رواية حبه لا يموت الجزء الثاني الفصل الحادي عشر 11بقلم شفق الغروب
رواية حبه لا يموت بقلم شفق الغروب
الفصل الحادي عشر
عده اليوم ده واياد اتصل علي فلكس تاني يوم الصبح يطمن عليه وعرف منوا انو حجز وهيركب النهارده إياد من جوه فرح واول وحدة راح يقلها الخبر ليل
ليل اول ما سمعت الخبر وشها نور ونسيت كل الوجع الضحكة اترسمت علي وشها وكانت هتنزل من علي السرير ولكن خشوع مسكتها وسألتها:
- ريحا فين؟؟؟
- اقول لحياة هي هتفرح اوي
خشوع ابتسمت ليها وشالتها تروح بيها عند حياة
حياة لما سمعت اللي ليل قالتو وهي شيفه صحبتها مبسوطه هي كمان اتبسطت وفرحت ...سعادة صحبتها كانت من سعدتها
خشوع كانت واقفة بتتأمل حياة وليل اللي كانت بتقول لحياة عن فلكس وازاي هو طيب زي بباكي
قطع تأمل خشوع بسنت اللي قالت ليها تعالي نتمشى شويه
خشوع بصت علي حياة وليل لقيتهم بيلعبوا وهما بيتكلموا فا وفقت وراحت مع بسنت كانت خشوع اعده سكته جنب بسنت وبعد مده من الصمت خشوع اتكلمت وقالت موجهه كلمها لبسنت : اول ما عرفت
ان ليل عندها كانسر انهرت حسيت كل حصون الصبر اللي عندي انهارت ليه بنتي دونا عن أي حد ليه يجلها اشمعنا انا عن باقي الناس كان عندي اعتراض غريب انا عمري ما اعترضت علي حاجه بتحصلي ديما بصبر واقول اكيد في خير اكيد في خير في المرة دي لقيتني بقول هو فين الخير...اه الخير ان بنتي الوحيده يطلع عندها كانسر كنت بصه للموضوع ان ده مش عدل يعني انا احاول اتقرب من ربي وهو يئذيتي طب ليه ؟؟ليه ربنا بيعمل فيا كده ؟؟كنت ببص علي الناس وحسه اني الموجوعة الوحيده حسه ان اللي حوليا مبسوطين وانا الوحيده اللي بتألم كنت شيفه ان ربنا مش بيحبني وفكرة ان مفيش خير بس عرفت فين الخير اللي في الموضوع اكتشفت ان ربنا بيحبني لما حطك في طريقي انا مش عارفه لو مكنتش عرفتك انتي وحياة كنت عملت ايه انا من غيرك كان زماني لسه في حالة الإنكار انتي الخير اللي كان في الموضوع بنتك هونت علي بنتي وانتي هونتي عليا سندتيني مع انك متعرفنيش انا عرفت حكمت ربنا كل ما بشوف صبرك بيهون عليا كل حاجه انا مهما عملت عمري ما هاردلك الجميل انا مش عارفه اشكرك ازى
بسنت حست انها عوزاه تعيط من كلام خشوع اللي دموعها خانتها
بسنت ابتسمت وقالت:
- انا اللي المفروض اشكرك انتي متعرفيش انتي وليل عملتوا ايه ؟؟ ربنا بعتك ليا وقت عجزي ليل ملت فراغ كبير كان جوا بنتي مسألتيش نفسك ليه حياة اتعلقت بليل بالسرعة دي؟؟ بنتي رغم أنها كانت بتضحك ديما بس كان عندها أمنية واحدة انا وباباها عجزنا نحققها ليها كانت طول الوقت بتقولي نفسي في اخ او اخت يا ماما اللعب معاهم حاولت علشانها رحت لدكترة كتير بس ربنا ما اردش لما بقيت شيفه الموضوع بيأثر عليها وعلي نفسيها كنت نويا اكذب عليها واقلها اني حامل علشان ضحكتها ترجع ونفسيتها تتحسن بس ابوها رفض وقال ولما تعرف الحقيقة هتبقا احسن بصراحه زعلت من نفسي طب اعمل ايه كنت حسه بالعجز بس حاتم قالي اننا نصبر قلت كاقتراح هحاول الهيها ب اي حاجه استغل كل ثانيه متدهاش وقت تفكر في الموضوع حاتم قالي او ممكن نقلها انو مينفعش دلوقتي نجيب نونو حولي توصللها معلومة انو مينفعش وفعلا رحت وقلت لبنتي اللي كانت زعلانه حاولت أهون عليها كتير حرفيا مكنتش مخليها عوزاه حاجه بس برضو مهما حاولت كان الموضوع مأثر عليها دعيت ربنا باخت لبنتي حياة واستجاب يا خشوع استجاب لدعواتي طول الليل والنهار حياة معتبرة ليل اختها اللي انا معرفتش اجبها علشان كده بتفرح لفرحها وتزعل علي زعلها حياة اتعلقت بليل ومش معتبرها صحبتها لا معتبرها اختها انا كنت محتجاكي اكتر من ما انتي محتاجاني
خشوع لما سمعت كلام بسنت حست بالتعجب يااااا ربنا كاتب كل حاجه بالدقة دي سبحان الله !!!
