رواية جبروت المهداوي الفصل الثامن 8 بقلم داليا منصور الفرجاني

رواية جبروت المهداوي الفصل الثامن 8

#الفصل التامن

#البارت_ده_هدية_ليكم_لاجمل_متابعين 🎁🎁🎁🎁

..... تاني يوم الصبح....

.... عند ايهاب كان قاعد بيفكر في مستقبل بنته وهو عارف حب لين لأفنان عامل ازاي فجأة شاف تليفونة بيرن..

ايهاب:

- الوا يابا..

الحج مهداوي:

- لين والمربية جاين لعندك ياولدي خالي بالك عليهم زين يا ايهاب..

ايهاب:

- امرك يابوي...

قفل الخط وخد العربية بتاعته وراح شقته اللي كان عايش فيها هو ونرمين...

واول مدخل الشقة اتنهد وقال:

- مجيتش هنا من زمان من ساعة مسبتيني يا نرمين مقدرتش اوفي بوعدك واخلي لين بنتنا معايا كنت كل مبص في وشها افتكر انك بعدتي عني بسببها لو مكنتيش حملتي مكنش جالك التعب ده ليه سبتيني يا نرمين قلبي واجني قوي..

ونزل على الارض وهو بيبكي ويقول...

فجأة شاف حد حط اديه على كتفه وهو بيبكي شاف نرمين قدامه بتضحك وتقول:

- كنت ععارفة انك هتيجي وتشوفني علشان كدا استنيتك..

ايهاب بلهفة:

- نرمين امتي هنا معايا كنتي فين قالوا عليكي انك معتش عايشة لكن انا مصدقتهمش..

نرمين وهي بتشاور على قلبه وبتقول:

- انا هنا يا ايها وكمان موجودة هنا..

وشاورت على عقله:

- تعرف أنا كنت واثقة ان بنتنا مش هتبقى لوحدها خالص علشان كدا اطمنت ومشيت بس أنت لوحدك علشان كدا بعتلك هدية حافظ عليها..

ايهاب باستغراب:

- هدية ايه دي مش فاهم..

نرمين بابتسامة:

- هديتي زمانها جاية.

وفجأة الباب خبط ونرمين اختفت ايهاب فضل يصرخ وينادي بأسم نرمين وملقاش ليها أثر وفاق على رن الجرس على الباب مسح دموعه وهو ماشي في اتجاة الباب ولم فتح الباب كانت صدمة....

- انتي مين...

افنان بخوف وتوتر:

- انت اللي مين يا جدع انت وين جوزي أمال..

ايهاب بعصبية:

- نعم بتخبطي على بابي وتقولي أنا مين..

فجأة سمع صوت بنته وهي جاية تجري عليه وتقوله..

- بابا اتوحشتك قوي..

افنان اتصدمت لأنه مش نفس الشكل اللي شافته في الصعيد يبقى الشخص اللي شافته مكنش جوزها قالت بتوتر في سرها:

- يوقعة مطينة ايه اللي عملتيه ده عاد يا مخفية كنتي واقفة وتبصي لراجل مش حلالك..

ايهاب وهو بيهزها:

- انتي مين بقى يا شاطرة..

لين كانت هتتكلم بس افنان وقفتها وهي بتقول:

- انا المربية بتاعت القمورة الصغيرة..

ايهاب باستغراب:

- بس كنتي جايبة سيرة جوزك انتي متجوزة كيف وباين عليكي عمرك صغير قوي...

افنان:

- حكم القوي يا بيه هتدخلنا والا تفوتنا واقفين كده ميصحش جاين من سفر وتعبانين عاد...

ايهاب وهو مزهول منها :

- بس كنت فاكرك ست كبيرة بس كيف هتقعدي هنا معايا لوحدك وانتي بنت مش حاسة ان ده وحش..

افنان بهزار:

- مخبراش ابوي هو اللي قالنا نيجي هنيه وانت اللي عتتصرف أنا اهنيه كرمال لين وبس..

ايهاب بلا مبالاة:

- تمام ادخلي أنا هنزل اجبلكم اكل ليكم وشوية طلبات للبيت..

افنان هزت راسها ونزل ايهاب وافنان دخلت تلشقة اتصدمت وهي بتقول:

- يامري دي شقة والا مقبرة عاد دي كلياتها تراب كيف القبر مش عارفه كيف قاعد اهنيه وهي عفشة كده..

لين بضحك:

- انتي عتكلمي مع حالك يا ماما..

افنان بحزن:

- لاع عكلم الشغل اللي هعمله يعني الحاج مهداوي معرفش يستنى لغاية الخالة ريحانة تصحى وتيجي هي اهنيه مطرحي..

بدأت افنان تكنس وتنضف الشقة ولين ساعدتها...

