رواية عروس العمدة الفصل السابع 7 بقلم نور محمد
رواية عروس العمدة الفصل السابع 7
ومرت دقايق بس ولقى عيسي نعمه وقعت على الارض قدامه وهي بترتجف بعنف وشده وهنا عيسي عنيه وسعت بصدمه وزهول كبير
وفجأه نادى بصوت عالي هز البيت من شدته والغضب المكبوت فيه وهو بيقول... امااااااااا تعاااالي هنا دلوووك
عزه اتخضت من صوت عيسى اللي هز المكان حولها وقالت بخوف وصدمه... عيسى فيه ايه هو الاكل ده فيه حاجه والا ايه؟!
عيسي بصلها بغضب وحده وقال... هنشوف دلوك كل حاجه متقلقيش
عزه بصتله بقلق خوف وفجأه لقت امه حنان دخلت الغرفه ووقف قدامهم بصدمه وزهول وهي بتقول... يامرري انت عملت في البت نعمه ايه ياولدي؟!
عيسى بصلها بسخريه وقال ببرود... ده مش عملي انا ياما ده عملك انتي البت كلت من الوكل اللي حضرتيه وبعدها حصل فيها كده
حنان بصتله بعدم فهم وستغراب وقالت... وماله الوكل ياولدي ده زين قوي انا مش فاهمه حديتك ده واصل
عيسى اتعصب من كلامها لانه فاكر انها بتمثل عليه علشان تفلت بعملتها دي فقال بحده وغضب وهو بيشير تجاه الاكل الموضوع قدام عزه... الوكل ده فيه سم ياما والدليل قدامك البت بتترعش زي الدبيحه على الارض قدامك اهه
حنان شهقت بصدمه وزهول وضربت على صداها بحزن ولوم وقالت... بتشك في امك ياعيسى انا احطلك سم في الوكل ياولدي
عيسى بصلها ببرود وحنان غمضت عنيها بموجع وقربت من الاكل وقعدت قدام عزه وهي بتاكل منه تحت نظرات الصدمه والزهول من عيسى وعزه كمان
وفجأه جرى عليها عيسى برعب وهو بيدفع الاكل من قدامها بخوف وقال... انت اجنيتي والا ايه ياما هتموتي حالك كده
حنان ابتسمت بسخريه ووقفت قدامه وقالت بثقه وثبات... لا متجنيتش ياولدي بس الظاهر انك اللي اجنيت من حبك لبت النجار ياعمده انا اهو اكلت من الوكل ومحصلش ليا حاجه واصل
عيسى بصلها بصدمه وندم وبعدها اشار على نعمه اللي مرميه على الارض وقال بزهول.. كيف حصل ده امال البت دي بتترعش كده كيف ياما
حنان سابته وقربت من نعمه وهي بتحاول تفوقها من الحاله اللي اصابتها نتيجه الخوف الكبير وقالت ببرود... البت زينه ياولدي هي بس عندها حاله نفسيه من صغرها لما بتخاف قوي بيحصل فيها كده
عيسى قرب من امه بندم وحزن وقال... حقك على راسي ياما انا بس كنت خايف و
قاطعته حنان اللي سندت نعمه بعد مااخيرا فاقت وبقت كويسه وقالت بحزن وخبيه امل... حصل خير ياولدي انا مش زعلانه منك علشان مقدرش ازعل منك واصل ياعيسى
عيسي بصلها بحزن و ندم كبير من عملته معاها وحنان تهندت واخدت نعمه وخرجت من الغرفه بحزن
وبعد خرجها عزه قالت بلوم وعتاب لعيسى... انت غلطت قوي ياعمده وزعلتها منك قوي روح صالحها دلوك
عيسى بصلها بتفهم وطاعه بس قال....عندك حق انا هنزل اجيب وكل تاني وهروح اراضيها طوالي
عزه ابتسمت له وعيسي سابها وطلع من الغرفه وهو بيعاتب نفسه على عملته دي
وعلى الناحيه التانيه في غرفه حنان
كانت قاعده على السرير وهي بتغلي حرفيا من الغضب وبتقول... اكلت بعقله حلاوه بت النجار دي ولدي اتجن بيها خلاص بقى دي اول مره في حياته يشك فيا انا امه وكل ده لجل بت المركوب دي ماشي ياعزه انا هفرجك اصلك زين
كانت بتكلم نفسها من شده غضبها وضيقها وفجأه لقت عصران دخل الغرفه ووقف قدامها بصدمه وزهول وهو بيقول... مالك ياحنان انتي اجنيتي والا ايه بتحدتي حالك كيف المجانين ليه؟!