كل الحاجات اللي حصلت مكتوبة اني التقي بحياة وبنتها وبنتي تبقي عنصر مساعد لبنتها ما هو إلا استجابة لدعاء بسنت وزي ما استجاب لدعائها خلها قدامي تبان اكتر انسانة صبره حطها في طريقي تسندي سبحان الله !!!!
كل حاجه فيها خير ربنا بيحطك في المر علشان لما تدوق الحلو تحس بيه لا الغمة ديمه ولا السعادة ديمه لازم تشوف الاتنين ولازم في الحالتين تحمد ربنا وتشكره علي كل حال خشوع قامت مع بسنت وطلعوا المستشفى تاني واتجهوا علي الاوضة اللي فيها ليل ولما طلعوا خشوع لقيت ليل مسكة فون إياد وبتتكلم فيه بفرح وسعادة كانت بتكلموا وتحكيلوا عن صحبتها حياة وازاي هي بتحبها وعن خلتوا بسنت كانت بيضحك يصوتوا المميز ليل ومتفاعل معها خشوع مقدرتش تمسك ابتسمتها لما سمعت ضحكتوا
واياد كان اعد طبعا مستني الأميرة خشوع تخلص كلام مع ابوها
خشوع اعدت تسمع المكالمه بعد ما بسنت اخدت حياة تمشيها شويه وبعد وقت فلكس قال لليل :
- هقفل دلوقتي يا روحي علشان اللحق الطيارة وهو وقت وتلاقيني عندك وهنفضل نتكلم من غيار ما حاجه تقطعنا
- ماشي يا حبيبي مستنياك خلي بالك علي نفسك
خشوع بصت ليل برفعة حاجب لما قالت لفلكس الجملة دي وقالت في نفسها جوزها ده ولا ابوها
عدت الساعات وفلكس وصل واول ما وصل اخد نفسوا وراح علي محل اللعاب اشتري العاب كل لعبة يخترها يجيب منها اتنين بعدها راح اشتري حلويات كتير متنوعة وراح علي اخر واجهه محل هدايا جاب منوا اكبر صندوقين هدايا لقاهم هناك وراح علي بيتوا اللي قابل فيه خشوع لما وجهه بحياتو البيت اللي كان شاهد علي بداية فرقهم دخلوا وهو بيحاول ميفتكرش اللي دار جوه البيت ده وراح اعد وحطط كل الحاجات اللي جبها قداموا وبدأ يحط جوه صندوقين الهدايا ويرتبهم بكل حب وبعد ساعه كان خلص وكان تعبان من السفر فا دخل نام اول ما خلص علي طول رغم انو كان عوز ينام بس ضبط منبه قبل الفجر بساعه صلي قيام وفضل يقرأ قرآن لحد الفجر وبعد الفجر راح يجهز علشان يلحق يروح ليل من اول النهار قبل ما تصحى علشان لما تصحي تلقيه موجود
فعلا جهز واخد صندوقين الهدايا وركب عربيتوا واتجه علي محل بيبيع ورد واشتري بوكية ورد وبعدها اتجه علي المستشفى ولما راح كان إياد واقف مستنية قدام المشفي إياد سلم على فلكس باشتياق بقالو كتير مشفهوش
إياد اخد فلكس واتجهوا علي الغرفه اللي ليل فيها فلكس كان متوقع انها لسه نايمه فلكس خبط علي الباب لان إياد كان شايل الهدايا اللي جبها فلكس سمع صوت بيعشقوا من جوه الاوضة بيقول جه جه والباب اتفتح فلكس بص علي ليل اللي لما سمعتوا بيخبط جريت تفتح لي بلهفة فلكس اخدها في حضنوا وهو بيدخل الاوضة علشان إياد يدخل يحط الحاجه إياد قال وهو بينزل الهدايا اللي شيلها :
- أستاذة ليل من امبارح وهي كل ثانيه تسألني فلكس جي امتي؟؟
فلكس ابتسم وهو بيحضنها اكتر بعدها باس أديها واعدها علي السرير وراح جاب واحد من الصندوقين وعطاه لليل اللي أخدتوا بفرحة وبدأت تتطلع اللي جواه بفرحة وهي بتنده علي حياة تيجي تشوف
