رواية حب الطفولة الفصل الخامس 5 بقلم ندى ومحمود
رواية حب الطفولة البارت الخامس 5
رواية حب الطفولة الجزء الاول 1
رواية حب الطفولة الحلقة الخامسة 5
 |
| رواية حب الطفولة |
رواية حب الطفولة الفصل الخامس 5
حب_الطفولة بارت 5
فاتنة العيون ؟؟! ليلة اهلك سود'ه ومنيله بـستين نيله يا ندى الـزف'ـته اديكي فض'حتي نفسك عاجبك كده يا عـب'ـيطه ؟ ابقي وريني هـتطلعي قدامه ازاي بعد كده ! 😤 ولا هـتبصي في وشه ازاي وإنتي رايحه تبعتـيله وبكل بـجاحه كمان إنك معجبه بيه ودايبه في هواه ، دابت مصاريـ'نـك يا بت الـجـ'زمـه 😓 طيب هـعمل ايه انا بس ؟ ما هو كده كده لازم اطلع عشان اروح المدرسه ! 😥 .
- اول ما طلعت تاني يوم الصبح كان بـيبصلي بـلهـفه وفي عينيه كلام كتير عاوز يقوله ونظراته كانت بـتلفني من كل الاتجاهات اما انا فـ عملت نفسي هَـب'له ومش واخده بالي علي اي حاجه ، ولا كأني عملت العمله المهببه اللي انا عملتها دي ، قال ايه معجبه بيه قال 😤 !!! ولا بيـنتـله الإعجاب ولا بـصيتـله حتى !!🙄
- هو حس اني خجوله بـطبيعتي ومحاولش ولا مره يتكلم معاي او يقرب مني ، فضل مراقبني في الرايحه والجايه لمدة 3 شهور ووقتها كانت إمتحانات الاعدادية قربت .
- فجأه لقيت أمي شَدتني من إيدي ومدخلاني اوضتي واتخضيت من طريقتها في الكلام : ندى هـسآلك سؤال بس عايزاكي تجاوبيني بـصراحه زي ما اتعودت منك على كده وانا عارفه إنك عمرك ما كِدبتي عليا !
- خير يا امي مالك ؟
- هو انتي اتكلمتي مع محمود اخو سعاد ؟! اتخضيت وبـلعت ريقي بـصعوبه : انا ؟!! واتكلم معاه بصفته ايه ؟!
- مش عارفه بس هو يعني ما حاولش يتصل بيكي مثلاً او يبعتلك مع اخته سعاد ولا يوصلك اي كلام ؟!
- هو فيه ايه بـالضبط يا امي ما بلاش لف ودوران ؟!
- بصراحه هو امبارح جِـه لابوكي وطلب ايدك منه
الصدمة خلاتني اقع - محمووووود طلب إيدي انا ؟!! والله ما اعرف غير منك ، طيب وابويا قاله ايه ؟
- ابوكي كان هـيضربه ما انتي عارفه عصبـيته ، قاله إنت مش مكسوف من نفسك وانت جاي تطلب ايد طفله في الإعدادي ولسه ما كملت 14 سنه حتى ؟ دي قد اختك سعاد اللي لسه بتلعب لحد دلوقتي إستُغمايه و بـرا البيت كمان ؟ 😡
- كنت بـضحك ضِحك هستيري وانا سامعاها بـتحكي وخايفه يا حد يسمعها
- قولتلها : وهو قاله ايه ؟
- ولا حاجه كان هـيموت من الكسوف قاله وانا ايه اللي عرفني لإنه شكلها بـيقول غير كده 🙄😥 .
- بعدين امي بـصتلي وبرقتـلي بـعينيها : انتي يا بت يا ندى اوعي يكلمك وتردي عليه دا انا كُنت ادفـ'نك 😤
- ما تخافيش يا امي انا اصلاً مش بتاعت الكلام دا ، بس انا في سري كُنت بَـتمني اسمع منه حتى نص كلمه بس 😂😊
- المهم عدت امتحانات الاعداديه وطلعت الاولى على دفعتـنا وخدنا الاجازه ، وكان فرح زهره اخت سعاد قرب وبـصراحه كانت نظرات محمود ليا كتيره وخوفت يا حد يحس بـحاجه ، اتحججت بـأي كلام لـ سعاد والمهم قولتلها انا مش هـقدر احضر الفرح قالتـلي بقى صاحبتي وعِشرة عُمري ما تحضرش فرح اختي ؟ والله لو ما جيـتي يا ندي لا انتي صحبتي ولا اعرفك حتي وزعلت مني جامد وخاصمـتني اسبوع ، وكنت عايزه اراضيها باي شكل لانه مهانش عليا عِشرتها وقولت اروحـلها وامري لله ، كنت قاعده وقتها انا واخويا واتفقت مع امي اني مش هـروح خلاص بس رجعت في كلامي في آخر لحظه و لبست فستان وردي وطرحه بيضاء وطلعت عندهم شوفته من بعيد كان واقف مع خاله ولابس طقم كحلي كان طالع فيه زي العسل ، اول ما لَـمحني لاقيته نغز خاله في كتفه وبصو لـبعض وضحكو بـخب'ث . انا كنت هَـموت في هدومي لاني كنت حاطه ميكب خفيف وانا عمري ما حطيته قبل كده ، ده غير ان خاله ممدوح كان المدرس بتاعي من حظي الهباب ، وكان تقرييا من سن محمود وكمان اعزب ، والمهم اول ما وصلت قدامهم قولت احط وشي فـ الارض ولا كأني شوفتهم وادخل جري قبل ما حد يلاحظني لاقيته بـيقولي :
معقوله يا ندى تتكبري على المدرس بتاعك تعدي عليه حتى من غير ما تسلمي؟
- اتلبكت وبلعت ريقي وقولتله بـكسوف : مش انا اللي اتكبر على مدرسيني إزيك يا استاذ ممدوح 😓، قالي مبروك النجاح سمعت إنك طلعتي الأولى ، قولتله الله يبارك فيك ودخلت جري وانا مش قادره حتى آقف على حيلي ورجليا وايديا بـتترعش ، اففف بقي دا ايه الموقف الباي'خ دا اللي انا حطيت نفسي فيه أكيد قال لِـخاله على الرسايل وفضي'حتي هـتبقي بـجلاجل وسيرتي هـتبقى بعد كدة على كل لسان ؟ والله وبقيتي مسخره على آخر الزمن يا ندى 😭
جاري كتابة باقي فصول الرواية أترك تعليق او عاود زيارتنا
