رواية الوجع الصامت الفصل التاسع 9 بقلم اروي الشرقاوي
رواية الوجع الصامت بقلم اروي الشرقاوي
#الحلقة_التاسعة
فى فيلا فريد يجلس فريد وهند وسالى وجاء عدى وانضم اليهم ليتحدث مع الجميع
عدى :السلام عليكم
الجميع :وعليكم السلام
عدى :كويس انكم متجمعين كلكم كنت عايزكم فى موضوع ايه
فريد :خير
عدى :انا عايز اخطب وعايزك تيجى معايا تطلبها انتا وطنط سالى وهند هتيجى معانا ولا لأ
فريد :ولحقت عرفتها امته
عدى :كانت معايا فى الجامعه وكنا قريبين من بعض وقابلتها الايام دى والحب اتجدد
سالى :مبروك ياعدى اكيد هكون موجوده
عدى :وانتى ياهند هتكونى موجوده صح خطوبة اخوكى وعقبالك
هند والدموع فى عنيها وقلبها موجوع:اكيد عن اذنكم انا طالعه اوضتى
هند سابتهم وطلعت
وفريد بصله بصت لوم على انه هيعمل كده
عدى :هند مالها تعبانه ولا حاجه
فريد :موجوعه بعيد عنك ...اروى الشرقاوى
عدى مش مستحمل انه يسيبها كده
عدى :ممكن اطلع لها اشوفها ياطنط
سالى :هند زى اختك اطلع شوفها
عدى طلع وخبط هند اتفاجأت انه موجود مسحت دموعها وسمحتله انه يدخل
عدى :شكلك مضايق مالك فيكى ايه تعبانه ولا حاجه
هند :لا انا كويسه متشغلش بالك مبروك ياعدى
عدى :حاسك مضايقه منا جيتلك وقولتلك ادينى فرصه وانى معجب بيكى رفضتنى ليه زعلانه دلوقتى
هند :زعلانه لانك اخترت الاسهل بالنسبه ليك عرضت عليا رفضت سحبت نفسك مفكرتش تسألنى وتقف جمبى ليه مستنش ياعدى
عدى :استنى واحده بتقولى بحب غيرك للدرجه دى معنديش كرامه
هند :اسفه جرحت رجولتك مكنتش اعرف انى وحشه كده العموم الكلام بينا خلص مبروك ولوسمحت اطلع دلوقتى عايزه ارتاح
وخرج عدى وفى قلبه غضه وهند ظلت تبكى على حالها
ذهب اسر الى لندن لينهى عمله ويرجع الى بلده وبد مالقى حب عمره
............ ........... ......
اسيل راحت مع ادهم الشقه جابت هدومها هى وايتن
فى المساء فى غرفه ادهم واسيل
ادهم خلاص اعترف لنفسه انه بيحب اسيل وانها مش رنا بس مش عارف يقربها منه ازاى ولا يعترفلها ازاى
اسيل لبست لبس النوم وخرجت من الحمام وكان عباره عن هوت شورت اسود وفوقه بادى ابيض ادهم شافها كده اتجنن
ادهم :انتى لابسه كده ليه ...اروى الشرقاوى
اسيل :ده لبسى الطبيعى مضايقك فى ايه
ادهم :مهو كده حرام عليكى ومينفعش انا بشر من لحم ودم وبحس
اسيل :ادهم مالك فى ايه
ادهم قرب عليها جامد وهى فضلت ترجع لورا لحد مالحيطه وقفتها وهو حاوطها بإيده الاتنين
اسيل بأنفاس متقطعه :ادهم عدينى مينفعش كده
ادهم :مهو مينفعش يبقى فى حد حلو بالطريقه دى انتى جميله اوى يااسيل
وقام بتقبيلها وكان مغيب تمام وهى تجاوبت معه وبعد فتره بعد عنها وهو يلهث ورجع لعقله وانب نفسها ورحل وترك الغرفه
اسيل حزنت بشده وانبت نفسها على تجاوبها معه وبخروجه من الغرفه قالت فى نفسها انه لايحبها وفعل ذلك بغرض الشهوه وانه لايريده وبمجرد ان رجع لعقله بعد عنها وترك الغرفه ورحل
نزل ادهم الى الحديقه جلس على الرجوحه واخذ يأنب نفسه على مافعله
فلاش باك
ادهم وهو كان مع اسيل فى الشقه وهى بتلم هدوم ايتن اتشغلت وادهم استغل الفرصه ودخل غرفتها ولقا مذكرتها على السرير فتحها وقرأ فيها انها نفسها تعمل فرح زى البنات وتلبس فستان ابيض وهو اخد عهد على نفسه انه ميلمسهاش الا اما يعملها فرح ويعرف الدنيا كلها انها مراته
باك
وانا عند وعدى يااسيل مش هقربلك الا لما
اعملك فرح
عند اسيل اعتقدت ان ادهم ندم انه عمل كده وانه بيحب غيرها
........ ......... ......