حياة كانت واقفة ورا ممتها بسنت مستخبيه مكسوفه من الوجه الجديد اللي زهر فلكس لف نحيتها وابتسم وراح جاب الصندوق التاني وراح عند حياة اللي كانت مستخبية نزل لمستوها واتكلم بحنان ابوي كأنو بيكلم بنتو ليل وقال :
- انتي حياة اللي ليل فضلت تكلمني عنك واضح انك بتحبيها زي ما بتحبك
حياة استخبت ورا ممتها اكتر
بسنت قالت لفلكس بابتسامه مرحبه:
- معلش هي مكسوفه شويه علشان اول مرة تشوفك
فلكس هز راسو بتفهم وقال لحياة:
- انتي عرفه أن انا كمان كنت بطل زيك وزي ليل وحربت المرض لحد ما خفيت
حياة طلعت من عند ممتها كأن كلاموا لفت نظرها وبصت ليه نظرت تسأل كأنها بتقول ده بجد ليل سابت اللي في أديها وراحت وقفت جنب حياة باستغراب وقالت لفلكس:
- بجد يا فلكس جالك ؟؟!!!
- ايوه يا عيون فلكس جالي وكان صعب وعارف اللي انتو بتحسوا بيه بس انا مكنتش متفائل زي حياة اللي خلتك متفألة انا كنت فاقد الامل في الشفاء
حياة قالت : ماما بتقول ديما مينفعش نستسلم للوجع او للحزن ولازم نقف ونحارب مهما كان ايه قدمنا حتي لو فعلا هنموت يبقي نموت أبطال واحنا بنحاول
فلكس اتصدم من كلام الطفلة وقال بصوت موجوع وهو راسم ضحكة علي وشوا : بس انا بقي يا حياة ملقتش اللي يقلي كده ....ده انا بعدت عن اللي بحبهم
حياة قالت بخضة: ليه يا عمو بعدت عنهم ؟؟!!!
- علشان كنت فاكر انهم هيتعبوا بسببي واني هبقا حمل عليهم
- بس اللي بيحبنا بجد هيشيل معانا الحمل ماما وبابا فضلوا معايا من غير ما يذهقوا علشان بيحبوني وقالو انهم هيفضلوا معايا لحد ما اخف
- وانا هفضل معاكي انتي وليل لحد ما تخفوا يا أبطال
فلكس قال كده وهو فخور بحياة كان نفسوا يبقي زيها كان سعيد انها صحبت ليل سعيد علشان بنتوا كسبت صحبة ذي دي
فلكس بعد ما خلص كلامو بص لحياة وهو بيمد صندوق الهدايا التاني وقال ممكن تقبلي الهدايا دي من عمو علشان انتي تستهليها علشان شجاعة وقوية وشاطره وكمان كلام حلو زيك كده بالضبط
حياة كانت متردده فلكس قال بحزن مصطنع: هتكسفي عمو ؟؟
حياة بصت لممتها تساعدها في حيرتها بسنت ضحكت في وشها وقالت : خديها من عمو يا حبيبتي
حياة اخدتها وليل سحبتها معاها يلعبوا باللعاب اللي جت ليهم
فلكس اعتدل في واقفتوا وبص لي خشوع اللي قالت ببرود مصطنع : الف حمد لله على السلامة
فلكس ابتسم وسحب بوكية الورد وقال وهو مبتسم ابتسامة بردة الله يسلمك ومد ايدو بالبوكية
خشوع قالت: تعبت نفسك
- اتعب واشقي واتمرمط علشانكم
خشوع قلبها دق جامد من جملتوا واياد سحبوا من عند اختوا مهما كان ملوش حق يكلمها كده
بسنت كتمت صرخة فرحة وقالت وهي بتنكش في خشوع :
- طب والله شكلكم جنب بعض عسل وباين اوي يعني انو عوزك
- لحقتي تبينيها يا بسنت ده مكملتش ربع ساعة
- مش محتاجه وقت خالص