فجأة افنان سمعت حد بيرن الجرس وكانت خارجة بشعرها ووشها كله تراب هي ولين فتحت الباب وهي مش واخدة بالها..

سليم بصدمة:

- اعوز بالله من الشيطان الرجيم انصرف...

افنان باستغراب:

- في ايه ياجدع انت جاي اهنيه ليه عاد وكمان ايه شفت عفريت اياك لتقول اكده..

لين جريت على سليم وهي بتقول:

- عمو سليم كيفك..

سليم بهزار:

- انا بخير بس مين اللي مشوه وشك كده يالين..

لين بعدم فهم:

- كنا بنضف البيت انا وماما افنان..

سليم وهو بيبص لأفنان بحب ويقول:

- اجمل ماما افنان في العالم كله..

افنان اتكسفت بس افتكرت انها متجوزة حتى لو جواز على ورق ميصحش اللي بتعمله قالت:

- احم رايد ايه عاد من اهنيه..

سليم وهو بيفوق:

- احم دول شوية الطلبات اللي ايهاب قلكم عليهم وعرفت انك مربية لين بجد لهنيكي بعمرك الصغير ده اهتميتي ببنت لسة طفلة...

افنان بهدوء:

- تسلم بس انا مربية بس اما مرات ايهاب بيه بس هي اللي ربت لين..

سليم بحب:

- اه مانا عارف الكلام ده بس كنت بديكي رأي مش أكتر اسيبكم على خير..

مشى سليم وافنان فضلت تفكر في مصيرها هنا وهل هتفضل تمثل كدا زي الحاج مهداوي مقلها تتظاهر انها مش مراته وتقرب منه قالت بتنهيدة..

- ياترى القدر مخبي لينا ايه عاد...

دخلت وقفلت الباب...

.... في مكان اول مرة نروحه كانت البنت واقفة مع شاب وهي بتقول..

- انا اتخنقت قوي منيها طول اليومعمالة تخطط وبس..

رافت بحب:

- سيبك منها المهم احنا عنشوف بعض وخلاص..

ريم بزهق:

- أنا كرهت اليوم اللي جيت فيه على الدنيا دي عاد ومش خابرة هتتحسن حياتي كيف وانا مع الست دي..

رأفت بابتسامة:

- بكرة نخلص ثانوي عام ونتجوز واخدك ونسافر ومعتش ترجعيلها واصل يا حبيبت القلب انتي..

ريم بكسوف:

- صوح الحديت ده يا رأفت يعني عتاخدني منها ومعتش هترجعني واصل..

رافت:

- صوح ولو رايدة دليل على كلامي ده اقدمهولك يا حبي...

ريم:

- لاع ثقتي فيك بالعالم كلياته ومش هقدر اكذبك واصل....

....... عند مرات ابوا افنان كانت بتجهز نفسها علشان تمشي وبتقول:

- هجيلك يا وش المصايب وهخلص منك عاد..

الراجل العجوز:

- بسرعة علشان نلحق ننفز خطتنا عاد..

سنية بكره:

- اخرس عاد مستعجل على ايه يا منيل مش عارفه أنا كان عقلي فين وانا بتفق معاك قبل سابق..

الراجل العجوز:

- علشان انتي خبيثة وانا اخبث منك يا سنية ولو فكرتي تغدري بيا هتلاقيني سابقك بخطوات وهاخدك معايا حتى لو روحت فين...

سنية خرجت بسرعة وركبت مع الراجل وخرجوا من الصعيد وهي متجهة على القاهرة.....

.........

... تاني يوم في بيت ايهاب كان داخل الشقة وهو تعبان لانه سهران طول اليل وشاف افنان نايمة وشعرها مغطي الكنبة كلها سرح في ملامحها بس فاق وهو رايح يفوقها ويقول:

- انتي يا شاطرة ايه اللي منيمك كده ناسية انك مرة متجوزة وفي راجل غريب معاكي في نفس الشقة والا ايه...

افنان بنعاس:

- مقصدش يا ايهاب بيه بس نيمت لين وجيت اهنيه وغفلت ومحسيتش بحالي واصل..

ايهاب وهو بيبص على شعرها ويقول:

- ازاي انتي كنتي عايشة في الصعيد وشعرك سيباه كده انتي مش لسه صغيرة هو انتي مش بتصلي ومسلمة...

افنان بتوتر:

- انا بصلي بس مش لابسة حجاب واصل بلبسه ساعة الصلاة وبس..

ايهاب:

- وده كلام امال جوزك سامحلك كده عادي..

افنان بحزن:

- جوز مين بس يا بيه ده جوز الندامة مش جوزي ومتفكرنيش اني متجوزة عاد انا وهو متجوزين على الورق وبس غير كده مفيش حاجه واصل...

ايهاب اتصدم لان قصتها شبه وحس ان في حاجه مش صح وقرر يسألها..