عند ايتن بتكلم سامر كتابه
ايتن بلغت سامر ان اخوها نزل مصر وعن التغير الى حصل فى حياتها
سامر :انا فرحت عشانك بس قوليلى انتى مين هنزل مصر عايز اتعرف عليكى
ايتن :وهتعملى العمليه وهتاخد فلوس اسر رجع ومعاه فلوس يعنى مش هتعمل العمليه سفلقه...اروى الشرقاوى
سامر :سفلقه انتى منين ياايتن فى مصر بالظبط علشان اعرف اكلمك
ايتن :من اكبر عائلات البلد يابابا بس الزمن .انا الزمن هدنى ولا حد بيودنى
سامر :وكمان مغنيه لا دنا اصقفلك بقا
ايتن :دعونا نعمل فى صمت محبش اتكلم عن نفسى كتير
سامر :منا واخد بالى حضرتك انا ياستى اسمى سامر الشافعى
ايتن :وانا ايتن الصياد وحاليا مقيمه عند ادهم الشافعى جوز اسيل اختى وشويه وهتنقل على فيلا الصياد اما اسر يرجع مصر ...اروى الشرقاوى
سامر :ادهم الشافعى اتجوز اختك وانتى عايشه عندهم ومع صفصف كمان مش تقولى ياشيخه دحنا طلعنا نسايب اهوه
ايتن :انا مش فاهمه حاجه
سامر :انا ابن عمى ادهم وعايش معاهم فى نفس البيت وهعيش معاكى واطلع الى عملتيه فيا عليكى
ايتن :دنا غلبانه والهى ادوخك واحطلك فى الفيلا صورايخ تفرقع فيك وارتاح منك واريح البشريه
سامر :احب ابلغك ياانسه ايتن ان انتى طلعتى من التصنيف العالمى للانوثه
ايتن :ده على اساس انى كنت مقدمه فى ميس اجبت مثلا غور بقا عملتلى خورم فى دماغى عايزه انام ....اروى الشرقاوى
سامر :ربنا على المفترى
ايتن :سلام ياخويا بكره تشوف الافترا على حق
..... ...... ...... ....... ..
ومرت ايام على ابطالنا ولم يحدث اى جديد اسر نهى شغله فى لندن ونقل مصر وساره منعه اى كلام معاه وهو مش عارف يخليها ترجع تكلمه تانى ونقل هو وايتن فى فيلا جمب فيلا ادهم
وادهم واسيل بعد الى حصل بينهم واسيل اخدت جنب وادهم بدأ من الصفر معاها
وعدى وهند حالهم ميختلفش كتير
...... ........ ....... .........