قالت كده وبعدها عنيها طلعت قلوب اول ما شافت ليل وحياة بيلعبوا بعروسة بيبي وجريت تلعب معاهم بيها
خشوع بصت لبوكية الورد الي في أديها وابتسمت وهي بتقول في نفسها : لسه فاكر نوع الورد اللي بحبوا
خشوع بصت علي حياة وليل وبسنت وشافت بسنت اخدت العروسين البيبي من ليل وحياة وهي واقف علي السرير وهما مش عرفين يطولوها علشان ياخدو منها العروستين خشوع سمعت بسنت بتقول الحقيني يا خشوع هيخدوهم مني
خشوع ضحكت وقامت تشوف اللي بيحصل
وبعد ربع ساعة كانت بسنت اعده جنب خشوع وبطلع لسنها ليل وحياة بعد ما اخدو منها بفضل خشوع العروستين
خشوع اتكلمت بضحك: ايه حبك في نوع العرايس دي ؟؟
- من وانا صغيرة وانا بحبهم كنت كل عيد اجيبهم ومزهقش منهم كنت بعملهم عيال ولما كبرت واتجوزت ولقيت فرصه انجابي تكاد تكون معدومة رجعت ليهم تاني بقيت بلعب بيهم واهو أحقق حلمي كأني عندي بيبي ولو خلفت تبقا العاب لعيالي
- طيب وربنا كرمك وخلفتي ليه عوزاه تخدي منهم العرايس
- هو انا مقلتلكيش اصل انا الموضوع بقي عندي هواية بقيت بعشق اجمع العرايس دي باشكلها المختلفه واللي معاهم واحد شعرها اخضر والتانية ازرق ودي اول مرة في حياتي اشوف شعرهم لونها كده فا حبيت اضفهم في مجموعتي
- انتي مجنونه بتجمعي التفاهات دي ؟؟
- عوزاه تفهميني انك معندكش حاجه بتحبي تجمعيها ؟؟
خشوع افتكرت هواسها بتجميع الأقلام والمجات اللي حرفيا كل ما تشوفهم تجري تشتريهم
- لا طبعا انا مش بعمل حاجات العيال دي
بسنت بصت ليها برفعة حاجب وقالت: بامارة المج بتاعي اللي طالع من نصوا وردة اللي اول ما شفتيه اتجننتي وفضلتي تسأليني جيباه منين
- ني ني ني ني ني
- ني ني ني ني ني .....حياة انا وانتي هنلعب بيها مع بعض ماشي ؟؟!!
- بس بجد هو جبهم منين؟؟؟
- فلكس ديما بيحب يجيب الحاجه المختلفه المميزة
بسنت قالت بمنكشة: لسه فكرة بيحب ايه
- يا ستي كان عشرة والعشرة متهنش غير علي ولاد الحرام
- صح صح مصدقاكي
مر اسبوع من رجوع فلكس كان جنب ليل وديما معاها هي وحياة هو اتعلق بحياة كأنها بنتوا بالضبط البنت دمها خفيف جميلة وتاخد العقل من اول مرة ميتشبعش من الكلام معاها كأنها ملاك براءة الأطفال بتشع من عينها مجرد ما تبص لضحكتها تنسي همومك علي الرغم من ان المرض كان اخد منها طاقتها اخد منها صحتها بس منطفأطش بالعكس كانت بتمثل القوة علشان هي بطلة ومينفعش تبقي ضعيفه
خشوع في الأسبوع ده بتحاول تبعد عن فلكس بقدر الإمكان
في يوم خلال الأسبوع كان فلكس مع ليل واياد وخشوع وأهلها كانو جيين يزورو ليل وخشوع عرفت أهلها علي بسنت واللي اتضح ان فلكس يعرف الدكتور حاتم وأنهم كانو أصدقاء بس الدنيا فرقتهم
كانت حياة وقفة مع بسنت وحاتم وليل بصه عليهم عوزاه تبقا زيها ابوها وامها مع بعض بيضحكوا كانت حسه بالكسرة ليل نادت خشوع وعيونها متثبته علي حياه وأهلها وقالت : ماما احنا ليه مش عيشين مع فلكس زي ما طنط بسنت وحياة عيشين مع عمو حاتم........
شفقِ الغروبِ
