رواية حب الطفولة الفصل الاول بقلم ندى ومحمود
رواية حب الطفولة البارت الاول 1
رواية حب الطفولة الجزء الأول 1
رواية حب الطفولة الحلقة الاولى 1
 |
| رواية حب الطفولة |
رواية حب الطفولة الفصل الاول 1
حب الطفولة البارت الاول
محدش فينا مكانش عنده في طفولته او مراهقته حد قلبه يدُقـلـه و يهتم له و اللي هو اول حب في حياته ، سواء صديق دراسه او ابن جيران او حتى قريِب ؟ الحب دا هو اللي بـيكون اطهر وأنقى واسـمي انواع الحب لأنه بـيبقى بريء وخالي من أي مصلحه او رغبه وخلافُه .
الحكايه دي قصتي انا وابن جيرانـنا محمود وهيا مش بـتشبه اي قصة حب كلاسيكيه عرفتوها قبل كده ، نِقدر نقول انها ابتدت بـلعبة بنات أو نقدر نسميها لعبة القدر بس مين قال انها هتكون السبب في بداية أروع قصة حب و نهايتها أجمل نهايه 🥰
- اعرفكم بنفسي الاول وبـأبطال القصه بسرعه
- اسمي ندى انا التانيه في اخواتي الاربعة ملامحي جميله وبشرتي بيضاء وصافيه ، عيوني خُضر على عسلي يعني خليط ما بينهم إتخيالوها بقي زي ما يعجبكم 😁 شعري اسود طويل.
اخويا ايمن اكبر مني ب 3 سنين ابيض طويل ، عيونه سود وحليوه يشبه الممثلين الاتراك بس كان مغر^ور شويه بـجماله
رهف : اختي اللي أصغر مني ب3 سنين و قار^فاني في عيشتي بدلالها و طي^شها و دايما نقرها من نقري كأننا أعد^اء
و يوسف آخر العنقود أصغر مني بعشر سنين.
أما شِلتي : سعاد وليلى ومنال ؛ جماعة الاش^رار دول هما بنات الجيران اللي كانو من نفس سني واللي كِنُا بـنلعب سوا من واحنا صغيرين .
سعاد : قصيره وبيضاء شعرها أصفر وعيونها خُضر وملامحها رقيقه ، ما كملتش تعليم وقعدت في البيت.
ليلى : سمراء وهزيله مش حلوه قوي لكنها مقبوله شكلاً وبـتدرس في نفس صفي .
منال : قمحاويه متوسطة الطول لون عينيها اسود شعرها اسود قصير بـتحب الازياء والموضه والبرفانات وقَـصَات الشعر القصيره كانت عايزه تطلع كوافيره عشان كده سقطت و بطلت تعليمها 🙄😁 .
- بطل القصه وهو اهم ما في الموضوع فـ هو : محمووود :اسمر عيونه عسليه متوسط الطول( انا اطول منه😭 ) بس مقبول وملامحه فيها جاذبيه خصوصا عيونه وعنده فَـلَـلَـهْ في اسنانه كانت مخليه شكله زي القمر كل ما بـيبتسم ، محمـود كان اكبر مني بـ 8 سنين وصل للثانويه العامه وسقط وما رضيش يكمل ، وقرر إنه يشتغل في التجاره ، كان بـيجيب سلع مستورده ويـبيعها في الاسواق مكانش ليه محل ثابت يعني ده غير شغله مع ابوه في ارضهم .
-اهل محمود كانوا ساكنين ورانا وعلى فكره احنا ساكنين حارة يعني البيوت كلها كانت ارضيه ، كانت عندنا تقاليد غريبه مش بـتشبه تقاليد اي حارة ! كانت البنات هيا اللي مسيطره عليها كنا كل مساء بـنتلم ونـقـعد برا قدام بيوتنا متجمعين ف ثلاث مجموعات ، مجموعة الآنسات اللي ما بين 16 و 20 بـيقعدو لوحدهم ودول كانو قليلين أدب بـيتكلمو عن احبابهم والحاجات دي 🤐
ومجموعة البنات اللي ما بين 11 و 14 بـيقعدو لوحدهم وانا كنت منهم .
ومجموعة الاولاد الصغيرين اخواتنا بـيلعبو قدامنا وفي جماعات ، وطبعا هـتسالوني عن الشباب و الرجالة بيروحو فين طيب ؟
- دول بقى كانو بـِيسيبونا احنا ناخـد حريتنا في الحارة و هما بـيطلعو يتجمعو يا اما في جـنينه بعيده شويه عننا او قدام فيلا ودي كانت مش مسكونة بتاعت ناس مغتربين ، فيها جنينه صغيره مفتوحه كانو بـيقعدو قدامها َوياخدو راحتهم هناك ، بـيتنا احنا كان في اول صف بالحارة يعني كنت بـقدر اشوف الجنـيـنـتين دول و كمان على طريق عام.
وبيت محمود كان في الصف اللي ورانا .
كنت معجبة بمحمود من وانا صغيره إعجاب براءة ، يعني تقريبا كده مِن وانا عندي 8 سنين وبحب اتـتبعه بـعيوني من غير ما يلاحظني وخصوصاً إنه اخته سعاد كانت دايما لازقالي ومش بـتسيبني اخد راحتي أبداً 🙄 المهم انا كنت دايما بـروحِلهم وبِـنُدخل اوضته وبـنـفـتش انا و هي في حاجاته ، واول ما كان يجي كان يضربنا انا وهيا 😅 ومع ذلك ما كناش بـنحرم ، كنت بحب أقلب في حاجاته واشم بارفانه ، والمس هدومه وافضل اتَخيَلُه واحلم بـيه ، كُـنت بـحس إحساس جميل بس بريء ما هيا كانت احلام طفوله اصلا .
وكنت كل ما اكبر اعجابي بيه بـيزيد ومفيش حد كان عارف و حتى انا مكنتش عارفة افسر طبيعة الشعور ده.
- لما بلغت سن اثناشر اتحولت في ظرف شهرين واللي هوما كانوا اجازة الصيف من بنت رفيعه والشمس حارقاها و شعرها منكوش لواحده بيضاء جذ^ابه وتمتلك كل مقومات الانو^ثه طول بـعرض بـجمال ، وطبعاً مكانش ينفع اقعد مع الانسات لاني كنت صغيره في السن وكلامهم كله كان عن الشباب ومعاكس^اتهم.
ولا ينفع كمان اقعد مع شِلتي لانه شكلي كان بـ يشبه ست متزوجه مش بنت 12 سنه 😥 وما ينفعش اطلع برا البيت بردو ، ابويا خاف عليا وحبسني وكان مانعني إني اطلع منه خالص بعد ما اتحجبت طبعا.
- سعاد مكانش هاين عليها حبستي ف كانت دايما هيا والبنات بـيـيجو يقعدو جنب شباكنا عشان ما يسيـبونيش لوحدي واتعودنا نتقابل كل يوم الساعه 5 المساء عشان نلعب ونعمل مقالب ، ومع اني كنت خجوله بس مع شِلتي كنا جماعة اشرار وبـنعمل مقالب ما تخطرش على بال اي حد .
عندنا مثلا لعبه غبيه لكنها لعبة طفولتنا عقل اولاد بقى 😂
كنا كل مره نعمل تحدي لواحده فينا ونطلب منها طلب إن نجحت يبقى تطلب اللي هيا عاوزاه ، وإن خسرت تشتريلنا ساندويتشات فراخ ( مش قولتلكم لعبه عبي^طه ؟؟😅
جاري كتابة باقي فصول الرواية أترك تعليق او عاود زيارتنا
