رواية المجنون اللي عرف حرب 73 قبلها بيوم الفصل الأول 1 بقلم أحمد حسن
رواية المجنون اللي عرف حرب 73 قبلها بيوم الفصل الثاني 2
تخيل الإسرائيلي الوحيد اللي كان عارف ساعة الصفر كان محبوس في مستشفى الأمراض العقلية عزرا ناشيم
الساعة 2:00 بالظبط ..
الراديو قالها .. مصر عبرت ..
ميتال وقفت مكانها .. رجليها مش شايلاها ..
مش عشان العبور بدأ ..
عشان اللي جوه .. كان عارف ..
كان راسم الساعة دي على الحيطة من الصبح ..
كان عقاربها على الساعة 2:00 الظهر .. بالدقيقة ..
إزاي عرف .. وهو محبوس .. ومحدش بيكلمه .. ولا بيخرج ؟!!
والأغرب من ده كله يوم 5 اكتوبر يعني قبل العبور بيوم بنشوف إفرهام بيصرخ الساعة 4 الفجر لحد ما الممرضة جت وقالها مصر هتعملها بكرة وهي صرخت فيه وهددته بالكهربا لو فضل يعملهم إزعاج بالهلاوس اللي بيعملها
وتاني يوم اللي هو يوم العبور الساعة 10 الصبح
الممرضة دخلت عنده لقته راسم ساعة على الحيطة
وعقاربها بتشير للساعة 2:00 ظهرا وكاتب عليها ساعة الصفر
أومأت برأسها وهي باصة لأفرهام وهي بتقوله مفيش فايدة ..
وخرجت ..
لحد ما بتيجي الساعة 2 .. وبتسمع ميتال بخبر العبور .. وإن مصر بدأت ..
لك أن تتخيل إن ميتال في اللحظة دي مشغلهاش العبور .. قد ما اترعبت .. ورجليها ما بقتش شايلاها .. لما افتكرت كلام أفرهام .. وطلعت تجري على غرفة أفرهام .. وقلبها بيدق جامد .. وبمجرد ما فتحت الباب .. شافت أفرهام واقف على الحيط .. ومكمل كتابة .. خطواتها تباطئت .. وسمعت أفرهام بيقولها ..
أفرهام .. مسمعتيش كلامي لما قولتلك المصريين هيعملوها ..
ميتال .. أنت عرفت منين بميعاد العبور يا أفرهام ؟!!
أفرهام .. المهم إني عرفت منين !؟.. ولا المهم إني عرفتك ومسمعتيش كلامي ؟
ميتال .. المفروض إنك جاي هنا تتعالج من هلاوس ..
عايزني أصدقك ازاي يا أفرهام ..
أفرهام .. البلد دي العاقل فيها بيقولوا عليه مش عاقل ..
وأنا مرمي في المكان ده عشان رافض أكون مريض بداء العظمة زيهم .. ولما قولتلهم إننا مستهترين .. وإن القيادة الحالية أقل من إنها تقيم العقلية المصرية .. اعتبروني مش طبيعي .. وقالولي إني بصدر الخوف ليهم .. وإني لا أصلح للمكانة اللي أنا فيها .. وطبعا الكبيرة أمرت بإني أختفي .. وعشان أنا كنت من المؤثرين في انتصارنا في 67 .. اكتفت القيادة برميي في المستشفى ..
ميتال .. أنت كنت عارف اللي هيحصل يا أفرهام ؟!
أفرهام .. محدش غيري كان عارف إن المصريين يقدروا يعبروا القناة .. ولما قولتلهم إن المصريين بيخططوا للعبور .. والسادات رجل سياسة .. قالولي المصريين لو فكروا يعبروا القناة هنغرقهم فيها .. ومتنساش إننا عاملين الحاجز المنيع ..
الموضوع مقفول يا أفرهام ..
ميتال .. إزاي قدرت تعرف ساعة الصفر .. وانت هنا قدام عيني .. ومحدش جالك .. ولا انت خرجت .. ولا حتى اتصلت بحد ؟!!