عدى راح لباباه وسالى عشان يروح يخطب وهند راحت معاهم
عدى وقف عند مطعم
فريد :وقفت هنا ليه فين بيت العروسه
عدى :حبيت ابقى مختلف عن الناس وهنتقابل هنا ايه رأيك نحن نختلف عن الاخرون
نزلو كلهم ودخلو المطعم ومكنش فيه حد غيرهم وكان متزين بالورود والبلالين الحمرا وكل مكان مكتوب فيه بحبك ياهند.. هند بتلف حواليها مش مصدقه هى فى حلم ولا فى علم
عدى ركع على ركبته وفتح علبه فيها خاتم وقدمهالها
عدى :تتجوزنى ياهند واوعدك هخليكى اسعده واحده فى الدنيا كلها
هند مصدومه والدموع نزلت من عنيها
عدى بمرح :اخلصى رجلى وجعتنى
هند شاوتله انها موافقه
عدى قام من مكانه وحضنها ولف بيها والاتنين كأنهم فى عالم
فريد :احم احم نحن هنا ايه اخد سالى ونمشى مش مالين عينك نزل البنت وتيجى تطلبها مينى وتشوفنى هوافق ولا لا
عدى :لا دنا مصدقت انها وافقت اخطفها واهرب بيها لازم توافق
سالى :خلاص موافقين ده مجنون يخطف بنتى طلع كويس اهوه ويخلينا نحضر الفرح طب وانتا بترتب كده حددت الفرح ولا مستنينا
عدى :لا انا مبحبش اتعب حد الفرح بعد اسبوع كويس الميعاد مناسبنى خالص وانتو
فريد :لا كده كتير حد يرد عليه بدل ماقتله ردى ياهند ولا انتا جايه تتصدمى وخلاص عجبك الكلام ده
عدى :اعترضى هخليه بكره وانتو احرار
فريد :ماتردى يابنتى
هند :موافقه بس على عندى شرطين عدى هيجى معايا مكان وبعد كده هنحدد الفرح و الشرط التانى هنعيش معاكم
عدى:طب ممكن يافريد يابنى تاخد مراتك وتروحو تقعدو على الترابيزه الى هناك دى وتعملو جو رومانسى على ماشوف الاخت الى شكلها هتتعبنى قبل ماتجوزها دى
فريد مشى هو وسالى
عدى :هتاخدنى فين افهم
هند حكاتله انها متابعه مع دكتوره امراض نفسيه وحكاتله على مشاكلها كلها وكل ده وهى بتعيط ..اروى الشرقاوى
عدى مسحلها دموعها وبلغها انه عارف انها بتروح لدكتوره وان المفاجأه الى عملها دى وطلبه للجواز منها لما عرف من الدكتوره انها بتحبه
فلاش باك
عدى بيكلم الشخص الى بيراقب هند وعرفه العنوان بتاع الدكتوره النفسيه وراحلها ودفع كشف ودخل
الدكتوره :اتفضل يافندم تحب تتكلم هنا ولا ترتاح على الشزلونج
عدى :لا انا مش جاى لانى تعبان ولا حاجه انا جاى اسالك حاجه بخصوص مريضه عندك
الدكتوره :خصوصيات المرضى مبتطلعش
عدى :انتى متعرفيش المريضه دى ايه بالنسبه ليا انا عايز اعرف هى بتحبنى ولا لا وهى بتجيلك ليه ارجوكى عايزه اجابه منك
الدكتوره صعب عليها عدى
الدكتوره :مين المريضه
عدى :هند محمد
الدكتوره :انتا عدى
عدى :انا عدى اكيد هند كلمتك عنى
الدكتوره :كلمته عن حالت هند وانها بتحبه وازاى يتعامل معاها
باك
هند :وعرفت كل ده وعايزنى بردك بكل العقد الى عندى
عدى :هنفك العقد مع بعض بس اتجوزينى احيات عيالك ياشيخه
هند :موافقه وانتا الى قولت هستحملك
وظلو فتره مع بعض والكل سعيد
...... ......... .......... ...... .....