حنان بصتله بضيق وغضب وقالت... خليك في حالك دلوك ياعصران انا فيا اللي مكفيني وعلى اخرى دلوك
عصران بصلها بحزن وقال... ماشي ياحنان انا الحق عليا بطمن عليكي ياام ولدي
حنان اول ماسمعته قال كده دموعها اتجمعت في عنيها بشده وعصران تهند بندم لانه عرف انه داس على وجعها فقعد جنبها بندم وحزن وقال.. حقك عليا مكنش قصدي افكرك بولدنا ياحنان انا بس قولت كده بدون وعي و
حنان قاطعته وبصت له بدموع ووجع وهي بتقول... قلبي قايد فيه ناار على ولدي ياعصران ومش هرتاح قبل مااخد تاره.. ولدي اتقتل غدر انا متأكده من كده
عصران بصلها بتفهم وحزن وقال... اهدي وصلي على النبي ياحنان وحق ولدنا عيسى مش هيهمله انتي خابره انه كان متعلق بسعد اخوه كيف
حنان تهندت بغضب وقالت... خابره ياعصران بس ولدي عيسى اتجن بسحر بت النجار ده دلوك شك فيا اني حطيت سم في وكل مرته
عصران بصلها بصدمه وزهول وقال... كيف يعني هو اجن فعلا ولا ايه كيف يعمل كده؟!
حنان بصتله بدموع وقالت... انا مش زعلانه منيه بس ولدي اتغير قوي ياعصران عيسى مكنش كده واصل
عصران حس بحزنها فقرب وضمها بحنان وقال... حقك عليا انا ياحنان انا هتكلم وياه وهفهمه غلطه
حنان ابتسمت براحه في حضنه وقالت... ربنا يخليك لينا ياعصران انا مش عارفه منغيرك كنت هعيش بعد احمد كيف
عصران فرح اوي من كلامها بس ملامحه كلها قلبت لضيق وغضب لما زكرت اسم اخوه احمد المتوفي وقال في سره... هعيش لميته كمان علشان اقدر انسيكي سيرته ياحنان دنا عملت اللي مفيش مخلوق عمله لجل انول رضاكي بس ياقريبه القلب والروح
قال كده في نفسه وبعدها غمض عنيه بندم وحزن كبير على اللي عمله في الماضي في حق اخوه احمد ابو عيسى
وعلى الجهه الاخرى عند جلال وجنه
كانت قاعده على السرير مكانها وهي بتفرك في ايدها بتوتر قدام جلال اللي كان بيراقبها بنظرات كلها اعجاب وانجذاب
لان السدال رغم انه كبير اوي عليها بس كان شكلها فيه يخطف الانظار والقلوب كمان فكان بيتأملها بدون وعي او ادراك
بس فجأه فاق على صوتها اللي كله توتر وكسوف وهي بتقول... احم استاذ جلال حضرتك لسه موجود هنا
فاق جلال من تأمله لها وقال بتوهان كبير.. سبحان من خلق وسوى انتي ربنا خلقك شبه الملائكه بجد ياجنه
