا مش هينفع تنزلي بالخيمة ديه
كانت بنوتة لابسة بوركيني محجبات وساع من الي مش بيلزق
اتصدمت وردت عليه بإستغراب : أمل المفروض أنزل بإيه ؟
-بالبيكيني طبعا !
دمعت رفق ومصدومة من تبجح الراجل وفجأة جه اخوها وعرق دماغه لاين من العصبية وعلى وشه حبات العرق وغضبه واضح لما ميار مدته عشان يوقف الي بيحصل وراح ضربه بالبوكس وقع في البيسين ، وقال بصوت عالي: البيكيني ده تلبسه انت مهو أنت أصلا ديوث ففاكر الكل زيك وبعدين هو مش المكان ده بردك مخصص للسيدات انت جيت ازاي أنا هقدم فيكم شكوى ومش هسيبكم انهارده
رد عليه العامل ببجاحة وهو بيطلع من البيسين: يا فندم افهمني ارجوك المدام مسببه زعر للأطفال والسيدات الي هنا وبيحسبوها هتخطافهم من فضلك خدها وامشي
رد عليه وهو بيكمل ضرب فيه : أنت مصمم بردك طب مش هسيب فيك حته سليمه
جه صاحب الفندق والأمن على صوت الزعيق وبيحاولوا يفضوا الاشتباك ده وجه كمان والدهم محمد على صوت آسر العالي وبعده عن العامل بالعافية وهو بيقول بعصبيه: والله ما هسيبه عديم الرجوله ده
رد عليه المدير بكل برود : دي سياسة مكان يا فندم وأدام هي بتسبب زعر للموجودين زي ما فهمت يبقى اتفضل حضرتك خدها وامشي أو تجبلها حاجة تليق بالمكان مش هنسبب رعب للناس كلها عشان جهلكم ده
زادت عصبية آسر وكمان أبوه راح أبوه ضرب المدير بالبوكس و وقعه على الأرض وفضل يضرب فيه وكمان آسر والامن بيحاولوا فيكوا الاشتباك ولكن كلهم ناس محترمه من طبقات متوسطة فاهمين ومتربيين على الدين أو على الأقل العادات والتقاليد فعذرين آسر ووالده لأن ديه بنت وبعد وقت أخد محمد ولاده بالعافية تحت نرفزة آسر وأنه عايز يروح يعلمه الاحترام
-احنا الي غلطانين يا آسر أننا حاجزنا في الاوتيل ده الشركة الي حجزت لنا مش هتعامل معاها تاني وهبلغ محمد عشان يتوصى بيهم استنى عليا
وجه رأسه لرفق الي في حضنه وهو بيطبطب عليها وقالها: اهدي يا حبيبة بابا أنا هاخدلك حقك بس محبتش انكد عليكم أنا هتصرف دلوقتي وطول مأنتي عارفة انك صح متعيطيش فهماني
بتتكلم وهي مش مبطلة عياط: أنا عملت ليهم ايه هو أنا عشان ساترة نفسي يبقى حرام أنا عارفة أنه مكان للسيدات والمفروض آخد راحتي بس شوفت كاميرات هنام فاضطريت البس البوركيني بتاع المختمرات مش البوركيني العادي لكن أنا شاكلي يخوف يا بابا ؟
وكملت عياط بصوت باس جبينها وطبطب عليها وراح آسر أخدها منه واتجه بيها ناحية هيبر عشان يشتري ليها حلويات ويغلس عليها عشان يحاول ينسيها
ميار وهي باصه بلا مبالاة قالت لباباها : يعني أنا منادية آسر عشان بعقلها ويوقف المهزلة ديه وحضرتك جيت زودت الموضوع وافورت صراحة وكمان تروحوا ضاربين الراجل بجد هي لازم في أي حته تفضحنا بطريقة لبسها اللوكال ديه
