رواية ملاك الحياة الفصل الحادي عشر 11 بقلم داليا منصور
رواية ملاك الحياة الفصل الحادي عشر 11
#الفصل_الحادي_عشر_
ملاك كانت واقفه محتاره تلبس إي وكمان مفضلش كتير وادهم يجي وفجأه ؟ لقت حد بيخبط على الباب وبيتكلم بلغة غير مفهومه بالنسبه لـ ملاك .
الخدامه إلينا :
-سيدتي استاذ ادهم احضر لكي هذا الفستان لكي ترتديه في الحفله .
ملاك وهي مش فاهمه حاجه من اللي إلينا بتقوله بس شافت فستان معاها عرفت هي عاوزه تقولها إيه خدت الفستان بفرحة وهي بتقولها.
- شكرا يادينا علي الفستان ...
ملاك قالت اسمها غلط وإلينا مفهمتش ملاك قالتلها إيه وخرجت بعد مدتلها الفستان وملاك بتقول بعد إلينا مخرجت .
-والله البت دي جامدة أنا لو كنت راجل كنت اتجوزتها هيخو هيخو.....
.. بعد مخلصت مغازله في إلينا مع نفسها دخلت تاخد شور وخرجت وهي لابسه بشكير ، راحت نحية الفستان هي لغاية دلوقتي مشافتهوش ، مسكت الفستان خرجتوا من التلبيسه بتاعتوا اتصدمت ؟
الفستان كان جميل جداً بس كان فيه مشكلة واحدة بس، ملاك محجبة والفستان مش للمحجبات بس خافت لو ملبستهوش ادهم يعملها حاجه فقررت تلبسوا وتحاول تشوف حاجه تداري كتافها زي فرو او اي حاجه ، وفعلا لبست الفستان وكانت آيه من الجمال كأنه متفصل خصيصا ليها هي لوحدها..
وفجأه وهي واقفه بعد ملبست الفستان سمعت خطوات وراها وشافت ادهم داخل الاوضه واول مشافها اتصدم من هيئتها الي تخطف نظر أي حد وفضل مركز عليها وعلي جمالها ، بس فاق لم قالتوا .
-إحنا هنروح الحفله امتا...
ادهم سمع الجملة دي وكأن عفريت الدنيا قدامه...
—————————&
عند نورهان .
انت بتعمل إي هنا قالتها بصدمه.
احمد بضحك :
-اي يابنتي مش عوزاني اجي يعني...
ردت الام بحب وهي بتكلم نورهان وبتمثل إنها زعلانة.
-للدرجة دي مش عوزانا يانورهان نخطبك.
نورهان وهي لسه مصدومه :
-تخ... تخطبوني انا .
وبصت على احمد اللي قاعد وهو بيضحك وقلبها بيدق جامد من الفرحة وهي بتقول .
- قول والله ياحمد إنك جاي تخطبني .
ام نورهان بضحك :
- يابت فين التقل ميصحش كده.
ام احمد :
-متسبيها يا ام نورهان فرحانة ربنا يفرحك كمان وكمان يابنتي.
نورهان وهي مكسوفه من تصرفها بس ردت عليها وقالت .
-يارب ياخالتو يارب.
ام نورهان بفرح :
-من النهاردة إنتي زي ملاك يعني تقوليلي يـ ماما وبس.
نورهان بفرحة حضنتها جامد وهي مبسوطه وام نوهان كانت فرحانة إن بنتها لقت عيلة جميلة زي اهل ملاك.
احمد بفرح :
-اي يـ جماعه هو إنتوا هتقضوها عياط كده مفيش اتفاق الفرح هيكون إمتا ياماما والا هو إنتي فرحانة ومش لازم رأي مثلا.
ابو احمد :
-نورهان دي بنتي زيك وزي ملاك يعني واحسن منك كمان والي تقول عليه يتنفز ، وكمان شكلها مش عوزاك مشوفتش مقابلتها...
قال كده وهو بيشوف احمد هيقول إي وبص لنورهان وهو بيقول:
- صح يانورهان.
نورهان بخوف الا يفكروا إنها مش موافقه ويروح منها تاني :
-إلي تشوفوا يـ بابا.
الاب بفرح:
- على بركة الله نقراء الفاتحه (الحمد لله رب العالمين ...........والا الضالين آمين)
ام نورهان بفرح هي وام ملاك :
-لولولولولولولولولولي مبروك يابنتي الف الف الف مبروك ياقلب أمك.
نورهان بفرح :
-الله يبارك فيكي يا ماما.
ام احمد :
-مبروك ياحببتي عقلبال متنوري بيتنا يارب.
نورهان بفرح :
-يارب.
ام احمد :
-تعالي يـ ام نورهان نقعد جوة شويه نسيبهم يتكلموا.
ام نورهان :
-ماشي ياحببتي تعالي افرجك على البيت ونسيبهم يقعظوا شوية..
وقامت هي وام احمد وابوه وخرجوا وسابوهم يتكلموا شوية.
احمد :
-هي السجاده حلوة للدرجة دي.
نورهان باستغراب :
- بتقول ايه مش فاهمهاكيد السجادة حلوة .
احمد بضحك :
-اصل شايفك بصالها من اول مجينا .