جنه سمعته ووجها كله بقى لونه احمر لانها اول مره في حياتها تسمع الغزل الجميل ده من شخص لها فقالت بصوت ضعيف وخجل... شكرا ياستاذ جلال كلك زوق
جلال ابتسم بشده على شكلها اللي زات جمال فوق جماله وروعته وهنا حس انه ممكن يضغف قدامها فحمحم وقال... احم العفو ياقمر.. قال كده وقعت جنبها بس على مسافه مناسبه منها وكمل.. بصي انا جبت اكل كتير اكيد انتي جعانه قوي دلوك صوح
هزت جنه رأسها بهدووء لانها فعلا جعانه اوي فبتسم لها جلال وقرب الاكل لها وقال... انا جبت اكل جاهز سندوشات كبده وسجق وكمان كشري لو بتحبيه بس لو مش بتحبيهم قولي اجبلك وكل غيرهم
ابتسمت جنه وهزت رأسها بسرعه وهي بتقول.. لا لا انا بحبهم قوي شكرا
جلال بصلها ببسمه وقال بهمس وخبث... يابختهم ياريتني انا مكانهم دلوك
جنه سمعت همسه بس اتكسفت ومردتش عليه وجلال اخد باله من كلامه بسرعه وقال.. انا بقول ايه بس استغفر الله العظيم الشيطان ده هيجنني والا ايه؟!
جنه ضحكت بخفه على كلامه وجلال مد لها الاكل وقال بضيق وغيظ منها... كلي وانتي ساكته مش كفايه شكلك العسل اللي مجنني كمان هضحكي ليا هو وانا ناقص ياختي
جنه اخدت من الاكل وبقت تاكل بسرعه وهي بتحاول تداري كسوفها وخجلها الكبير منه تحت نظرات جلال المتفحصه لها بأعجاب واضح جدا
وبعد دقايق خلصت جنه الاكل كله من جوعها الكبير وفجأه قالت بصدمه واحراج... ايه ده انا نسيت اعزم عليك في الوكل واكلته كله اسفه مأختش بالي والله
جلال ابتسم لها على برائتها ولطفها الكبير قدامه وقال... بالهنا والشفا على قلبك ياقمر انا شبعان اصلا عادي المهم انتي لسه جعانه
هزت جنه راسها ببسمه وكسوف وقالت... لا انا بقيت تمام شكرا على الاكل
جلال قال بضيق... مش هقول كل شويه العفو مش بحبها الكلمه دي ومش بحب كلمه شكرا كمان بلاش منها
جنه توترت قدامه وقال بحزن... حاضر اسفه
جلال تهند بقوه لما حس انه زعلها فقرب منها شويه وقال... حصل خير ياقمر المهم بصي انا خابر اني فاجأتك بطلبي ده بس صدقني انا غرضي خير وحابب اقف جنبك الفتره دي وانتي معايا هنا بدون مااحس اني بعمل حاجه حرام انتي اكيد فاهمه كلامي ده زين ياجنه
جنه هزت رأسها بتفهم وقالت... انا فاهمه بس قبل أي شي لازم اعرف انت خطفتني لجل ايه؟!
