رواية حب الطفولة الفصل الرابع 4 بقلم ندى ومحمود
رواية حب الطفولة البارت الرابع 4
رواية حب الطفولة الجزء الاول 1
رواية حب الطفولة الحلقة الرابعة 4
 |
| رواية حب الطفولة |
رواية حب الطفولة الفصل الرابع 4
اول ما طلعت عالمدرسة بـبص الاقيه قاعد قدام الفيلا وبـيبـتسم لي، وطبعا مفيش اي طريق تاني اروح منه يعني ضروري أعدي من قداامه !
يا نهارك مش فايت يا ندى ؟ هـتعملي ايه في البلوه دي ؟؟ دا عمره ما صحي بدري في الساعه دي ومتعود ينام لـبعد الظهر ودي عوايده ! اعمل ايه طيب ارجع البيت وما اروحش ؟ بس بلاش ع'بط ما تروحيش ازاي ؟ هو يعني كان طريقه لوحده ؟
كملت طريقي وانا عامله نفسي مش واخده بالي بس كنت ملخو'مه لدرجة اني كنت هـمووو'وت في هدومي ورجليا بـتخ'بط في بعضها وخصوصا اول ما وصلت قدامه كنت هـأقع من طولي ، وهو شغال يـبصلي من فوق لَـتحت بعدين اتنهد تنهيد'ه طويله .
عدى شهر على وانا كل ما اروح المدرسه الصبح الاقيه قاعد يبصـلي ولما ارجع الاقيه قاعد مستنـيني وفي نفس المكان
- طيب وبعدين بقى ؟ 😤 ما يكونش شك إني انا ؟؟ طيب هـاعمل ايه لو كان عرف الموضوع ؟ ما هو في الاول كان بـيبص في كل مكان تايه لكن دلوقتي مش بـيبص الا على بيتنا وبس ؟ وايه معنى إنه بقى بـيستناني كل يوم ومغير مواعيد نومه وشُغله !؟ يا فضيح'تك يا ندى لو اكتشف إنك انتي اللي بعتي الرسايل !! يا غباو'تك يا بت الهـب'ـله هو معقوله فيه بنت عاقله بـتقول لواحد انا معجبه بيك 😤 ؟ جاتك خ'يبه تاخدك انتي وافكارك التاف'هه يا شيخه 😡
- وطبعا بعد شد وجَذب كتير قررت إني اقطع الشك بـاليقين وابـعتـله رساله اخيره وهيا اللي هـتحدد اذا كان عرفني ولا لا .
بعد اسبوع من إرسالها كنت واقفه انا وسعاد وبـتحكيلي على المقلب بتاع منال بس انا مكنتش مركزه معاها خالص من كتر تفكيري في اخوها ، فجأة لقيته طالع من بيتهم وبـينادي على سعاد ، قفلت الشباك وفضلت ابص عشان اعرفه عاوز منها ايه ، قام مطلع جواب ومِديه لـ سعاد : ممكن تِدي الجواب دا لـصاحبتك ندى ؟
- ردت سعاد بـع'بط : وهو فيه ايه الجواب دا ؟
- وانتي مال اه'ـلك ؟ خُديه إديهـولها وانتي ساكته
- قامت سعاد راجعالي وبـتبصـله وبـتضحك بـعب'ط : اُبقى اديهولها إنت بـنفسك بقى 🙄😂
قام جاز'ز على سنانه وداخل البيت وهيا جايه فطس'انه من الضحك
- خير يا سعاد ماله اخوكي!؟
- يا ستي عايزني اديلك جواب وانا رفضت ، وتعالي هنا يا بت انتي ! هو فيه حاجه بينك وبينه وانتي مخبياها علينا ؟؟!
- ارتب'كت حاااااجه زي ايه يعني؟ معقوله يا سعاد تشكي فيا كده بردو ؟! هو انا بتاعت كده ! عامة الله يسامحك ، وقَفَلتْ عـالموضوع عشان ما تشكش في حاجة ودخلت اوضتي وانا الفضول هـيمو'تني : محمود عاوز يديني انا جواب ؟! ويا ترى فيه ايه ؟ ما يكونش عرفني ؟؟.
- المهم كنت واقفه بعد المغرب ورا الباب وشوفته وهو بـيبص على بيتنا وبعدها بـشويه لقيت منذر (اخوه الصغير) جاي عندنا ما هو اصلا متعود يجي يلعب مع يوسف اخويا
بـبص لاقيته بـيديني ورقه وبـيقولي : محمود اخويا باعتلك دي
بصيت من ورا الباب لقيته بـيشاور لاخوه عشان يرجع بيتهم
، خبيت الورقه في هدومي لَـحد يكون شافنا وجريت بـسرعه على اوضتي اشوف فيها ايه .
- فتحتها بـلهفه لقيت فيها جواب لـ سؤالي اللي كنت بَعتـهوله في آخر رساله, انا كنت بعتـله جمله واحده بس " أتُراكٓ عرفتني من اكون ؟؟
لقيت الورقه بتاعته مكتوب فيها جملة وحدة كمان
" أجل يا فاتنة العيون "😍
جاري كتابة باقي فصول الرواية أترك تعليق او عاود زيارتنا