نورهان بكسوف مكنتش عارفه ترد .
احمد :
-بصي بقي يانورهان نتكلم في الجد إنتي عرفاني وعارفه انا مين كويس جداً ودا شيء يشرفني إني اطلب إيدك...
احمد محبش يقولها اللي في قلبه قبل الجواز لان كان خايفها ترفض.
نورهان :
-ودا شيء يشرفني إني اتجوز شخص ذيك.
احمد فرح لان ردها وصل وإنها كمان متقبلاه يكون جوزها ، الاهل جم واتفقوا على كل حاجه ، واتفقوا يجوا تاني علشان يحددوا معاد الخطوبة ومشوا اهل ملاك.
احمد روح البيت وقعد مع نفسه وهو بيقول:
- أخيراً كويس اني خدت الخطوة وفاتحت اهلي والا كانت ممكن تروح مني أحنا اه زعلانين على فراق اختي ملاك بس لو هيا موجودة كانت اول واحدة فرحتلي من قلبها انتي فين يا ملاك نفسي اخدك في حضني في وقت زي ده...
الدمعة فرت من عنيه وهو بيفتكر ضحكاته وايامه مع اخته.....
———————&&
عند ادهم كان في الشركة إلي في إيطاليا لان هو عنده كذا فرع في كذا مكان رفع سماعة التليفون وهو بيكلم حد وبيقولوا.
-نعم احضروا فستانا من اجمل الموديلات في إيطاليا لزوجتي وارسلوه لها في القصر.
الشخص : حاضر سيدي سنرسله لزوجتك
ادهم :
- اجل خلال نصف ساعة فقط يصبح عندها الفستان...
قفل ادهم مع الشخص وخد مفاتيح العربية وخرج علشان يروح القصر ، بعد ساعة وصل ادهم القصر وطلع على اوضت ملاك واول مدخل شاف حورية جمال عمره ميقدر يوصفه، بالرغم إنه شاف بنات كتير اجمل منها بس هو مش عارف بتخطفوا بجمالها الهادي بس فاق لم سمعها بتقوله هتروح الحفله ادهم اتعصب جدا وقالها:
-إنتي بتقولي إي حفلة إي إلي هتروحي بالفستان ده شيفاني مركب قرون بروح أمك.
ملاك بعصبية :
-متشتمش ماما وكمان إنت اللي جبته ليا انا محجبة أصلاً.
ادهم بعصبيه :
-انا جبت ده وافتكر الشخص إلي قالوا يبعت الفستان ده كام من اشهر مصممين إيطاليا ونسي يقولوا انها محجبه، نفخ بعصبيه وهو بيقول .
-اه دي غلتطي نسيت اقوله إنك محجبه.
ملاك بتريقه :
-امال بتعلي صوتك عليا وتشتمني ليه لم الغلط من عندك أنت انا ملي بقى.. .
ادهم وهو مدايق:
-خلاص اسكتي علشان اشوف حل...
ومسك التليفون وكلم نفس الشخص تاني علشان يجبلها فستان محجبات .
ادهم بعصبية :
-ما الذي ارسلته ايها الغبي لقد طلبتُ منك فستان جميل وارسلت لي فستان ليس للمحجبات.
لمصم بخوف :
-اعزرني سيدي انا لم اعلم بذلك سأرسل لك فستان اخر حالا.
ادهم بهدوء :
-تمام ويستحن أن يكون جميل هذة المرة وللمحجبات وإلا انت تعلم ماذا سأفعل بك .
قفل ادهم وقال لملام.
-نص ساعة وهيكون الفستان التاني موجود.
ملاك كانت مصدومة من اللي قاله هي مفهمتش كان بيكلم مين بس لم قال في فستان تاني جاي اصدمت لان ادهم كده جابها فستان والاول كان جميل جداً ، دخلت غيرت الفستان وبعد نص ساعة جيه والفستان التاني كان بالون الاسود
ولبست حجاب بنفس الون وكانت اميرة من الاميرات ، ونزلت علشان ادهم كان مستنيها واول مشافها قال في سرة.
-البسك اي بس كل حاجه جميلة عليكي كده بفكر الغي الحفلة ومش لازم نروح مانا مش هقدر اشوف حد بيشوفك واسكت ربنا يسترها ويعدي أم اليوم ده على خير..
ادهم كلم ملاك وبيقول:
- هو احنا لازم نروح الحفلة دي..
ملاك بصدمة:
- يعني مشغلني عارضة ازياء من الصبح وتيجي دلوقت تقولي مش لازم نروح..
ادهم بزهق:
- امشي من قدامي وقال في سره..
ام حلاوتك...
وخدها وخرجوا من القصر وركبوا العربية والسواق طلع في إتجاه حفلة اليلة بأمر من ادهم.....
#استوووب...
ياترى حفلة ايه اللي ادهم واخد ملاك عليها وليه ادهم سافر بملاك؟ استنوني في الحلقة الجديدة....
#الفصل الحادي عشر
#داليا منصور الفرجاني.. Dalia Mansuor
#ملاك الحياة...
رواية ملاك الحياة الفصل الثاني عشر 12 من هنا
الرواية كاملة من هنا (رواية ملاك الحياة)