جلال اتوتر اوي من سؤالها ده فحمحم بارتباك وتوتر وقال.. احم انا خطفتك لسبب معين ومهم قوي عندي بس مهقدرش اقوله دلوك بس بعد كتب الكتاب هقولك كل حاجه حصلت قولتي ايه موافقه
جنه سمعته وفكرت في كلام وحست انها هتغلط لو واقفت بس كان جواها شعور تاني بيقولها واقفي لعله خير لك وعسى ان تكرهوا شئ وهو خير لكم فجأه خطرت في بالها هذه الأيه الكريمه فتهندت براحه وثقه كبيره في اختيار الله لها
وقالت... تمام انا موافقه بس بشرط
جلال اول ماسمع موافقتها ابتسم بسعاده كبيره وقال بحماسه واضحه... اشرطي براحتك وانا مواقف على كل شروطك
جنه اتكسفت من كلامه وقالت بخجل... انا موافقه بس بشرط يكون معايا وكيل من اهلي في كتب الكتاب
جلال اول ماسمعها ملامحه كلها تبدلت من سعاده لقلق وتوتر بس ابتسم بعدها بخبث وقال.. وانا موافق اجهزي باليل هجيب المأزون ووكيلك كمان هيكون موجود معايا
جنه انصدمت من كلامه ازاي هيقدر يجيب وكيل لها من اهلها بعد ما خاطفها قدام البلد كلها
وعلى الناحيه الاخرى عند حماد ونيروز
كان حماد بيبص قدام وماشي جنب نيروز اللي كانت نظراتها كلها مصوبه عليه بتركيز اصابه بتوتر اوي قدامها
فقال بتوتر وارتباك... ممكن ياانسه تبصي قدام على فكره عيب كده انا شاب محترم
نيروز سمعته وضحكت على كلامه بقوه وقالت بسخريه... متقلقيش ياشبه انا غرضي شريف ونيتي خير
حماد بصلها بصدمه وزهول من طريقه كلامها معاه وقال... في ايه يابت مفيش عندك بجنيه كسوف حتي قدامي انا اول مره اشوف بنت كده في حياتي
نيروز ادايقت من كلامه وحست انه فهم هزارها معاه غلط فقالت بحزن واعتزار... اسفه مكنتش اقصد كده انا بس متعوده على الهزار والفرفشه يعني مع الكل
حماد ابتسم لها وقرب منها وهو مركز نظره في عنيها وقال... بس الهزار ده ممكن يوقع جيل كامل في غرام العيون دي وده طبعا خطر على جيل المستقبل ياشبه
نيروز سرحت في عنيه اللي كان لونهم يسحروا وهو قريب منها كده ومردتش عليه بس فجأه لقت حماد بعد عنها وملامحه كلها تبدلت لتعب الشديد وبقى تنفسه غير متنظم وهو بيحاول يتمالك نفسه قدامها
ونيروز اترعبت فجأه من شكله قدامها وقالت برعب وخوف... حماد مالك انت كويس اهدي وخد نفس براحه ارجوك
حماد بصلها بتعب كبير وقال بصوت متقطع من شده سرعه تنفسه قدامها.... انا محـ..محتا...ج الدواااء بتاااعي بسـ.. بسرعه ارجوكي
نيروز قربت منه بقلق وخوف وقالت...حاضر حاضر انا هجيبه لك بس قولي اسمه ايه او بيتك هنا فين اروح اجيبه لك
حماد وقع مكانه بتعب كبير وكل قوته خلصت بسبب حالته دي وقال بضعف كبير...الفون في جيبي خديه رني على مريم هي عارفه العلاج بتاعي وقوليلها تجيبه بسرعه
نيروز جرت عليه واخدت فونه بتوتر وقلق كبير وفتحته ورنت على رقم مريم دقايق وردت مريم عليها وهي بتقول...الوو ايوه ياحماد في اخبار جديده عن جنه و
قاطعها صوت نيروز اللي قالت بدموع وخوف كبير على حماد... حماد تعبان اوي احنا في السوق اللي في نص البلد جيبي العلاج بتاعه بسرعه ارجوكي هو تعبان اوي
مريم انصدمت من كلامها وقالت بصدمه وزهول...حاضر مسافه السكه بس وهكون عندكم بس خدي بالك منه واوعي يغيب عن الوعي قبل مااوصل ارجوكي اوعي... خلي بالك منه
نيروز هزت رأسها بدموع وطاعه وجرت على حماد علشان تطمن عليه بس وقفت متسمره مكانها برعب حقيقي لما لقته مرمي على الارض قدامها فاقد الوعي وفي د*م خا*رج من بقه ووووو
يتبع...بقلم نور محمد
#عروس_العمده
#البارت_السابع
رواية عروس العمدة الفصل الثامن 8 من هنا
الرواية كاملة من هنا (رواية عروس العمدة)