أفرهام .. إجابة السؤال ده حجمها أكبر منك يا ميتال .. وأنا مستني حد معين .. هو اللي هييجي ويسأله ..
ميتال .. حد مين ؟!
أفرهام .. لما ييجي هتعرفي ..
ميتال .. طب إيه الشخبطة اللي على الحيط دي .. وليه الخريطة اللي انت راسمها دي كاتب اسم مصر على سيناء ؟!
أفرهام .. هههههه سيناء خلاص يا ميتال .. بدأت ترجع للمصريين
ميتال سمعت الجملة من هنا .. ومن الخضة رجعت خطوتين بضهرها .. ولفت وشها وجريت بسرعة على التليفون .. وبتحاول بكل الطرق إنها توصل لأي حد من القيادة .. وبعد ساعة من المحاولات .. أصابها اليأس .. ورجعت على غرفة أفرهام ..
أفرهام .. مفيش فايدة يا ميتال .. محدش هيسمعك ..
ميتال .. انت عارف أنا كنت بعمل إيه ..؟!
أفرهام .. بتحاولي تعملي اللي عليكي وتوصلي صوتك .. بس صدقيني محدش هيسمعك ..
ميتال .. والحل يا أفرهام .. هنقعد كده محلك سر نتفرج ونسكت ..
أفرهام .. هههههه خلاص يا ميتال .. فات الأوان .. ومصر سبقت بخطوة .. زي ما بالظبط إحنا سبقنا بخطوة في 67 .. هما كمان ردوا القلم قلمين.. وقلبوا كل الموازين .. وبدأوا يضغطوا على كل شيء .. بس الفرق إنهم مكملين .. وحاسبين كل خطوة .. وعارفين هما هيعملوا إيه .. وهيوقفوا إمتى ..
ميتال .. يعني إحنا انتهينا خلاص يا أفرهام .. مفيش أمل !!
أفرهام .. الأمل في إن الماما تلحقنا .. غير كده انسي ..
ميتال .. لا بقى .. أنا عايزة أعرف حكايتك كلها من أولها يا أفرهام ..
وأكيد موضوع مجيك هنا مش عشان اختلاف وجهات نظر .. أكيد في حاجة كبيرة انت مخبيها ..
أفرهام .. عبد المجيد الساعي ..
ميتال .. نعم ؟!! مين ده ؟!!
أفرهام .. ااااااه عبد المجيد الساعي .. الراجل ده الوحيد اللي ضربتله تعظيم يوم ما القيادة خدتني من مكتبي عشان تجيبني هنا ..
ميتال .. ياااااه للدرجادي !!! مين هو عبد المجيد الساعي ؟!!
لا متقوليش إن ده جاسوس .. وعرف يضحك عليهم .. واتسبب في رميتك هنا .. تخميناتي صح ؟
أفرهام .. هههههه شكلك بتتفرجي على التليفزيون كتير .. للأسف الكارثة إنه مش جاسوس ..
ميتال .. حيرتني يا أفرهام .. أومال مين ده اللي يخليك تضربله تعظيم سلام .. واسمه عبد المجيد ؟!!
أفرهام .. عبد المجيد ده لوحده دولة ماشية على الأرض .. وعقله جهاز مخابرات متكامل .. بيخطط وينفذ من غير ما يرجع لحد ..
ميتال .. أنا الفضول بياكل في جسمي .. قولي بسرعة مين عبد المجيد ده .. وجنسيته إيه .. وبيعمل إيه هنا ..
أفرهام .. هقولك ....
البرنس اللي هيخمن عبد المجيد الساعي ده يطلع إيه ..
هكتب اسمه قبل اسمي في الجزء الجاي .. وأحييه قدام الكل ..
كشف حقائق وأسرار بقلم أحمدحسن
رواية المجنون اللي عرف حرب 73 قبلها بيوم الفصل الثالث 3 من هنا
