رواية حب الطفولة الفصل السادس 6 بقلم ندى ومحمود
رواية حب الطفولة البارت 6
رواية حب الطفولة الجزء الاول 1
رواية حب الطفولة الحلقة السادسة 6
 |
| رواية حب الطفولة |
رواية حب الطفولة الفصل السادس 6
حب_طفولة بارت 6
كانت دي اول مره محمود يسمع صوتي فيها ، سبتهم ودخلت الفرح وجِوا بقى مش هـاحكيـلكم ايه اللي جرالي من إمه وإخواتها !
- كانوا بـيلاحقوني بـنظراتهم وبـيتهامسو عليا هيا دي ! هيا دي ! ايوه هيا ، وكل شويه الاقي واحده بـتبصلي بعبط وبـتبتسمـلي
-وأمي طبعا لاحظت نظراتهم وملاحقتـهم ليا وكانت بـتبصلي بـ غل وبـتشاورلي اقوم اروح البيت
- وبعد شويه عملت نفسي تعبانه وقولت لـسعاد انا مش هـقدر اكمل الفرح وخدت اخويا معايا عشان اتحجج بيه وطلعت من الناحيه التانيه بعيد عنهم عشان ما ارجعش لنفس الموقف دا تاني ،وشوفت محمود هو وبـيلاحقني بـنظراته لحد ما اداريت عنه ، اول ما وصلت البيت وديت اخويا ينام مع جدي ودخلت اوضتي وقعدت افكر فيه : شكله كان زي العسل وكأنه هو العريس 😍
- قطع تفكيري خَبط الشباك وقومت اشوف فيه ايه لاقيت ورقه صغيره واقعه تحته فتحتها اقراها لَقيت " صوتك حلو يا مـدوبني "
- ارتبكت وخبيت الورقه وبصيت لَقيته حاطط كرسي قدام شباك اوضتي وقاعد هو وخاله .
مسكت الورقه حَضنتها وانا مش مِصدقه اللي بـيحصل معايا دا !
- عدى على الفرح اسبوع وجات سعاد على شباكي واول ما البنات شافوها جايه جُـم جري : فيه ايه يا سعاد وايه الأخبار ؟؟
- تعالوووو كلكم عشان تعرفو إيه آخر الاخبار !
- محمود اخويا هـيجنن أمي كل شويه يقولها روحي اطلبيـلي إيد ندى قبل ما واحد تاني يخطفها مني .
- والبنات كلهم كانو مصدو'مين ! اييييه محمود عاوز يخطب ندى !!!!
- انا بـتصنع الصدمه : ايه اللي انتي بـتقوليه دا يا سعاد ؟!
- والله زي ما بـقولكم كده 😂 دا حتى من قبل فرح زهره وهو كل يوم بـيكلم امي عشان تجي تتكلمـله علي ندى وامي مكانتش بـتوافق وتقوله اصبر لحد ما يخلص فرح اختك وبعدين نفكر فيه الموضوع دا ، وانا امبارح بس اللي سمعت بـالحكايه دي وا ما صدقت الليل يخلص ويطلع النهار عشان أجي اقولكم الخبر ! 😁
- البنات : ياااااه ندى هـتتخطب معقووووله دي ؟! واحنا اللي كنا عاملينـه تحدي قال وفاكرينك خسرتي فيه وهو اصلاً كان ناوي يِجي يُطلب إيدك ومن غير ما تعملي حاجه ! ودلوقتي هـتتخطبي قبل بنات الحي وساعتها كُلهم هـيبقو شايفين نفسهم عوانز 🤣
- فِضلو يضحكو ويهزرو و سعاد تقولهم انا مش مصدقه إنها ندى هـتبقى مِرات اخويا ، وانا كنت في سري خايفه لـحكايه الجوابات تتفضح وانكشف قدامهم بدعي ربنا بس تمر الحكاية دي على خير 😣
- قالتلي سعاد اعملي حسابك أمي جايه عِندكم النهارده تفاتح امك في الموضوع اعملي نفسك ما تعرفيش ولا كأني قولتلك اي حاجه وانا كنت عارفه ومتأكده من النهايه : اهلي مستحيل يوافقو يجوزوني في السن دا .
- جات امه بعد المغرب و أمي رحبت بيها وهيا كانت عارفاها جايه ليه .
- شوفي يا ست نبيله انا عارفه إنه عندك فكره عن الموضوع ما هو المحروس ابني كلم الباشمهندس ، بس انا عايزه ادخل من الباب حسب الاصول ، الواد حاطط عينه على بنتك ندى وعاوز يتجوزها على سنة الله ورسوله .
- لا اله الا الله واللهم صلِ وسلم على سيدنا رسول الله ، يا خديجه ياختي انتي عارفه معزتك عندي إنتي وولادك وعارفاني معتبره سعاد زي ندى بـالضبط ، بس في دي والله العتب عليكي ما تآخذنيش يعني في الكلمه دي !