بص لها والدها بنرفزة ويأس من تفكيرها وقالها: هو انتي بالنسبة ليكي اللبس الي ربنا امركم بيه لوكال بتتريقي على أمر ربنا مش معنى اني بحاول اصبر عليكي وعلى لبسك تتمادي أنا ساكت بس لأجل مغصبكيش وخلي بالك صبري نفذ من تصرفاتك سواء لبسك ولا شلة الانس الي مشيالي معاهم لو متعدلتيش أنا هعرف إزاي اعدلك
بصتله بضيق وتبجح: يعني ايه هو يا ألبس الشوال ده يا أنا وحشة طب أنا حابة ابقى وحشة وصحابي مش باعده عنهم
بصلها باصة ارعبتها وقالها: غوري على الجناح بتاعنا بدل ما تضطريني امد ايدي عليكي وانا عمري عملتها يلا غوري
مشت وهي بتتأفف وتبرطم وهو بيدعي ربنا يصبره عليها وبيكلم نفسه : هي إلي اضطريتني اتعصب عليها وازعق لها أنا مكنتش حابب اتعامل معاهم بالاسلوب ده عشان متحسش اني بفرق بينها وبين اختها بس اعصابي فلتت من الي حصل يا رب صبرني
رفع الموبايل وكلم محمد صاحبه وقاله : السلام عليكم ورحمه الله وبركاته يا محمد بص شوفلي اوتيل يكون في بيسين منفصل وكمان يكون البيسين بيسمح للمختمرات نزوله وكمان هبعتلك اسم اوتيل ترفع عليه قضية سب وقذف وتعدي
- واحدة واحدة عليا بس يا محمد ايه الي حصل فهمني
حكاله الي حصل وهو كل ما بحكي كلمه بيتعصب اكتر
رد عليه محمد بنرفزة مبالغ فيها وهو حاسس أنه أعصابه هتفرقع من النرفزة: متصلتش ليه بيا من بدري كنت أنا انصرفت كنت موت.ه حتى من الضرب انت ازاي سبته ومشيت يلا ابعت ليا اسمه حالا وانا هتصرف
وقفل في وشه السكة ومحمد بعد مكان متعصب بقى هيموت من الضحك على محمد وقال بصوت مسموع: هو ماله ده وضرب كف في كف
جه عليه آسر ورفق وقاله : مالك بتضحك ليه يا بابا
تعالي بس نرجع وأنا هحكيلك
ــــــــــــــــــــــــــــ
في الاوتيل
في اوضه ميار الي في جناح العيلة قاعدة على السرير وبتشرب سيجارة شكلها غريب منفوخة كدا من قدام
-بقى أنا يعمل معايا كدا وعايزني ألبس الخيمة ديه وكل شوية يقارني بيها عااا
بعد الموبايل عن ودنه من الزعيق وبعدين قالها بمكر: اهدي يا ميرا وبالعقل كدا وحاولي تطاوعيه عشان ناخد منه الي احنا عيزينه عشان نتجوز اهدي
-هحاول يا سامر بس بقولك ايه عايزة البودرة بسرعة انزل قابلني في أي حته الي انا مش قادرة ودماغي هتنفجر والسيجارة ديه مش نافعة في حاجة
ضحك وقالها: حاضر اجيلك الاوضة
-أنت بتهزر عايز بابا يموتني
قالها باستفزاز: يا بنتي اتعودي بقى وبعدين ما عادي مسيرنا هنبقى مع بعض يا حلو
-سامر متعصبنيش ويلا اخلص هنتقابل تحت في البارك
رد عليها وهو بيبتسم بخبث:تمام بس بقولك
قدام باب غرفة ميار رفق داخله اوضتها شمت ريحة دخان غريبة فصرخت بعلو صوتها : بابا بابا الحق في حريقة في اوضة ميار
ميار سمعت ده من هنا وقامت تنط من مكانها مش عارفة تستخبي فين عماله تهوي الدخان عشان يروح وهي بتعمل كدا الباب انفتح ووو.......يتبع
#صَخْبٌ
#حَبُّوْب
#حبيبة_محمود
رواية صخب الفصل الثاني 2 من هنا