فى فيلا ادهم متجمعين كلهم وايتن فرحانه وبتهزر وساره متجنبه اسر
اسيل :الا قوليلى يااخت ايتن انتى بقيتى فرفوشه اليومين دول ليه كده ده طبيعى كده ولا فى حاجه
ايتن بتثلعم :حاجه حاجة ايه لا عادى فرحانه برجوع اسر
اسيل :اسر وهنصدق صح
اسر :اه صدقى محدش يضايق ايتن هنا غيرى متشوف مراتك ياعم
ادهم :مالها مراتى ماهى حلوه اهى فى ايه بقا طب بما اننا قاعدين مع بعض كده ومتجمعين وساره موجوده معانا ساره متقدملها عريس وانا وافقت عليه
ساره قامت وقفت :وانا قولت مش عايزه اتجوز هو بالعافيه
ادهم :اه بالعافيه وهتتجوزى غصب عنك كل عريس يتقدم ترفضى بدون اسباب
ساره :انا مش عايزه اتجوز ...اروى الشرقاوى
ادهم :ساره اتكلمى كويس والعريس ده هتتجوزيه غصب لان من وجهه نظرى مفيهوش عيب واحد
ساره :انا الى هتجوز مش انتا
صفيه :ساره اطلعى فوق من غير ولا كلمه
ساره طلعت على فوق
صفيه :ادهم العريس ده يترفض اختك مش موافقه مش هتتجوز غصب
ادهم :مهو ياماما كده كتير هى كبرت وبيتقدملها عرسان كتير ايه كلهم مش عجبينها دى حتى مشفتهومش
صفيه :انا بنتى مش هتتجوز غصب
اسر :طنط بتتكلم صح مفيش جواز بالغصب
ادهم سكت قدام كلام الكل وبعد فتره ذهب اسر وايتن وذهب الجميع الى النوم
عند ساره مسكه صوره اسر وبتعيط
عند ادهم واسيل
ادهم تعب من تجاهل اسيل ليه
مسكها من دراعها وهى رايحه تنام
اسيل :سيب ايدى ياادهم
ادهم :مش هسيبها يااسيل الا لما اعرف اخرتها ايه معاكى
اسيل :معايا انا ولا معاك انتا انتا مبتغلطش وكلنا بنغلط صح انا بقا الى زهقت ياادهم وبقولك طلقنى لان جوازى منك كان غلط من الاول وانا الى رضيت على نفسى كده ان اتجوز واحد لسه بيحن للماضى
ادهم :انتى اكيد اتجننتى انتى بتاعت ادهم الشافعى بس وطلاقك مينى يااسيل يعنى موتك جربى تقولى الكلمه تانى
اسيل :طلقنى طلاما مش عارفين نعيش مع بعض ارجوك ياادهم انا تعبت مش دى الحياه الى انا كنت رسمها فى خيالى
واكملت وهى تبكى :انا كنت عايزه اعيش حياه تانيه كنت عايزه يتعملى فرح والناس كلها تشوفنى بالفستان الابيض واقول للناس ده جوزى الى بحبه ومن كتر حبنا لبعض ملامحنا بقت شبه بعضها واروح معاه شهر مش شرط مكان معين المهم نبقى ان وهو وبس ويوم مانخلف الولد يبقى شبهنا احنا الاتنين من كتر حبنا لبعض
وكل يوم يزيد الحب مبينا
انتا عارف انا عملت ايه من كل ده
ادهم :ايه
اسيل :ولا اى حاجه اتجوزت من غير فرح ومن غير فستان ومن غير حب اتجوزت واحد مفكرش يحبنى ويوم ماقرب مينى حسسنى انى رخصيه وانه غلط ان هو فكر يقرب مينى وتقولى مش هطلق كفايه كده عليا انا تعبت بجد تعبت طلقنى وريحنى بقا ارحمنى
ادهم خلاص مش قادر يخبى اكتر من كده:كفايه بقا عايزه تعرفى انا بعدت عنك ليه اليوم ده عشان اخدت عهد على نفسى انى مش هقربلك الا اما اعملك فرح وتلبسى الفستان الابيض زى اى بنت لان حبيتك ونفسى احققلك كل احلامك وعارف انى ظلمتك بالجواز بالطريقه دى انتى الوحيده الى فتحتلها قلبى حسيت معاكى بحاجات عمرى محسيتها بعد مأمنتش لاى ست الا انتى ارجوكى يااسيل انا مس هستحمل انى اشوفك مع حد غيرى
انا بحبك وبعشقك كملى معايا تعالى نفتح صفحه جديده نتعرف على بعض وانا اوعدك احققلك كل احلامك وفتحلها ايديها الاتنين
اسيل مذهوله هو قالها بحبك هو فعلا بيحبها فى الوقت مدتش لعقلها فرصه وسابت قلبها الى يحكم واترمت فى حضنه ونسيت اى وجع وهو كمان حس انه ملك الدنيا كلها وهى فى حضنه
يتبع
رواية الوجع الصامت الفصل العاشر 10
لقراءة باقي فصول الرواية اضغط هنا ( رواية الوجع الصامت )
انتهى البارت
والفصل طويل اهوه.. يارب الاقي عليه تفاعل حلو بقى 😥