- ليه بس يا نبيله يا ختي ؟
- ما انتي عارفه إن البنت من سن بنتك سعاد ولسه في الاعداديه يعني ينفع اللي بـتعملوه دا ؟ معقوله جايه تطلبي إيد عيله لسه بـتدرس في الإعداديه ؟
- يا ست نبيله وهو احنا قولنا جواز ؟ انا كل اللي عايزاه بس إنكم تدوه كلمه إن البنت هـتكون من نصيبه وهو مستعد يستناها لحد ما تخلص علامها .
- أمي محبتـش تكتر كلام معاها وقالتـلها اما اشاور جوزي الأول وابقي اقولكم رده ، وامي يادوب هـتفتح مع ابويا السيره وعينك ما تشوف الا النور 🙄😂
- ابويا عصبي وقالها كلمه زياده عنه الموضوع دا وهـتاخدي هدومك وولادك وتغوري على بيت ناسك البت لسه ما كملت اربعطاشر عايزه من دلوقتي تدخلي في راسها فِكرة الجواز والحب والكلام الفارغ دا وتخليها تتلهي عن دراستها!
- امي كانت بـتخاف من ابويا مو'ت ومن يومها ما جابتش سيره وقالتـلهم ابوها مش موافق وعشان تكونو مرتاحين هو مستحيل يجوزها لحد دلوقتي لا لـمحمود ولا غيره ، مادام البنت بـتدرس مفيش جواز ولا خطوبه دلوقتي الا قبل ما تخلص الثانويه العامه
- لما سمع محمود الكلام دا من امه إطمن وقال معلش نُصبرو وامرنا لله
- عدت الإجازه وابـتديت ادرس في الثانوي والمدرسه بـتاعتنا كانت بعيده مش في نفس البلد يعني وكان لازم اركب مواصلات ، وانا كنت لسه صغيره وما اعرفش اروح منين ولا آجي منين ولا كنت كمان من النوع اللي بـيحب يسأل وكده ومفيش حد كان بـيدرس معاي من حينا الا امينه بنت جيراننا .
- امينه بيضاء وحلوه قوي ودمها عسل امها مطلقه ومتجوزه واحد تاني غير ابوها وعايشه مع جوزها في السعوديه وهيا كانت عايشه مع جدتها ست كبيره شويه وبيتهم كان قريب من بيت محمود ، كانت جريئه واكبر من سنها وبـتخالط البنات الاكبر منها وبـتعرف كتير وامي كانت بـتشجعني إني اختلط بيها عشان ابقى شاطره زيها قال .
- بقيت اروح معاها وارجع معاها في اول ايام الدراسه بس ، لأنه ايمن اخوي كان معارض بـشده وجودي معاها كان دايما يحلف لامي لو شافني معاها تاني لـيكون مقعدني في البيت ويفضل يلـ'عـن في ابو العلام كله ، وقام متحجج لابويا إن البنت دي مش كويسه وراح مطلع عليها اشاعات إنها بنت مش مضـب'وطه وبـتعرف شباب يعني وكده ، وقال لابويا اني هـأمشي في سِكتها لو صاحبتها.
- والمهم عشان انا اشتري دماغي بعدت عنها خالص بقيت اروح معاه هو ، كنا بـنطلع انا وهو الاتوبيس سوا بس بـيفضل بعيد عني ، هو اصلاً كان بـيدرس معاي في نفس المدرسه بس كان في آخر سنه
اتعرفت على شِلة مجانين كنت بـقعد معاهم لما نطلع من المدرسه في الفُسحه وكنا بـناكل اكل خفيف سوا
كنا بنروح نشتري اكل خفيف من عند واحد قريب ونرجع نِقُعد ورا المدرسه لانه كان فيه اشجار والمكان دا تحفه وكنا بـناخد راحتنا فيه ناكل ونريح لحد معاد الحصه الجايه
- عدى اربع شهور ماكُنـتش بـشوف فيها محمود الا مره ولا اتنين كل أسبوع ، كنت بـفتح الشباك اشوفه واخليه يشوفني لمدة دقيقه ولا اثنين نتبادل فيهم نظرات الشوق لاننا عمرنا ما اتكلمنا عيوننا اللي كانت بـتتكفل إنها تقول كل الكلام وكنت عارفه إني واحشاه زي ما هو كمان واحشني بـالضبط ، لكن ما بـاليد حيله لانه مكانش في إيدي حاجه اقدر اعملها غير كده ما هو انا كمان كنت مقيده بـدخل واطلع مع أيمن بس وطول ما انا ماشيه معاه كانت بـتبقى راسي فـالارض ودا قانون مطلق 🙄
جاري كتابة باقي فصول الرواية أترك تعليق او عاود زيارتنا
